روايتي آآآآآه من الأجانب

[قمر جنها]

انوار الكوويت
كــويــتــيــة ذهــبــيــة




انووووووووونه حبي وينج ،، من زمان عنج ،، ان شالله المانع خير حبوووبتي انوونه

 

[هناء - Hana]

وين آلبآرت

 

[قمر جنها]

هلاااا هنووووءه


سوري عالتأخير


في طور التجهييز ههههه

 

[هناء - Hana]

هههههه آوكيهه بس لآتنسين بآنتظآرج آحنآ
آب آب آب آب

 

[انوار الكوويت]

سورى على التاخير والله اسفه بروح اقراهم كلهم الحين

 

[انوار الكوويت]

واخيرا قريتهم كلهم ناطرتج

 

[سلطانة الاحساس]

نبي بااااارت بسرعة بلييييز

 

[انوار الكوويت]

ناطرينج قموتي

 

[معي احلى]

ايش الاخبار

 

[قمر جنها]

شلونكم بنوتات

انا مو قادره في مشكله

ماني قادره ادش القصص و الروايات

بس مو قادره اعرف شالسالفه!!!!!!!

 

[معي احلى]

نفس المشكلة عندي ادخل الروايه من خلال ردودي على الموضوع في ملفي .. ؟؟؟؟

 

[قمر جنها]

يقولون في مشكله بالصفحه نفسها حبووبه

 

[قمر جنها]

[No message]

 

[قمر جنها]

الجزء السادس عشر​

(بدور في قلبها): مدام قلت انا زين , لا تخااف , يعني متضايق حيل...

(فتح بدر الصيدليه و أخرج البلاستر , غطى به جرح بدور , ثم داعب خدها قائلا): ديري بالج كتكوته , أصلا لا تكملين عورتي روحج , نادي سانتي , وينها؟

بدور: راحت تودي غدا حور ..


بدر: اوكي(استعد للذهاب لغرفته , سمع صوت احدهم فتح الباب , فخرج) بدوره سمعتي /لا تقصين السلطه , قولي حق سانتي ,(تساءل) ابوي ييه ؟ (خرج من المطبخ ينادي) يبه؟؟


(كانت بدور تنظر له و تقول في نفسها): بدر عورت قلبي , انا ما عندي امل تتزوجني لانك تشوفني صغيره , و حتى لو شفتني مره و حبيتني نفس ما انا احبك , همن ما عندي امل , لان امي ما ترضى بزواج الاهل , انا اشوفها شتسوي بعمي حسين , يعني باختصار , اموت فيك بدر , و اذا ما تزوجتك , ما راح اتزوج غيرك ...


@@@@

(عندما خرج بدر من المطبخ لغرفة المعيشة , رآى ان والده لم يأتي بل حمد)...


بدر: اهليين بو غايب , والله حاله حميد بتصير ابو , و انا و فهيد قاعدين , عمتي تقول مرتك تعبانه بتولد ..


(غضب حمد قائلا لبدر): بدور يرحم امك , حمدلله و الشكر/ وايد مستانس , انا مو ابو احد زين...(تركه متوجها لغرفته)...


(قال بدر باستغراب): شفيه هذا / لا والله مو صاحي , لا انا اليوم , فيني شي مو طبيعي , الصبح انقثيت , و الحين الظهر هذا قاثني, يا انا مينون و حساس , لا يا ان اهما ميانين ...


@@@@
(بدور في المطبخ تخاطب الخادمة): سانتي , قصي سلطه كملي , انا قصيت ايدي (و تقول في نفسها) ودي ارح اشوف بدر , احس فيه شي و ساكت ...


@@@@

(بدر في غرفته مقابل القبلة مستعدا لقراءة القرآن) ...


(بدر يحدث نفسه): سورة يس قلب القرآن , انا متضايق حيل و اكيد راح ارتاح اذا قريتها ,(بدأ بدر يقرأ سورة يس) اعوذ بالله من الشيطان الرجيم بسم الله الرحمن الرحيم (حينها دخلت بدور و صارت تنظر له , الا ان بدر لم يشعر بها)...


@@@@

(جلست بدور على ركبتيها خلف بدر تسمعه بخشوع و هو يرتل سورة يس)...



(في غرفة الطعام عندما كانت بدور قد انهت تجهيز السفرة , كان على طاولة الطعام عادل وولده حمد و مريم)..


علي: حمد يبه , ترى انت لازم ما تصير قريب , مرتك موصلة بتولد , و انا اليوم يمكن اروح معزووم ..


(حمد يأكل و يجيب والده): ان شالله , انا بس بخلص مشوارين و ارد هني ..


علي: مريم / بدوره وينها؟


(مريم تنظر لحمد قائلة في نفسها): ما يندرى عنك , اخاف اقول حق ابوك انت شمسوي بمرتك يتمرض ..


(دعا علي مريم بصوت عال بعض الشيء): اختي , مريم..


علي: شفيج سرحتي ؟ (قال بروح الدعابه) ان شالله وافقتي على حسين ولد عمي(ضحك) ...


مريم: وييه علي فراغه..


(تابع الضحك): انزين قولي لي وين بدوره؟


مريم: وين بعد؟ يا مو مشتهيه الغدا , يا بدار حور , مو بدارك؟(موجهة السؤال لحمد)...

@@@@

(في غرفة بدر يقرأ القرآن و دموعه تنهمر على خديه قراأته القرآن , عندما انتهى , ابتعد عن سجادة الصلاة يمينا و صار يثنيها فرآى بدور تجلس)...


بدر: بدوره , انتي من متى هني؟


بدور: انا بصراحه , كنت , كنت بناديك حق الغدا , و قعدت يمك و انت تقرا سورة يس ,


(كانت بدور مرتبكه و هي تبرر سبب جلوسها خلفه , و بدر ينظر لها مبتسما فقاطعها قائلا): بدوره شفيج خايفه؟ انتي كنتي تبين شي صح ؟ شنو تبين كتكوته...


(ضحكت بدور قائلة): خلاص جكيتني ...


(ضحك بدر): ههه اكيد اجكج , شفيج كتكووته ..


(انزلت بدور رأسها , ثم رفعته و نظرت لبدر بعينيه و سألته): بدر الصراحه , انا حاسه انه فيك شي , عفيه فضفض لي و انا اوعدك ما اقول حق احد ,(تنفس بدر بعمق و تجهم وجهه بعد ان كان مبتسما , فتابعت) والله والله بدر , حتى امي ما اقول لها , انا مابي اضايقك كثر ما ودي انك ما تقمت همك بقلبك , انا ادري انك ما تحب تطلع اسرارك , قول لي بدر عفيه , شفيك متضايق ...


بدر: والله كتكوته كبرتي , صرتي صجيه (ابتسمت بدور و انزلت رأسها) مادري شقول لج , يمكن تقولين لي ان ما عندي سالفه و حساس زياده عن اللزوم , بس شفت (تنفس بعمق) شفت يوسف و فجر الصبح (نظر لبدور وجدها تسمعه باهتمام) لما شافوني ,,, ييه يوسف و سلم علي ...

(بدر يتذكر ما حدث)
......

(كنت مع ابراهيم ولد عمي محمد , شوي جان يقول لي): ولد العم جنه قام حظك , منو هذي ام كرشه اللي تخزك من بعيد , المشكله ما يندرى اللي يمها ريلها , شفيها ثقه تخزك يعني ...


(بدوره انا قاعد اقول له): يمكن وحده معانا بالدوام ابراهيمو لا تحط بذمتك (انا بدوره ,, رفعت راسي بشوف منو هذي ,, و لقيتها هي ,, فجر و يوسف , ازواج الهنا بويهي ,, طبعا بس رفعت راسي قطت راسها على جتفه و تراويني الاجياس اللي شاريتهم من mamas & babas طالعت بطنها وله حامل , و نظرتها قاعده تحرني)


(تحنطت اطالعهم ,, و ابراهيمو يقول لي): شفيك؟؟


(و انا ساكت مختنق مو قادر اجاوبه , قلت له): طالع عدل , ما عرفته , هذا يوسف القاسم ..


(جان اشوف يوسف ياي , قعدت اقول شيبي هذا ياي عندي , وصل عندي و قال لي): مرحبا , شلونك بدر؟


(طبعا بدور ابتسمت له ابتسامه شعرضها , وقلت له): هلا والله يوسف شلونك ؟


(طبعا اللي فهمته منه ان هي قايلة له اني محتر قاعد اطالعها , لما قال لي): بدر انا ما ابيك تتضايق مني , احنا اهل , بس الزواج قسمه و نصيب , والعيال ارزاق همن من الله , وانا ما راح اسامح نفسي اذا ضايقتك ..

.......

(رفع بدر رأسه و نظر لبدور): انا طبعا ابتسمت و قلت له واثق , لا بالعكس , اكيد كل شي نصيب , و اذا بفكر بغير جذي , معناته ان ايماني ضعيف.....


بدور: صح بدر , جذي انت صح , وانت ايمانك مو ضعيف , لانك لما لقيت روحك متضايق , ما سلمت روحك حق ابليس , و قعدت تقرا سورة يس ..


(ابتسم بدر): لا كتكوته , خلاص صرتي صجيه , يا حلاتها...


(ضحكت بدور و تابعت): انزين بدر , بما ان الله فكك من فجر , و المظاهر اللي هي تحبها و مقيدتك فيها , ليش ما تفتح لك قراج الحين...


(شعر بدر و كأنها هدته لطريقه الآن و اجابها قائلا): اي والله , انا شفيني ناسي روحي كل هالمده , ترى يمكن 5 شهور مفتك من ويهها , جان فاتح لي قراج , و الحين القراج واقف على حيله...

يتبع...​

 

[قمر جنها]

الجزء السابع عشر

​

(ضحكت بدور و قالت): مو يمكن , الحين الله كتب , مو قبل 5 شهور , لا تخلي ابليس يقص عليك...


(ضحك بدر قائلا في قلبه): انا امووت فيج..


(دق جرس جواله , نظر لجواله و قال): هذا فهيد(أجاب الجوال): الوو...


فهد: الوو , ها بدير شلونك ..


بدر: تماام ..


فهد: بدووور عفيه طلبتك , انت مشغول وله ما عندك شي..


بدر: اليوم ما عندي شي , ليش شعندك؟


فهد: ابيك تشتري لي بدله مهندمه , الصراحه انت وايد انيق , مادري على شنو حميد شايف حاله (ضحك) المهم بدير اذا تقدر تييب بدله حلوه اروح فيها حفلة سالم ال... , ودي اعرض عليه شغل , مثلك عارف شكثر شركاته واصله القمه ..

بدر: فهيد من صجك , ابووي ما يشتهيه هذا , ولا يحب يتعامل معاه , سكيير , و نصااب ..


(جاء نداء لبدور من والدتها في الطابق السفلي , فصارت تودع بدر بيدها , فأشار لها مودعا , أجابت والدتها): هلا يما...


@@@@@@@@@@@


(في منزل دانه , بعد ان حدثت دانه والدتها بشأن ما فعلته مع حسن): تخيلي يما اينن تعرفين شنو اينن..


(كانت ام دانه مستمعه جيده , و ذات روح شبابيه): تدرين اني كنت اقول عن ابووه نفس الكلام اللي تقولينه عنه؟


(دانه تضحك متفاجئة): حق امج ؟..


ام دانه: عيل ها ! بس انتي تقولين حق امج ..


(دانه تضحك فاحتضنتها والدتها و قبلتها قائله): الله يبلغني فيج يا يمه , بس يا يمه , ديري بالج/ الرياييل ما يحبون الثقل وبنفس الوقت ما يحبون الوحده رقله , يعني اتصرف بميزان , ترى البنت سمعه ..


دانه: يعني يما كنتي تسوين مع استاذ علي نفس الشي ..


ام دانه: علي , يا حلوه , و على كلامج ,, على اللي وصل له , و لي الحين يا حلوه ,, بس انا في حواجز كنت مستانسه عليه و موقفه روحي , لان لو اموت امي ما رضت تزوجني اياه , لان مطلق و عنده 4 صبيان...


(استغربت دانه قائلة): مطلق!! انتي قلتي لي زوجته ميته..


(سكتت ام دانه بعد ان وقعت لسانها ثم تداركت ما قالت و اجابت ابنتها): اي هذا هو , نفس الشي , مطلق , ارمل , كله واحد عند امي قبل ,(ضحكت) كلهم ممنوعات ..


@@@@@@@@


(عند الخامسة مساءا , دخل فهد المنزل ينادي بدر): بدوووور , بدييير , وينه هذا؟ , يمكن بداره فوق , شلون بيسمعني بالله !! (توجه لغرفة بدر , دخل الغرفه) الله ظلمه , شكله نايم هذا ,(صار يوقظ بدر) بدييير !, ليكون نسيتني (استيقظ بدر) قوم بدووور تكفا قويه النجله اذا ناسيني...


(بدر بصوت ثخين): بلا يبه بلا شريت لك , فج الليت...


(فتح فهد الإضاءة قائلا): حدك عاض المخده , الله يستر من المقاس ...


بدر: اقول/ ليكون على بالك دايخ مثلك / خذيت بدلتك اللي اول امس لابسها , ويبت لك على مقاسها...


@@@@@@@@@@


(في الحفلة ,,, رأت دانة يتحدث مع شريكه محمد , فذهبت لتلقي عليهما التحية): السلام عليكم ...


محمد: هلااا دانه هلاا والله ..

(فهد بتعجب): اهلين دانه , ها يايه!! ابووي مطرشج بداله؟؟


دانه: لاا , انا مناديتني جوري ..


محمد: جووري!! جووري تشتغل عند الاستاذ سالم؟؟


دانه: لا , هي خطيبته (نظرت دانه لفهد وجدته يتحدث مع أحد الضيوف)..


محمد: لا لا لا , لا تقولين !!! حسافه عليها !! لا مو معقووله ,, اكيد تتقشمرين!!


دانه: لا صج استاذ محمد..


(استدار فهد قائلا): شنو شالسالفه؟؟


(ساد الهدوء و توجهت الانظار لسالم حين دخوله يحتضن جوري , كانت جوري ترتدي لباسا فاضح بعض الشيء , و تتألق جمالا)...


(فهد بتعجب): دانه!! هذي منو ؟؟


دانه: جوري استاذ فهد ..


فهد: و شفيه هذا ثقه لامها جذي؟ شيصير لها هو؟


دانه: خطيبها ..


فهد: من صجها !!


دانه: ايي , امها راضيه , برضا امها ..


(صرخ فهد قائلا): وين ابوها ؟ شلون يزوجها شايب , نصاب و سكير..


دانه: ابووها مات من 4 سنين استاذ فهد , و اكيد لو هو عايش جان ما رضا..


فهد: افف , يتيمه بعد , انزين ابوها الله يرحمه متوفي , اخوانها الصبيان شلون يرضون ..


(دانه باستغراب): استاذ فهد هي وحيدة امها و ابوها , ما عندها لا اخوان ولا خوات


.....

(صار فهد يتذكر ما فعله)...


فهد: جوري خلصتي الاوراق اللي عطيتج اياها ...


جوري: لا استاذ , اتصلوا اللي


(قاطعها فهد قائلا): انتي شنو , شنو هالبرود , شنو هالتقصير , تبين اخصم عليج الحين(كانت جوري تنظر لفهد , و تكاد تشكو منه اليه)...


(حاولت جوري السكوت الا انها لم تستطع ان تخبئ جرحها عن فهد هذه المره): استاذ فهد(ذرفت دموعها امامه) انت وايد تبهدلني , انا مقصره !! , ولا لانك حاس فيني احبك تعاملني جذي ...

......


(فهد سارحا بما فعل من ذي قبل , حينما كان سالم و جوري يقفان امامه)...


سالم: هلا فيك اخ فهد , وين الوالد ما شرفنا؟


(استقظ فهد من ذكرياته , نظر لسالم ثم لجوري) ...


(سالم باستغراب): اخ فهد , شكلك تعبان...


(فهد بذهن مشوش): ها , اي هلا (ينظر لجوري), اي انا فعلا / مرهق شوي , هلا فيك سيد سالم (مد يده و صافحه).. ..


(مد سالم يده): حياك الله .. ..


(ابتسم فهد الا ان الضيق كان يطفوا على وجهه , قال): مبروك سيد سالم (مد يده و صافح جوري و هو ينظر بعينيها) مبروك جوري ..


(جوري تبكي بصمت , و سالم ينظر اليها): الله يبارك فيك (غطت انفها و فمها بيدها و جرت الى دورة المياه) ..

​

​

​

يتبع....​

 

[قمر جنها]

تسلمين يا معي احلى على اهتمامج و متابعتج حبي

 

[معي احلى]

منتظرين المزيد من الاجزاء على احر من الجمر

 

[قمر جنها]

ان شالله

 

[قمر جنها]

يوم أمس, 01:22:51 pm رقم المشاركة : [227]
سلطانة الاحساس
كــويــتــيــة فــعــالــة




كويتيات رد: روايتي آآآآآه من الأجانب

نبي بااااارت بسرعة بلييييز


هلا حبوووبه سوري اني اخرت الجزء

 

[هناء - Hana]

ونآآآآآآآآآآآآآسه نزلتي بآآرت ههههههه ثآنكسس ع آلبآرت روحــــــــي
نبي بعععععد كممممملي