روايتي الآولى

[q8 knosha]

قووه بنات شلوونكم؟! انشاءالله تماموو :eh_s(15):
حبيت انزلكم روايتي بما اني واايد اطير صواريخ لوول واآلف قصص على الاهل
عندي روايتي كنت كاتبتها بدفتري وبكتبها لكم اليووم :eh_s(9): وانشاءالله تعجبكم :eh_s(22): بس بليز شجعوني مو تحبطونييي :eh_s(4):

نورة . . . بنت عادية وعايشه حياتها مثل باجي البنات, في يوم من الايام

بنهاية الاسبوع واهيا قاعده بدارها وتقلب بالتلفزيون دقت على رفيجتها

نورة : الو ..

لولوه : هلا نوروه

نورة : شلونج لولو شخبارج؟؟

لولوه : تمام حبيبتي, انتي شخبارج شمسويه؟؟

نورة : ماشي الحال.. لولو شقاعد تسوين؟!

لولوه : ولاشي ليش؟ تبين شي؟

نورة : موضايق خلقج؟؟

لولوه : لا عادي ههههه ليش شفيج؟

نورة : لا ماكو بس ماكو شي اسويه وضيقت خلق شرايج نطلع؟!
نغيير جو احنا ياا البيت ولا الجامعه ولا متيمعين عند بعض ومن زمان ماطلعنا
امشي نتعشا برا نغير جو؟! هاا شقلتي؟

لولوه : اوله اوله كل هل مقدمه عشان تبينا نروح مطعم خو قولي امشي نتعشا برا وبس

نورة : هههه ايه عشان اغريج يعني شسوي بعد .. ها شقلتي؟؟

لولوه : اوك ماشي الحين البس وامرج اوك!

نورة : اوك وانا بشوف سارونه اذا تيي معانا زين!

لولوه : اوكيك يله باي.

نورة : باي.


" نورة بطلت الروايه عمرها 22 هاديه وحلوه وجسمها متناسق - لولوه رفيجتها عمرها 22 غشمرجيه وتحب الضحك اهيا بطه شوي بس مملوحه - ساره رفيجتها الثانيه عمرها 21 حلووه وجسمها حيل متناسق وبرونزيه ومغروره شوي بس حبوبه "

نورة دقت على ساره .. وساره كانت زاهبه قاعده اضيع وقتها وتتمكيج واهيا بالبيت ماصدقت في طلعه واهيا زاهبه قالت لهم يمرونها

خلصت لولوه وطلعت واهيا بطريجها حق نورة دقت عليها...

نورة : الوو ..

لولوه : هلا نوروه ترا انا بلطريج خالصه؟

نورة : اييه يله ناطرتج

لولوه : ساروه بتيي معانا؟

نورة : ايه خالصه اهيا بعد

لولوه : اوك دقايق وانا عندكم يله باي.

نورة : باي.

انزلت نورة وقعدت بالصاله تنطرها . .

اخوها العود "احمد" كان توه صاعد غرفته شاف نورة نازله

احمد : هاا جنج طالعه!

نورة : ايه رفيجتي بتمرني الحين وبنروح نتعشا وارد

احمد : زين بس ديري بالج على نفسج

نورة : انشاءالله

نزلت نورة وامها قاعده بالصاله ..

نورة : هاا يما قاعده

الام : ايه حبيبتي قاعده وين شكلج طالعه؟!!

نورة : ايه يمه ييت اقولج ان بطلع مع لولوه شوي اغير جو نتشعا برا وارد بدال ما انا قاعده بغرفتي 24ساعه ملييت اووف

الام : انزين يمه بس ديري بالج على نفسج ولا تتأخرين وبس المطعم وردي

وصلت لولوه ودقت عليها رنه.. نورة لاهيه اطالع فونها .... وردت على امها..

نورة : انشاءالله يمااا يله بمشي دقت على لولو برا باي.

طلعت نورة وركبت مع لولوه وسلمت عليها و مروو ساره وراحو المطعم..


اول ما وصلو المطعم ودشو.. كان زحمه وصوت الاغاني عالي والاضاءة خافته

لولوه : امبيه شهل زحمممممه الله يخس بليسج نورووه

ساره : احلا شي عيل نروح مطعم فاضي؟ نقعد فبيوتنا ونطلب احسن بعد

نورة : وانا شدراني ان اليوم زحمه جذي

يااهم الريال وقعدهم على طاولتهم وعطاهم المنيو... وطلبو واهما ينطرون اكلهم على ما ايي
قعدو يسولفون عن الجامعه والبنات وضحك

نورة طاحت عينها بعين واحد قاعد ويخزها..!!

كان قاعد مع ربعه بس عقله وعيونه مع نورة....

لفت ويها عنه وماعطته اي اهميه...

و وصل اكلهم وتعشو وسوالف وضحك ..

لولوه : ماتبون نحلي بعد؟؟ شراايكم؟ عندهم خووش كيكه

ساره : امبيه انتي مو من صجج ماتشبعين؟!

نورة : ايه يله عادي لوول

اطلبو الكيكه وقاعدين ياكلون مالمحت نورة الا ...... الشخص اللي كان يخزها للحين ماشال عينه عنها

همم لفت ويها و سووت روحها انها موشايفته..

خلصو ودفعو وطلعو يركبون سيارتهم ويردون بيوتهم..

اركبو سيارتهم وسكرو البيبان ولا ..... واحد يمسك باب نورة قبل لاتسكره !!!

انصدمت نورة من هل جرأه وانربط السانها وبس كانت قاعده واطالعه؟؟!!!

قالها : أسف على الحركه ادري انها مو حلوه بس شسوي غصبن عني بس كنت بعطيج شي وبمشي ..

مد إيده وعطاها كلنكس ماخذه من المطعم!!

نورة .. استغربت كلنكس؟!!

خذته من غير ماتقوله ولا كلمه .. رد وقالها اكرر أسفي على مسكتي للباب واتمنى اني اشوفج مره ثانيه ومشي ورد المطعم حق ربعه....

كانت لحظة صمممت ........ ومستغربين من الموقف !

نورة سكرت الباب وماتكلمت مع رفيجاتها بالموضوع ولا اهما ناقشوها فيه.. وحركو من المطعم .

نورة حطت لكلنكسه بجنطتها .

واهما بالطريج ساره افتحت موضوع عن الميك اب والموضه

ساره : امبيه توني طحتلي على بنطرون مع جاكيته مووصج ولونهم بعد امبيييه فضييع

لولوه : ههههه عاد في سايزي؟

ساره : لاطبعا مو حق البطات << على غشمره

لولوه : ويييع اصلا موستايلي ماحب البنطرون

ساره : وشريتلي حمره لاتشوفين لمعتها فضيعه تقولين باربي

لولوه : وينها وريني اياها

ساره تطلعها من الجنطه : كاهي طاعي لونها بس

لولوه : واااى صج فضيعه نطري بجربها

نورة قاعده ورا وساكته...

وصلو بيت نورة ..
نورة بطلت الباب ونزلت : يله مع السلامه

لولوه : نووروووه بصووت عالي

نورة : هلا !

لولوه : فيج شي؟!!

نورة : لالا ماكو

لولوه : طول الطريج ساكته! ماناقشتينا بشي!

نورة : لاماكو بس تعبانه شوي راسي صدع من هل مطعم ولفراره

لولوه : اوك حبيبتي

نورة : يله باي.

لولوه : باي.

وسكرت الباب نورة وصعدت دارها...

لولوه تكلم ساره : احسها تضايقت من هل غبي اللي مسك عليها الباب وخرعها اول مره تصير لها سوالف جذي

ساره : ويييه شغله عاديه هذي شنو يعني لما مسك الباب! قال اللي بخاطره ومشي "ويتمنى يشوفها بعد" لوووول

لولوه : والله مادري شقولج.

نورة دشت غرفتها وسكرت الباب عليها وقعدت على سريرها وتفكر شصار معاها اليوم....

فجـأه ...........

!........

انا شفيني!! معقووله حبيته من اول نظره !!
شفيني افكر فيه طول الطريج ؟!!

اوووف وقامت تبدل هدومها ولبست بجامتها وقعدت جابلت هل تلفزيون واهيا تغير بالمحطات وتفكر بلي صار .. فجأه تذكرت ....


لكلنكسه.. قامت وبطلت جنطتها وطلعت لكلنكسه بطلتها ولا كان مكتوب عليها xxxxxxx رقمه واسمه وجمله "اتمنى اسمع صوتج وأسف على جرأتي" ...

نورة عصبت لانها ماكانت مجرد اكلنكسه!

وقطتها بالزباله وقفت ثواني .........

وردت طلعتها وقعدت تفكر شفيها ان دقيت عليه؟؟

يمكن قصده شريف!!

او يمكن يبي شي مهم؟!

على الاقل اشوفه شيبي!

امسكت تلفونها وكانت متردده ..

دقت الرقم....

ومسحته .. ودقت الرقم مره ثانيه وكان التلفون يرن..

وققلبها يرقع .. من الخوف .. بس فيها فضول تعرف شيبي!

طول ومحد شاله .. بتسكر الخط ولا....

ينفتح .. الو

نورة : ساكته

الشخص : الووو

نورة : الو

الشخص : هلا ..

صمت ....

الشخص : الوووو اكيد انتي اللي اليوم شفتج بالمطعم؟؟

نورة : ايه "واهيا مستحيه"

الشخص : هلا فيج والله مابغيتي تنورين تلفوني..

تدرين انتي شسويتي فيني؟!

نورة : لا "بصوت خفيف"

الشخص : ويييييه شقولج وشخليييي اولا شي اعرفج بنفسي لان انتي شكلج ماراح تتكلمين بس انا اللي بسولف

نورة : تضحك بس من غير صووت

الشخص : طال عمرج اسمي عبدالعزيز وعمري 24 وانا موظف امممممم اشتغل بشركه من الشركات اممم وبعد وبعد وعايش مع امي وابوي واختي فبيت هههههههههههههه مادري شقولج بعد ...

نورة : انزين انا لازم اسكر الخط الحين لان بقوم انام وتعبانه

عبدالعزيز : افااا صارلي ساعه اسولف اخر شي بقوم انام! حتي ماكو عاشت الاسامي

نورة : عاشت الاسامي بس انا تعبانه شوي مادري شفيني

عبدالعزيز : ليش شفيييج؟ عسى ماشر؟؟

نورة : ماشر بس راسي يعورني شوي وبنام

عبدالعزيز : نوم العوافي يايبه ومابي اضغط عليج واحلاااااااام سعيده كفايه اني سمعت صوتج هل دقايق بس انا راضي بس ... بتسمعيني صوتج مره ثانيه؟؟

نورة توهقت ماتدري شتقول ..................................

قاعده تفكر .. شرد...؟؟!!

راح ادق وكلمه بعد؟

ولا بس خلاص عرفت ان مافي شي مهم؟؟

نورة : انشاءالله يله مع السلامة.

عبدالعزيز : مع السلامه.

وسكروو الخط



​

 

[q8 knosha]

و بررررب اكملكم باجر البارت الثاني

وعنوانها كنت بكمله بس بدال ما ادوس مسافه دست انتر لول عادي طوفو طوفو

 

[sweet.sanfoora]

بداية حدها عجييبة

وبثث

ثانكيوو

 

[غلآها غير]

بداايه حلووهـ

يسلموو

ناطرينج

 

[G!rla q8ya]

بدآأااية حلوة حبيبتي ^_^


* و يعطيج آلعـــــــآاافية

نـــــــآاااطرينج ......




..،،‘‘**>>

 

[غلآها غير]

  
ناطرينج
  

 

[q8 knosha]

البارت الثاني

نورة ولا مره كلمت واحد .. فكانت حييل متشتته وماتدري شستوي!

قعدت وتفكر بلي سوته, وشلون سوت جذي واهيا كله تنصح رفيجتها ساره!

صار الوقت متأخر واهيا تتقلب بفراشها فكرت وقالت ماكو الا باجر اقعد مع لولو وساره واقولهم على اللي صار واشوف رايهم..

ونامت .....

صار الصبح وقعدت حق الجامعه دشت الحمام غسلت وطلعت ولبست حطت هل ميك اب الخفيف وخذت جنطتها وانزلت ... انزلت تتريق مع امها و اخوها

"ابوها متوفي كان مريض وريال عود"

نورة : صباح الخير
"تبوس امها حييل"

الام : صباح النور

احمد : اوو يعني بتحريني؟!

نورة : وااى شكووو هذي حبيبتي الغاليه

الام : هاا شعندج شتبيين اليوم بعد؟

نورة : ههههه سلااااامتج بس حرام ادلعج بعد؟!

الام : لا حبيبتي دلعيني انا من لي غيركم

نورة : فدييتج يمه والله لايحرمنا منج

احمد : اميين

تريقو .. وطلع احمد حق دوامه و نورة حق جامعتها..

"احمد عسكري بالداخليه"

نورة وصلت الجامعه وشافت لولوه ودشو المحاضره مع بعض

"نورة حييل متعلقه بلولوه اهيا اقرب رفيجاتها ونفس ستايلها"

بلبريك راحو الكافتيريا يقعدون ويشربون لهم شي مثل كل يوم ...

نورة : لولو....

لولوه : هلا؟

نورة : لولو .. ودي اقولج شي .. و ..
وابي اخذ رايج فيه!

لولوه قبل ماترد .......

كانت ساره توها داشه الكافتيريا مع قروب بنات تعرفهم اهيا

ساره حق قروبها : اخليكم شوي ويايتكم..

ييت ساره وطبت على لولوه و نورة..

ساره : شتسووون؟؟

لولوه : ولاشي "مع ابتسامه" ماكو

خافت انها تقول شي ونورة ماتبي تتكلم جدام ساره

نورة : الله ياااابج تعالي تعالي قعدي بقولج شي..

لولوه : قولي يله ذبحاينا

نورة : امس اللي صار بالسياره !

لولوه و ساره : ايه ...؟؟!!

نورة : امممم .. بعد مارحت البيت شفت لكلنكسه و ..

ماكملت كلامها .. الا ساره ...........

ساره : فيها رقمه؟؟

نورة : ايه .. ودقييييت "قالتها واهيا تعض شفايفها"

لولوه : نعم؟!!

ساره : يمه منج هذي اللي تنصح ههههههههههههه قولي قولي شقالج؟؟

نورة : ماكو ماعطيته مجال قالي اسمه .. عمره .. جذي شغلات عاديه

ساره : امبييه شنو سيارته؟؟ و وين بييييتهم؟؟ من ولده؟ وجم معااااشه؟؟؟ ينفع تقزرينها عليه؟؟؟ ههههههههه

نورة : سارووه شهل حجي! وبعدين انا مادري عن كل هذا قتلج ماعطيته مجاال وسكرته ورحت انام

ساره : من صجج؟ من اول يوم لازم تعرفين كل شي عنه وتعطينه العين الحمره ومن اول يوم تفهمينه انج طالبه مو موظفه عشان كل شوي بدقين وتطرشين له مسجات خلييه اييبلج كرووت ولاتنسيني ههههههههههه

نورة : واااى سارروه مو من صجج! ليش طراره؟!

ساره : لا بس قزريها عليه قبل لايقزرها عليج

نورة : !! .....

لولوه : نورة انتي من صجج؟ ترا سمعتج من سمعت اهلج

ساره : شدعواااا لولو ترا اهيا مو اول بنت بتكلم!! واصلا هذا صار شي عادي .. ماعلييج منها هذي معقده .. لاحبيبتي الحين تدقين عليه وتكلمينه عاديييي

نورة اطالع لولوه .. وترد اطالع ساره : اوك

خلصو من دوامهم وكل وحده ردت بيتها...

لولوه ماعجبها اللي صار و موراضيه ان نوره تمشي بهل طريج لانها بتضييع .. بس ماقدرت تسوي شي

ساره العصر كانت قاعده فاضيه .. ومسكت تلفونها ودقت على وحده من رفيجتها...

ساره : الوو .. شلوونج فرووح؟

فرح : هلا سوسو تمام

ساره : امبيه شفتي هل معقدتين اللي اليوم رحت قعدت معاهم؟!

فرح : لوول يس؟

ساره : تخيلي نوروه اللي قتلج سالفتها طلع مرقمها عشتووووووووووو
مادري شلاقي فيها احسن مني!! عفيه طاعي الفرق بيني وبينها !
صج ماعنده نظر والمشكله شكله ولد فلوووس..

فرح : ايييييييه هذول لحظوووظ عبالج انا معاج..!

ساره : ايه والله صدقتي بس عاد عبالج بخليه لها؟!! تاخذه جذي بسهوله؟!

فرح : لوول شكو رازه فيسج؟؟ لصبي رقمها اهي يعني لو انج عاجبته جان رقمج! يمكن عاجبه ستايلها!

ساره : من صجج؟!! اي ستايل هذا؟
بس حرنييييييييييي ليش ما لحقني انا؟ انا احلا منها بكل شي بس نطري علي ان ماخليته يلحقني انا وخرفنته ماطلع سارووه .. تراهنيني ايييب راسه؟؟ وخليه ينقد عليها ويحر قلبها؟! وخربلها حياتها فوق تحت

فرح : لوول عاد ليش كل هذا؟! مسكينه شسوتلج؟ لا حرام خليهم مع بعض انتي عندج اللي يكفووونج خلصيهم اول بعدين افتري على حبيب الفقيره

ساره : جب جب لاتصيرين معاها شوفيني شلون راح اسحبه صوبي واخذه .. ان ماخليت عينه 24ساعه علي ماطلع سارووه يله يلمليقه اخليييج عشان اقعد اخطط هههههه

فرح : مينونه والله

ساره : باي.

فرح :باي.

وتقعد ساره وتفكر شلون اول شي بتخرب بين نورة ولولوه عشان تبعدهم عن بعض وتسحب نوره صوبها

وبعدين شلوون بتوصل حق عبدالعزيز اللي راح يصير حبيب نورة :eh_s(22):​

 

[q8 knosha]

يسلمو حبايبي البارت الثالث باجر برب

 

[غلآها غير]

مشكورهـ ع البارت الحلوو

وناطرينج باجر ان شاء الله

 

[VET-Nour]

سسآآره تقههر افف مال اصكهاا طرااق
مسكينه نوره تكسسر الخاطر ,

كمملي ​

 

[zoqa]

Oof wee3 laish chtyh sara !

we3 7aratni ;@ ! mal kaaf aham shai bt5arb 7yatha
weee3 shnu halnas ! Lol thakrtni b,wa7da;s !1
w noura shtabe feh hatha ?1
akrah no3eta ! =P 5alt9er 5osh bnt w ta36eh 6af 3shan mat9erlha mshakl mooo =P

umm Oo lolwa 7aabethaa <3 a7sha '3eer <3 ;$

mno boga b3ad =P Ee o5o nour a7s lah door bl,rwaya <3

w dzai rsala 7ag moshrfa 5at76lch esm rwaytch mthl mataben =P

thnqq .. Na6renich 7ubii ;*​

 

[غلآها غير]

Up Up Up

 

[zoqa]

up

up

up

!!​

 

[VET-Nour]

up
up
up
كممملي ​

 

[sweet.sanfoora]

وييع اكره نظام سارة

وبثث

ناطرتج

 

[q8 knosha]

سوري على التأخير :bbbiu:--------------------------------------

خل اقولكم عن بيت ساره شوي...

ساره عايشه مع امها .. ابوها منفصل عن امها وساكن بروحه مع مرته الثانيه طلق امها بسبب انه يبي صبي لان ساره عندها 3خوات واهيا الرابعه..

اختها العوده عمرها 24 اسمها لما, اختها الاصغر منها عمرها 17 اخر سنه لها ثانويه واسمها دلال, اختها لصغيره عمرها 16 بال11 واسمها لطيفه, امها صغيره عمرها 43 و نوعها 24ساعه زوارات وعزايم وطلعات.

بيت نوره .. العصر

كانت نورة قاعده بغرفتها وقافله عليها الباب .. ومتخسبقه شلون بتدق الحين "خايفه" .. تقعد على فراشها وتقوم توقف يم كبتها ترفع تلفونها وتدق الرقم من غير سيند وترد تنزله .. وتروح يم دريشتها وتطالع فونها ولا ...

يوصلها مسج من عبدالعزيز..

"عبدالعزيز : قوه شلونج؟؟ انشالله بخير؟؟
قاعد احاتيج من امس!!
طول الليل مانمت .. افكر فييج
كنت بتصل عليج اسولف معاج بس ماحبيت اضايقج
اقدر ادق اسمع صوتج الحين؟!"

نورة تقرا المسج واهيا تبتسم استانست في شخص يسأل عنها ويحاتيها .. قامت ودقا عليه

عبدالعزيز : الو

نورة : الو

عبدالعزيز : فديت هل صووت مابغينا نسمعه!!

نورة تبتسم واهيا متوتره وتعض بظافرها وتقوله : شسوي بعد انشغلت

عبدالعزيز : زين المهم سمعنا صوتج .. شلونج شخبارج؟؟

نورة : الحمدالله بخير وانت؟؟

عبدالعزيز : انا؟ .. انا طاير من الوناسه مو مصدق قاعد اكلم اللي مت وانا افكر فيها من يوم ماشفتها

نورة مستحيه وتبتسم : ........

عبدالعزيز : الوو ويينج؟!

نورة : هلا موجوده

عبدالعزيز : بيييه كل هذا مستحه .. لا انا مابيج تستحين مني ابيج تحسبيني حسبة شخص قريب منج واللي تبينه تطلبينه ولاتستحين

نورة : انشالله

عبدالعزيز : الا ماقلتيلي شسمج؟؟!

نورة : اسمي نو....

ماكملت "طق طق" الا اخوها يطق الباب عليها ...

احمد : نورووه .. ويبطل الباب ولا مقفوول!

احمد مستغرب يتحلطم بروحه : شفيها هذي قافله الباب هل حزه؟!! مو عوايدها

نورة تصرقعت وتخسبقت سكرت الخط بويه عبدالعزيز ..

نورة واهيا رايحه تفتح الباب : هلا هلا احمد

احمد : شعندج قافله الباب!!

نورة تبطل الباب : لاماكو بس .. بس كنت قاعده اجرب شغله توني شاريتها

احمد : زين ماعلينا امي تقولج بعد شوي بتروح بيت خالتي وتبييج معاها لان خالتي توها راده من السفر

نورة بسرعه ردت : انشالله ... "بس تبييه يروح تبي تدق على عبدالعزيز"

احمد يرفع حاجب ويطالعها : غريبه ماعلقتي بيت خالتي ماتحبين تطبينه!

نورة : اووف احمد شفيك! يعني خالتي توها راده من السفر لازم امرها

احمد : ماشالله عليج .. ويروح داره

نورة تسكر الباب وتتسند عليه : اووف الحمدالله ماسمعني

تقفل الباب وترد تقعد على سريرها وتدق على عبدالعزيز..

عبدالعزيز : شدعوا يبا رقعتيه بويهي جذي حتى ماكو باي!!

نورة : سوري بس مادري اخوي خرعني

عبدالعزيز : خلاص خلاص .. انا زعلان

نورة منصدمه : من شنو؟ انا شسويت!؟

عبدالعزيز عيار كان يبي عذر عشان يشوفها ...

عبدالعزيز : شسويتي؟؟!! ... الحركه حدها بايخه اسألج شسمج تسكرين الخط بويهي؟!! من غير ماتعطيني خبر !

نورة تفكر بكلامه انه صح : وااى سوري والله موقصدي بس اخوي خرعني

عبدالعزيز : خلاص زعلان عليج

نورة تلعب بخصله من شعرها وتفكر : .........

عبدالعزيز : راضيني

نورة : شلون؟!

عبدالعزيز : خليني اشوفج حتى لو من ابعيد

نورة تبطل عيونها : @@ لالا ماقدر لالا انسى

عبدالعزيز ساكت : ...

نورة : مااقدر والله لا اخاااف شلون لالا

نورة : الوو شفيك..

عبدالعزيز بصوت واطي ومتكدر : انتي تدرين .. هذا وانتي مزعلتني وصاكه الخط بويهي

نورة تفكر : ........... شلون تشوفني؟ و ويين؟ وشقول لهلي؟ لالا خايفه مابي

عبدالعزيز : لاتخافين وانا معااج .. قولي لهلج رايحه الجمعيه وسفطي هناك وركبي معاي نطق فره بالجمعيه بس ما ابعد وتنزلين تالي سيارتج

نوره تفكر .......... استانست على الفكره .......... وترد عليه مع ابتسامه : اوك

عبدالعزيز حده يستانس : واخيراا زين قوليلي شسسسسمج؟ شنادييج يعني!

نورة : نورة

عبدالعزيز : احلااا اسمممم ... نفس اسم امي امووت على هل اسم عاشت الاسامي والله

طبعا عبدالعزيز قاعد يجذب عليها ويبيها تستانس عليه اكثر واكثر

نورة مستانسه : عاشت ايامك .. اممم زين انا اخليك الحين عشان بروح اشوف امي متي بتطلع وعطيك خبر

عبدالعزيز : اوكيك وديري بالج على نفسج واي شي تبينه دقي

نورة مستااانسه : اووووك يله باي

عبدالعزيز : باي بس نورة كل شوي طمنيني عليج بمسج وين رحتى و من ويين ييتي

نورة : انشالله

بعد ماسكرت الخط .. امسكت تلفونها بأيدها الثنتين وحطته على صدرها ولامته .. وتطالع فوق وتبتسم

اسرحت شوي وفكرت "شلوون بشوفه بروحي!! انا ماعرفته عدل!! شلون بركب معاه!! بله خطفني وانحاش!!"
اممممممممممم خل اشوف لولو اذا تيي معاي
امسكت فونها بتدق عليها ولا تتذكر كلامها ان ماكان عاجبها تكلم عبدالعزيز شلون بتقولها بشوفه!
ترددت وقالت ماكو الا سارووه ودقت عليها....

ساره : الو

نورة : هلا ساروه شلوونج؟ ابييييييييج بطلب لاترديني!

ساره مستغربه اول مره نورة تطلبها : امري؟

نورة : عبدالعزيز بشوفه ومابي اروحله بروحي .. خايفه

ساره : لووووووول شدعووه بياكلج الريال؟؟ اوكيك انا ماعندي شي متى تبين؟

نورة : لا مو عن بس ماعرفه عدل وخايفه يبوقني..

ساره : هههههههههه

نورة : ساروووه وثول بسج .. اممم بعد ماخلص من بيت خالتي .. انا قبلها بطرشلج مسج اعطيج خبر

ساره : اوك صار

نوره : يله اخليج باي

ساره : باي


تنزل نورة حق امها .. كانت الساعه 5ونص العصر ...

نورة : يما متى بنرح بيت خالتي؟

الام : يله حبيبتي لبسي وانا الحين بلبس

راحت نورة تلبس .. تفكر بلبس شي حلوو وتدور سااعه بكبتها تحووس

الام اطق عليها الباب : هاا يما ماخلصتي؟ يله اخوج ناطرنا !

نورة : احمد بيي معانا؟.

الام : بينزل شوي يسلم على خالتج ويمشي

نورة تبطل الباب : يما خلاص انتو روحو وانا اخلص واييكم هناك

الام : لييش يمه امشي معانا بعد!

نورة : يماا شوفي ويهي .. للحين ماحطيك ميك اب

الام : هااو واحنا وين رايحين مافيج شي شزيينج

نورة : مو يما لان لي خلصت من بيت خالتي بمر ساروه اقعد معاها شوي

الام : على راحتج عيل انا رايحه مع اخوج ولاتطولين

نورة : انشالله يماا

وتحط الميك اب وتلبس شيلتها واساورها وتاخذ جنطتها وتطالع عمرها بالمنظره شكلي جذي اوك وبعد ساعه يالله خلصت ونزلت بتطلع..

طرشت مسج حق ساره "انا رايحه بيت خالتي بقعد نص ساعه واييج"

وطرشت مسج حق عبدالعزيز "انا رايحه بيت خالتي وتالي بشوفك"

رد عليها بمسج "شوي شوي بالطريج وناطرج"


ساره تقرا المسج واهيا حدها مستانسه وتقول بقلبها مسكيينه بلاج ماتدرين عبالج بيدوم لج...

تروح ساره حق اختها لكبيره لما .. وتقولها عن المسج وانها ييت بريلها الغبيها .. "اهيا قايله حق اختها من اول السالفه" .. اختها معاها لانها نفس طبعها وسوالفها

لما : عاد كشخي طلعي احلا منها

ساره : من صجج! ترا اهيا هيليقيه ماتعرف تكشخ وبعدين لاتوصين لول بروحي انطر تقولي امشي معاي بشوفه.....

تروح ساره غرفتها وتقد اطلع ملابسها تدور وين اللبس الضيج اللي يفصل جسمها ويطلع ايجابياتها
لبست تنوره قصيره لي نص فخذها لونها اوف وايت .. وتحتها جي جي بس مو حيل غامج كان لونه اسود .. وقميص جبنيز اسود ومن جدام دلعته عوده ولبست قلب والاساور والخواتم وشعرها ارفعت جنب بماشتين والجنب الثاني خلته طايح على نص ويها

نورة راحت بيت خالتها وقعدت شوي وتالي طلعت ....

نورة : يما انا بمر ساره الحين

الام : زين حبيبتي بس حطي بالج ولا تتأخرين

تقوم نورة وتسلم على خالتها وتطلع .... اركبت سيارتها وراحت حق ساره

دقت نوره عليها : انا برا

ساره : اوك باي

طلعت ساره وركبت معاها سلمت عليها..

ساره : صايره حلوه اليوم

نورة مستانسه : عيونج الحلوه

ساره بقلبها مسكينه مصدقه عمرها

ساره : الا وين بنشوفه؟؟

نورة اطالعها واهيا متوهقه : ماادري ! اهوا قالي اركب معاه

ساره : وانا؟! ... ماقلتيله اني معاج؟

نورة : لا

ساره : خلاص عيل دقي عليه وقوليله بنروح انا ورفيجتي كافيه وتعال هناك اقعد معانا

نورة منصدمه : اخاف احد يشوفنا!

ساره : واااى عاد انتي لا تأذينا ترا عادي الكل يواعد بالكافيهات .. انا اعرف كافيه صخه مافيه ناس وايد

نورة : اوك

دقت عليه ....

عبدالعزيز : هلا نورة

نورة : امممم بغيت اقولك انا بروح مع رفيجتي ساره كافيه وقلت تمرنا هناك تقعد معانا احسن

عبدالعزيز : على راحتج بس وين؟؟

نورة اطالع ساره وتكلمها بصوت واطي : ويين؟؟

ساره : امم ستاربكس بدع فوق ننطره

نورة تعيد كلامها حقه

عبدالعزيز : اوك صار

سكرت الخط وسوالف واهما بالطريج وعبدالعزيز كان طالع رايح لهم....

و وصلو قبله وقعدو فوق ينطرونه ... وصل وصعد تلفت وشافهم .. راح يم طاولتهم ...

عبدالعزيز : قوه

ساره نطت قبلها مع ابتسامه ودلع : هلا الله يقويك

نوره مستانسه : هلا

عبدالعزيز : قعد معاهم على الطاوله .. ها شنو تبون تشربون؟؟

لازم طبعا اللقافه..........

ساره : امممممممممممممممم

نوره تبي تتكلم بس موقادره تنطرها تخلص وتطالعها وتبتسم

ساره بدلع واهيا تحوس بمكانها موعارفه تقعد : ابي اممم شسمها ياربي .. نسييت ...... انا بنزل معاك لاني موقادره اتذكر اسم القهوه

عبدالعزيز : ونورة شنو تشربين؟

نورة : ابي موكا

عبدالعزيز : اوك

وينزل عبدالعزيز وتنزل ساره معا .. اهيا طبعا ذاكره اسمها بس حبت تنزل معاه وتطقها سوالف





وبرب باجر اكملكم :eh_s(7):

 

[q8 knosha]

ومنورين يابناات

 

[founkaa]

وااااااي شنو حقييييرة هالسارة

اب

اب

ناطريييينج

 

[الشوق معذبني]

البـــــارت حـــــده روعـــه

والجـــــزء ناايـــــس

والـــــروايه كلـــها كــــوول

 

[G!rla q8ya]

هالسارة صج حقيرة ويييييييييع


ناطرينج حبيبتي



اب





اب






اب





..،،‘‘**>>