رمضان وطاولتكم اليوميه .....بالصور

[daloO3a]

عليكم بالعافيه عالمي فطوركم هني وعافيه (( شدعوه تنقصي لي ولزوجي احنا ساكنين بمنطه ويليامز شارع مونتيجيلو بيت 2ب )) كككك
حرير ذكرتيني فبيتنا والله
رمضان الياي اوريكم بعد طاولتنا اليوميه ان الله سهل وعاده علينا اللهم امين .....

 

[LA TROO7]

عليكم بالعافيه

 

[A7la 7la]

nero

يعطييييييج العااافيه ... بس بغيت أسألج عن الميني برغر ... حصلتيه بالجمعيه جاااهز ؟؟؟ يعني اهو حجمه صغير ؟ أو انتي سويتيه؟؟؟؟

 

[nice-girl]

شوربه بروكلي
[URL=http://www.gulfup.com/] [/URL]
سلطه زهره مع بطاط
[URL=http://www.gulfup.com/] [/URL]
نودددلز دياي
[URL=http://www.gulfup.com/] [/URL]
مجبوس دياي اييييييييييييييييييييييييييييييييييييييييييييييييييييييييين لذيييييييييييييييييييذ
[URL=http://www.gulfup.com/] [/URL]
برياني دياي وربيان ناطع
[URL=http://www.gulfup.com/] [/URL]
وبالعافيه

 

[ولا احلا]

اممممممممممممممممممممممممممممم لذيذ ......... تسلم ايدييياااااااتج قلب .....

بس يا حبايبي ما اعرف انزل صور انا بس بقولكم شنو سويت امس ::::

تشريب مرقة بطاط لحم .... سلطة نجتس وسلطة تركية وتبولة .. مجبوس دياي ... شوربة خضار ... كبة بطاط وبجية بصل وبيتزا عشان اليهااال والحلو مهلبية بالمكسرات ولقيمااات وااي

الله يعين اليوووم شبسوي ؟؟؟؟؟

 

[SILVER ROSE]

عليكم بالعافية

 

[daloO3a]

نايس قيرل يمي يمي اكلج اينن عليكم بمليوووووووووون عافيه يا قلبي شوقتيني

 

[aloyaa]

ماشالله تسلم ايد الجميع على هالصور الحلوة
وعسى الله يعوده علينا اجمعين

 

[daloO3a]

علا الهوا مباشرة
جلي علا توت

 

[ريمه الكويت]

قاب هذي طريقه الجباب مال الربيان
http://q8yat.net/showthread.php?t=102311

بس هالمره ماكثرت معجون الطمام حطيت يمكن قفشتين بس بالصلصه حطيت شكر احبها حامضه وحلوه والحشوه حطيت بصل مع زرشك وقفشه سمن نباتي وليمون اسود وفلفل اسود وملح
والله يرحم امج وامي بهالشهر الفضيل

 

[ريمه الكويت]

هلا وغلا برونزيه ولايهمج اعطيج الطريقه

بس ادعي الله يشفي كل مريض

صينيه التوست بحشوت الدجاج والصلصه البيضا

الطريقه
--------------------------------------------------------------------------------------------------------

اول شي تاخذين صدر دياي وتقطعينه مكعبات صغار وتحمسينه مع بصل وشويه ثوم


وبعدها تحطين حبتين طماط مفرومين وتقطينهم على الدياي مع البهارات والملح



تحطين فوقهم فلفل اخضر حار مقطع وخضار تكونين مقطعتهم وقاليتهم من قبل (( انا حطيت بيديان مقصص ومحموس+زهره مقليه+ شويه جزر وعليه فطر مقطع))


++++++++++++++++++++++++++++++++++++++++++++++++++ +++++++
اللحين نسوي الصلصه البيضا

:q8:
وهي عباره عن نص لتر كريمه اوعلبتين كريمه كى دىدى+6 قطع جبنه بوك اواي نوع جبنه كريميه



تحطينهم بالخلاطه مع 2 بيض +رشه فلفل ابيض ورشه ملح حسب التذوق

اول شي اصب شويه من خلطه الصلصه في صينيه الفرن البايركس



بعدها اصف اول طبقه من التوست



وبعدين احط حمسه الدياي فوق التوست


واصب فوق الدياي شويه من الصلصه البيضا



وبعدين احط باجي التوست فوق الدياي



واصب باجي الصلصه فوق التوست


واحطها بالفرن واشب النار من فوق وتحت لما تحمر اطلعها وارشها بجبنه مازرولا واهي حاره واقدمها بالهنا والعافيه

على فكره انا حاطه التوست الابيض الي بالحليب الي بالجيس الازرق احلى من الي جيسته حمرا

 

[ريمه الكويت]

الله يعافيج جاره القمر

حرير ماشالله الاكل روعه وعجبني العيش الاخضر @@ جاهز ولا طباخ بيت

 

[ريمه الكويت]

دلوعه بيتكم كلش قريب الطوفه عالطوفه هههههههههههههههه ندزلج نقصه بالدي اتش ال ولايهمج

 

[ريمه الكويت]

nice-girl بالعافيه عليكم ممكن طريقه السلطه شكلها عجيب

 

[زيـنـه]

الصور اتيوع .. عليكم بالعافيه

 

[daloO3a]

ريمة الكويت حبيبتي والله واصله نقصتج

و يعطيج الف عافيه عالوصفه بجربها انشاالله علا يوم و اصورها

 

[nero]

قطعتكم صارلي فتره .. من زمان ما صورت

بحط لكم صور الفطور من جم يوم


صمونة دياي مسحب




هالمره ميني حلووم لوول




كبب مشكله




هرييسه




قبوط .. نقصه من بيت خالوو




فطوري حلوم مقلي ما تهنيت فيه




لقيمات خطيره نقصه من رفيجتي فديتها




كيكة مو صج عمايل ايديا والقطايف تطل يمها .. ما صورتها ما تستاهل كانت لينه لوول

 

[ريمه الكويت]

دلوعه جربيها كا من سواها اعجبته وعوافي مقدما

زينه الله يعافيج
نيرو فناتق عليكم ماشالله الكبب تهبل من شكلها خاصه الي بالاشبنت والحلويات تعذيب قبل الفطور شنو الي فوقها خدود بنات ..

 

[nero]

ريميه

ما عليج زود حبيتبي

الكبب صج تينن ..

والحلوو الله يسلمج ماخذه طريقته من المنتدى

سهل ولذييذ

وهذا الرابط

http://q8yat.net/showthread.php?p=5107701&posted=1#post5107701

 

[جارة القمر]

ريمه

مشكوووووره


وتسلم ايدج



نيرو


عليييييييييييييكم بالعافييييية


الصور تشوق