رحلتي الى الرياض ( نوفمبر 2007 )

[زيـنـه]

عليكم بالعافيه .. متابعين يا شيهانه

 

[شيهانه]

حياك الله حبيبتي .. مشكووره على تشجيعك الحلو

ما قصرتي

 

[شيهانه]

من المولات الحلوة بعد في الرياض مركز نجود .. اهو صغير بس والله وااايد حلو فيه خوش محلات

دونا كاران - اسكادا - موسكينو - ماكس مارا - كات ووك - ياسلم - مفتاح الشرق - ماي فير ليدي - سكوب

ووغيرهم والله وايد فيه بعد محلات للاواني وسوالف البيت ايننون ..

 

[كوب حليب]

ما شاء الله .. عليج بالعافية .. خوش مشتريات:rerrerek:


وناسة البوتيكات والمجمعات في الرياض يونسون:jbdwjbd:


وشكل الأكل لذيييييييييييذ :082502bye_prv:.... يم يم شوقتيني على الربيان ....



أنا متابعة معاك الموضوع للآخر :s142:


مبدعة دائما وأبدا أن شاء الله يا شيهانة

 

[رفرف]

واو ماكنت ادري ان الرياض جذي مو رايحتلها من سنيييييييييييييييييييييييين شوقتيني اروح مولاتهم اتهبل ...

متابعة التقرير للآخر ويعطيييييييج العافية

 

[سبائك]

ماشاءالله رووووووووووووووووعه الصور

والرياض أنا رحت لها من 6 سنين تقريبا كا أشهر شي عندهم المملكه والفيصليه

يبيله روحه ثانيه ان شاءالله

 

[شيهانه]

حياكم الله خواتي ما قصرتوا
كوب حليب يا حبيبتي انتي مشجعتي الاولي دايما .. الله يطيب خاطرك ان شاء الله
رفرف .. اي والله وانا هذي اول مره اروح لها وااايد استانست وان شاء الله ان زرتيها بتستانسين وااايد وااايد

سبائك .. يبيله مره ثانيه .. اللحيم ما شاء الله المولات اسبوع ما تخلصينهم

 

[شيهانه]

من المولات الي رحت لها بعد العليا مول .. رحت له مخصوص حق قزاز فقط والا ما فيه شي زايد عن الباقي
بس محلات العبي والاقمشة فيه كذا محل والله ومحلات الجلابيات هم فيه كذا محل بعد
بس اما الباقي فنفس الكويت يعني محلات الشايع وغيرهم الماركات العادية

وبجانبه على طول مركز الاندلس .. هذا سوووق كبير بس شعبي شوي فيه محلات عبي وشيلات كثيره ومحلات اقمشة ومحلات احذية ومحلات ملابس بيت وحلات عطور وبخور ..

 

[شيهانه]

ومن المجمعات الي للاسف ما رحت لها اهو (( غرناطه )) هذا وااايد يمدحونه يعني مثل الافنيوز عندنا بالكويت

للاسف ما قدرنا نروح لها واهو بعيد تقريبا يبعد عن الفيصلية نصف ساعه وبجانب المطار ..

وفي بعد شارع العليا العام هذا يمين وشمال محلات ( رباعيات - ميموزا - باكو - ..الخ )

وعندكم شارع التحليه .. هذا فيه شارع متخصص حلويات ومحلات شوكلاته فاخرة .. بس شي عجيب على اليمين والشمال محلات حلويات وكاكاو ..

 

[شيهانه]

الحمد لله انتهت زيارتي للرياض .. واتنى انكم استفتدوا من هل التقرير البسيط عنها ..

وان شاء الله ربي يكتب لي زيارة ثانية لها مستقبلا .. لان في اماكن واايد ما زرتها
الوقت ما سنح لنا ..

آخر يوم كانت طيراتنا الساعة 7 مساءا

تريقنا كعادتنا بالاوتيل الفطور بوفيه .. وصورته ما ادري يمكن لانه وداعيه

هذا الفيو كل يوم على الريوق المطعم يطل على الحديقة

وجهزنا جناطنا ونزلنا شربنا قهوتنا في الكافيه

وتغدينا بالاوتيل بعد بس كنا شبعانين من الريوق ما شاء الله كل شي فيه فخذينا بس السالاد بار
وكان فوق الكفاية لانه فيه قسم شرقي وقسم سلطات وقسم خفايف

والحمد لله طارت فينا الطيارة الساعة 7 ووصلنا الكويت الساعة 8 و ربع تقريبا

وهذا منظر من الطيارة لكويتنا الحبيبة

وكانت في وجبة خفيفة بالطيارة
وكالعادة مو لذيذة الي يديم النعمة ( كانابية بالدجاج وبف باستري بالمشروم وبيديان بالربيان والسويت باي كيوي وجيز كيك وكلير )

ومشكوووووووووووووووووووووووورين يالي تابعتوا وشاركتوا وشجعتوا ..

جزاكم الله كل خير

 

[}{داشـه عرض}{]

ماشاء الله ،حمدالله على السلامه

وتسلم يدج على هالصور والتقرير الحلو ، وعليييج بالعافيه ...

 

[xxx]

:hearting::hearting:


رحلة راااااااائعه

مشكورة على التقرير المميز


:edbf4317b9:

 

[طويلة البال]

اللهـ وناسه


الحمدالله على السلامه


بس وين الصوووغه


ما وصلي شيء خخخخخخ




بسالج الله يسلمج

الليله بنفندق الفيصليه على جم؟؟

ومشكوره

 

[سعوودية]

:s142:مشالله الله يهنيكم :s142:



:082502bye_prv: حتي الاكل روعه شكله


فديت الرياض واهلها :eh_s(15):

​

 

[شيهانه]

مشكووووورين خواتي حياكم الله .. ما قصرتوا

الليله ب 1400 ريال + 15% ضريبة


حيا الله اهل السعودية والرياض

ما شاء الله ديرتكم اتهبل والناس ما شاء الله جدا ذوق واخلاق وضيافه ..

 

[فراولة^فوشيا]

شيييييييهانه

تسلم اييييدج ويني عن هالتقريييير صج روعه شوقتيينا
وبصراحه غيرتي نظرتي عن الرياض ماكنت متخيله انها جذيه
شكلها حلوه وونيسه ،، عليكم بالعافيه

عذبتيني على ماركة بلس من سيفورا امووووووووت عليها
للأسف ماحصلتها في سيفورا دبي
الماسك والملح الحراري شي عجييييييب كفايه ريحته انتعاش وريلاكس بنفس الوقت
حتى اللوشن اللي على ليمون خيال << شفيها اللي اندمجت

لوووول تسلمييين حبيبتي على هالتقرير الحلو
والحمدلله على السلامه وعليكم بألف ألف عافيه

 

[كسرة عود]

الحمدالله على السلامه

 

[بنت عبدالغني شربت]

موضوعج حلووووووووو يستاهل التثبيت

 

[زيـنـه]

يعطيج العافيه .. و مشكوره

 

[شيهانه]

انتوا الي يعطيكم العافية ..

زينة يا زينك ويا زين تشجيعك .. اشكرك شكر مخصوص على متابعتك معاي

فروالة .. هذي شهاده اعتز فيها والله بما انها تصدر من خبيرتنا بالرحلات ..

واااااااااي اتصدقين انا آخر يوم لما شفتهم يبطلون الكراتين يطلعون الكريمات ..:jbdwjbd:

تقريبا عيوني صاروا جذي .. ونطرتهم لين صففوهم على الستاندات .. وبعد كانت عندهم ماركة ستيلا صار لهم يومين يصففون فيها بس ما كانوا حاطين تسترات والميك اب بالعلب فقط ..كنت ابي هذا

ويوم طلعنا عطوني انا واختي هدايا من كثر ما شرينا منهم .. حتى البياعين اعرفونا ..


ومشكووووووووووووووووووووووووووورين على التثبيت واااااااااااايد واااااااااااااااااااايد

جزاكم الله كل خير .. وصج الرياض تستاهل الزيارة

السوقه مريحة بطريقة مو طبيعية .. اولا السوق ممنوع اي شاب يدخله بالوييك اند بس للعائلات وثانيا ممنوع اي واحد يدخل بالشورت والفنيله لازم يا دشداشه يا بنطلون .. وما في مغازل وتحرش كل من بحاله والبنات كلهم لابسين العبي حتى الاجنبيات بس يعني يحطون الشيله على كتوفهم مو ضروري لابستها ما في هل اللبس الغريب والتفصخ مثل دبي مثلا .. ما ادري انا حبيتها هل الديره وسوقها عليه سيل طول السنة يعني البضاعة جديده تنزل وعليها سيل .. بس في رمضان الي يوقف السيل او التنزيلات