رحلة الأحلام إلى بلاد العم سام (نيويورك،فلوريدا،هيرشي)

[rawona]

هلا بياض شخبارج؟؟

​

 

[**بياض الثلج**]

هلا بياض شخبارج؟؟

​

هلا وغلا وينج غاطه عسى المانع خير

 

[semaasem]

اعذروني بنات على التأخير وذلك لظروف زوجي الصحية وتدرون بعد العملية لازم أجابله


ومشكوريييييييييين كلكم على تشجيعكم لي وردودكم الحلوة




وان شاء الله راح اكمل لعيونكم بس تستاهلون تابعوني

 

[semaasem]

بسم الله الرحمن الرحيم



اليوم قررنا نروح (مدام توسو) اللي هو متحف الشمع اللي وزعوا علينا بروشوره واحنا نتمشى بالتايم سكوير شفت الصور ولفتت نظري

صورة (ليوناردو دي كابريو) لووول طبعا انا أحب هالفنان من أيام فلمه روميو وجولييت كان مو معروف الفلم اللي انشهر منه هو (التايتنك)

طبعا اللي تحطمت فيه المهم رحنا المتحف وخذينا التذاكر وإليكم بعض الصور




بسم الله الرحمن الرحيم هذا الرجل العملاق الاخضر ناوي على ريلي وولدي

[/url][/IMG]






وهذا المجبوح بو براطم الله يرحمه اللي كان ماسك (الكظية الفلسطينية) يا زلمه

[/url][/IMG]

مادري ليش ريلي كان مصر انه يصور معاه







وهني نادتني جوليا روبرتس وقالت لي حياج ارتاحي عالكرسي وانا ماصدقت خبر

[/url][/IMG]






وهذا محمد علي كلاي عطا ريلي كورس ملاكمة ( لا يطبق الكورس علي)

[/url][/IMG]







هذي ريتشيل الله يذكرها بالخير يحليلها ماقصرت المرة عطتني خوووش وصفات حق رمضان

[/url][/IMG]


اللي ورى ماصدقوا خبر شافوا المرة لاهية وياي فتحوا الثلاجة يدورون لهم شي ياكلونه






هذا جوني ديب عزمنا على Black Pearl

[/url][/IMG]










اوبرا طلبت مني مقابلة ببرنامجها بس انا رفضت لانها دايما تطلع العرب بصورة سلبية الله يهداها

[/url][/IMG]





آآآآآآآآه يا ليييييييييييييييييييييل يا ليييييييييلي يا عيييييني عليك يا بوووووب

[/url][/IMG]





هازا نفر أميتاب واااااجد جين وااااجد هيلووو يسوي فلم هندي هازا بابا مال زوج اشويريا

[/url][/IMG]






حيا الله جووورج

[/url][/IMG]







المهاتما غاندي

[/url][/IMG]







شوفوا الذرابة (جاكلين كينيدي) جيكوا على ايد ولدي داشه عرض

[/url][/IMG]








الفنان الاسطورة

[/url][/IMG]







وأخيرا ختامها مسك (لعبنا بمكتبه لعب انا وولدي) باراك اوباما

[/url][/IMG]







وبعد ما افترينا وجكجكنا لنا جم صورة مع المشاهير طبعا في صور ما حطيتها لكم لانا مبدعين فيها لووول دخلنا عرض وااااايد حلو ويضحك

وطلعنا هذي كانت رحلتنا اليوم وتابعوني في الاجزاء القادمة

 

[رفرف]

امبيه صوركم اتينن عليكم بألف عافية تشجعون على السفر من قلب

 

[CuTiE PiE]

لووووووووووول بدعتى سمسوووومه بالتعليقات على الصور :dddds:....
ماشاء الله الصور روووووووعه وخصوصا اوبامااااا مررره اعجبتنى الصوره.....مررره نفسى اصورمعاه فى الحقيقه ....
وعاد حسافه سمسومه مريتى منطقتنا وماشفتك ...المدينه الى عايشه فيها مثل ماقلتى اهى منطقه ريفيه وجبليه مرررررره رايقه وبارده راح اضيف صور عنها فى موضوع الغاليه راوونا للعائدات من امريكا....

ولايوقف ياسمسوووومه

:ggdw::ggdw::ggdw::ggdw:

 

[semaasem]

رفرف




حياج الله حبوبة وهوااا في أحلى من السفر؟؟
















كيوووت





لوووول انا بالنسبة لي التعليقات هي بهارات الصورة تصدقين ما احب اشوف صور جامدة بدون تعليق



واوباما الصراحة خووووش ريال خلانا حتى نتصل اتصالات دولية بمكتبه



وفعلا حسافة اني ما كحلت عيوني بشوفتج بس ان شاء الله اليايات لان صور عروس وااايد عجبتني وانا مريت هناك بس ما سكنت فيها

والحلوووو والاحلى من المناظر والطبيعة ان التاكس فري لوووول يعني أحسن مكان بأمريكا حق الشوبينق


تصدقين يبيلنا طلعة حق السوق مع بعض ما تصلح الا المرة حق المرة بالسوق


ما ينفع لا ريال ولا ياهال


انزين كلميني بعد عن منطقتج اكثر


شلون السياحة فيها ؟


فيها أنشطة وأماكن سياحية؟ وشلون سوقها ؟


فيها سوقة ومجمعات وآوت لت و....يعني ابي تفاصيل اكثر

 

[&رعبوووبه&]

خوش تقرير

متابعينج

 

[rawona]

عجيه الصور سماسم .. اتونسووووووووون



لا يوقف .. لا يوقف ..


:ggdw: :ggdw: :ggdw: :ggdw: :ggdw:

​

 

[فلونة احلى وردة]

يا حلوج يا صبا الكويت طلعتي مسلمة
وها بشرينا سمسومة شلون هازبدنج
ان شاء الله احسن
وفعلا شوقتيني على التصوير والتعليقات توووووووووووووووووونس
هاي بنات بياض الثلج مشكووووووووووورة على التحية الحلوة مثلج
وتحياتي لكل المتابعات بشووووق مثلي

 

[فلونة احلى وردة]

يمة امووووووت على جوليا روبرتس اتمنى اكون مثلها عفوية تونس وواثقة جدا من نفسها وطيبة
يمة احبها هالبنت
رغم ان ملامحها مو ذاك الزود بس الاهم الجاذبية فعلا
مشكورة سمسومة على الصورة

 

[فول وطعميه]

يعطيج العافيه سمسوم على هالصور الحلوه................................ يحليلج طلعتي نفسي تبدعين بالسفر هههههههههههههههههههههههههههههههههههههههههههههههههههههههههههههههههههههههههههههههههههههههههه

​

 

[dяέἆᶆ qûếếἦ]

صوركم تهبل والاحلى تعليقاتج عليهم

خووش تقرير نااااااطره الباجي

 

[digital]

حلووووين الصور سمااااسم

 

[semaasem]

مشكورين بنات على ردودكم الحلوة




رعبوبة


أشكرج على مرورج ومتابعتج حياج الله








روونة



مشكووووورة ياقلبي ومتابعتج تنور تقريري









فلونة



أشكرج على كلامج الحلو وان شاء الله يارب تروحين وتصورين ونشوف صورج


وفعلا جوليا حبوبة حييييل بس الله يهداها قامت تخوره بالافلام يعني آخر جم فلم لها ما كان أوكي

طووول ما احنا قاعدين بالسينما ننطر يصير شي وبالاخييير طلع فلم تافه مو مثل مستواها قبل بالافلام

حسافة نسيت أقولها هالملاحظة




فولة حياتي



لووووووول لازم التبديعات بالسفر ضروري شلون تحسين انج مسافرة انا بالسفر بروحي أسوي جو

وأذكرج لما قلتي حق ميسورة انج تبدعين بالسفر حسيتج مثلي انا أبدع بس بحدود وتصدقين بالسفر أصير انسانة ثانية لوووول

مادري ليش يعني اذكر مرة قاعدة أوري خواتي صور سفرتي واختي تشششهق وتقول لالالالالا ما أصدق انتي أختي ما اصدق

كنت مصورة يم نمر حي مثل اللي متسنده عليه وهو مو مخدر ولا شي يعني قاعد ومطلع أنيابه حق الصورة تخيلي والصورة

الثانية لافة حية شكبرهاااا على رقبتي وماسكة راسها شثقلها وانا المعروف عني خواااافة شوية علي بس تهل علي الشجاعة هناك

مادري شيصير فيني أحب أجرب وأغامر وأشوف كل شي



فولة عندي لقطة باورلاندو ولدي كرهني عقبها لوووول ماسكة تمساح شايلته ولقطة ثانية وانا أبوسه ولدي عصب ويييع و ويييع

شلون تحبينه وييييييع وااااي سوالي سالفة حسيته لاعت جبده لووووول تابعيني وراح تشوفين


حياج الله






رفيلو


عيونج الحلوة ولازم التعليقات بهارات الصورة والحمدلله انها عجبتكم







ديجيتال



عيونج الاحلى وتصدقين كل مرة بسألج وانسى عن الصور اللي بتوقيعج مو هذي اللي قبلها فيها بيوت مثل ريف وخضار و....ممكن

أعرف وين في هالصور حدها عجيبة أما هذي صورتج الاخيرة تصلح حق ريلي لووول لا يشوفها





حياكم الله بنات وأشكركم على حسن المتابعة

 

[CuTiE PiE]

هلا حبيبتى سمسومه ...
شوفى ترى المنطقه الى انا فيها مو سياحيه يعنى مافيها مولات كبيره واشياء ترفيهيه .....
اهى منطقه ريفيه ومررره هاديه واهى بالاساس منطقه جامعيه يعنى اغلب الى عايشين فيها ياطلاب يايشتغلون بالمستشفى يعنى تصلح انو الواحد يعيش فيها للمدى البعيد....خصوصا اذا كان عندو اطفال انا كنت عايشه بدي سي بس لما حملت نقلنا للمنطقه هذى اروووق للعيشه ...تبعد عن واشنطن دى سي ٣ ساعات ونص بالسياره وتبعد عن بيتسبرغ تقريبا ساعه بالسياره....
وهذى صورها ماخذتهم من النت وان شاء الله اضيف صور من تصويرى فى موضوع العائدات من امريكا....

 

[فول وطعميه]

على قولتج سمسوم نبدع بس بحدود.............................................. يلا شوقتيني على باجي الصور عاد لاتطول

​

ين علينا احنا في الانتظار:eh_s(20):

 

[digital]

سماسم الصوره بأمريكا بس وين ما ادرىي


والصوره الاخيره مسويه ربكه بالمنتدى

CuTiE PiE حلوه ولايتكم ماشاء الله

 

[أميرة الورد]

تقريرج يونس وتعليقاتج تحفة عليج بالعافيه بس يالله ناطرة صور حيرشي لأني قاعدة أدور مكان بأمريكا حق ريلاكسبشن عشتو وبعدين أروح نيوروك وفلوريدا

اللي تعرف تقولي


جنيفر حبيبتي هههههههه خلاص غيري نك نيمج ..أبي أسم الموقع اللي حجزتي منه فندقكم بنيويورك

 

[$غــ(ز)ــل$]

سمسوووم .. يااااااااااااااعيني حركااااات وبركاااااات وابداعااات ماشاءالله
صرااااحه حييل شووووووووقتينااااااااا .. وتصلحين تسووين تقارير لان اسلووبج رووعه

نااطرين التكلمله


كيتي .. حبيبتي مااشاءالله ولايتكم تهبل
شسم الولايه وجم تبعد عن نيويورك بالسياره؟؟