رحلتي..الى استراليا-سنغافوره-ماليزيا(بالصور)

[ترانيم العود]

وااااااااو

مشكووووره على الرحله وكملي وانا معاج..

ممكن سؤال:
جم كلفتكم الرحله من تذاكر؟؟؟

 

[أمانيQ8]

مشكورين على المرور وانشالله يعجبكم

حبيبتي التذاكر من سنه لسنه اتغير

 

[أمانيQ8]

سي وورلد حلو حلو حلو .....وطبعا اللي عجبني فيه اول مادخلنا كان حاطين مصلى للنساء!! ومكتوب بالعرب والانجليزي السي وورلد فيه عروض وشوو اينن وفي العاب وفيه مطاعم وفيه كنااااغر طبعا مايستغنون عنها




وانشالله بكمل ... بعد اشوي لان علق الكمبيوتر

 

[أمانيQ8]

مازلنا في جولد كوست وبقرية السي وورلد


على فكره السي وورلد في العاب بعد وفيه محلات للسلع التذكاريه وفيه مبنى او شوب مخصص لحلوى الكادبوري وبتلاقون الكادبوري اشكال غريبه وعجيبه ماشفتوها ابد وطبعا عقب قرن تنزل عندنا


هذا الضفدع بعدين عرفت انه كادبوري سووا حق اطفال استراليا هالشخصيه

 

[أمانيQ8]

العروض شغاله طبعا السي وورلد كبير واتعب اتكلم عنه مايخلص وفي طياره هليكبتر اجرناها ومشنا نص ساعه في جولد كوست

هذا السي وورلد من فوق
من ضمن العروض


وهذي الهليكوبتر اللي خذناها

والحين اغادر السي وورلد على خير ونتجه للرحله اللي بعدها
انتظروني

 

[أمانيQ8]

دالبرينسس انتي اللي اتهبلين كافي انكم رديتوا وعبرتوني احسن من غيركم دعوااااتي لكم

 

[جنون العشق]

واو عاد بعد شهر باذن الله رايحه استراليا واحلي شي انها بعيد ووا اموت عالطيران



يا حياتي صج شجعتيني




الف الف شكر

 

[fona]

يعطييييج الف عافيه على التقرير اللي اكثر من رائع
لا اتوقفين ترى امتابعتج حبيبتي

 

[MiSs Roma]

waaaaaaaaaw

وناااااااسة خوش سفرة و الله

الحوت عاجبني يهبـــل

اي والله وانتي الصاجه شفيها حديقة العميرية جلحة ملحة هههههههههههه

حتى الحيوانات انقرضوا و الفيل انتحر لوووووووووووووووووووول

 

[شيهانه]

ما شاء الله شكلها رحلتكم صج اتونس عليكم بالعافيه واتمنى ازو استراليا

ان شاء الله الله يكتبها لنا

 

[لانا]

ماشاءالله خووووش تقرير وخوووش رحله
عليكم بالعافيه
وناطرين باجي صور الرحله
وقوليلنا شنو أحلى شي برحلتج
يعني أكثر مكان استمتعتي فيه

ومشكوووووووووووره

 

[أمانيQ8]

جنون العشق ...عساج تستانسين واتهنين فيها ..

فونا من عيوني حبيبتي

مس روما ثاني مره ان رحت اييب لج حوت بالجنطه لووووووووول واذا على حديقة الحيوان عندنا وحالات اانتحار فيها ماينلامون يموتونهم من اليوع وحررررررررر موت

شيهانه ..عسالله يكتبها لج

لانا... كلها تشوق وحلوه وترا كل مره استراليا س هالسنه بنغير بنحول النمسا عشان اليهال يغيرون مع اني اقوول ماكو على استراليا حتى اليوم اللي مافيه رحله عندج كاااافي تمشي بشوارعها الهاديه الراقيه تستانسين

 

[dalprincess]

متاااااابعين @@

 

[أمانيQ8]

عدنـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــا

حبيباتي ... الحين ننتقل لرحلة الوايلد لايف هذي الرحله حلوه وايد تبدي من الساعه7:30الصبح عشان نستعد نأكل البيبي متووو طبعا فوق ال1000وحده ينطرون الناس اتيي واتأكلهم... اول ماندخل يوزعون علينا صحون ماي وأكل وبس مسكوا الصحن ومدوا ايدكم عقبها بتلاقون سته او سبعه يتخانقون يبون ياكلون من الصحن ,,, طبعا انسوا انا اسوي جذي اخاف بس زوجي واعيالي وطبعا بنتي طبوا على شعرها نتفوها مسكينه تااابعوا


طبعا كلها عروض عن الطيور والحيوانات النادره وفيها طبعا كافتيريا مافيها مطعم وفيها محل للاشياء التذكاريه بس عروضهم مالت الطيور عجييبه تشوق
هالحبيبه سوت عرض مع 5من ذول اشلون يسمعون كلامها ويطيعونها عجب!!


يتبع

 

[أمانيQ8]

هذا مو كنغر بس من فصيلته اسمه ويلبي مادري والبي جذي تقريبا

وهالحلوين سبحان الله كله كساله وبينامون طبعا العشبه هذي اللي ياكلونها ريحتها رووووعه مادري شنو اخر شي قصصت منها وحطيتها بوس الجنطه

هلووووو... خوخششششش

 

[أمانيQ8]

هذااا مهدود هد طبعا يحوس وفي منه وايد خلاني بس امشي واتلفت

ومن الشووو...


حيوان غريب

وهذا رقص السكان الأصليين ..


تاااابعواااااااااااا@@

 

[أمانيQ8]

الحين خلصنا من الوايلد لايف وراح ننتقل لدريم وورلد... بسم الله نبتدي

نوافير الماي اللي يمر يمها يروح فيها من الارض تنط لكم


لعب....

شخصيات...

وناااسه بس لووو شن ما اركب بس اتطمشششش

(يتبع)

 

[أمانيQ8]

الحين عرض النمور البيضه ... قلنا بنصور معاه قالوا الصوره100دولار قلنا اشدعوه!! واحنا نمشي لقينا مصور يحطنا معاه بالكمبيوتر ب12دولار لوووووووووووووووول
(ايواااااااااااااااااا يابوه يابووووه)


يمممممممممممممممممممممممه



يتبع

 

[أمانيQ8]

طبعا الحين نخلص من الدريم وورلد وانا اختصرتها لكم بس باقي صوره مابخليها بقلبي بحطها وعقبها ننتقل للريف الأسترالي(بنات انا رحت وايد رحلات بس قاعده احط اللي لكم اللي اقدر عليه)
هاللعبه زوجي يقول ركبيها اذا فيج خير..قلت له ليش مينونه:cxxxp:


نطروا الريف الاسترالي بعدها سنغافوره عشان الكروز من ثم ماليزيا اهم شي من ثم:ggdw:

 

[bint ilq8]

واااااااااااااااااااااااااااااااااااااااااااااااااااااو رووووعه الصور والتعليقاااات يا اماني ناااااااطرتج والله شوقتيني اسافر استراليا ناااااطرتج حبيبتي وكل ربع ساعه بسوي ريفريش للصفحه لووول