رحلة الأحلام إلى بلاد العم سام (نيويورك،فلوريدا،هيرشي)

[شوكلاتة سويسرية]

اولا ماقصرتي وخوش تقرير ممتع جداا
ولما قريت لامي يوم ولدك يضيع قعدت تصيح:0bee2e8d89:
وتاثرت مرة
الحمدلله على سلامتة
وناطرين جديدك_03BA:

 

[ميسوره]

سماسم طلعتي موشي وصلت امريكا وللحين توج اول يوم باورلاندو
شكلي بكمل تقرير اورلاندو عنج هههههههههه باجر طيارتي عالجت بلو لاورلاندو العزيزه

 

[اللولو84]

لا يوقف لا يوقف لا يوقف
ويعطيج العافيه وننطرج تكملين

 

[rawona]

ناااااااااااااااااااااااااااااااااااااااااااااطريـــــــــــــــــــــــــــــــــــــــــــــن





لا يوقف ... لا يوقف ... لا يوقف :ggdw: :ggdw: :ggdw:

​

 

[$غــ(ز)ــل$]

يلااا سمسوووووووووم كملييي

 

[CuTiE PiE]

سمسوووووووومه ناطرينج مرررررره نفسى اشوف صور اورلاندو

 

[دلوعة حبيبي]

يعطيج العافيه وننطرج تكملين

 

[semaasem]

نيروو


حياج الله حبيبتي وأشكرج على مرورج



ميسورة


روونة


اللولو


غزولة

كيوت


دلوعة حبيبي


كلكم أبشروا بالخير والحين بكمل لعيونكم تستاهلون

 

[semaasem]

اولا ماقصرتي وخوش تقرير ممتع جداا
ولما قريت لامي يوم ولدك يضيع قعدت تصيح:0bee2e8d89:
وتاثرت مرة
الحمدلله على سلامتة
وناطرين جديدك_03BA:

يا بعد قلبي والله


ضيقتي خلقي كلش ولا دموع الوالدة ترى عزيزة علينا


الله يسلمج وهذي مني للوالدة الغالية :hjy5jewf: على راسها

 

[dla3_princess]

خوووووش تقرير الله يفتح عليج

و يسعدددج ياااااااارب

 

[semaasem]

بسم الله الرحمن الرحيم




اليوم راح اكمل لكم تقريري من بعد ما رحنا من نيويورك حق اورلاندو بس خلوني قبل لا اكمل اسوي ربط علشان يكون التقرير مرتب



هذي سيارتنا اللي اخترناها واللي كانت لنا فيها صولات وجولات بأورلاندو

[/url][/IMG]




وهذا دريولنا عاش عاش دريولنا ديد ديييييد (قائد المركبة)

[/url][/IMG]




وهذي حرم قائد المركبة (مرت الدريول)

[/url][/IMG]



طبعا هناك لاحظت شي عجيب تصدقون من يطق مطر وينشف المطر اللي على السيارة تلق لق والله شكثر طق مطر علينا ولا مرة

وديناها غسلناها ولا مسحناها ماله داعي المطر يغسلها مادري ليش لاطق مطر عندنا بقعت السيارة وتغبر ولازم تنغسل...



المهم مثل ماذكرت لكم سابقا خذينا سيارتنا ورحنا الفندق حطينا غريضاتنا ريحنا شوي رحنا الوولمارت تقظينا ورجعنا فندقنا للنوم بعد قضاء

يوم متعب ومثل ماقلت لكم قعدت من النوم وطلعت شطارتي من الصبح وسويت ذاك الريوق اللي تاكلون اصابعكم وراه (شدعوه) ترى كله

ريوق بس كان ريوقنا ذاك اليوم غير وطعمه غير والفيوو ماله غير تدرون ليش؟؟ شوفوا الصور







تفضوا....حياكم....بسم الله

[/url][/IMG]



أهم شي قلاص الجبن تحسون ماخذته معاي من الكويت

[/url][/IMG]



شوفوا القعدة والمنظر اللي تطل عليه بلكونتنا مو يرد الروح للقلب المجروح؟

[/url][/IMG]



بس الجبن والحليب ماخذتهم معاي من الكويت ولا باجي الشغلات كلها من الوولمارت(الزيتون،الصمون،الكورن فلكس....)

[/url][/IMG]





أحلى شي بالموضوع ان البلكونه مثل ماذكرت لكم كلها مشبكة يعني أمان ماكو ولا شي يدخل علينا لان المكان اللي قاعدين فيه كله

حيوانات يعني واحنا قاعدين نتريق نشوف البط يسبح بالبحيرة ولا السلاحف والسناجب تناقز فوق الشير(الشجر)....هذيلة اللي شفناهم بالبلكونه

طبعا بره في دياي ودياجة وسحالي وفي حيوان صديق راح اعرفكم عليه....


الفندق بصراحة واااايد عجبني شرح ونظيف ويفتح النفس وحاليا ساكنة فيه اختي وحبيبتي (ميسورة) أتمنى ان الفندق عجبج وفعلا صح

كلامج انا ذكرني بالخيران (طبعا فرررق) بس مادري ليش وخصوصا القواري


الفندق موقعه وايد حلو وكل شي يمنا محطة بانزين 7 سفن الفن وسوبرماركت ثاني نسيت اسمه نفس طقة الوولمارت على مصغر هم كل شي

فيه وقبالنا ستاربكس وcicies بيتزا ودانكن دونتس ومحل هدايا فيه سوالف ديزني وهالشغلات ويمة مطعم عربي مغربي ما أنصح فيه...

يعني موقعه حلوو وداخل الفندق هم فيه سوبرماركت صغير ولا مرة دخلته بس كنا نروح له علشان ريلي يسحب لان فيه ATM وانا انطره

بالسيارة.


وطبعا فيه ملاعب تنس وحمام سباحة وتأجير قواري بس يبيله وقت علشان تشوفون كل شي لان الفندق كبييييييير وكل يوم سبت على ماعتقد

أو أحد نسيت بس ويك اند يسوون فيه مثل (سوق اليمعه) سوق مفتوح يعرضون فيه بعض البضايع شفته وانا انطر ريلي بالسيارة بس مانزلت



للأسف ماصورت الفندق من داخل بس راح احاول انزل صور من الفيديو جناحنا كان كبييير وشرح وكل شي فيه عبارة عن غرفة نوم فيها

جاكوزي مفتوح وااااو خيال يصلح للأجواء الرومانسية بس اكثر واحد استانس فيه ولدي لووول كل يوم متنقع فيه شوفوا صورته

[/url][/IMG]




الجاكوزي مفتوح داخل غرفة النوم مو بالحمام وانتوا بكرامة لا يمه الفراش مو بعيد عنه كنا نتنقع فيه وننام...تصدقون عاد مرات من التعب

مانستخدمه ننسى ونتعييز يادوب ندور بس الفراش من التعب والمشي والارهاق بس آخر الايام قلت خنأحلل التعب اللي تعبته وانا أعقم فيه

وأفركة وانظفه بالديتول والمنظفات بس والله كانت لنا فيه صولات وجولات وذكريات وأيام لا تنسى....واليكم بعض الصور


شوفوا الأجواء الرومانسية

[/url][/IMG]




حياكم لبسوا مايوهاتكم وطبوا بس ديروا بالكم ترى الماي حاااااااااار

[/url][/IMG]




أذكر انه كل مرة لما نرجع ويكونون منظفين الجناح ألقاهم مسوين فوطة على شكل بطة ويحطونها على الجاكوزي علشان تطب ويانا

بس ولدي مايخليها علطول يخربها علشان جذي ماصورتها للأسف.....بس راح احط لكم لقطات متفرقة من الفندق بشكل عام

 

[semaasem]

بنات موقع تحميل الصور رد يعلق حاولت فيه جم مرة وماصار علشان جذي


راح أكتفي بهذا القدر الآن وتابعوني في الاجزاء القادمة

 

[semaasem]

dla3_princess



حياج الله حبيبتي واشكرج على هالدعوة الحلوة


يزاج الله خير

 

[$غــ(ز)ــل$]

سمسوووووووووووووومه .. بلييييييييييييز كملي
دوري موقع ثااني
ترا حدج شوقتينا على تقريرج وللحين ماعطيتينا همجههههه

اما السيااااااااااره عجييييييييييييبه
شنووو هاللون الكشخه


يلا ان شاااءالله ربي يكتبلكم سفره لامريكا السنه الجايه

 

[CuTiE PiE]

حبيبتى سمسووووم يعطيك العافيه على هالصور العجيبه
وصور الريوووووووق خطيرررررره واجرام خصوصا الستروبري....
وانا ناطرتك حبيبتى
وعاشت سمسووووووم الحلوه

:ggdw::ggdw::ggdw::ggdw:

 

[semaasem]

غززولة


حبيبتي انتي وعيونج الكشخة




كيوت



ثانكيووو حبي هذا من ذوقج وأي شي يعجبج مدي ايدج لا تستحين

 

[صبا q8]

شهالزين شهالزين سمسومة ماشالله تبارك الرحمن
ويلا كملي في انتظارج

 

[بعثرة محبره]

شوووقتيني اروووح امريكا ...

كملي كملي ...

 

[rawona]

كملي .. متابعينج

​

 

[بنت الأصايل]

تقرير ممتع جدااااااا

يعطيج الف عافية