الجزء الثالث و الثلاثون
بدر: هلا عبدالله ,, شلونج فاطمه ؟
فاطمه: الحمدلله بخير الله يسلمك ....
(استفسر عبدالله عن والدته): وين امي ؟/ شنو ماكو احد ؟؟!!
(قال بدر بهدوء خشية ان يخيفه): ايي والله امي و حور عند نور ....
(عقد عبدالله حاجبيه و قال): ليش وينها نور ؟؟
بدر: نور ,, صار لها 3 ايام بالمستشفى ؟؟
(ذعر عبدالله و قال): ليش !! شفيها ؟!
بدر: مسويه حادث !!
(ذهلت فاطمه و قالت): حادث شنو ؟؟ اهيه تعبانه ؟؟
بدر: لا اعتقد اهيه احسن الحين ,, نقلت لها بشاير بنت خالتي دم اليوم ,, انا بروح لها العصر اتطمن عليها و اخذ لها اغراض ....
عبدالله: اي مستشفى؟!
///////////////////////////////////
(في المشفى ,, عندما كانت حياة تجلس عند ابنتها نور ,, دخلت حور لتوها عائده من العمل): السلام ,,
حياة: و عليكم السلام ,, ها يمه يبتي اللي وصيتج ؟؟
حور: يبت لها ,, بس تقولين مو راضيه تاكل ....
حياة: بعد عمري بنيتي من العوار ,, شاد العصب من عمق الجرح ,, بس انا قلت يمكن لا شافت انه مو اكل الطبيب تنفتح نفسها ....
حور: ما صارت احسن ؟ ما نقلت لها دم بشور ؟؟
حياة: بلى والله يات حبيبه عطتها دم ارتاحت شويه ,, و ردت قالت ايي لها المغرب مره ثانيه ,, عيال حوريه قلبهم كلش تصدقين ,, وقفت تطالعها فتراااا / ويهها منقلب ,, اقول لها لا تحاتين يمه ,, تصير احسن انشالله ,, و على اولها ايدها على جبهتها تبي تغطي عويناتها عشان لا تبجي / بس ما قدرت ...
حور: ايي صح ,, لان بنان بعد نفس ردة الفعل ....
حياة: بنان خذت اجازه من الدوام / تقول ما اقدر اشتغل ....
حور: تعالي يما نسيت اقول لج ,, عبدالله و فاطمه ردوا ....
حياة: صج؟!
حور: ايي توني اتصلت على بدور بروح اغديه ,, قال لي خلاص انا هني مع عبدالله و فاطمه نتغدا مع بعض ....
حياة: يوو ,, وعليا عاد تلاقينها تعبانه لا يخلونها تطبخ ....
حور: لا عبدالله راح ياب مشاوي من يم بيتنا ,, يما (بابتسامه عريضه) راح اصير عمه ,, بتصيرين يده يما حياة ,, فاطمه حامل ....
(استبشرت حياة قائله): صج ,, الحمدلله ....
حور: ايي اهوه رايح بيتنا بيقول لج مستانس عبدالله ....
(دخلت سالي الغرفه): مسا الخير ....
حياة باستغراب: هلا مساء النور ....
سالي: هوني غرفة نور عادل ؟؟
حياة: ايي يمه حياج ,, انتي معاها بالدوام ؟؟؟
/////////////////////////////
(في منزل حياة ,, استأذن جاسم ليدخل): ياالله ....
بدر: تعال جسوم دش ....
جاسم: السلام عليكم ....
بدر: و عليكم السلام ....
(ابتسم جاسم عندما رآى عبدالله): يا هلااااا ,, الحمدلله على السلامه ....
عبدالله: الله يسلمك هلا والله ,, (نهض و صافحه) ها شلونك ؟
جاسم: زين ,, بالدنيا ....
عبدالله: لي الحين متعلق ؟؟
جاسم: ايي ,, بس متعلق و معصب ,, مخليها تاخذ مواعيد من الناس ,, و اطنش ما ايي البيت ,, انا هالمره شاري ,, و اذا تبي توقف بطريجي و تختار عالمزاج نفس عزوز تحسر فيني // بايع الله وكيلك ,, خلاص طفح الكيل ....
بدر: لو تدري عنك الوالده ,, امي ما ترضى تسوي جذي بامك ....
جاسم: انا عمري ما كنت ارضى ازعلها // بس اهيه هاين عليها تشوفني جذي ,, بس ,, الواحد له واجب // و عليه واجب ,, نفس ما انا بريتها ,, المفروض اهيه بالمقابل ما تكسر بخاطري بهالسالفه ,, انا مو يايب وحده من الشارع ....
عبدالله: كلمة حق ,, و قلت لها جذي ؟؟
جاسم: ايي ,, انا احب اتعامل معاها مباشره ,, اواجهها ,, كل اللي بقلبي اخره باذنها ,, و اهيه رافضه ,, خلاص .. ما اتزوج خير شر ....
/////////////////////////////
(بعد مضي اسبوعان ,, وصل حسن الكويت صباحا بعد غياب سنتان و توجه الى العمل مباشرة شوقا لنور ,, دخل و القى التحيه): مرحبا ....
سالي: مرحبتين ,, يا اهلا و سهلا , حمدلله عالسلامه ....
حسن: هلا والله سالي الله يسلمج ,, انتو شلونكم و شلون الشغل ؟؟ و قمرنا شلونها ؟؟
ابتسمت سالي: الحمدلله ....
حسن: وينها ؟ وين منخشه ؟؟ وله مو مداومه ؟؟
سالي: لا , هيي ميديكال ,, لهلا ما طلعت ,, لهلا بالمشفى ...
