رشيقاااات وجميلات الغد ( خطوه بخطوه نصل الى الهدف)

[غارقة بأحزانها]

هلا والله باخت خالتهم وبضماد
نور التجمع والله
والله يسلمكم ويبارك فيكم

حياكم الله معاي حتى انا اخت خالتهم عندي عزيمه اني اضعف
بس لان بعدي بالنفاس لي ١٧ يوم احس بكسل شوي واكل من الموجود بس بكميه قليله

ضماد شوقتيني على هالخبز شنو اطلبه ولا لازم اروح لها ؟؟

قموره
ماعندي فكره عن السعرات المناسبه لج وشلون تنحسب بس اكيد الطريقه موجوده بقوقل بس نظامج حلو
وفكره الزبادي بالليل وايد حلوه

والله يوفق الجميع

 

[غارقة بأحزانها]

وبالنسبه للميزان ً
طبعا راح يكون اسبوعي احلى

ويكون اول ماتقعدون الصبح بملابس خفيفه
وتكرمون داشين الحمام عشان تكون القراءه صحيحه
وهالله هالله بالرياضه والحركه عشان يتحرك الميزان

 

[غارقة بأحزانها]

متى تقترحون يكون يوم الميزان ؟؟


شرايكم كل احد بدايه كل اسبوع ؟؟

 

[live life]

بنات انا بدخل معاكم محتاجه اني انزل وزني وابي احد يشجعني ..

صارلي اسبوعين تقريبا مبلشه تخفيف اكل ورياضه مشي ساعه باليوم

بس قطعت جم يوم

ومن امس رجعت ..

وزني اتوقع بال 80 للحين ماوزنت ..

هدفي 60 ياااااارب صج حلم من سنين معاي وان شاء الله يارب احققه

 

[live life]

بحاول اضبط مشاركاتي معاكم لاني حاليا مو بالكويت وفي فرق كبيير بالتوقيت

ريوقي اليوم كابنشينو

سناك اناناس فرش

والغدا كان شاورما تبوله وحمص وكميات قليله

 

[اخت خالتهم]

اوكي غارقة كل احد حلووو



انا اليوم غداي كان ساندوج من لو فات ب٣٢٠ سعره حرارية

و عشاي ربيان مشوي ٣قطع
مع ٥ قطع شيش طاووق ونص خبزه سمره


و اللحين بشرب قهوه
و ما سويت رياضة فيني كسل مع ان قبل هوايتي المشي

 

[اخت خالتهم]

ليف لايف هلا وغلا حياتي
لازم توزنين لان قررنا كل احد الميزان
وباذن الله بنضعف بصحه وسلامه
انا وياج تقريبا نفس الاوزان ونفس الاهداف

 

[ضــمــاد]

ضماد شوقتيني على هالخبز شنو اطلبه ولا لازم اروح لها ؟؟

هذا أكاونتهم بالأنستغرام @healthysnack

امس كنت صايمه :


فطوري : 3 تمرات + وقهوه عربيه
وبعد الصلاة .. شوربة جزر + 2مناقيش من هيلث سناك وحده زعتر ووحده جبن


على الـ 10 .. شربة مرامية

والساعه 3 تسحرت .. خبزة النخاله + بياض بييضه مقليه ورشيت عليها جبن عكاوي مبشور + شاي وزيتون


والحمدلله
​

 

[ضــمــاد]

الـمشـــاركــات + حسابات مفيده بالانستغرام

المشاركات :




1:
غارقه بأحزانها
الوزن : 96,4



2:
قمر وربي امر
الوزن : 64


3:
takfene aldekra
الوزن : 75



4:
ايمان الغساني
الوزن : 76,600



5:
{meme}
الوزن : 73



6:
أخت خالتهم
الوزن : 85ونص



7:
ضماد
الوزن : 62,7



8:
live life
الوزن : ؟
​

حسابات مفيده بالانستغرام :

http://www.q8yat.com/t1132975.html





:eh_s(17):​

 

[تووته البسكوته]

هاي عسولات
انا بعد معاكم وزني 92
خو انا ماخليت قروب ما اشتركت فيييه

اول شي اللى ولدو مبرووك وحمد الله ع سلامتكم ويتربون بعزكم


انا ببدايه زواجي وزني كان 70 كنت متروسه وحلووو ..من حملت زاد وزني ووصلت 97 وطبعا اصعد وانزل والحين 92
طبعا والده من 8 سنين لووووول بدعت صح

اعشق شي اسمه مطاعم ..بس مخففه وااايد وانا ما احب اتحرك ..بس لو امشي ينزل وزني بس كسلانه لووووول
بس ناويه ان شالله اشتري جهاز مشي واحترم نفسي خخخخ

انا اليوم اخر يوم اشتراك لي مع رجيم سنتر وقررت اخر مره اشترك بنظام الوجبات ..
وزني نزل كيلو ومو دايما الأكل يعجبني
قررت ابطل الانستقرام وياكثرهم الاكاونتات اللي يسون رجيم ويحطون الوصفه مايقصرون ..باخذ الوصفه واطبخ حق البيت كله خل يشاركوني
وطبعا في جم وحده بالمنتدى انا اتابعها بالانستقرام

المهم انااشتغل فمرات اخبص بالدوام لووووول
احب الجاي الاخضر بس مو ليبتون وربعه لان طلعو خربوووطه احب اخذهم من محلات الجاي طعمهم الذ بوااايد

وبحاول امنع العشا اول اكل روب او حبه فواكهه والله كرييييم
قرقت وايد سوري ههههه

 

[ضــمــاد]

مساء الرشاقه


الخميس ..


ع أساس اني صايمه اليوم , بس الضحى شرفتني الحلوه ! وأنفجعتتتتت :eh_s(2):



الغدا ..

1 مناقيش بيتزا من هيلث سناك + حبتين كاكاو مكنتوش + تمره
البيتزا فيها 86
التمر يمكن 20
الكاكاوتين مادري بس خ نقول 200



على الساعه 7 المغرب .. تمرتين + شربة دارسين (قرفه)
التمرتين : 40



على الـ 9 .. منقوشتين وحده جبن ووحده لبنه
المناقيش سعراتها بين الـ 85-95


وعلى الـ 12 ..
خبزة هيلث سناك بالنخاله فيها 120 سعره
1م كتشب 20 سعره
جبن عكاوي 150
زعتر 30


بنات اللي من هيلث سناك متأكده من سعراتهم , بس الأصناف الثانيه مو متأكده

بس حطيت سعرات شوي زياده

المهم طلع مجموع سعراتي لليوم 856 سعره حراريه​

 

[اخت خالتهم]

ماشاءالله

حياج تووته اهم شي ثمن سنين الله يوفقج يارب



ضماد عافية يارب

انا اليوم الخميس اهو يومي المفتوح
تغديت في فرايديز
و ما تعشيت

و اللحين حدي يوعانه الساعه ثلاث وبتعشا بيض

 

[ضــمــاد]

أخت خالتهم .. الله يعافيج حبوبه



بنات وينكم ؟؟؟​

 

[انصاريه قمره]

هلا حبيبتي ....
الحمدالله على سلامتج ومبروك ما ياج وعسى ربي يبلغج بعيالج وتشوفينهم بأعلى المراتب

والحين بعرفكم على نفسي
اسمي (انصاريه)
عمري 23
ام ل 3 بنات والحين حامل
ابي اسوي كنترول على نفسي واضبط وزني علشان لي ولدت اكمل مسيرة الرشاقه وعندي عرس اخوي قرييب وقعد احاتي شنو بلبس وشلون بيكون وزني الوزن الحالي 90
والسبب الرئيسي لسمنتي وصعوبة نزولي خمول بالغده الدرقيه والحين قعد اخذ العلاج وانشالله خير :****

 

[انصاريه قمره]

اخت خالتهم محد كان يحب البيبسي كثري حتى الصبح افتح ريجي على بيبسي وصارلي 5 سنين تقريبا مستبدله الغازيات بالعصاير الطبيعيه احسن وافيد حاولي راح تقدرين البيبسي مو زين وحرام باجر عيالج يشوفونج تشربينه اكيد بيقلدونج انا بنات ما شربوا بيبسي كلللللللللش معنه اهلي يشربون وخواتي والكل بس انا وبناتي مستحيل لانه كله اضرار صج طعمه اينن ويهضم بس له بدائل :***

 

[اخت خالتهم]

هلا والله بنات
اليوم زوارة والله ما تغديت ولا تريقت وتعشيت عيش ودياي شوووويه نتفه حتى ما شبعت
والحمدلله واليوم ماشربت بيبسي

انصارية اليوم ضغطت على نفسي
و ما شربت الا جاي وزنجبيل

 

[ضــمــاد]

السبت :


-الريوق : شاي وحليب

- قهوه تركيــة

العشا : بيض بالطماط + خبزة هيلث سناك + قطعة جبن عكاوي وشاي وزيتون ​

 

[اخت خالتهم]

ضماد
عافية

وينكم نايمين


بما ان اليوم الميزان
وزني ثابت ٨٥ ونص

 

[غارقة بأحزانها]

هلا بنات


الله يعطيكم العافيه

سامحوني بالويك اند حيل انشغل وماادخل النت وايد

المهم اني خذيت الجمعه يوم مفتووح وخبصت
والسبت ماكليت طول اليوم الا شوربه ونص صمونه صغيره مع نجتس

بس تعشيت مشويات

واليوم لا الحمدلله ضابطه نفسي

بس طلعت من الصبح ونسيت لا اقيس وزني


ولما قست الظهر لقيت نفسي زايده حده احبااااط

ادري بعمري مخبصه بس ان شاء الله باحر الصبح اوزن واكتب الوزن الصح ً
والاحد الياي ان شاء الله اكون نازله


حياكم الله حبيباتي اللي انضمو لنا وبالتوفيق ان شاء الله

 

[ضــمــاد]

هلا وغلا بالرشيقات

بنات شرايكم نبتدي جد من هالأسبوع ,,

وشرايكم الميزان يكون كل 10 أيام ؟!

...

الأحـــــــد

الريوق : مراميه + نص خبزه بالنخاله وجبنة سولفايد

سنــاك 1 : كوكيز الشوفان فيه تقريبا ً 64 سعره

العشــا : متبل بدون زيت زيتون + خبزة النخاله


والحمدلله ​