رحلتي الى الرياض ( نوفمبر 2007 )

[زيـنـه]

بانتظار بقية التقرير

 

[Suwi]

waiting u

 

[شيهانه]

ان شاء الله بحاول اعدل الصور الاولية ..

رجعنا من الفيصلية وطلبنا عشا من الاوتيل كان اومليت بالمشروم وكلوب ساندويش وعصير برتقال

 

[شيهانه]

ثاني يوم كانت لنا زيارة لمكز المملكة ( اهو فندق الفور سيزن ومول بجانبة مثل طريقة الفيصلية )

ومن داخل المول طبعا كله ماركات واهم شي

واهو طابقين الاول عطور وميك اب واكسسوارات وجناط ماركات مثل كلوي و برادا وفندي وديور وفالنتينو وكفالي وفيه بوتيك كارتييه بعد والطابق الثاني ملابس واحذيه طبعا ماركات متعدده مثل غوتشي و برادا و كفالي و ديور و ووو اااايد بعد يعني مثل فيلا مودا والاسطوره ..

 

[شيهانه]

المول الحلو فيه الطابق الثاني الي اهو (( مملكة المرأة )) هذا بس حريم يدخلوله يعني البياعات والسيكيورتي كلهم حريم والحريم لازم يرفعون الغطا عن الوجه علشان ما يتسللون الرجال الي هذا الطابق ..

وفيه بالطابق كنزو وماريلا وD&G و جست كفالي و دبنهامز و امبريو ارماني ولوليتا لمبيكا ولا بيرلا و جورجيو ارماني و نيل شوب وكفايهات و ستار بكس و رميسنس و بعد واايد محلات هذيله الي اذكرهم ..

 

[SILVER ROSE]

خوش تقرير وتصويرج روعة شنو نوع كاميرتج

 

[أمواج البحر]

ماشاء الله عليكم بالعافية و الحمدلله على السلامه تهبل الصور:icon30:

بنات عشان ما تضيعون تعبكم حطوا اساميكم على الصور

والله ادري انتوا اشكثر تتعبون عليهم ... اعرف وحده مسكينه خذوا موضوعها كاااااااااااااااااااااااااااااامل مع الصور و الردود :denya:

فحفظوا حقوقكم و حطو اساميكم

ويعطيج العافيه

 

[شيهانه]

الميزانين : طبعا هذا كله ماركات

اترو - لويفي - لويس فويتون - غوتشي - دواتشي اند غابانا - بيربيري - بول سميث - رالف لورين

وماركات الشايع العادية الي متروسة بمولاتنا ..

والارضي : فيه زهور الريف وبيتيل وزارا هوم ومطاعم

 

[شيهانه]

والي تروح المملكة خل تحرص على انها تدخل المطعم الي في برج المملكة ويعتبر مع اعلى المطاعم في العالم ويعطيك فيو حق الرياض كلها وللاسف ما قدرنا انروح ..


كاميرتي اهي سوني 10 ميجا بيكسل مع توتش باد ..

والله ان شاء الله الي تاخذ موضوعي تذكرني وانا لاني توني عليمية بالصور فما اعرف احط اسمي والله

ان شاء الله اتعلم حق التقارير الثانية ..

 

[شيهانه]

المهم اليوم الثالث صارت لنا روحة حق مولين اهم كبااااااااااااااااااااااااااااااااااار يعني كل واحد اكبر من المارينا مول واحد فيه كارفور واسواق التميمي بالاضافة الي المحلات والثاني فيه دانوب ومكتبة جرير وبست باي وبالاضافة الي المحلات الثانية

المول الاول اسمة (( صحاري مول )) والثاني الي اهو الاحدث في الرياض وما تكملينة في زيارة وحدة ((الحياة مول ))وترا يصيرون بجانب بعض بس خطوتين وانتي ماشيه يعني شبه متصلين في بعض


هذا صحاري مول

[/IMG]



وهذا الحياة مول (( انا احبة وااااااااااااااااايد واقولكم ليش اللحين ))

 

[شيهانه]

طبعا طريقة السعودية انهم في كل صلاة يسكر السوق فساعات تشوفون بالتصوير المحلات مسكرة

واحنا نروح نصلي بالمصلى ونتمشى لين يفتح السوق ...





























اللحين سبب زيارتي للحياة مول فوق ال 4 مرات

 

[شيهانه]

اختكم الي اهي انا بدعت بالمشترى من سيفوراااااااااااااااااااااااااااا


عجيييييييييييييييييييييييييييييييييييب يا ربي هل المحل وانا لاتوصوني على الكريمات والخرابيط


يعني بدعت بس على آخر يوم حصلت الماركة الي احبها




BLISS

هذا ماسك قبل الشاور تحطينة على كامل الجسم او المناطق الداكنة فقط وتخلينة لين يصير ابيض تقريبا 15 دقيقة وبعدين اتفركينة تصيرين زبدة و بيضه وناااااااعمة

هذا سكرب بس تحطينة على جسمك يصير حااااااااااااااااار ويطلع الجلد الميت يعني كأنة مسويه حمام مغربي ويفضل يوضع على الماسك وبعدين يفرك ..

هذي زبدة للجسم مكتوب عليها للي جسمهم كانه لحاء الشجر المنشقق

طبعا لزم في اجسامنا خشونه واهو مكمل للسيت الي قبله كخطوة نهائية بعد الحمام

وصج صج صج ينعم الجسم وريحته اتينن

 

[عنايد]

ماشاء الله شيهانه رحلتج تشوووق

كملي احنا بانتظار التكملة

 

[nice smile]

خوش تقرير شيهانه


الحمدلله على سلامتج


والرياض سمعت عنها انها حلووه واسواقها روعه .. وان شاءالله اروح واشوفها

 

[زيـنـه]

خوش تقرير .. و عليج بالعافيه شغل سيفورا .. و شكله قريب بيفتح بالكويت

 

[شيهانه]

مشكووووووووورين حبيباتي على التشجيع ...


اي والله زينة ياريت يفتح بالكويت وعندهم محل بعد متخصص بزيت الزيتون اسمة اوليفرز

تابع حق محل الشاي الي بجاليريا 2000 .. بس شي فضيع صج صج اهو زيت زيتون اهو زيتون وكريمات وبسكوت وكاكاو صج شي عجيب ..

خذيت منه كريم للجسم وزيت للجسم بس صج ايننون يخلون الجسم ناااعم وريحتهم اتهبل

 

[شيهانه]

واختي حبيبتي خذت من الصيدلية الي بالحياة مول

السبراي مال السيقان وفيه 3 درجات الفاتح والوسط والتان اهي خذت الوسط

[/IMG]


اما أنا خذيت كريم البيتادين صناعته سعودية وب 15 ريال بس

 

[شيهانه]

اللحين خل اقولكم عن مطعم الجلوب الي رحنا تعشينا فيه ...

ايهبل اهو بأعلى برج الفيصلية

المطعم اهو انتراكوت .. نفس الي بالفنار والبدع اهني بالكويت

بس عنده 3 انواع ستيكات العادي والتندير وهامور ستيك وتي معاه سلطة وباجيت والفرايز طبعا


بس ما حبينا الستيك فيه ريحة زفرة السمك مو طبيعية ولمن سألناه قال هذي الصلصة فيها انشوفه
بس اتوقع لانهم يسوون ستيك الهامور فريحة السمك لازقة يا بالجلريل او بالصحون ما أدري بس استنانسنا بالفيو
ويخلونكم تطلعون بره بالبلكونة بس اتخوف وكان هوا شديد وصورناها بالفيديو فا للأسف ما اقدر احط الصور كاملة

 

[شيهانه]

اليوم با خذكم حق مول السنتريا .. اهو مول جديد بشارع التحلية وبعض المحلات للحين مو فاتحه
بس وااايد راقي مثل الرايه عندنا تقريبا ..فيه محلات مجوهرات وببيبي فتيحي و كارتييه ومارك جايكوبس وكوتش وسيلين
وايس بيرج و الفاتنه ( ماركات متعدده )و بلومارين ووجوه و محلات ملابس واحذية وااااااااااااايد والله

 

[شيهانه]

والطابق الثالث فيه مطعم وكافيه لونوتر .. تعشينا فيه مرتين من حلاته
الاكل مختلف كليا عن الي بالكويت المنيو شويه الاطباق فيه بس حبينا الشريمب