رشـــــــــاقة أكـــــــــاديمي<< اكاديمية الرشاقه..ترحب بالرشيقاااات

[شمس وقمر55]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

الملح كله

اسمج تسجل في المجموعه الخامسه..وحياج الله خليج على هالنشاط وان شاء الله بتنقصين 100%

 

[Miss-Cosmetics]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

ناديني miss ولا مس عادي ههههههههههه

 

[شمس وقمر55]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

خلاص يا miss
اسمج اعتمد ان شاء الله في المجموعه السادسه<<< انظمه متنوعه

والرياضه مشي او تمارين او نادي المهم حركه...والمشي رووووووووعه

بالنسبه للوجبات
حاولي تنظمين اوقاتها لانه امر مهم يساعد بتنظيم شهيتج وينظم عمليه الحرق بالجسم

وبعدين لا تنسين انا باكاديميه يعني البوفيه يفتح هالساعات المحدده المكتوبه
ومجهز اكلج الخاص فيج
فطور وغدا وسناك وعشا

اخاف ان ما تقيدتي بالوقت تموتين من اليوع لانه يسكر بغير هالاوقات وما يفتح.ههههههههه

 

[Miss-Cosmetics]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

اي مولازم اعدل نومي هذا اول شي علشان اضعف لانه النوم بليل مفيد يحرق و ينشط الجسم فلازم اعدل نومتي المعتفسه افففففففف ياربي

و بالنسبه للمواعد انا ما التزم ابمواعيد ما اعرف اكل ابسالعه معينه ابداااااا متي ما اشتهيت اكل كليت جذي ساعات يوم كامل بس وجبه او وجبتين جذي عموما بحط لكم ريجيمي حق اللي تبيه اشرايج ؟؟

 

[شمس وقمر55]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

miss

ممكن نستفيد منه ليش لا...

حطي رجيمج وتجربتج معاه اذا انتي مجربته من فتره

بس اكتبيه بالموضوع المثبت (عاجل مسابقه جاده...لمده اسبوعين....) عشان الافاده

 

[belle]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

يالله خوش انا كل شي اوكي بالنسبه لي

مرسي شمس وقمر55

 

[شمس وقمر55]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

يالله يا حلوات

يارشيقات المستقبل


نشوفكم صباح اليوم بالاكاديميه........


منو اول واشطر واسرع وحده بتحضر مبجر وتسجل حضور..مبجر من كل مجموعه؟؟؟


ارتاحوا عدل ... ترا وراكم يوم حااااااافل بالنشاط والبرامج...




تصبحون على الف الف خييييييييييير

 

[belle]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

عندي سؤال

تسجيل دخول و خروج

يعني اول ما اقعد الصبح ادش اقول انا دخلت و بلييل قبل لانام ادش اقول خروج و لا اشلون فهمني لو سمحتي بالضبط

لان صار في لبس

 

[Miss-Cosmetics]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

هذا ريجيمي اللي تبي اتسووووويه بليز يا شمس وقمر انقليه اهناك


الريوق :


قطعة حلو دايت (ككاو ريجيم ) + قهوة نسكافيه مع حليب صويا او حليب خالي الدسم



فتره الضحى

عصير (برتقال او اناناس او جريب فروت) العصير طبيعي
او قهوة او شاي



الغذا :


فتوش او تبولة او سلطة عادية
+ 1 او 2 همبرغر مشوي
او شيش طاووق 4-5 حبات او همبرغر دجاج مشوي عدد 2
او تونه او هوت دوق 3 مع شوي مسترد
+ نص خبزه خفيفه او شريحتين توست اسمر ولكن الافضل خبز اسمر خفيف مطاحن


العشا :


توست اسمر او خبز اسمر خفيف او صمون هوت دوق اسمر وحده مع احدى الخيارات التاليه:
جبن لايت وخس وطماط
مرتديلا مع جبن لايت وخس وطماط
هوت دوق مشوي او مفيوح مع خس واشوي جبن لايت و اشوي مسترد
او عدد 2 بيض مفيوح مع او بدون جبن لايت


بين الوجبات
( بين الريوق و الغدا و الغذا والعشا) عند الشعور بالجوع
ككاو ريجيم واحد ما يتعدي ال 120 كالوري
او روب فليفورد روب بنكهه حق الريجيم عدد 1
ممكن كاس عصير مشمش او كوكتيل او برتقال او جريب فروت او اناناس



الملاحظات و الرياضه :

العشا يكون في وقت مبكر اخر موعد للعشا الساعه 8 مساءا وبعدها عند الشعور بالجوع الاكتفاء باي سناك خفيف
المشي لمدت ساعه علي الاقل و لمدت لا تقل عن ثلاث مرات بالاسبوع
شرب ليتر الي ليتر ونص ماء يوميا
استخدام كريمات التخسيس يوميا مرتين]

 

[belle]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

Miss-Cosmetics شغل عدل انا لو اسوي جذي اصير ملكه جمال مره وحدا

جربتي ؟ سويتي ؟ و اشلون نتايجه

 

[شمس وقمر55]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

بيلي

اييه تسجلين حضور اول ما تقعدين من النوم ... قبل او بعد الفطور..

وتسجلين انصراف بعد العشا او قبل النوم

يعني اخبارج من تصحين الين تنامين بتوصلنا...<<<<<< ما في مهرب منا هههههههههه


ان شاء الله زال اللبس..

 

[Miss-Cosmetics]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

belle

c'est tre belle la rigieme et facille



رديت علي بالفرنسي لانه نكج فرنسي ههههههههه اقووولج وايد حلو الريجيم نفس اسمج و امجربته و سهل

 

[Miss-Cosmetics]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

انا امسويته حسب مزاجي اشلون اكل ريوق احب شي حلو مع قهوة


عدا اكل عدل


عشا خفيف و ساعات ما اتعشا الا اذا يوعانه


بس هذا اهوا

 

[شمس وقمر55]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

صباح الخير

حياكم الله بالرشاقة اكاديمي










اكاديمية الرشاقه تحييييكم وتتمنى لكم رشاقه ومتعه وصحه ...........وان شاء الله تطلعون منها وانتم راضين عن انفسكم واجسامكم <<<<<<<< وحتى اهلكم ما يعرفونكم ههههههههه






تفضلوا.......... .











كل متسابقه مع مجموعتهااااا.............. حطي اغراضج بالغرفه... وانزلي للكافتريا...لانه موعد الفطور








وبعده انطلقي لساحة النادي الرياضي حركي جسمج واحرقي الشحوم وابدي يومج بالحركه عشان البركه...









منتظرين المتسابقات الحلوات.................. منو اول الحضووور بعدي؟؟؟؟؟؟؟؟









علما بان الاكاديميه ستغلق ابوابها الساعه 12م ظهرا بتوقيت الكويت.....وعذرا لعدم قبول اي متسابقه بعد ذلك














يوم سعيد....ووقت ممتع........

 

[شمس وقمر55]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

تسجيل حضور


بعد الصلاة شربت نسكافيه...

والحين بنطلق لنادي الاكاديميه.....





ياااااااااااااهووووووووووووووووووووووووووووووو



بدء الجد.............ومضى زمن الكسل........................منو قد التحدي ؟؟؟؟

 

[النور الهادي]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

صباح الخير

تسجيل حضور


وديت بنتي للروضه
ورديت شربت ماي
والحين بروح أنام

وباكل وجبتي الساعه 2م

وين الصبايا

 

[Miss-Cosmetics]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

تسجيل حضور




مانمت من امس اتقلب اتقلب ماكو فايده

المهم كليت قبل اشوي تونا ساندوج من دايت سنتر و دايت بيبسي

و بس لبي الغدا ماراح اكل و اذا كليت ما اتغدا الا متأخر


و المشي المغرب او بليل اروح او يمكن الظهر اذا ما نمت

و سلامتكم سجلت حضوري

 

[ام مصعب]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

بسم الله الرحمن الرحيم
ابدأ يومي
وكاني اسجل حضوري وبديت بكوب القهوة

 

[يسرا]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

صباح الخير على الحلوين
تسجيل دخول
بالنسبه الي شربت كاستين ماء لما صحيت من النوم ووديت اولادي المدرسه وانا هلا بالشغل وحاكل وجبتي الساعه 5 المغرب واخذت معي على الشغل حبتين خيار وحبتين جزر لو حسيت بالجوع ومعايا كمان باكيت ليبتون شاي اخضر طبعا راح اشربه بدون سكر والمسا ان شاء الله حلعب رياضه لمده نص ساعه او ساعه حسب وقتي وان شاء الله التوفيق للجميع

 

[leza_q8]

مشاركة: رشــــــــــــــاقة أكــــــــــــــــــــاديمي<< اكاديمية الرشاقه..ترحب بالرشيقااااا

هووووووووووووووووووب هوووووووووووووووووب بسجل بصراحه وايد حلوه الفكره تكون عباره عن مذكرات يوميه ومتابعه

leza_q8

الرجيم المتبع محمد ربيعه + نظام سعرات الحراريه "" لي باليوم 900 سعره حراريه يصير اقل بس ما يصير اكثر

الوزن 64 زايده

يالله نبتدي
بسم الله ويارب وفقنا

الفطور8:30 صباح

5 تمرات (130)+ كوب نسكافيه(ملعقتين شاي نسكافيه) (10)س بحليب كامل الدسم بودر
"خلص حليبي الخالي الدسم والهندي ياب لي كامل الدسم"(150)س 2ملعقة شاي سكر ابيض ( 40)س

المجموع الكلي للفطور""330""س


الغداء 3ظهرا

كوب تبوله (108)س + صدر دجاج مشوي بدون جلد (142)س

المغرب 6:00المغرب

دايت +بريد kdd سندوج (91)س

العشاء 10:00 مساء

2 برتقاله متوسطه الحجم واحده (62)س الثنتين(124)س

المجموع الكلي الكلوري او السعرات الحراريه (796)س

سوري بنات اذا مواعيد الاكل شوي مختلفه عنكم بس شسوي بحكم عملي اطلع الساعه 2:30 يدوبك اوصل 3 وتغدى

ميخالف ياا اداره مرئيها .. بليز بليز