رحلتي..الى استراليا-سنغافوره-ماليزيا(بالصور)

[أمانيQ8]

نووو وي ماقصرتي عالمرور ... وانشالله بكمله

القطانيه جم قطانيه عندي فدييييييييييييييييييت عمرج بكمل لعيونكم

 

[أمانيQ8]

نكمل....
ودعنا استراليا وركبنا طيارتنا الاماراتيه وطرنا ...بالسلامه

وهذي الوجبات

وصلنا سنغافوره (للعلم قعدنا ليله عشان ثاني يوم موعدنا مع الباخره اللي تعنينا لها من استراليا لانها ماتطلع الا من سنغافوره هذا بالنسبه لشرق اسيا) هذا فندقنا


طبعا قلنا هالليله مانبيها تضيع علينا ورحنا وحجزنا رحله حق(النايت سفاري)

طبعا مادري اشلون رضيت اجازف الرحله عباره عن قطار مكشوف بالليل يمشي فيكم ويمينكم ويساركم حيوانات متوحشه ومفترسه والتصوير ممنوع عشان فلاش الكاميرا والموبايل ممنوع والصوت العالي ممنوع ومحد يمد ايده من القطار عشان ماتصير سوسج على قولة المرشده لووووووووووول

 

[أمانيQ8]

المهم رجعنا الفير ومرينا على هالحلو ...
وبعدها الفندق نمنا عشان ورانا فزعه الصبح....والحمدلله بعد ماجهزنا خذنا التاكسي وقلنا له نبي ستاركروز وودانا المينا مع اجناطنا وقشنا ووصلنا وركبنا السفينه وكان باستقبالنا شخصيات وصورونا عشوائي عشان ندور الصور بعدين ...استقبال السفينه كان راقي ناطرينا بمشروبات بارده وابتسامه عريضه معلومات عن الباخره قبل لا ابلش فيها... ترا الباخره تاخذنا من يوم الجمعه الى الجمعه القادمه وفي ناس مايكملون ينزلون في بوكيت او جزر ماليزيا ويكتفون بيومين او يوم على حسب ميزانيتهم... احنا حركنا من سنغافوره وافترينا الجزر ورحعنا الى ماليزيا رحنا 12يوم وغادرنا بعد منها للعلم جميع في جم مطعم بالسفينه يمنع اللبس الغير محتشم حتى الرياييل زوجي رجعوه ليش لابس تي شيرت قالوا له لازم رسمي البس قميص طويل وتعال خلانا وراح بدل وهذا المطعم الهندي بالاضافه الى الايطالي.. وبعد للعلم الاكل على الباخره كله حلال ولذيذ جدا بوفيهاتهم شامله الحجز ريوق غدا عشا وفي شاي ضحى بعد عند حمامات السباحه.. ما ابي اقرق خل ابلش...

هذا شعار الباخره
وهذي واهي واقفه تستعد للابحار.. الطراريد الحمر ذول اللي فيها خذونا فيهم لما نزلتنا الجزر
يتتتتتتتتتتتتتتتتتتبع

 

[أمانيQ8]

هذا المينا مال سنغافوره من سطح الباخر ه نشوفه
هذي لاحقتنا طول الرحله احتياط
كان يمنا تلفريك نشوف الناس يعبرون فيه يروحون حديقه مدري مدينة العاب
وهذا وياهم
وهذا شكل الباخره بالليل ...

وهذا بالنهار

 

[أمانيQ8]

للرففففففففففففففففففففففففففففففففففففففففففففففع

وبكمل عقبها واحط شكل الباخره من داخل وكل خدماتها+الرحله والجزر

 

[foofo]

روووووووووووعه مشاءالله
عليج بالعافيه هالسفره الحلوه

متااااااااااابعه كملي حبيبتي :ggdw:

 

[كتكوته مكتكته]

بالعافيه وكملي متابعين

وبغيت اسالج الجو الحين بسدني وقولد كوست وملبورن جم تتراوح درجات الحرارة بكل منطقة ؟؟

 

[ام مضاوي]

يعطيج العاااااااافيه خووووووش موضوع

بس ياريت تكتبينلنا تفاصل اكثر عن رحلة الكروز مبين وااايد حلوه

لاتستعيلين ترى بارت استراليا وااايد مستعيله كان ودي تفصيل اكثر

وان شاءالله تستانسين بسفرتج هالصيفيه

 

[dalprincess]

متااابعينج يا حلوه وبنشووف الكروز

 

[banota]

روووووووووووووووووووووعة يعطيج العافية على هالتقرير
وناطرين باجي التقرير

 

[ترانيم العود]

بعطيج العافيه اماني

كملي ناطرتج

 

[أمانيQ8]

فوفو حاضر والله يعفيج يارب
كتكوته سدني بارده وايد بالنهار توصل من 15 وبالليل بررررررررررد مرات توصل 5 بس بردها حلوه بالنسبه للجولد كوست بالنهار معتدله وايد يعني تقدرون تلبسون نص جم عادي بس من الساعه5العصر لااااااااااااااا يبيله جاكيت برد وايد يصير ومطر حتى سدني ياكثر ما رشت علينا واحنا بالرحلات
امااا ملبورن فا كلها بارده وينزل سنوو فيها
ام مضاوي والله شسوي يختي استعيلت في بار استراليا لان انحبطت خماشفت رودو قلت اختصر عشان اخلص وسلامتج بس بكمل انشالله
دالبرينسس منورتني وامنوره التقرير والله حاااااضر من عيني يالله نكمل

 

[أمانيQ8]

بسم الله نكمل رحلتنا في الكروز اللي انطلق من سنغافوره _03BA:
دشينا الكروز وطبعا مافي ولا عربي غيرنا كلهم من الصين وسنغافوره وكوريا واوربيين... وانا اتفحص الوجوه شفت وحده لابسه حجاب قلت حق زوجي وااي كويتيه ياحظي لقيت احد مثلنا... واستانست لقيتها ياياه مع زوجها الظاهر شهر العسل المهم مرينا صوبها جان تقول حق زوجها واااااااااااااااااي قطع لي اهني لاحقينا هذول!! وكانت اطالعني بنفس ونص عين والله انصدمت وقفت لها وقلت (باخرة ابوج) والله يابنات طول الرحله اتصدد واتأفف!! لووووووووووووووووووووووول الله يسامحها المهم هذا اللوبي


هذي غرفتنا ...


يتبع

 

[أمانيQ8]

ممر الباخره من بره.. طبعا اول مارحنا يمعونا ويانا الربان عرفنا بنفسه وبعدها يونا بعض المرشدين علمونا اشلون نستخدم الطفاحيات وورونا وسائل الانقاذ والقوارب الصغيره ,,
وهذا جانب من المطعم مال الباخره ..وعلى فكره اكلهم خيال روعه من ناحية الوجبات والمشروبات والخدمه والأكل روعه وفي بوفيه معزول عن الكبار مخصص حق اليهال وحتى قعدت اليهال بروحهم ومخلينهم هيبلب يور سيلف لا تشوفون الحوس صج معزولين بس بينا وبينهم حاجز حاطين لهم بوفيه مو مرتفع نازل عشان يطولون وكل شي
نبلش بالمطعم ..



يتبببببببببببببببببببببببببببببببببببببببببببببببببببببببببببببببببببببببببع

 

[ام مضاوي]

وااااااااو روعه اماني الله يهنيكم


بس مالت عليها
والله قهرتني الكويتيه
قطع يقطعها شكلها هيلقيه موشايفه خير
وااااااااااي ياريتني كنت معاج جان تفلت بويها(اسفه عالكلمه)بس صج انغثيت

 

[أمانيQ8]

تابع...
من بوفيه الريوق ..(ريوقهم من السعه6الصبح الى11:30الظهر)
كافيه لليبي يقعد...
ممر من الممرات الداخليه للباخره...

ناااااااااااااااااااااادي صحي=سونا حمام سباحه داخلي سونا مساج ألخ.......وفي كوافير بعد

ساعات في فرقه تغني.. وقعده حلوه...
يتبع يتبع يتبع يتبع

 

[أمانيQ8]

ام مضاوي انا تضايقت ... لما شفت الباخره مافيها ولا خليجيه قلت حق ريلي وااااااااي جان زين الاقي احد واحنا واقفين انسوي الشيك ان ولا اطيح عيني عليها.. استانست .. عقبها صار اللي صار ضاق خلقي وايد... يالله الواحد بالدنيا ياما يشووف لوووووووول

 

[أمانيQ8]

وهذي حضانه حق اليهال ... وفي احواض سباحه مخصصه حق اليهال مثلا من عمر1الى5هذول بروحهم ومن ال6الى12سنه بروحهم وفي احواض للكبار ...والباخره فيها قوانين حلوه ممنوع التجول بالمايوه داخل الاستقبال اللوبي او ممرات الباخره الداخليه...


وهذا حمام السباحه حق اليهال

ترا كبير بس بالتصوير طالع جذي وفي واحد حوافه خشب حق الصغار كلش بس ماصورناه

وهذا حوض الكبار

يتبع يتبعععععععععععععععععععععععععععععععععععععععععععععععععععععععععععع

 

[أمانيQ8]

وهذا شكل الحوض بالليل ... طبعا القعده ماتنوصف عجيييبه وبراااد عكس النهار ولا ساعات بالنهار مطر قوي

هذي الغرفه ما اطل على شي يعني مكان الدريشه حاطين منظر وطبعا ارخص هذي وغرفتي اغلى لاني اخذت بلكونه عالبحر... وفي غرفه لنفرين او 3 فيها دريشه صغيره ... شوفوا اول هذي غرفتي

عزكم الله الحمام

وهذا...

هذي الغرفه اللي قلت لكم عنها يعني تقدرون تكشخون انتي وزوجج بالغرفه ام بلكونه واليهال حطوهم بهذي...
وهذي فيها دريشه صجيه..اهم شي صجيه:ggdw:
يتبببببببببببببببببببببببببببببببببببببببببببع

 

[أمانيQ8]

باجر بإذن الله اكمل لكم عن الكروز بعد ماخلصنا الله الله بالتشجيع :tek: