رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

[Zozαĺiиaђ]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

AMbyyy Inshalah Rawan Mis7t el Msg ely mn Frooos !!! Etha omha Chafta Ra7 etshik Feeeha Akthr ambyyyyyyyy !!!!;S

Shakla Omha Ra7 ta'39ibha Ta5ith Fahood !

Na6reeeeenkum !! mota a5r part ?? tara 7adi etshawgt iny a3rf el Nihaya @@

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

تسلموووون بناااااات على الردووود والله ردوووودكم عسسسسسل وصج الله يعينها روان وإنشالله البارت اليوم إذا مداني لأن اليوم زواره أو باجر على وعدنا لأن صج أبي أكتب بارت طويييل عشان تكون فيه وايد أحداث أحبكم حياتي مشكووووورين على المتاااااااابعه ;*~

 

[fa6m al-s]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waaaaaaaaaiting ,, take your time 7obii;:*~•

 

[كاسبرينوو]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ثاااانكس حياتي عالمرور
وانشالله نحاول نكتب بارت
و ...
نبي توقعاتكم ؟!....~~~

 

[فيلجـ كول ـاويه]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

متى البارت ؟!

 

[كاسبرينوو]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

حبيبتي فيلجاويه كول
انا و روونا تناقشنا .... حلوه هذي تناقشنا لووووول .... بشنو راح نكتب بالبارت و
الحين روونا قاعده تكتبه وانشاالله اول ما تخلصه انزله لكم

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

كا ألحين قاعده أكتب بارت وإنشالله يمديني أخلصه قبل لا يقفل السايت

 

[fa6m al-s]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waaaaaaiting oo enshalla ma ygfil 3lshan ethea ma l7agt agra gbil la aro7 elmdrsa

 

[shaikha al-h]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waaaaaaaaiting
ياااااارب ما يقفل

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

بنات سوري نطرتكم أنا كتبت البارت بس متوهقه بشغله بالبارت مادري شلون أكتبها وكنت حدي دايخه ما قدرت أكمل عشان جذي ما نزلته لووول وإحنا وعدنا مثل كل مرة اليوم سو إنشالله أكمل البارت اليوم وأزيد عليه شويه عشان يصير أطول وأنزله أوكي ؟ مشكووووووورين على المتابعه حياتي ;*~

 

[spongebob93]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

ok RoOona :ggdw:
take ur time ;a

 

[فيلجـ كول ـاويه]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

اوك حبيبتي ناطرينج بسرعه بلييييييييز

 

[shaikha al-h]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waaaaiting ya 7lwaaaa ;p

 

[fa6m al-s]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Ok 7yaatii waaaaaitiiiiiiiiing

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

إنشالله حياتي دقايق وأنزله لكم ;*~

 

[shaikha al-h]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

waaaiting
waaaaay wnasaaa al7en byanzil

 

[Q8 RoOoNa]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

روان واقفه عند باب غرفة أمها وإيدها قاعده ترجف من الخوف وبقلبها ( يا رب ماكو شي يا رب ماكو شي )
طقت الباب وسمعت صوت أمها
هيا: تعالي
روان دشت ووقفت جدام أمها
روان: هلا يمه بغيتي شي ؟
هيا: قعدي
روان قعدت على القنفه وإهي ميته من الخوف: شنو
هيا سكتت شويه: أمس بليل منو كنتي قاعده تكلمين ؟
روان انصدممممممت: محد
هيا: بتجذبين بعد ؟...أنا مريت على غرفتج الساعه 5 الفير سمعت صوتج قاعده تتضحكين وتسولفين بالتليفون !
روان حدها متلعثمه مو عارفه شترد !
روان: كنت قاعده أسولف مع رفيجتي !
هيا: رفيجتج الساعه 5 الفير تسولفين معاها !...ولا رفيجتج اسمها فروس !
روان تنحت وعيونها انترست دموووع مو قادرة ترقع كانت صج متووووهقه لأن أمها سمعت كل شي !
هيا: لااااا تجذبييين وقوووولي الصج
روان دموعها بدت تنزل
هيا: أنا أقدر أطلع برنت على كل مكالماتج وأقدر أييبلج الرقم وأقولج هذا اللي كنتي تكلمينه بس مابي أبيج تقوليلي بنفسج
روان وإهي تبجي: يما والله أنا أحبه حاولت أهده يما ما أقدر والله ما أقدر
هيا وإهي معصبه: هذاااا نفسه اللي قبل !
روان: إي
هيا تصرخ عليها: وإنتي ما تيوزين صح أنا عطيتج فرصه يا روون بس خلاص أنا ما أقدر أسكت أكثر
روان خافت أمها تقول حق أبوها تدري أبوها بيذبحها
روان وإهي تبجي: يمااااا لا الله يخليج لا تقولين حق بابا !
هيا: أنا سكت عنج آخر مرة مو عشان شي !...عشانج كنتي ياهل والكل يغلط ويتعلم من غلطه بس ألحين ما أتوقع إنج ياهل ومحد يغلط نفس الغلط ثلاث مرات ! أنا اللي بتصرف هالمرة وأعرف شنو أسوي لأن أدري إنتي ما راح تتوبين جذي وأنا وحده مو ناقصه فضايح وما تعبت وربيت عشان عيالي آخر شي يروحون بهالطريج !
روان: يما والله مو نوعي جذي يما أحبه والله
هيا: ما راح أقدر أسكت بعد أنا زين ما راح أقول حق أبوج بس أدري ماكو شي راح يوخرج عن هالطريج الا الشي اللي بسويه !
روان تنحت إذا ما راح تقول حق أبوها عيل شنو بتسوووي !: يمااااا الله يخليييييج لا تسوييييين شي
هيا سكتت شويه جان تقول: إنتي حق فهود ولد خالتج هذا الشي الوحيد اللي بيستر عليج ويوخورج عن هلطريج غصبن عليج !
روان انصدمت قعدت تطالع أمها مو مستوعبه: بتزوجينيييييييييي ؟!
هيا وإهي تصرخ عليها: إي بزوجج عشان أفتك من هالسوالف
روان تصرخ: لاااااا لاااااااا يماااااا ما أقدر أتزوجه أنا أحب والله أبيييييه أهو يماااا بلييييييز والله مابي غيره أسوي اللي تبينه إخذي مني كل اللي تبينه بس لا تخليني أتزوج فهود !
هيا: ماااااااكو عطيتج فرصتين وما أشوفج تأدبتي !
روان: مااااااااابيه مابي ما راح أتزوج أنا راح أقول حق أبوي أهو ما يزوجني غصب !
هيا تصرخ عليها: وأنا أقدر أقوله عن سوالفج وخرابيطج واللي تكلمينه يبذبحج قبل لا أنا أزوجج !
روان تبجي وتصرخ: يمااااا حرااااااااام عليييييييج مابي مااااااكو شي غصب انتو ما تحسون !
هيا قربت صوبها ومدت إيدها وصكتها طراق
هيا: أناااا أمج يا قليلة الأدب ما تعليييين صوتج علي
روان قعدت تطالع أمها وإهي تبجي بحرررررررررقه !
هيا: روحي يبي تليفونج !
روان طلعت من غرفة أمها وإهي تبجييييييي شلون تهد حبيبها وتتزوج !
دشت غرفتها وطاحت من طولها على الأرض وإهي منهاااااااارة من كثر البجي
روان وإهي تصرخ: أحبببببببببه ما أقدر أهده أموووووت واللللله أموووووووووت أبيييييييييييييك فرووووووس :"(
حست الدنيا قامت تدور فيها سندت راسها على الطوفه ودموعها تنزل ماكو شي يوصف حالتها بهاللحظه وبقلبها ( أهو وعدني ما راح يخليني وراح أظل طول عمري معاه وما راح يكون حق ولا أحد غيري وألحين أنا أخلييييييييه أنا أهده أنا أتزوووووج )
قعدت تبجي وإهي تتذكر كل شي تتذكر لما هدها شصار فيها وكل شي صار بينهم بهالسنين راح يروح بس جذي !
هدت وحست جبدها قامت تقلب وراسها حدددده مصدع
قامت من مكانها وراحت لي فراشها بثقل
مسكت جهازها لقت مسج من فروس كان مكتوب فيه ( أحبج ) قرته ودموعها نزلت على الفون وبقلبها ( أموووووووت فيك والله أموووت فيك :"( ) مسحت الشاشه وراحت صوب المسجات حطت تحديد الكل ومسحت كل المسجااات
وبطلت صوب الأسماء ومسحت اسم 7yatiii ;***~
سكرت الجهاز ودموعها على خدها شلووون تنساه شلووون تتزوج وتتزوج منو فهووود !
مشت لي غرفة أمها طقت الباب مرة مرتين ما سمعت رد !
بطلت الباب لقت أمها بالحمام
حطت الفون على الطاوله وطلعت
راحت غرفتها قطت نفسها على الفراش وقعدت تبجي وبقلبها ( يعني خلاص بتزوج بخلي حبيبي ! ) مو متخيله نفسها مع واحد غير فروس شلون بتعييييييش معاااااااه وإهي راسمه أحلامها كلها مع فروس !
والأهم من هذا كله شلووووون بتقوووووووووله :"(
سمعت صوت أمها بره قاعده تنادري خدامتهم وتقولها تسوي شيلتها أوتي
روان مسحت دموعها وإهي تفكر ( أكيد أمي بتطلع ! )
قعدت تنطر تسمع صوت أمها تقول أي شي عشان تعرف إذا بتطلع ولا لأ
ولا تسمع صوت أخوانها ردوا البيت
نزلت دموعها ومسحتهم ( يا رب تطلع عشان أقدر أسوي اللي ببالي ! )
نطرت لما سمعت صوت فروح تكلم أمها
فروح: يما طالعه ؟
هيا: إي بروح مع خالتج مريم...أبوج قطكم وراح ؟
فروح: إي قالي عنده شغل
هيا: أوكي أنا بروح ديربالج على أخوانج ولما تصير الساعه 9 ونص خل يتعشون وينامون
فروح: أوكي
هيا: تبون شي
فروح: لا سلامتج
هيا: يلا باي وطلعت
روان بس سمعت أمها تقول جذي قامت وقفت صوب دريشتها شافت سيارة خالتها مريم واقفه وشويه ولا أمها تطلع وركبت السيارة ومشوا
روان أول ما مشت أمها ركضضضضت تحت حق تليفون البيت
راحت ورفعت السماعه ودقت على طول رقم فروس وإهي تدق رقمه عيونها انترست دموع وإهي تتذكر كلام أمها
نطرته يشيله رن وايد وبقلبها ( بلييييز شيله بليييز )
جان تسمع صوته: ألووو
روان بس سمعت صوته دموعها نزلت: حياتي وينك ؟
فروس انصدم: حياتي شفيج تبجين ؟!
روان: قلبي لا تدق على رقمي تليفوني عند أمي مو عندي
فروس تننننح: ليييييش شصايييييير ؟!
روان وإهي تبجي: قلبييييي أبي أشووووفك ألحييييييين
فروس: رواني ليييييش قاعده تبجين قوليلي كلميني شفيج ؟
روان: حياتي إذا تحبني تعال صوب الصالون اللي أنا كل مرة أروحله ألحين بليييييييز
فروس: أوكي أوكي خلاص ألحين أطلع عمري
روان: أنا ما راح أقدر أدق عليك لأن ما عندي فون بس راح أنطرك إهناك صوب المسافط
فروس: أوكي حياتي
روان: لا تتأخر حياتي
فروس: إنشالله قلبي لا تبجين والله حدي خايف عليج ديربالج وإنتي تسوقين
روان: إنشالله قلبي بلبس وبطلع يلا حياتي باي
فروس: باي قلبي سكره فروس وراح ركض خذه سويج سيارته وبوكه وطلع حتى من غير ما يبدل
روان ركضت غرفتها لبست أي شي بسرعه كان آخر إهتمامها بهالوقت شكلها خذت سويج سيارتها وبوكها وطلعت من غرفتها وراحت غرفة فروح
فروح حدها تنحت على شكل إختها كان شكلها باااااااجيه وااااايد وعيونها حمرة وخشمها أحمر وشكلها تعبان !
فروح: شفييييج ؟!
روان: فروح بروح شويه وبرد صايره سالفه
فروح قامت من مكانها: شصاير !
روان: فروح بعدين والله ما أقدر أتأخر باي
وركضت لي تحت وراحت سيارتها على طول وبسرعه مشت
فروح حدها متنحه وبقلبها ( أمبيييييه شفيها شصاير شكلها كلش ما يبشر بالخير ! )
قعدت تفكر شويه جان تمسك تليفونها وتدق على رقم روان شافته مغلق استغربت وبقلبها ( ماكو الا ريون أكيد تدري شالسالفه ! )
دقت على ريون
ريون: ألووو
فروح: ألووو
ريون: هلا فروح شلونج ؟
فروح: تمام ريون انتي وينج ؟
ريون: بالبيت قاعده أدرس
فروح: أمبييييه ريون توه روون طلعت من البيت مستعيله قالتلي صايره سالفه وكانت قاعده تبجي وشكلها حده ما يبشر ريون أنا خايفه عليها شكلها صايرة سالفه مع أمي
ريون: أمبيييييييييييه جذاااااابه
فروح: والله سألتها خلتني ومشت مادري وين راحت عبالي انتي تدرين
ريون: أنا اليوم كلش ما كلمتها فروح حدي قمت أخاف
فروح: خلاص ريون شوفي يمكن تدق عليج أو انتي تمي تدقين عليها أنا دقيت لقيت تليفونها مغلق بس ميخالف نجرب
ريون: أوكي إذا صار شي قوليلي على طوووول
فروح: أوكي يلا باي
ريون وإهي ميته خوف: باي
---------------------------------------------------------------
لطيفه قاعده ببيت أمها وقاعده تسولف مع أمها
شويه ولا يرن تليفونها
لطيفه: ألووو
هيا: ألووو هلا لطيفه شلونج ؟
لطيفه: تمام والله وإنتي شلونج ؟
هيا: الحمدالله تمام...ها قاعده بييت أمي
لطيفه: إي والله قاعدين أنا وأمي
هيا: والله عاد كنت بيي بس مريم تبيني أروح معاها السوق
لطيفه: إي قالتلي
هيا: إي كنت بقولج
لطيفه: شنو ؟
هيا: قولي حق فهود إن روان موافقه
لطيفه: صجججج ألف ألف مبرووووك حياتي
هيا: الله يبارك فيج
لطيفه: والله لو أقول حق فهود بيرقص
هيا ابتسمت وإهيا تسمع كلام إختها وإهي من داخلها كلها ضيقه تدري بنتها ما تبيه بس إهي مغصوبه تسوي جذي تصرفات روان غصبتها تسوي جذي !
لطيفه: إنشالله يقول حق أبوه وأخوانه ونشوف يوم إيولكم رسمي
هيا: إنشالله يستاهل فهود
لطيفه: حتى روان تستاهل مشالله عليها تهبل
هيا: خلاص عيل أنا أخليج ألحين بنزل وصلنا
لطيفه: خلاص يلا باي
هيا: باي
------------------------------------------------------------------
وصل فروس قبل روان وكان المكان ظلمه وكله عمارات ما يبين شي
روان طول الطريج وإهي تبجيييييييييي مو قادرة تشوف الطريج عدل وحدها دايسه مو خايفه الا من شي واحد اللي إهو ردة فعل فروس !
قعدت تتذكر شلون يلمها وبوسته وريحته ونظرته كل شي فيييه وكل شوي تدووووووووس أكثر ما همها أحد ما همها تدعم المهم إنها توصله
فروس واقف ناطرها وأهو حده متوتر خايف من اللي ياي وخايف على روان حالتها لما كلمها ما كانت تسمح لها إنها تسوق وهالمرة أهو ما يدري إذا صار فيها شي ولا يقدر يكلمها
شويه ولا يشوف شيارة حمرة سفطت يم سيارته لف ويها ولا روان
سكرت السيارة ونزلت وراحت صوب سيارة فروس فتحت الباب وصعدت وعلى طول قطت نفسها بحضنه وقعدت تبجيييييييي
فروس حده تضايق وأهو يشوفها جذي ما يدري شيسوي إهي مو راضيه تتكلم: حيااااااتي تكلمي الله يخليج والله قاعده تعذبيني جذي
روان وإهي تبجي: حياتي إخذني مابيهم مابي أحد أبيك إنت بس والله أبيك إنت بس مابي غيرك
فروس: ليش شفيهم قلبي قوليلي شفيهم ؟
روان حست إن صوتها أمها يرن بأذونها وإهي تقولها إنها حق فهود
روان رفعت راسها وحطت عيونها بعيونه
فروس قعد يطالع عيونها ما يتحمل يشوفها جذي قرب منها وباسها على عيونها لمهاااااااا حيييييييييييل
روان دفنت راسها على صدره ودموعها تنززززل على ملابسه
فروس دمعت عينه
فروس: رواني قلبي بليز تكلميييييي
روان وإهي تبجي: أمييييييي
فروس: شفيها
روان تتكلم وتشاهق: راح تزوجنييييي :"(
فروس حس إن محد معطيه طراق
مسك روان بإيده من جتفها حييييل
فروس: شنوووو
روان: بتزوجني غصب حياتي
فروس مو قادر يتكلم قاعد يطالعها مو عارف شيقول ! وكل شوي يمسكها أكثر حدها تعورت بس ما تكلمت
فروس: إنتيييي حقيييييي
روان نزلت دموعها أكثر وإهي تطالعه من غير ولا رد
فروس: قوليلها روووون قوليلها أنا أبيج والله أبيج أسوي كل اللي تبيه بس حياتي لا تخليني لا توخرني عنج قلبي والله ما أتحمل !
روان: قلتلها حياتي والله مو راضيه :"( إهي درت إني أكلمك وخذت تليفوني وبتزوجني ولد خالتي غصب
فروس: قوليلها أهو راضي يتزوجني اهو يبيني
روان قعدت تطالعه وإهي تهز راسها بلا ودموعها تنزل من غير شعور وبصوت خفيف: مو راضيه والله حياتي
فروس حط راسها على جتفه ولمها حييييييييل كان قريب منها وايد
بهاللحظه خانته دموعه ونزلت نزلت دموعه على حب عاشه طول حياته 8 سنيييين من حياته يروح بغمضة عييييييين !
روان حست فيه أول مرة تشوفه بهالحاله عورها قلبه كرهت كل شي كرهت أهلها كلهم أهو حياتها وأهلها وكل شي عندها ولا شي تسوى دمعته
روان رفعت راسها وشافته عيونه حمرررررة
روان حطت صبعها على شفايفه ودموعها قاعده تنزل
روان: أوووووش ما تنزل دموع حبيبي أمووووووت فيييييك والله أموووووت فييييييييييييك
فروس بصوت خفيف: رواني بوسينييييييي
روان وإهي تبجي: وين أبوسك قلبي
فروس: بوسيني على قلبي...قلبي يعورني :"(
روان بس سمعت اللي قاله حست دنيتها كلها ما تسوى شي
روان قربت صوب صدره وباسته على صدره ووغمضت عيونها وقعدت تبجي وتشاااااااااهق
فروس سند راسه لي وره وأهو يفكر بكل شي وده بس ياخذها ويروح مكااااان بعييييييييييييد عن الكل وما يرجع
رفعها عن صدره عورت قلبببببببه مسح دموعها بأطراف أصابعه
ومرر صبعه على شفايفها جان روان تبوس إيده
فروس: أوووووش عشاني بس بجيتي وايد حياتي
روان ساكته ما ترد عليه ودموعها تنزل
حط إيده على بطنها
فروس: ولدي إهني
روان: ........
فروس: ردي علي عمري ولدي إهني
روان هزت راسها ( إي )
فروس نزل لي مستوى بطنها وباسها على بطنها
فروس: لو تكونين حق غيري راح أحبج وهذا ولدي واسمه حمني
روان باسته على راسه وإهي تبجي: ما راح أحب غيرك ولا راح أنساك إنت حبيبي وراح تظل طول عمرك حبيبي
فروس قرب منها وباسها
روان غمضت عيونها واهي تحس بجسمه وتشم ريحته وعطره تدري هاللحظه بتنتهي وهذي آخر مرة بتشوفه
فروس مو قادر يستوعب: بتخليني قلبي ؟
روان سكتت ما عرفت شترد عليه دموعها كانت تتكلم عنها
فروس سكت وأهو يفكر بكل شي
روان حطت راسها على صدره وتمنت كل اللي قالته أمها حلم كل شي يروح وجنه ما صار

ترحل يا اغلى الناس قلبي ماتدري به
تهجر بلا ايا احساس وين راحت الطيبه
بصبر واقول لاباس مكتوب وبرضي به

خليت على الخدين تنزل دموع عيني
اسهرتني باليل افكاري تشكيلي
والقلب يسأل وين الي يداريني

من غير ما أدري تروح وتنساني
وانا الي طول عمري شلتك وسط عيني
ماكان ذي قدري للجرح تخليني

ترحل يا اغلى الناس قلبي ماتدري به
تهجر بلا ايا احساس وين راحت الطيبه
بصبر واقول لاباس مكتوب وبرضي به

روان عقب صمت طويييييييييييييل رفعت راسها من على صدره وفروس ليلحين مغمض عيونه وراد راسه لي وره: حياتي
فروس: ............
روان: حياتي الله يخليك رد علي والله مو ناقصه مابيك تزعل مني بلييييز
فروس رفع راسه وفتح عيونه وتم يطالعها من غير صوت
روان حطت عينها بعينه: أحبببببببك قلبي والله راح أشتاق حق كل شي فييييييك مادري شلون بعيش من غيرك
فروس سكتها: بتعيشيييين وبتتزوجين وبتيبين ولدي حمني
روان كل ما سمعت صوته دموعها تنزل تحس إن قلبها قاعد ينزف
روان: بس ما راح أحب غيرك والله
فروس: ولا أنا قلبي والله ما راح أحب غيرج
روان: خل صوري عندك وكل شي عطيتك إياه خله لما تتزوج بعدين قط كل شي بس مابيك تنساني لأن والله لو أتزوج وأييب عيال راح أخلي كل شي منك وراح تظل إنت هني وصوتها راح بالبجي وإهي تأشر صوب قلبها
مسك إيدها وباسها وغمض عيونه وأهو يشم ريحتها
ما راح تروح عن باله لو شيصييييييييييير
روان: قلبي لازم أروح :"(
فروس تنهد
روان: أحبببببك
فروس: أموووت فيج والله أموت على كل شي فيج
روان: صدقني ما راح أتزوج الا وانا مكلمتك
فروس: حياتي لا تعورين قلبي أكثر
روان: ............
فروس: ديربالج على نفسج وعلى ولدي
روان: حتى انت بليز ديربالك قلبي عشاني
فروس يطالعها ويبتسم ابتسامة ألم وحزن: أول ولد بتييبيينه بتسمينه حمني
روان ودموعها قاعده تنزل: إنت سم أول بنت تييلك روان
فروس قرب منها ولمها آخر مرة قبل لا تروح
روان وخرت عنه وباسته على خده وعلى راسه وبصوت خفيييييف: آسفه والله آسفه
ولفت ويها وطلعت من السيارة بسررررعه
وردت سيارتها وشغلتها ومشت
فروس ما تحرك بس قعد يطالعها جان يطق إيده حيل على السكان ويصرخ: لييييييش كل شيييي أبييييييه يرووووح ليييييش إهي مو نصيبييييييي شلووووون غيري يجيسهاااااا وإهي حبيييييييبتي أناااا :"(
روان بسيارتها قاعده تسوق ما تدري وين تروح ما تبي تشوف أحد حتى ريون ما تدري عن شي
قاعده تبجيييييي وتشااااااهق وكل ما نزلت دمعه يلحقونها عشر
شلون بتعيش ؟!...شلون تتزوج فهود ؟!...شلون حياتها بتصير بدون فروس اللي 8 سنين من حياتها عايشتهم معاه !؟
كرهت فهود كرهت أمها كرهت كل شي خلاها توصل حق اللي إهيا فيه ألحيييييييييييين
ردت البيت وإهي تشوف السيارات شافت سيارة أمها مو موجوده وحتى سيارة أبوها مو موجوده سفطت سيارتها ودشت داخل وإهي مو قادرة تمشي من التعب دشت الصاله لقت فروح قاعده
فروح: انتي وينج شفيييج ليش شكلج جذي شصاير
روان ودموعها تنزل: فروح أمي بتزوجني فهووود
فروح صكتها البوهه تنحت مو عارفه تتكلم: شنوووووووو
روان وإهي تبجييييي: أبييييييييي فروووووس والله بموووووت
فروح مو مصدقه اللي قاعده تقوله روان شلووووون تتزوووج فهود وفروووووس حبيبها كل شي عندها خلته ؟!؟!
------------------------------------------------------------
بعد 3 أشهر
روان كلمة تعبت شويه عليها بالثلاث أشهر صارت وحده ثانيه ما تتكلم ما تسولف كل شي يذكرها بفروس ما تطلع ما ترد بس قاعده بالبيت نايمه تتمنى كل شي يروح تتمنى بيوم تقوم تلقى كل هذا حلم تبجي كل يوم بس تبي تسمع صوته انحرمت منه عقب ما صار دنيتها كلها 3 أشهر ما تدري عنه يمكن خطب يمكن تزوج كل هذا ما تدري عنه وكل ما تفكر فيه قلبها يتقطع أكثر من اليوم اللي قبله !
الكل درى عن روان وفهود والكل قام يبارك لهم
لطيفه وهيا اتفقوا يخلون الملجه عقب ما فهود يتوظف سو كانوا بهالفترة روان وفهود مخطوبين بس !
وفهود ما كان يكلم روان الا بالإسبوع مرة وروان كلش ما تاخذ وتعطي معاه ! وأهو مو مستوعب شلون إهي وافقت ولا سألها عن حبيبها اللي قبل بس كان قاعد يحاول يفتح صفحه يديده معاها بس روان كلش مو قاعده تحاول تسوي نفس الشي كل ما دق عليها تصرفه بأي طريقه كرهته وكرهت صوته ما تدري شلون بتكمل باجي حياتها معاه بس أهو ما فقد الأمل !
------------------------------------------------------------
يوم ملجة ريان وعبود
ريون كانت طااااااااالعه تينن من صج بهاليوم فرحتها مو شايلتها كانوا مسوين ملجه وعرس بيوم واحد لأن عبود كان مستعيل وما يبي الخبه الزايده

مآفي شي يسوآك عندي ياملآك
أنت وحدك اللي افرح من اجيه

الهوا ماهو هوا بليآ هوآك
ياللي افرح لمى أحس قلبي بيديه

أخسر العآلم ولا اخسر رضاك
ماأبي اي شي وانت اللي ابيـه

بس أبي دآيم اكون انآ معآك
ياللي عشت اهوآه وأدلل عليـٍه

تشرق شموس المحبه في سمآك
تسكن بقلبي وعيني تحتريك

ياهنآي ويآغلآي ويآ غلآك
قلبك اللي ذآب فيني ذبت فيـه

روان حضرت العرس وكانت من صج فرحانه لهم ولا تتمنى بيوم إنهم يفارقون بعض لأنها ذاقته وتعرف الفراق شنو !
كان مبين إنها تعباااانه بس قاعده تحاول ما تبين هالشي ورقصت حق ريون وباركتلها وريون كانت تتمنى روان تستانس بليلة عرسها مثل ما إهي مستانسه لأن مهما يكون بنت خالتها وحاسه فيها وأكثر من إختها تدري إهي متى متضايقه أو زعلانه وشكل روان يخلي حتى الغريب يقول إن فيها شي !

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Waaaaaaaiii Bnaaat 7adii miskuuuum !! o Roonaaa tara lai al7yyn ma garait il part bs 7adi mitshawga o tara eli gabla 3ajeeebyyn bs 7abait eni akooon awal mn el mu3ale8yyn LoooL! Luv yew all !! o adri ena il part eyanin a9lan ;P Brb agraah o arid << chena al7yyn intaw mihtamyyn wayid 7g my comment LooooL! Jk ;** Brb:friends:

 

[MeeMeeYoo_2]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

حراااااااااااااااااااااااااااااااام


يعطيج العافيه حبيبتي

 

[warood]

رد: رواية "أنـا مـازلت أفـكر فـيك وأمـوووت بحـبك وطاريـك" واقعيه رومانسيه من تأليفنا

Waaaaaaaiii Bnaaat 7adii miskuuuum !! o Roonaaa tara lai al7yyn ma garait il part bs 7adi mitshawga o tara eli gabla 3ajeeebyyn bs 7abait eni akooon awal mn el mu3ale8yyn LoooL! Luv yew all !! o adri ena il part eyanin a9lan ;P Brb agraah o arid << chena al7yyn intaw mihtamyyn wayid 7g my comment LooooL! Jk ;** Brb:friends:

Waaaaaaaaaaaiiii umbaih rooonaa !! allah ysam7ich bachaiityyniii :'( walla bechait 3ala ,, faroos o rawoon ,, ya3ni besayara o hatha !! umbaih bechait bechait 6ala3t kil eli fyynii !!! umbaih jad jad tbachiiii !!! 3afya mu 6awlyyn 3alaina plz plz etha tegderyyyn 6elabtiich o goolay 3a6aitich !! abi part bachr ;( Plz plz plz walla il 8e9a ma asta7mil an6ir zyada 3alaiha !! abi a3rf shnu ga3d y9eeeeerr :'( Bachaaaiiitt waaayiiidd hal 8e9a ana 7asa fyyha 7adii :'( bs yalla plz mu tet2a5erain 7adi miss yew abi part bachr ;( plz plz mu tredyynii ;* Fdaitich :eh_s(16):