روايتي آآآآآه من الأجانب

[قمر جنها]

توقعاات بليييييز

 

[قمر جنها]

اسئله.........

دانه متضايقه من حسن مثل ما شفتوا / تتوقعوون راح تكمل شغلها بشركة علي

فهد شنو راح يسوي بموضوع السكرتاريه

و منو اللي يحب الثاني بدر يحب بدور ولا العكس؟؟؟.


حور راح تتغلب على معاملة حمد السيئه ولا ...

 

[معي احلى]

دوم الضحكه يارب



بدور تحب بدر .. مفروغ منه .. وهو كل شوي كتكوته .. يعني .. انه ماشافها امراه لحد الان بس اتوقع بيحبها ..

والاب .. بيلتقي بام حور .. >> هههههههه اكشنات



الامور لبن إن شاء الله ..


بس قطبي امور .. ونزلي برتات كثير .. سبعين بارت بالساعه .. علشان نخلص الروايه وافتهن .. قلبي يأكلني اشتي اعرف النهايه ..

 

[معي احلى]

ترجمة ::


قطبي= اسرعي

افتهن = ارتاح

اشتي = اريد ..

 

[قمر جنها]

هههههههههههههههه

 

[قمر جنها]

هذا شنو باي لهجه ��

 

[قمر جنها]

اشكرج على اجاباتج.....

 

[قمر جنها]

يا بنوتات يا لذيذات

ماكو اجوبه بعد

 

[قمر جنها]

انتظر مشاركات

 

[قمر جنها]

هنوءه اختفيتي

و انووونه


ناطره ردودكم

 

[قمر جنها]

عزيزتي معي احلى

انا اليوم يمكن ما انزل بارت لان راح يزوروني ضيووف

اجرب اجهز لكم بارت اذا صار معاي وقت لانكم ضيووف روايتي ايضا

 

[Ms.romanceya]

اب اب اب اب

 

[انوار الكوويت]

رفع

 

[انوار الكوويت]

ناطرين

 

[قمر جنها]

الجزء الثالث عشر

​

(خرج حسن خلف دانه قائلا): لحظه ساره , عيديلي الشرح..


ساره: بامكانك استاذ حسن تنتظر , لاني بديت مع دانه , ما ابيها تتشتت ...


حسن: ليش تتشتت ؟, التكرار يعلم الشطار ...


(كانت دانه تنظر لحسن بأنه أسخف من في الحياة)...


(استأذنت ساره حسن قائلة): استاذ حسن معليش , انا راح اشرح لك كل شي , تحب اطلب لك قهوه ؟؟


حسن: الله الله الله !! لي هالدرجه ثقيل دم ...


دانه: مع الاسف قاعد تستخف دمك , و يايب معاك نتيجه عكسيه , ممكن عاد الحين تخليني افهم شغلي....



(حسن متفاجئ , لأن دانه كانت تنظر له بعينيه باستهزاء , ظل ينظر لدانه بعينيها و تنفس بعمق ثم قال): افاااا !!! زين خلاص , ساره , لما تفهمين دانه عدل , ناديني من الكافتيريا مالت الشركة (ذهب حسن للكافيتيريا على الفور)...


@@@@@@@@


(عندما كانت دانه في طريقها للمنزل , أصبح ضميرها يؤنبها و هي تتذكر ردة فعل حسن عندما أساءت له)....

..............
(استأذنت ساره حسن قائلة): استاذ حسن معليش , انا راح اشرح لك كل شي , بس بعد ما أخلص من آنسه دانه , تحب اطلب لك قهوه ؟؟


حسن: الله الله الله !! لي هالدرجه ثقيل دم ...


دانه: مع الاسف قاعد تستخف دمك , و يايب معاك نتيجه عكسيه , ممكن عاد الحين تخليني افهم شغلي....



(حسن متفاجئ , لأن دانه كانت تنظر له بعينيه باستهزاء , ظل ينظر لدانه بعينيها و تنفس بعمق ثم قال): افاااا !!! زين خلاص , ساره , لما تفهمين دانه عدل , ناديني من الكافتيريا مالت الشركة (ذهب حسن للكافيتيريا على الفور)...
...........


(دانه تلوم نفسها): امبي شفيني فصلت ؟ كلش ماكو اسلوب , الحين لو يقول حق ابوه , راح يخليني استاذ علي بالشركة ؟



@@@@@@@@@@@


(وصلت دانه المنزل منزلة رأسها للأسفل , رأتها والدتها فقالت): دندونه !!


(رفعت دانه رأسها و أجابت): هلا يماا ؟


ام دانه: شفيج !! ويهج منقلب ؟ ما ارتحتي بدوامج اليديد؟


دانه: ما فيني شي , لا عادي...


ام دانه: دندون ! شفيج ؟ مو عادتج ؟ مو شي دوامج ؟ علي قايل لج شي ؟


دانه: منو ؟ المدير ؟


ام دانه: ايي , شعلوومه ؟ حلييو , انتفش ريشه صار نفسيه , ولا


دانه: امبي يما من صجج!! اينن انا من ذيك اليوم لما ييه حق الاستاذ فهد اينن ,, روحه روح شباب ,, بس ولده يقول فيه ضغط ,, خل اقول لج شصار ,,

...........

دانه: السلام ..


علي: و عليكم السلام (ابتسم) اهلا , حيا الله الاسبانيه ...


(ضحكت دانه بتهذيب): اهلا سيد علي ...


علي: قعدي دانه , حياج الله (جلست دانه , نهض علي و جلس بالكرسي المقابل لها) , دانه , في شركه اسبانيه انا متعاقد معاهم , و لما دريت انج تتكلمين اسباني , قلت تيين عندي , طبعا انا مابي اجذب عليج , الشغل عندي متشعب اكثر من فهد ولدي , بس معاشج راح يكون ضعفين , لاني عارف طبيعة الشغل عندي , ابيج تفكرين بالموضوع ...


دانه: ايي استاذ علي , كلمني استاذ فهد و انا من امس مفكره , و عجبني عرضكم...


علي: خلاص عزمتي ..


دانه: ايي ..

علي: يالله , الله يبشرج بالخير , يالله يبه دانه , روحي حق ساره , خل تشرح لج جزء من الشغل (دخل حسن , التفت علي للباب) حسن !! ها شيايبك ؟


حسن: ايي ياي ,(انتبه بان دانه الفتاة التي أعجبته من ذي قبل , ظل سارحا ينظر اليها)...


(كان علي ينظر لحسن منتظرا ان يكمل حديثه , عندما وجده سارحا بدانه كلمه بصوت عال بعض الشيء): حسن خليك معااي انا ..

..............

(صارت ام دانه تضحك): وولده اشكره جذي , عاد مو جدام ابووه !!


(دانه تضحك و تقول): اي ما تدرين منو ولده؟؟


ام دانه: منو؟


دانه: تذكرين ذيك المره اللي دش الكافيه لمن كنا انا وياج , حتي انا احتريت منه , اقول لج سخيف (نظرت لوالدتها شعرت بإيماءاتها انها لم تتذكر) يما اللي قلتي لي شحليله انا اقول لج شحليله عند امه ...


ام دانه: اييي ايي اييي , يحليله , صج عاد ولد علي ...


دانه: تصدقين مادري يما ؟؟ بس خمنت يعني؟؟


ام دانه: شاسمه هو الصبي؟؟


دانه: حسن ,,


ام دانه: ايي ولده , ولده الصغير بعد ,, يا حلوه , صار ريال , خبري فيه عمره 3 سنين بالكثير , حتى كان علي قاص , ما يدري شيسوي معاهم , بس يات اخته قعدت معاه تربيهم , مرته امريكيه و (سكتت , تتذكر عندما كان علي يشكو لها مما يعانيه مع اولاده , و ان شقيقته مريم كانت بجواره بسبب ترك زوجته له و لاولاده , لانها لا تطيق العيش بالمجتمع في الكويت)...


.........

علي: مادري شقول لج يا غاليه , بس متضايق و مخنوق...


غاليه: ليش علي ؟ شفيك ؟ كل اللي يشوفك , يقول عندك هم ما ينلم ,


علي: مادري ليش حاس ان ودي افضفض لج , بس غاليه عشان خاطري مابي الكلام يطلع , حتى لو شخص انتي تأمنين فيه , لأني قايل لعيالي انه امهم ماتت ...


غاليه: قول بو فهد , لا تخلي بخاطرك شي , ما تصدق انت شكثر عزيز علي ,, ولا تحاتي


علي: غاليه ام عيالي امريكيه و قطتهم علي لانها تحب مليونير امريكي من وراي ...

...........

(كانت ام دانه سارحة تتذكر , عندما كانت دانه تناديها): يما , يما ..


ام دانه: هلا يمه , شفيج ..


دانه: ما كملتي لي , عن امهم ..


ام دانه: لا يعني امهم ماتت و اكبر واحد بعياله فهد عمره 8 سنين ...


دانه: يا عمري , كسروا خاطري مديري الاولي و حسن انهم يتامى...


@@@@@@@@@@@@


(بعد مضي4 شهور من ذلك الوقت , في منزل علي , في تمام الساعه الثانية ظهرا , نزل بدر من الطابق العلوي)...


(جاء بدر و قبل رأس عمته حينما كانت تجلس في غرفة المعيشة)...


مريم: بدر !!


بدر: هلا عميمه ..


مريم: ما داومت اليوم يمه ..


بدر: ايي , انا ماخذ اجازه , ابي اريح شويه من الضغوط


مريم: و انا اقول ليش ما قمت ! مو عوايدك!


بدر: ايي , راحه عميمه , قاعده بروحج ! وين كتكوتج ما اشوفها يمج ؟


مريم: بدوره رايحه مع عمها العمره...


بدر: لااا , ما شالله , عليهم بالعافيه , عميمه تغديتوا؟


مريم: لا انطر , ابووك و حسن على ييه ...


(بدر باستغرااب): الا عمتي ما اشوف لا حميد ولا مرته؟


مريم: والله يا يمه اخوك ما ينعرف له , الله يعينها عليه مريته مسيجينه , كله فوق هي خو ما تنزل ...


(دخل علي مع حسن غرفة المعيشة): السلام عليكم ..


(قام بدر و قبل رأس والده , و القى على حسن التحيه): ها يبه شلوونك , شلوونك يا الحلييو(ضحك)...


حسن: تمام والله ..


مريم: يالله اخوي , حساانوو , روحو بدلو ملابسكم , بنجب الغدا..


بدر: عميمه عيل وين الجريده؟؟


مريم: وييه اتصدق خليتها بالحمام ..


بدر: صج؟ خلاص , باخذها انا , بشوف الاعلان نزل ولا لأ؟...


(مريم تحضر الغداء و علي يسألها): عيل بدوره متى توصل ؟؟


مريم: اليوم ..


علي: ادري اليوم , ما قالج عمها متى ايون؟


مريم: لا والله مادري..


(جاء بدر من الحمام بوجه متجهم)...


مريم: يالله بدر يمه عشان تاكل..


بدر: مو مشتهي عميمه , انا بطلع , عندي شغل...


علي: شفيك يبه !! ويهك مو عاجبني ...


بدر: ما فيني شي...


مريم: لا والله فيك اشياء و ساكت ما تبي تقول , شالسالفه؟


(فتح بدر الجريده الصفحه ال7 قائلا): شوفو شفيني ؟! طلبقتي الجوهره المكنونه عرسها كان امس على يوسف المليونير اللي يصير لنا...


(اخذ علي الجريده على الفور)...

يتبع...​

 

[انوار الكوويت]

قمر لحقي على انا مو قاريه الباتات قاريه لحد لما بدر طلق فجر بلييييييييييييز ساعديني والحين تفكيري متشتت

 

[قمر جنها]

ويييييه من زمان ههههههه خل اشوف لج من اي جزء لازم تقرين

بس جنج راده علي البارتات الاي عقبها

 

[قمر جنها]

يعني طايفينج جزئين واحد بصفحه٧ واحد بصفحه٩ شوفي اقريهم قبل هذا

 

[قمر جنها]

ان شالله يعجبوونج

و ناطره منج توقعات او تجاوبين عالاسئله

 

[قمر جنها]

كويتيات رد: روايتي آآآآآه من الأجانب

اسئله.........

دانه متضايقه من حسن مثل ما شفتوا / تتوقعوون راح تكمل شغلها بشركة علي

فهد شنو راح يسوي بموضوع السكرتاريه

و منو اللي يحب الثاني بدر يحب بدور ولا العكس؟؟؟.


حور راح تتغلب على معاملة حمد السيئه ولا ...