رحلتي الى الرياض ( نوفمبر 2007 )

[شيهانه]

السلام عليكم ورحمة الله وبركااااااااااااااااااااااااته ،،،،

الحمد لله صارت لي زيارة لمدة اسبوع لزيارة الرياض


والصراحة كنت ادور عن مواضيع عن الرياض وكانت قليلة

فقلت ان شاء الله اول ما أرد الكويت بسوي موضوع للي حابة تزور الرياض

وان شاء الله يكون مرجع لكم .. لان الرياض صج بديعه وتونس وسوقها ايهبل


اول شي


كان تاريخ سفرنا من 9/11 - 16/11/2007 ..


على الخطوط الكويتية

 

[شيهانه]

مدة الطيران كانت ساعه و10 دقايق من مطار الكويت الى مطار الملك خالد الدولي بالرياض

طبعا الرحلة كانت قصيره فعطونا بالطيارة سناك خفيف

عبارة عن كانابيه سلمون ودجاج وميني ساندويش بالجبن

والحلو كان مارشميلو بالراسبيري مع صلصلة كاكاو


يعنيالاكل كعادة الكويتية ما كان حلو وما كليناه لاننا كنا متغدين متأخر ..

 

[شيهانه]

وصلنا الحمد لله الى مطار الملك خالد الدولي بالرياض في تمام الساعة 6 مساءا

وهذي مشاهد من المطار وكان ودي انزل لكم صور من قاعه كبار الزوار الصراحة عجيبة
بس للاسف كنا طالعين بكل الصور ..

 

[شيهانه]

بعدين رحنا فندقنا الي اهو الفيصلية (( rosewood ))

وكان ايهبببببببببببببببببببببببببببببل الصراحة احلة فندق في الرياض ..

 

[شيهانه]

هذي الصورة اول ما وصلنا وكان طبعا ليل وشوي مو واضحة الصورة

بس والله شكله بالليل مع الاضواء اينن وخصوصا الجلوب الي بالقمة هذا طبعا مطعم وتعشينا فيه وان شاء الله احط لكم صورنا واحنا انتعشى فيه ..

 

[شيهانه]

سوري الصور مو واضحة لان بالليل

 

[شيهانه]

هذا اللوبي او بهو الاوتيل

وبالليل يحطون ركن القهوة العربية مع التمر والرطب واااااااااااااااي شي
القهوة لذيذة والرطب جامبو .. بس استحيت اصور كان الاوتيل مزدحم لان الفترة كانت وقت انعقاد مؤتمر الاوبك

 

[شيهانه]

سوينا الجيك ان ورحنا غرفتناااااااااااااااااااا


هذا الممر صوب الغرف

هذا المشهد اول ما تطلعين من الاسانسير احنا غرفتنا مطله على الحديقة والمشهد وااايد حلو

 

[شيهانه]

اللحين بوريكم غرفتي

يله نمشي لها ....

 

[شيهانه]

دخلنا اول شي السراير

وبالليل يسوون السراير كل يوم ويحضرون الفراش حق النوم والسليبرات تحت السرير
مع تجديد الفواكه في الغرفة وتنظيفها مرة ثانية

المكتب
طبعا مرفق معاه خدمة الانترنت وفي فاكس وبرنتر ووايرلس انترنت في جميه انحاء الاوتيل

التلفزيون و DVD و فيديو و سي دي بلير وميني بار

 

[للهيبه عنوان]

الحمدالله على السلاااامه لاتعبتي :eh_s(7):


متابعه معاج باقي التفاصيل

 

[شيهانه]

طبعا الميني بار معاه بعض التسالي والمكسرات وكانت من بتيل ومصنوعه للفيصلية خصيصا
وتنباع بعد بالكوفي شوب الي تحت بجانب اللوبي وتونس كافكار للهدايا

في تمر وفي تشكيله شوكلا وفي بعد الشوكلت بار الدارك والوايت

ومعاهم تشكيلة من المكسرات ( فستق وكازو نوعين ولوز و فول سوداني بالكاكاو وفستق وجيلي بين ) ورقائق كاكاو

وبعد شراب التفاح مع دبس التمر

وهذي هدية من الاوتيل فيها لوزام الخياطه والحلاقه والشور كاب وفرشة اسنان واشياء مختلفة والله ما اذكرها

 

[زيـنـه]

الحمدلله على سلامتج ..و متابعين تقريرج يا شيهانه

 

[شيهانه]

الله يسلمكم مشكورررررررررررررررررررررررررررررررين

وتابعوني ان شاء الله تستانسون بالرياض بس لا تنسون العباة والشيله حق الي مو محجبات

خخخخخخخخخ

 

[شيهانه]

الحمام عزكم الله

( واايد مريح انا اذا الحمام زين استانس اكثر من الغرفه واايد يهمني موضوع الحمام اكرمكم الله )


هذا البانيو

هذا الشاور

هذي المغسله

ومستحضرات الحمام كلها بالعسل

 

[بنت من الكويت]

رووووعه اول مرة ازورها العام شهر 4 كنا معزومين عند اصحابنا السعوديين من اهل الرياض وانبهرت بجمالها ...


اعجبتني وايد....

كملي احنا متابعيين

 

[شيهانه]

حطينا اغراضنا ونزلنا حق مول الفيصلية اهو بينهم جسر بس

ورحنا حق هارفي نيكلز

وهذا طبعا يهبل كلشي فيه واهو 3 طوابق الطابق الاول عطور ومايك اب وجناط والطابق الثاني ملابس ماركات والثالث ملابس اطفال وكافيه ومحل شوكولا

من الماركات : ( كلوي - مارني - ميسوني - مارك جايكبس - استيلا ماكرتني - سان لوران - مانووش - اييس - والله واايد ما تحضرني الذاكرة اللحين )

والمول فيه كوتش و DKNY و ماكس مارا و السواني و نعومي و نكتار وبلش و مكياجي و محل اللمسة للعبي هذا وااااااااايد غالي وشغلهم مميز و بدون اسم والاختيار الاول وهذولي بعد للعبي و محلات عادية مثل زارا ومانجو ومس سيلفردج وكوتون وبربشكا والدو و ريبلي و وووايد والله

بحط لكم الصور بس ما ادري ليش التحميل للصور فيه مشكله ..

 

[كوب حليب]

الله الله تهبل الصور ..... شهالزين ما شاء الله عليج متميزه يا شيهانه .... عسى الله يوفقك .... وكل سفراتك تصير ممتعة والحمد لله على سلامتك ... قولي لنا بعد .... شوقتني أروح ... ناطرينج على أحر من الجمر

 

[بتبوتااا]

رووعه بصراحه وبنتظار باقي الرحله وياليت حبيبتي تكبرين شوي الصور حيل صغار :tek:

 

[شيهانه]

مشكوووورين خواتي على التشجيع


اي والله الصور صغيره وقاعدة اكبرها بس ما في تعديل على الردود

ان شاء الله اشوف شلون ابدلهم تلحقون خير خواتي