رحت عند محمد ربيع امس 4-6-2009 وهذا ريجيمي منه ,, يلا بنات ((ريجيم رووووعه الصراحه ))

[BiiShOoO]

الله يبارك فيج قطرية


و الفال لج


انا تريقت كيوي و الحين باكل تمر نسكافيه

 

[كوب قهوة]

والله شجعتوني يا بنات اني ابلش معاه من يديد ،، انا الصيف اللي فات رحت عنده وتميت معاه لمدة تقريبا 3 اشهر ،، كنت كل اسبوع اروحله ،، لين ما نزلت تقريبا 13 كيلو ،، حلوين ،، اول ما رحت عنده كان وزني 84 ووصلني للسبعين تقريبا ،، بس اخخخخخخخخخخخخخخخخخ
يانا رمضان وبلشنا نخربط واخترب الريجيم ، كلللللللللللللللللله ،، بس افا عليكم ،، انشالله براجع عنده مرة ثانية بس هالمرة عن جد التزااااااااااااااام

الحلو بريجيم محمد ربيع انه يشبع كافي التمر والنسكافيه من اصبح ،،
كان كان نظامي مثل الاخت باونتي ،،
الوجبات الرئيسية في الغداء ،، كانت تحتوي على ستيكات ،، ودجاج،، ونقانق،، وهمبرغر،، وربيان ،، وايد اشياء يعني بالفعل تشبع ،، والسلطة كان دايما يقول لي حطي زيت على السلطة لا تاكلينها ناشفة عشان تساعد عملية الهضم
وقاعدة ذهبية
بروتين فقط == تثبيت وزن
فيتامينات فقط = تثبيت وزن
اكثر شي ينزل الوزن بسرعة ،، التونة والبيض
واذا الوحدة رغبت بتحفيز عملية الهضم عندها ،، داااااااااااااااااايما تتعشى فواكهة+بروتين
يعني لازم حبة فاكهة مع علبة روب او لبن

اتمنى الفايدة تعم الجميع


بس احلى لحظة يوم تروحين وتصعدين على الميزان وانتي ما خليتي دعوة ما قلتيها ،، انا ختمت القران عشان وزني يضعف خخخخخخخخخخ
بالتوفيق جمييييييييييييييييييييييييييييعا

 

[BiiShOoO]

لوووووول

حياااج كوب قهوة و الفال لنا كلنا

 

[قطرية كوول]

كوب قهوه
حياااااج حبيبتي والله رفعتي معنوياتنا ويالله ردي ابدي ويانا نبي نضعف حق العيد
بس الخوف الحين قاعدين نتعب ويدش رمضااان وندوخ مع هالاكل

بس صج عطيتينا كم معلومه حلووه ويديده بالنسبه لي

مشكوره

 

[BiiShOoO]

ان شاء الله ما ايي العيد الا و احنا رشيقات

 

[تيناا]

شلووووووووووونكم بناااااات والله وحشتوني :dddds:

الصراحه انا خربطت حيل بالاسبوع اللي طاف عقب اخر زياره كنت نازله فيها 2 كيلو

خربطت وايد لانه نومي تخربط مع امتحانات الفاينل وقمت اسهر واكل واخربط شوكليت على شبس
والنفسيه زفت والله من ضغط الامتحانات :0bee2e8d89:
علشان جذي وقفت الريجيم ووزني لا زاد ولا اعتقد انه نقص لاني مارحت حق الدكتور
شروح اسوي وانا مو ماشيه على الريجيم .. المهم اليوم خلصت اخر امتحانات اخييييرا _03BA:

وانشالله ناويه امشي على الريجيم وبدون ما اخربط وحاطه ببالي انه صج هالصيف انزل وايد
يعني نخليه صيف الرشاقه العالمي شرايكم :dddds:


looo و قطريه و باونتي شلونكم عسا ماشين على الريجيم عدل يلا شجعوني ببدي من اول :ggdw:

 

[BiiShOoO]

قووو باونتي انا تماام الحمدالله


انتي شلونج؟؟

انا ماشية و الحمدالله هل الاسبوه نازلة كيلو ونص وان شاء الله تكونين انتي نازلة


انتي يوم تراجعيين؟

 

[تيناا]

وينها باونتي ما شوفها

 

[BiiShOoO]

ما ادري يمكن ما دشت

 

[قطرية كوول]

هلا والله تيناا

اهم شي خلصتي اختباراتج وان شاء الله مبدعه

مو مشكله تخربطين يالله شدي الهمه وردي ويانا جم يوم تخففين وتمشين ويرد كل شي تمام بأذن الله

انا ماشية الحمدلله تمام صار لي حول الاسبوع ماتعشى بس نسكافيه وغدا والعصير كعشا وخلاص ابي ادش السبعينات :krkrkr:

بس امس واليوم صايره اتريق توسته ولبنه لأني عدلت نومي

كملت وياكم اسبوع ونزلت كيلوين والحين ماشيه بالاسبوع الثاني ان شاء الله اكون نازله اكثر :ggdw:

 

[قطرية كوول]

يالله خل اقولكم شسويت اليوم :eh_s(6):

الصبح شربت نسكافيه وعقب حسيت بيوع فكلت توسته ولبنه

وييييه هالتوسته اللي كنت اكلها بلقمتين تميت اكلها شوي شوي عشان ماتخلص :0bee2e8d89:

تغديت سمج مشوي مع خضار مشويه بس قصوا علي طلعوا حاطين عليها شوية زيت زيتون :eh_s(1):

عقب مشيت نص ساعه

والحين قاعده اشرب عصير الاناكيوي :ggdw:

كله في سبيل هدفي الاول (الفلاااافل)

 

[BiiShOoO]

لوووول قطرية عفية عليييج شدي حيلج


انا غداي كان بيض مفيوح و سلطة


و الحين بتعشى روب و خيار

 

[قطرية كوول]

صباح الخير عليكم جميعا وعلى لوو

تصدقين لوو على هالحرمان احس وزني ماقام ينزل مثل قبل من حطيت هالفلافل دافع لي وزني ثابت :krkrkr:

صار لي ساعتين قاعده وشربت نسكافيه مايندرى اتريق او لا على حسب اليوع

محتاره اسوي لي ستيك مشوي مع خضروات سوتيه ولا سلطة تونه :0bee2e8d89:

العصير احس انه وايد يسااعد بس هاليومين وايد متحسسه شفايفي ومتقطعه منه :eh_s(1):

احس نفسيتي اليوم مو ذااك الزوود :0bee2e8d89:

 

[BiiShOoO]

اهلييين قطرية

شلونج؟؟

عسى ماشر؟؟

اذا مو متحملة العصير شربي اعشاب او اكلي جريب فروت

 

[قطرية كوول]

هلا لوو

انا ماشي حالي انتي شلونج ؟؟

ماودي اغير العصير احسه مساعدني ويشبع ولذيذ بس شفايفي تقطعت بجرب اشربه بعود ولا ادهن شفايفي بطبقة فازلين عشان مايحوشهم العصير هههههه

انتي شمسويه هاليومين سولفيلي مو كله انا اقول يومياااتي

 

[BiiShOoO]

شوفي الله يسلمج


انا الدكتور عطاني نظام يديد

اتريق كيوي و عقبها ماي

و بعد مدة 3 تمرات و نسكافيه

و السناك طبعا سوائل بس ماكو فاكهة او اي شي


و الغداء امس كان بيض مفيوح

واليوم تكة و سلطة

و العشا خفيف خيار و روب و فاكهة


بس الحلوة شرفتني امس و الله يستر من الكاكاو و الحلو

و ان شاء الله هالاسبوع نكون نازلين 2 كيلوين و طالع

قولي امييين


اهم شي التفاؤل

 

[أبلة مستجدة]

صباح الخير انا وياك ببدى ان شاالله بس ابي اعرف وين مكان عيادة محمد ربيع واذا ممكن رقم تلفون العيادة واكون شاكرتلج

 

[BiiShOoO]

هلا ابله هذا رقم عيادته 22453466-22453465

و عيادته بالخليجية

 

[قطرية كوول]

هلااا لوو

لو انتي هني انقذيني وردي علي

توني راده من كارفور وبقوم اسوي الغدا محتاره اسوي ستيك مع خضار سوتيه ولا سلطة سلمون

بالحالتين ماراح اتعشى غير العصير ووزني احس ثابت هاليومين شنو الاحسن برايج؟

 

[BiiShOoO]

سلطة سالمون اخف لج احس

وتعشى فاكهة لا تحرمين روحج