رحلتي..الى استراليا-سنغافوره-ماليزيا(بالصور)

[ام مضاوي]

لايوقف لايوقف لايوقف


متاااااااااااااابعه

 

[nice smile]

اماني الشووو يونس ذكرني بديزني لاند

ولايوقف الموضوع حلوو وبانتظار البقيه

 

[ReMaaas^MLS]

يسلمو وعليج بالعافيه حبيبتي

 

[أمانيQ8]

ام مضاوي ونايس سمايل بعد قلبي قلبكم من عيني ....
ريماس الله يسلمج ويعافيج...

 

[أمانيQ8]

نرجع نكمل ... يا بنات ياحلوين بعد ما مشينا بالباخره وصلنا ثاني يوم الصبح جزيرة بوكت..في تايلاند طبعا رحنا الرسبشين نسأل عن رحلاتهم قالوا لكم 10ساعات في بوكيت تقدرون تختارون رحله من الرحلات نظمها لكم وفي باصات تستقبلكم ...الحين تحت بالمينا ..اخترنا رحله فيها عرض حق القرود والفيله وفي بعد تأجير فيله تتمشى فينا بالوديان...+وجبة غداء بوفيه مفتوح وقالوا لنا كل رحله لهم (استيكرز لونه غير تلصقونه على اهدومكم عشان الباس يميز ولا اتضيعون وكان الستيكرز دائري لونه خضر مكتوب عليه بوكت نزلونا من السفينه عن طريق القوارب الحمره المعلقه على جانبها وودونا للمرسى وركبنا الباصات واول مانزلنا كانوا هذول باستقبالنا نصور وياهم وعقبها اندور صورنا بالباخره لي رجعنا ...شوفوا

وهذي بعد

هذول الباصات واقفين.. ولاحظوا مظلات زرق وراهم هذي اكشاك فيها تي شيرتات واهدوم واجناط حاطينهم بالمينا حق اللي ينزلون من الباخره

بالطريج حق مشوارنا (يومها نزل علينا مطر ماشالله استمر يمكن 6ساعات وكان قوي بس رطوبه وحر طبعا)

وصلنا ورزونا بمدرجات..جذي..

ابتدى العرض..وبلشوا بالفيله..


بعدها قالوا منو الشجاع اللي يغامر وينام تحت ريول الفيل عشان يسوي حق ظهره مساج تليقفت بنتي عمرها6سنين وقتها وراحت ونامت تحت الفيل وانا اناديها وابوها يقولي بس قعدي خليها...:eh_s(1): قلت له بالعون ماطحست انت ولا طلقت فيبها عشان تقول خليها.... ونامت تحت الفيل نفس هالصوره

يتبع يتبع يتبع يتبع يتبع باجي الرحله وبعدين نرجع الباخره ماخلصنا بعدنا وعقبها ماليزيا !!

 

[أمانيQ8]

للرفع... يارب

 

[ezbedeya]

أحلى شي الفيييييييييييييل ومغامرة بنتج تحته :dddds::dddds:

وصج تقرير حلو .... تابعي

 

[ترانيم العود]

وااااااااااااااااااو

ماشالله حلو الكروز تعشين فيه جو ثاني ..


بنتج مغامره..شنو كان شعورها؟؟؟؟

 

[ام مضاوي]

اماني شلون تخلين بنتج تنام تحت الفيل؟@@!!!!!!!


لو عليها طلاقي ماخليتها لوووووووووووووووووول

 

[صبا q8]

ماشاالله تقرير روووعا ورحلة عجيبة عليج بالعافية
لايوقف لايوقف لايوقف

 

[أمانيQ8]

ازبيديه ...انتي الأحلى ... انشالله بكمله اليوم
يم يم اكيد الباخره تخليج تحسين انج بدنيا ثانيه وبالنسبه لشعور بنتي ياهل وتليقفت والله سلمها
صبا انتي الأروع اكيد بكمل مادام بموضوعي ناس حلوين مثلج ومثل اللي علقوا
ام مضااااااااااااااوي ذبحتيني بتعليقج مت مت من الضحك يختي شسوي والله مجبوره قمت بسحبها لقيت زوجي يقولي خليها بس اص اص قعدي وقعدت وانا ايدي على قلبي بغيت اموووت يالله صارت ذكرى وهذا انا اضحك عليها الحين

 

[أمانيQ8]

رد خاااص للأخت (لين) سألتيني عن الفلوس والسجاير بمطار استراليا انا سأـلت ريلي يقول لازم مايكون معاج اكثر من10000دولار وبالطلعه بعد لازم يكون معاج مبالغ اقل يبونج تصرفين فلوسهم بديرتهم...بالنسبه للزقاير يقول لكم كرز واحد يعني ميتين (200)زقاره بس!!

 

[أمانيQ8]

عدنااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا:ggdw:
بعد ما خلصنا من عرض الفيله يابوا لنا عرض القرده ..
امعلمين الشاذي يصعد الشجره ويقطع لهم الناريل ويعطيهم ..







طبعا خلص عرض القرود وافتكينا لان حدهم سخافهومتنا من الحر قمنا بنفس المكان اجرنا كل واحد فيل وماتتصورون اشلون مخيفه مشيته واااااااااااي وينزل ويصعد فينا بين الوديان وانا اصراخي شايل مادري بأي لغه اتفاهم مع اللي يمشي الفيل فيني واصرخ اقوله نزلني ولا يرد علي طنااااااااااااش:cxxxp:اطلعت روحي والله شنو هالعذاب وزوجي ماعنده شي اسمه مابي كل شي غصبيقول ليش يايه عيل جان قعدتي بالباخره:eh_s(1): يتبع

 

[أمانيQ8]

نكمل شوفوا...





بعدها طلعنا رحنا المعابد مالت البوذ طبعا اللي شفته شي عجيب غريب...اقولكم بالطريج ..شوفوا

سطرة معابد شحط شخلي بس اللي شفته ...لووووووووووووووول شوفوا

شفتوا هاللي منسدحه والله العظيم اييونها ناس بالهبل من التايلندين والهنود يشبون بخور ويصلون لها عقب يحطون لها أكل
تخيلوا ديايه مشويه ولابطل فانتا ولا بيبسي وبسكوت واللي يقدرون عليه ...تعجبت كان في امريكي معانا يضحك عليهم قال من حظ الحراميه ايون بالليل وياكلون ويشربون بلاش!! واهم البوذ يعتقدون ان الصنم قامت وكلت واشربت وردت نامت!!
صج العقل نعمه الحمدلله الذي جعلنا مسلمين


يتبـــــــــــــــــــــــــــــــــــــــــــــــــــــع

 

[أمانيQ8]

شفنا ذول الله لايكثرهم (كهنه) يتباركون فيهم البوذ


تصميمات المعابد بصراحه بدعه بالألوان والزخارف من داخل بس شالفايده مادام الله مو مبارك فيهم





خلصنا من المعابد ورحنا تغدينا بمطعم شامل الرحله بوفيه بس الله يزيده ما كلنا منه ولقينا هذا بالطريج بس هم لوعه يسوي اكلهم ماجنه مكدونالدز اللي عرفناه.. اخذوا بس بيبسي وشيبس وبالزور تاكلونه شوفي شمسوي...

رحنا صوب الاسواق اللي على البحر عاديين ماشفت شي سنع طالعوا ويمكن في مجمعات بس الوقت ما اسعفنا


يتبع

 

[LaRa CrOfT]

بالعافيه

 

[ام مضاوي]

يعطيج العااااااافيه

صج حسيت المكان مقرف >>>>اقصد المعابد

 

[أمانيQ8]

شريت من هذول...




التقليد اهناك تارس الدنيا ... شوفوا (يتبع)

 

[أمانيQ8]

لارا.. يعافيج حبيبتي
ام مضاااوي فدييييييييييييييييييييييييييييييييت عمرج انتي معاي عالخط حبيبة قلبي والله كاني قاعده اكمله تابعي

 

[أمانيQ8]

نكمل التقليد تارس الدنيا اهناك جناط اهدوم كل شي شوفوا ...شخذت
هذول عليهم توقيع بوكت











يتبع