بسم الله الرحمن الرحيم ،.....
البارت الثاني :
حور: خلاص أنا أقولج بالفرصه
منار : خلاص ناطرتج بس مو تنسين
حور: لا مستحيل انسى « وتبتسم ابتسامه باردة
منار: يلا باي ولا تشغلين بالج
حور : إنشالله يلا سي يو
نسيت أقول إن أهم مو بعض بلصف كل وحدة صف .....
ومر الطابور والحصص الأولي عاديه
منار راحت حق حور الصف
منار: يلا أمشي
حور: لحظه أنقل اللي بالصبورة
منار: خو نقلي لما تخلص الفرصه
حور: أوف زين زين
وطلعو من الصف
منار : يلا قولي
حور: من وين أبدي ؟؟
منار :أبدي من المكان اللي تبينه
حور: إوكي
نروح حق مريم ؟؟ « منو مريم الكل يسأل !!
.....: مريم ، مريم !
مريم فرت راسها ولا واحد ضخم جميل مقرع خفيف و لابس بلوڤر بومآ أسود مع بنطرون رمادي مكتوب عليه على جنب بومآ ، حواجبه ضعاف بس طوال و شبك و عينه لوزيه و حلجه متوسط ويهه مدور على بيضاوي "عزيز"
" مثل السَهم صآبت فؤآدي نَظرتِك ، مآفآرقت فِكري و عيوني ضَحكِتك ♡ "
عزيز ؛ مريم زهراء تنطرج بالباص رقم 2. / و يأشر لهآ ،
مريم ليحين متنحه شلون عرف اسمي !!
جان تدش الباص و لّآ رفيجتها بويههآ
مريم ؛ زهرائو يا شقول الحين صارلي ساعه افرفر بين الباصات ادورج ، وينج الله يهديج !؟
مريم بنت ضعيفه جسمها مو ضعيف قلم العصلين لا جسمها كيم كارديشيان طولها 159 عمرهآ 16 سنه
ويهها بيضاوي خشمها طويل " زحلاقيه ههه " بيضه بس لونها اصفر فاتح ، حلجها نتفه شعرهآ اسود سواد الليل طويل لين نص فخذها ، ربعهآ يسمونهآ ام نظرة خطيره تلبس نظآرة طبيه مآك جكن تحب القرآءة وايد .
--
زهراء ؛ زين يالله قعدي خنرتب الوضع عشان ما نتأذى لمّى نتحرك ،
مريم ؛ اوكي يالله ..
بعد شوي
حرك الباص
" مريم رايحة العمره مع رفيجتها و بس ابوها معاها و اهيا دلوعة امها وابوها مع انها مو اصغر وحده بالعكس بالوسط قبلها امل و فارس و بعدهآ ماجد و حسام "
مريم " امبيييه هذا معانا بالباص ولييه قام يطالعني ياربي منو هذا ! "
مريم ؛ زهراء منو هذا ؟
زهراء ؛ عزوز ولد خالي !
مريم ؛ اييه و انه اقول شلون عرفني و دلني ع الباص xd !!
زهراء ؛ خبله خبله
مريم فتحت القرآن و اتكت براسها ع الكرسي اللي جدام و تقرأ قرآن .. و يستهبلون اهيا و زهراء يصورون و مسويين جو بالباص « مخابيل !
نرد حق حوور
حور: تخيلي حلمت حلم أخاف يصير صج
منار: قولي وانشالله مايصير صج
بدت حور دموعها تنزل
حور: ححح لمت اننا أمي ماتت أهئ أهئ أهئ
منار: حور حبيبتي سكتي خلاص قطعتي قلبي شفيج من صجج إنتي يبا هذا حلم مو صج شفيج وبعدين أنا سمعت اللي تحلمين انه مات الله يطول بعمرة
حور واهيه تمسح دموعها : صج حور
منار: أي صج واذا مو مصدقه تعالي بيتنا وعندي كتب عن تفسير الأحلام وشوفي
حور : خلاص إوكي أنا اليوم إييج
منار: يلا عاد مسحي دموعج لا أيوون العذال ويتشمتون فينا
حور: منو تقصدين
منار: يعني منو الغير الغثيثه شهد
حور: ههههههههه خليها عنج زين ختولي اللحين أتي
وصج جان شهد أتي
حور: شوفي
منار: صج لي قالو قبنا بسيرت القط قالك ينط
منار + حور: ههههههههه
شهد : شفيهم العقد يضحكون
بشاير: بعد شفيهم أكيد يضحكون على ملإقتهم
شهد هذي وحدة تحتر من حور ومناير. مغرورة عبالها أهيه احلى وحدة بلكون
قصيرة حنطاويه عيونها صغار وشفايفها كبار حلوة بس حور احلى منها
بشاير هذي تمشي ورا شهد بدون استيعاب. يعني شهد متحكمه فيها صاير مثل خدامتها طيوبه بس شهد خربتها مملوح سمرة أمها هنديه شهد وأيد تعايرها على هلشي. يعني جمالها جمال هنود
حور: لا ونتي الصاجه نضحك عليج وعلى البكشه اللي فوق راشج
شهد كانت مسويه بف « شخباريي !!
وحاطه فيونكا كبيرة صايرة على بعضها عقيديه
منار: أي والله من شاف شعرها ههههههههه. امبيه يضحك
بشاير قاعدة تضحك بس خفيف
شهد : ترئ كلش ما يضحك
شهد تكلم بشاير : يلا انتي الثانيه أمشي
بشاير : إنشالله
وراحت شهد واهي مقهورة وفبالها انها تفشل حور ومنار
حور : إيي نسيت أقولج
منار: شنو
حور: قبل جم يوم تعرفت على وحدة بتويتر اسمها مريم أهيا كبرنا بس اللحين أهيه مسافرة العمرة.
منار: صج وليش ما قلتيلي
حور: كا قاعدة أقولج
ترررررررن رن الجرس ليعلن اننتهاء الفرصه
منار : حور انا اليوم بطلع مو تنسين اتين بيتنا اليوم
حور: ليش فيج شي
منار: مافيني شي بس مالي خلق أكمل الدوام
حور : خلاص إذا طلعتي اتصلي على أمي تأخذني زين
منار ؛إوكي يالله بأي سي يو
حور: سي يو تو
وكل وحدة راحت صفها
على الحصه الثالثه اطلعت منار من المدرسه واتصلت على أم حور عشان أتي تأخدها
طلعت حور على الحصه الرابعه واتفقت مع منار انها تبدل وتروح بيتهم ....
شراح يصير افبيت منار ؟؟
وبعد ما عرفنا مريم. شنو تتوقعون يصير لها ؟؟
