روايتي الأولي ( صدفـــــــــــــــــــــة )

[ياسمينة الحلوين]

روايتج رائعة اختي

ناظرتج

 

[FaRoOo7_q8]

كممممممممملي

 

[روحين في رـوح]

اب اب اب اب


وينننك يلآآآ

 

[zhoorQ8]

كملي حبي

 

[مـزيونهـ]

اب اب اب
اب اب
اب
اب اب اب
اب اب
اب
اب اب اب
اب اب
اب
اب اب اب
اب اب
اب
اب اب اب
اب اب
اب
اب اب اب
اب اب
اب
اب اب اب
اب اب
اب
اب اب اب
اب اب
اب
اب اب اب
اب اب
اب
اب اب اب
اب اب
اب

 

[zhoorQ8]

متى البارت

 

[ســارونهـ]

اب اب اب اب اب اب اب

 

[asoom al3eesa]

صبااااااحووو يا حلوين

ادري اني تأخرت عليكم واااايد ....... بس انا حالياً مسافره وبيني وبينكم اول مادخلت المطار تذكرت اسماء ����

ان شاء كل ليلة بنزل لكم بارت من بلاد اسماء بطلتنا لووول ��������

تقبلووووووا تحياتي ولي عوده بالليل باذن الله​

 

[قلبي سلمته لك]

تروحيــــن وتردين بالسلامة قلبووؤ
بانتظارج

 

[zhoorQ8]

تروحين و تردين بالسلامة

 

[ســارونهـ]

تروحين وتردين بالسلامه ان شالله

 

[FaRoOo7_q8]

تروحين وتردين بالسلامة =$ :$

 

[ADMNT_7BK]

تروحييين وتردين بالسلامه

 

[مـزيونهـ]

ترووحين وتردين بالسلامه ان شاء الله
ناطيرنج
اب اب اب اب

 

[مـزيونهـ]

اب اب اب اب

 

[asoom al3eesa]

صبااح الخيــــــــــــــــر
سووورررري يا بنات كان المفروض انزل بارت امس بس والله رجعت من السوق وكنت حدي تعبانة واليوم قعدت مبجر عشان انزل لكم بارت
​

 

[asoom al3eesa]

وصل البااااارت​

 

[asoom al3eesa]

بسم الله الرحمن الرحيم​

الجزء السابع​

وفتحت الباب​

اسماء انشلت من الصدمة !!!!!!!!!!!!​

بدر بدون تفاهم دخل وسكر الباب وراه ومسكها من شعرها​

اسماء تصارخ : اايي اييييي هدني عورتني​

بدر ماكان يشوف من العصبية : يالجلبه يالحقيره .....​

اسماء تبجي : الله يخليك هدني شتبي فيني​

بدر : جدامي يلا جداااامي عالبيت​

اسماء : ماااابي اروح معاك ماااابيك خلاص هدني​

بدر : مووو بكيفج ويلا جدامي​

​

​

سحبها وركبها السياره وانطلق للبيت ومن دخل قفل عليها بالغرفه​

وبدا بتنفيذ الخطة​

ومن باجـــــــــــــر الصبح ​

بدر فتح الباب لاسماء وسحبها بدون لا يتكلم و وقفها جدامه​

بدر : عندج نص ساعه تجهزين اغراضج​

اسماء : ليش​

بدر : بدون ليش ؟؟ نص ساعه وألاقيج خالصه​

وطلع​

اسماء جهزت اغراضها وبعدها طلعت مع بدر و انصدمت لما شافته واقف جدام عماره سكنية​

اسماء بخوف : ليش يايبني هني ؟​

بدر ببرود : لانه بنسكن هني​

اسماء : بس انا مرتاحه هناك​

بدر : انتهى النقاش​

اسماء عصبت لانه كل مره يتجاهل رايها​

وبعـــــــــــــــد وصولهم للشقة​

راحت اسماء تاخذ جوله بالمكان وكان عباره عن غرفتين وحمامين ومطبخ وصاله​

بدر : وبعد ما شفتي المكان .. الغرفه اللي بأخر الممر لج اما الغرفه العوده غرفتي​

ومن اليوم انتي اللي بتشتغلين بالبيت .. وتراني يوعان قومي سولي لي شي اكله​

اسماء رافعها حاجبها اليمين : نعم نعم نعم !! عيد اللي قلته ماسمعتك​

بدر بحزم : كلمتي وحده وما راح اعيدها .. بدخل اخذ شاور وابي الاقي الاكل جاهز ( وراح قبل لا يسمع ردها )​

اسماء : هذا اللي نااااقص بعد ... اطبخ للسفاح​

و راحت ترتب اغراضها​

اما بدر خلص و راح للمطبخ يشوفها .. ومثل ما توقع ماسوت شي​

راح لها بغرفتها وفتح الباب بقوه​

اسماء نقزت: ماتعرف تطق الباب قبل لا تدخل​

بدر بكل بروووود: وين العشا ؟​

اسماء ماتت خوف من هدوئه بس بينت العكس : ماسويت​

بدر : ليش ماسويتي يا هانم ؟​

اسماء قامت ترجف ماتحب هالهدوء منه : لاني مو ملزومه اسوي لك شي​

بدر : ليش مو ملزومه تسوين شي ؟​

اسماء ( هذا شفيه يحقق ): لاني مو ملزومه وانت قلت انه متزوجين بس بالاسم​

بدر :امممم .. انا بعتبر انا هالحوار ماتم من الاساس و بروح الصاله انطر الاكل (وراح)​

اسماء تتحلطم : يبي يذبحني هذا بينني اووووووف​

اسماء خلصت من ترتيب اغراضها و راحت للصاله وشافته منسدح ويتعبث بتلفونه​

قعدت وفتحت التلفزيون​

بدر وعينه ع فونه : سويتي عشا ؟​

اسماء بلعت ريجها : ..لا​

بدر رفع راسه :انا شنو قلت​

اسماء استجمعت قوتها : قلت لك انا مو ملزومه اسوي لك شي​

بدر : بتقومين ولا اقومج بطريقتي​

اسماء : لو تهددني من اليوم لي باجر ماراح اسوي لك​

بدر وقف جدامها وسحبها من ذراعها وحذفها بالمطبخ : سوي عشا​

اسماء بعناد : ماراح اسوي يعني ماراح اسوي​

​

بدر سحبها من شعرها وعطاها كف : بتسوين يعني بتسوين ( وطلع )​

اسماء قامت تسوي العشا واهيا تبجي (لازم اكونا قوى لازم مابيه يشوفني وانا ابجي )ومسحت دموعها بس دموعها تعاندها وتنزل​

خلص العشا و حطته بالصالة : هذا العشا (وراحت غرفتها )​

بس وقفها صوت بدر : تعالي وين رايحه​

اسماء بنفسية : يعني وين بروح بذمتك​

بدر بابتسامة تدوووخ : تعالي تعشي معاي​

اسماء : مشكور (وراحت )​

بدر بحزم : قلت تعالي تعشي​

اسماء متنرفزه من اسلوبه : ماابي اكل .. حتى الاكل بالغصب ؟​

بدر : لا تاكلين بس ابيج تجابليني عشان تنفتح نفسي (قالها باستهزاء )​

اسماء : لي هني وبس عاد .... (ولفت بتروح لغرفتها )​

بدر بصرااخ : اسماااااااااااااااااااااااء​

اسماء : شفيك تصارخ ترا اسمع و .... ( انتبهت لنظرته وسكتت )​

بدر : و ..شنو كملي​

اسماء : الحين انت شتبي​

بدر : لما اطلب منج شي تنفذينه غصب عنج​

اسماء : اووف (وقعدت جدامه ) يلا اكل​

​

مر اليوم عادي بدون اي شي يذكر​

ثاني يوم الصبـــــــــــــــــــــــــــــــــح​

بدر قعد من النوم وراح لغرفة اسماء وشافها نايمة​

قعد بالمطبخ يسوي له جاي ..وكان سرحاااااان​

اسماء دخلت المطبخ وشافته سرحان وقالت بخرعه ههههههه​

اسماء من وراه : بووووووووووو​

بدر نقز من مكانه : بسسسم الله ... خبله انتي ولا مينونه​

اسماء ماتت من الضحك عليه وصوت ضحكها خدر بدر ​

اسماء باجمل ابتسامة شافها بدر بحياته : صبااااااحووووووووو​

بدر مستغرب : صباح النور​

اسماء مازالت تضحك : سوورررري ماكان قصدي بس شفتك سرحان قلت اخرب عليك (وطلعت لسانها بشكل طفولي)​

بدر ذاااب من حركاتها : شعندج اليوم مبتسمة​

اسماء واهيا عند الثلاجة : خوو قول دوم هالضحكه​

بدر يضحك : من وين تعلمتي هالكلمة (خو)​

 

[asoom al3eesa]

اسماء : من بشاير و نورا يا حليلهم والله اشتقت لهم​

بدر : انزين ماقلتي شعندج اليوم ؟​

اسماء مستااااانسه لانه اسلوب بدر حلو اليوم : اممم مستانسه وبس​

بدر : عاد ليش؟​

قعدت اسماء جدامه : تذكر لمن قلت لك عن الصندوق اللي من امي ؟​

بدر يتذكر : اي​

اسماء : انا ماشفت كل اللي فيه .. لاني من قريت الرساله وانا حالتي حاله​

بدر : .... انزين​

اسماء : امممم امس فتحته ولقيت فيه قلاده (عقد) وصوره​

بدر بفضول : صوره منو​

اسماء قامت من مكانها و وقفت جدام بدر بالضبط : تتوقع(قالتها واهيا طايره من الفرحه )​

بدر استغرب حركتها : صورتج وانتي صغيره ؟​

اسماء مسكت ايدين بدر : لااااااااا صوره امي وابوي ... واااي ماني مصدقه واخيرا شفتهم​

بدر توتر من حركتها وسحب ايدينه : انا ماشوف شي يخليج تفرحني هالكثر​

اسماء : شلووون ما افرح وانا اول مره اشوفهم​

بدر منصدم : اول مره تشوفينهم ؟​

اسماء : اي شفيك ؟ ابوي من درا انه امي حامل سافر ولا عاد رجع وامي تركتني يوم كان عمري شهرين .. يعني ماعمري شفتهم​

بدر : والقلاده ؟​

اسماء طلعت القلاده من تحت تيشيرتها ومدتها لبدر​

بدر اخذ منها القلاده وكانت من ذهب وشكلها ع شكل قلب​

اسماء : افتح القلب ​

بدر فتح القلب وشاف بالجهه الاولى صورة اسماء واهيا صغيره والجهه الثانية مكتوب (اسماء كويتية)بخط مثل خط اليهال​

اسماء : هالكلام امي كتبته واهيا ماتعرف تكتب عربي يعني واضح من الخط ... بس ممكن تقولي شنو مكتوب ؟​

بدر حط عينه بعينها : مكتوب اسماء كويتية​

اسماء لا اراديا دمعت عينها وبسرعه مسحت دمعتها وقالت بابتسامة : بدر انا عازمتك اليوم عالغدا​

بدر ماحب يناقش لانه واضح انها ضاق خلقها : اوك اللي تشوفينه​

اسماء بسرعه طلعت من المطبخ وراحت غرفتها ودخلت بنوبه بكاء​

​

​

بعــــــــد فتره​

بدر يطق الباب ع اسماء : اسماااء يلا ماتبين نطلع​

اسماء مصدعه من البجي فتحت الباب : لا خلاص غيرت رايي​

بدر : ع كيفج تعزميني وبعدين تغيرين رايج ..يلا يلا انا يوعان​

اسماء : بدر خلاص ترا صج مالي خلق​

بدر : ماااكو اعتراض يلا انطرج بالصاله​

​

فـــــــــــــي المطعم الاثنين ياكلون بهدوء​

اسماء : احم .. بدر​

بدر رفع راسه : نعم​

اسماء : بقول شي ممكن​

بدر : قولي​

اسماء : مابيك تقاطعني وتسمعني للاخر​

بدر : اوك​

اسماء : بدر مادري اذا كنت بتصدقني ولا لا .. بالنسبه لسالفه الصوره تـ ..​

بدر يقاطعها : هالموضوع ابيج تسكرينه​

اسماء : انت وعدتني ما تقاطعني .. عفية بدر حتى لو كنت متأكد انه انا اللي بالصوره .. بس ابيك تسمع اللي بقوله و مو لازم تقتنع او تصدقني​

بدر ساكت​

اسماء : ترا والله انا مادري منو لاعب بالصوره .. بس اللي اعرفه انه مو انا اللي فيها .. يمكن احد تلاعب بالصوره .. انا صح طول عمري عايشه برا وماخذه عاداتهم بس انا فهمت من بشاير انه مايصير اسلم ع ريال غريب خصوصا وانا زوجتك وانا احترمت هالشي .. بغض النظر عن نوع علاقتنا بس انا اسمي زوجتك واي شي اسويه من وراك يعتبر خيانه انت فاهمني ؟​

بدر : خلصتي اكل ؟​

اسماء نزلت راسها : يس​

بدر : عي ليلا​

​

​

بـــــــــــــــــاخر الليل (معقوله كلامها صح ؟ بس شنو اللي يخليني اصدقها ؟ ولو ع كلامها اكو احد لاعب بالصوره .. منو له مصلحه بالسالفه ؟ ااااااخ يا ربي ساعدني .. ابي احد يشور علي والله انا ضاااايع )​

تذكر فجر وتذكر رقمها (ادق ولا لا؟ اممم بدق وبقول غلطان !! لا لاقديمه .. بس انا محتاج شخص يسمعني وفجر من كلامها اخر مره حسيت بالراحه )​

وفعلا دق ع فجر اللي كانت قاعده مع هند وكل مره تكلم رفيجها (عافانا الله)​

فجر شافت انه معاها خط ثاني و ما استوعبت ​

هند : لحظه حبيبي .......... هي انتي شفيج؟​

فجر رجعت للواقع : حياتي امي تدق عليها .. اشوفها وارجع ادق عليك​

و حولت عالخط الثاني​

فجر بدلع : الووووو​

بدر توتر لما سمع صوتها : احم الوو مساء الخير​

فجر : مساء الورد .. بدر عدل ؟​

هند فتحت عيونها ع كبرهم : اااا !! حبيبي انا مشغوله شوي وادق عليك​

بدر : اي بدر .. شلونج فجر ؟​

فجر :انا تمام انت شلونك وشلون اسماء ؟​

بدر : الحمدلله كلنا بخير ... فجر عندج احد ؟​

فجر : لا .. ليش بغيت تقول شي​

بدر مرتبك : ااا...​

فجر حست انه يبي يقول شي ... قامت وراحت تتمشى عالبحر واشرت لهند لا تلحقها : بدر قولي فيك شي​

بدر : لا مافيني شي​

فجر : بدر انا متأكده انه فيك شي ... بدر لا تخش علي ولا تبيني اعيد لك الكلام اللي قلته اخر مره​

بدر : بصراحه مادري شقولج​

فجر : الموضوع يخص اسماء .؟​

بدر : وليش يكون يخص اسماء​

فجر : لانه لو يخص شي ثاني جان قلت عادي .. بس صعبه تتكلم عن زوجتك​

بدر عجبه ذكائها : بالضبط​

فجر ماتت من الفرحه : اممم انا مابي اضغط عليك .. اذا حاب تقول كلي اذان صاغية​

بدر توهق : والله يا فجر احرجتيني بكلامج .. يعني منو فاضي لاحد بهالزمن .. انتي ماعندج مانع تسمعيني حتى وانا اتكلم عن زوجتي اللي المفروض تتضايقين من طاريها انتي بالذات​

فجر : بدر انا سبق وقلت لك اعتبرني اخت صديقه بس لا تعتبرني خطيبه سابقه .. انت الله يهنيك مع زوجتك وانا ان شاء الله بيي نصيبي​

بدر ساكت​

فجر : ادري انها صعبه عليك تتكلم بمشاكلك من اول مره .... اممم شرايك تسولف عن شي ثاني​

بدر استانس لانها فهمته : امم شرايج اسولف لج عن دراستي وانتي بعد ؟​

فجر : اوك ..........(و صاروا يسولفون عن مواضيع متعدده لين طلعت الشمس يعني تقريبا بحدود الاربع ساعات وشوي )​

فجر : ويييي راح الوقت وماحسينا​

بدر : اي والله تصدقين​

فجر بدلع : السوالف معاك ماتنمل​

بدر : ماتدرين شكثر ارتحت معاج​

فجر تبي تبين انها ثقيلة : شكرا ويلا تصبح ع خير​

بدر : تلاقين الخير​

​

​

استمرت علاقة بدر بفجر ​

وبدر قال لاهله انه ناوي يسكن بشقة مع زوجته .. طبعا الكل اعترض بس كلامة بدر ماتتثنى​

باستثناء ام بدر اللي كانت نوعا ما فرحانه لانها ماتبي اسماء عندها بالبيت​

اما بالنسبة لعلاقة بدر واسماء .. ماتغيرت .. اسماء تعاند بدر وبدر ماعنده الا انه يمد ايده عليها او يحبسها بالغرفه​

وبعـــــــــــــد سبع اشهر​

الساعه تسع الصبح يدق تلفون​

...: هممم الو​

...: صبااااح الخير حياتي​

....: صباح الورد يا قلبي​

....: لي الحين نايم .؟​

....: اي​

.....: يلا حياتي قووم بسك نوم​

....: قلبي شوي بس ابي انام​

....: بدوووررري عن الدلع قوم​

بدر : فجور لا تكلمين بهالاسلوب ترا اذوب​

فجر بدلع : لا تضيع السالفه بتقوم ولا شلون​

بدر : واذا ما قمت شراح تسوين ؟​

فجر : امممم اذا ماقمت ماراح تشوفني اليوم وتحمل​

بدر : فجوره ليش حرام عليج ... خلاص قمت جم فجر عندي​

فجر : يمااا يا عيارتك .. يلا حياتي انا بسكر الحين واشوفك بالليل ع موعدنا​

بدر : اوك ​

​

​

(تطورت العلاقة بين بدر و فجر ... بالبداية بدر كان يقول لها عن مشاكله مع اسماء وقالها عن سالفه الصوره وفجر كانت تهديه وتقوله طول بالك ولا تظلم البنت بس طبعا مو حبا بأسماء بس عشان تكبر بعين بدر .. وشوي شوي قامت تشيشه ع اسماء وكان يسمع كلامها وينفذه بالحرف الواحد وبدون اعتراض وكانت تزرع الشك بقلبه ع اسماء .. وتقوله انه بين اسماء وخالد اخوه علاقه .. و زادت المشاكل بينه وبين اخوه والكل مايعرف سبب المشاكل اللي بينهم حتى خالد نفسه ... وماكان يرضى انه اسماء تقعد مع خالد وكان يحذرها من انها تسولف اذا كان خالد موجود بس بالصج انه اسماء كانت ترتاح لخالد وااااايد وتعتبره اخوها واللي ساعدها شخصية خالد المرحه )​

​

​

​

وفـــــــــــي احد الايام في بيت بو بدر كانت العايله متيمعه​

خالد : ههههههههههه عاد اقولج طقونا طق​

اسماء : هههههه تستاهلون ​

بشاير : اي والله متحرشين باختهم وما تبونهم يطقونكم​

خالد : بس بعدها حرمنا نتحرش هههههههه​

اما بدر كان قاعد والنار تشب بقلبه​

اسماء كانت حاسه فيه بس مطنشه : والله مغامراتك عجيبه ههههههه​

خالد : افا عليج اعجبج​

بشاير : عاد تدرين انه خلود اخوي بطل سباحه​

اسماء : صج!!! الله وناسه​

بدر بنفسية : شنو اللي يونس بالموضوع ؟​

اسماء طنشته : انزين عمرك فزت بكؤوس​

خالد يطق صدره بفخر : طبعا .. انا فزت ببطولات قاريه​

بشاير : خلووود خل اسوم تشوف كؤوسك​

خالد يوقف : حياج بالسرداب ​

بدر : لا ماله داعي​

اسماء تعاند : امبلا له داعي يلا​

بدر وده يذبحها بس تمالك نفسه واهوا يتوعدها بالبيت​

اما خالد ووبشاير واسماء نزلوا يشوفون كؤوس خالد​

​

​

ولما وصلوا اسماء وبدر للشقة​

اسماء دخلت بسرعه لغرفتها لانها تدري انه بدر ماراح يعدي الموضوع ع خير​

بس بدر مسكها قبل لا تدخل : جم مره اقولج لا تحاجين خالد ؟​

اسماء : والله عاد كيفي​

بدر دزها على ورا ودعمت طرف المنظره وطاحت عالارض وطاحت عليها وحده من التحف​

اسماء : ااااااااااااااااااااااااااه ايدي​

بدر تظاهر بالبرود ​

اسماء تبجي: ايدي ايدي ااااااااه​

بدر مارحمها ونزل لمستواها ورفعها عنده : انا لما اقول شي تنفذينه فاهمه​

اسماء تبجي من الالم​

بدر : وخالد هذا مابيج تحاجينه ... ماتردين​

اسماء تبجي : انت شنو ماتحس اااااااااااه خلاص بدر ارحمني​

بدر : شنو عبالج ماوراج ريال .... انتي تسوين كل هذا عشان اطلقج بس انا اوريج​

وسحبها من شعرها لي غرفته​

اسماء تبجي : حرام عليك انا شسويت​

ولما وصل لغرفته شالها وحذفها ع السرير​

بدر بعصبية : من اليوم راح تكون هذي غرفتج مثل ماهي غرفتي والحين تقومين تنقلين اغراضج هني (وطلع)​

اسماء تبجي : ليش يا بدر تسوي فيني جذي ... احبك والله احبك ... مع كل اللي سويته فيني بس والله احبببببببببببببببببك بدرررررررررررر​

نهاية الجزء السابع
​

 

[asoom al3eesa]

نطروووني اليوم بالليل مع بارت طوووووووووووووووويل

تـــقــــبــــلــــوا تـــحـــيــــاتـــــي​