رحلة الأحلام إلى بلاد العم سام (نيويورك،فلوريدا،هيرشي)

[semaasem]

كيوت



ماشاء الله واااايد حلوة ولايتج عليكم بالعافية ونفس ما تصورتها فعلا





فولة


شكلج نفس مودي بالسفر يبيلنا سفرة بروحنا





ديجيتال


اها عرفتها المنطقة


ليش مسوية ربكة شفيها؟

 

[semaasem]

تقريرج يونس وتعليقاتج تحفة عليج بالعافيه بس يالله ناطرة صور حيرشي لأني قاعدة أدور مكان بأمريكا حق ريلاكسبشن عشتو وبعدين أروح نيوروك وفلوريدا

اللي تعرف تقولي


جنيفر حبيبتي هههههههه خلاص غيري نك نيمج ..أبي أسم الموقع اللي حجزتي منه فندقكم بنيويورك

هلا وغلا بالورد كله



مشكورة على كلامج الحلوو وعاد لازم تنطرين لان هيرشي آآآآخر محطة يعني الحلقة الاخيرة


وتصدقين انشهرت بجينيفر ماهقيت جذي :dddds:



لا بس النك سماسم وراح يظل سماسم


انا سماسم السمسومة المسمسمة والكل عرفني فيه



وحبيبتي بالنسبة حق الموقع اللي حجزت منه فندقنا بنيويورك


حاطته بأول صفحة لالالالا طلعتي موخوش متابعة بنقصج درجة لوووول


بس راح احطه لعيونج تستاهلين ياقلبي


www.hotels.com




وذاكرة الاسعار والتفاصيل بصفحة رقم 1



وحاضرة لأي استفسار


حياج الله

 

[semaasem]

غزولة




ياقلبي فعلا أشكرج على كلامج الحلوووو والحمدلله لما أشوف ردودكم الحلوة ماتتصورين شكثر استانس


والحمدلله ان التقرير حايز على اعجابكم ورضاكم واليايات أكثر



حياج الله حبوبة

 

[أميرة الورد]

أمبيه انا حدي دايخة لا تلومني امس متابعه بنص عين والعين الثانية نايمة

يالله ياست سماسم بانتظار البقية ان شاء الله ومشكورة ماقصرتي حبي

 

[فول وطعميه]

اي والله سمسوم تصدقين يبيلنا سفره مع بعض ان شالله بس اقول انا وياج اخاف يطردونه من امريكا خخخخخخخخخخخخخخخخخخخخخخخخخخخ ................كيوت ما شالله منطقتكم واااااااااايد حلوه تسلم ايدج على هالصور بالعافيه

​

 

[الجوري74]

جينفر مسمسمه
توني اطيح على تقريرج ماشاء الله طلعتي موهينه على هالتقرير
الله يعطيك العافية على الصور الروووووووعه والتعليقات الممتعه
يالله بانتظار التكمله
:gathering:
موفقه حبيبتي
:tek:

 

[ميسوره]

ترى متابعين وناطرين

 

[**بياض الثلج**]

يالله يا سمسوووووم ترى علقتييينا


واقووولج سررررر
ترى اميره الورد اختي الكبيره
خخخخخخخخخ شتبين اميره قاطه ويهج عندي وعند رفيجاتي
خخخخخخخخخخخخخخخخ


يالله يالله لا يوقف

 

[semaasem]

اميرة الورد



هالمرة سماح علشان طلعتي اخت بياض (واسطة) لوول حتى هني واسطات بس المرة الثانية راح انقصج الدرجة





فولة



يبيلنا لازم نتباحث بالموضوع بس تعالي ليش يطردونا بالله اصلا احنا نشرفهم وننورهم ونآآآنسهم ونونسهم كافي انا قاعدين نسوي تقارير وتعالي

شوفي الخاص يسألوني عن أميتا يعني سوينا لهم دعاية شيبون بعد لالالالا لا تحاتين حبيبتي انتي بس عزمي وتوكلي على الله وانا اوصي

أوباما ماراح يسوون شي ما تشوفينه واقف وانا قاعدة بمكتبه كله ذوق هالريال





ميسورة


خلاص لاحقينج انا وفولة مانقدر على فراقج حياتي

 

[semaasem]

جينفر مسمسمه
توني اطيح على تقريرج ماشاء الله طلعتي موهينه على هالتقرير
الله يعطيك العافية على الصور الروووووووعه والتعليقات الممتعه
يالله بانتظار التكمله
:gathering:
موفقه حبيبتي
:tek:

وانا أقووووووووول شفيه تقريري منور اثاري نورج


يا هلا ويا مرحبا بالجوري كله وافا عليج بس يطلع منا لوول


محد هين يختج والله يعافيج اهم شي انها حازت على اعجابج


مشكووورة على الوردة لان الورد ما يطلع منه الا الورد

وحيا الله الجوري

 

[semaasem]

يالله يا سمسوووووم ترى علقتييينا


واقووولج سررررر
ترى اميره الورد اختي الكبيره
خخخخخخخخخ شتبين اميره قاطه ويهج عندي وعند رفيجاتي
خخخخخخخخخخخخخخخخ


يالله يالله لا يوقف

لووووووووول خلاص توصينا فيها علشانج وليش تقولين لها شتبين خليها حياكم الله وين الوالدة والوالد وباجي


الاسرة الكريمة كلهم بعد....حياكم الله وان ماشالكم التقرير عيونا تشيلكم افا عليج بس


تصدقين عاد ان انا بعد بقولج سر


عندي بعد خواتي الكبار معاي بالمنتدى وبنات خالتي بس مو قايلة لهم عن التقرير يعني ليلحين ما شفت ولا وحدة فيهم

طلت علي لاهين شكلهم بالاقسام الثانية يحوسووون ومراااات لما اشوف بعض المواضيع اشوف رد منها بس هي اختي

الكبيرة كانت دايما تقرى تجمعنا وتتابع اخباري وتروح تقولهم حق اختي الثانية لوووول


أذكر يوم سالفة المرض كانت وحدة منهم كلللش مو راضية اني اسافر وتحاول فيني وانا مرات تكسر خاطري فأقولها يصير

خير وليلحين ماصار شي وكانت تترجاني أكنسل تقولي روحوا اي مكان الا امريكا وتطرشلي مسجات عن عدد الوفيات

ويعني تحاتيني مسكينة وعقبها مو سوينا الجدول جان تذكرين؟ واننننفظحت لووول دخلت علي اختي التجمع وقالت لي جكيتج

وصارت لي سالفة لوووووووووول والله الخوات يا حلوهم يهبلون ولا احلى منهم الله يخلينا ويخليكم حق بعض

 

[فول وطعميه]

خلاص سمسوم مدام عندج واسطه توكلنا على الله...................اقول جنج طولتي علينا ويييييييين باجي الصور............................ عاشت سمسومه عاشت سمسومه ايوا ايوا:ggdw: :ggdw: :ggdw: :ggdw: ( علشان تحطين الصور بسرعه هههههههههههههههههههههههههههههههههههه)

​

 

[ميسوره]

ماصارت سماسم انا بسافر وانتي ماحطيتي شي عن اورلاندو
حطيلنا صور قبل لا تطلعلج فلفولتي من الكمبيوتر تزنطج وترد هههههههههههه

بسئلج شنو شريتي لبنتج لانها بعمر بنتي واي محلات الحلوه

 

[semaasem]

فووولة



أشكرج على التشجيع واعذرووني والله حووووسة رمضان بس ولا يهمج أبشروااا بالخير اللي يايكم






ميسورتي



اعذريني يا عمري خلاص ما يصير خاطرج الا طيب تامرين امر جم ميسورة عندي انا


بنتي؟ وااااااي خليت شي ما شريته لها هدوم الياهال اتيننننن عندهم ما خليت شي ما خذيته لها وخذيت لها لبس ميني ماوس مع التاج يختيييي

بدلتها العيد هم مع تاجها من رالف لورين واااي اصلا كل محل روحي قسم الاطفال وشوفي راح تخمين لا شعوريا بس صج صج المكان اللي

أكثر شي بدعت فيه هيرشي لقيت شغلات ما لقيتها لا بنيويورك ولا اورلاندو مو علشان شي لانه هناك السواح مايخلون شي اصلا لما شافتني

اللي بالكاشير بمحل قاب تقولي أوو ماي قاااد يعني بقى شي ما خذيتيه الصراحة لبس الياهال عندهم عجيب خذيت

نفانيف ألوان وأشكال + ترينقات حق البر بالشتا نكشخها فيهم+ جينز+بلايز هذا كله من قاب هالمحل بروحه جيلت لها منه تجيل هي واخوها


أما باجي الشغلات عندج بولو و وااايد اشوفهم وأقولج ولا يهمج راح انزلج صورهم بعد تامرين امر خذيت بدلتين حق الشتا كاملين من الالف

الى الياء طقم حتى الجيجي والشبابيص معاهم

تصدقين حتى وولمارت خذيت منه؟؟ والله كل ما لبستها اسألوني بجايمهم توننننس وخذيت منهم سليبات على شخصيات ديزني في حق صبيان

وحق بنات طبعا ولدي خذيت له على سبايدر مان وهالسوالف وبنتي الاميرات و..جذي ولمارت حتى شبابيص وباندات خذيت شوفي نصيحة

همه سوقهم يسكر مبجر نوعا ما يعني الاوت لت 11 تقريبا احنا عاد من تسكر المحلات ونفلس من كل شي يكون مسكر روحي الوولمارت

وهناك قعدي وسهري وتفرفري على رااااحتج 24 ساعة يعني خليها بالليل علشان ما يضيع وقتكم والله لا دشيناه ما نخلي شي منتجاتهم تطير

العقل ولا تنسين الفاكهة ترى ليلحين نتنطع بالرقي والكرز والبطيخ والتوت اللي شريناه منهم لا تخلين شي بخاطرج اي واخذي منه لبس المطر

واذا تبين المروحة اللي مع رشاش تبرد عليكم بالحدايق لان كل شي بديزني أغلى

واذا تذكرت شي بقوله لج

 

[semaasem]

بسم الله الرحمن الرحيم




تكلمت بالاجزاء اللي فاتت عن أهم الاماكن والمعالم اللي في مدينة نيويورك أما اليوم فراح اتكلم عنها بنبذة عنها وماراح أحط رحلة كاملة

لأنا تقريبا رحت كل الاماكن اللي كنت حاطتها ببالي واللي هي:


1- تمثال الحرية


2- رحلة المعالم (الامباير ستيت + مبنى الأمم المتحدة....) وطبعا الامباير ستيت تقدرون تاخذون تذاكر وتصعدون فوق بس احنا ما صعدنا

لأنه ماكو شي مجرد انكم تطلون من فوق وتشوفون نيويورك كاملة وضواحيها للي يحبون يشوفون هالشغلة.


3- السنترال بارك


4- مدام توسو


طبعا هذي كانت تقريبا من أهم المخططات اللي كنت حاطتها ببالي والحمدلله رحتها وشفتها اما باجي الوقت قزرناه تمشي بالتايم سكوير

والشوبينق الخفيف طبعا لانا لاحقين على السوق واليكم بعض الصور المتنوعة

[/url][/IMG]

[/url][/IMG]

[/url][/IMG]

[/url][/IMG]

[/url][/IMG]




في آخر يوم واحنا نجيك على الصور لاحظنا ان ما عندنا صور حق نيويورك بالليل وبصراحة المناظر والاعلانات ما تبين الا بالليل

فقررنا ننزل آخر يوم بس لمجرد التمشي عالسريع والتقاط الصور واليكم الصور التي تم التقاطها

[/url][/IMG]

[/url][/IMG]

[/url][/IMG]

[/url][/IMG]




وكانت هذي اخر ليالي نيويورك الجميلة....الوداع يا نيويورك...الوداع....نمنا تلك الليلة وكلنا أمل وترقب بأيام أجمل





تابعوني في الجزء القادم (أورلاندو)

 

[$غــ(ز)ــل$]

عاااشت سمسوومه

يلاا ناطرررين اورلاندوو

 

[**بياض الثلج**]

ايوااااااااااااااااااا عاااشت سمسوووووووووووووم
يالله الليله ارض الكنانه خخخخخ بكيفي غيرتها خليتها اورلاندو خخخخخخخخخ واي يختج اموت على هالولايه
يالله شي حيلج

اي والله انا بعد خل اعزم خواتي الباجي على تقريرج خخخخخخخخخخخخخخخخخخخخخخخخخخخخخ



يالله لايوقف

 

[ميسوره]

اشحلاتها التايم سكوير وناسه اعلاناتهم

متى تبلشين اورلاندو يالله

 

[دلوعة سعوود]

ميسوره ممكن حبيبتي اذا ماعليج كلافه تكتبيم محل ايسبرغ بالانجليزي لاني دايم اسمع انج تشترين ملافع منه وسلامتج وعيدكم مبارك مقدما

 

[semaasem]

ميسوره ممكن حبيبتي اذا ماعليج كلافه تكتبيم محل ايسبرغ بالانجليزي لاني دايم اسمع انج تشترين ملافع منه وسلامتج وعيدكم مبارك مقدما

حياج الله حبيبتي بتقريري


وانا اللي شريت من ايسبرغ وهذا اسمه بالانجليزي iceberg


واي سؤال انا حاضرة