بسم الله الرحمن الرحيم
الجزء الحادي عشر
اما بـــــدر رجع لغرفة فجر
بدر سرحان ( ودي اييب طاري اسماء واشوف ردة فعلها)
بدر : احم ... فجر
فجر لفت عليه
بدر : تذكرين اسماء ؟
فجر عقدت حواجبها
بدر : اسماء ماغيرها ؟ طليقتي
فجر عصبت و بين ع ملامحها
بدر : شفتها بالمستشفى .. طلعت دكتوره هني
فجر لفت ويهها الصوب الثاني
بدر ( ليما الحين حاقده عليها !! عليج قلب يا فجر!)
طلع بدر برا الغرفه ودق ع رفيج عمره سالم
بدر : اللللللووووو
سالم : هلا بهالصوت .. هلا بو ناصر شلونك ؟
بدر : تمام الحمدلله انتو شلونكم وشلون الاهل ؟
سالم : كلنا بخير والاهل يسلمون عليكم
بدر : الله يسلمك ويسلمهم
سالم : بشر !! شلون صارت فجر ؟
بدر تنهد : الحمدلله ع كل حال
سالم : يعني ماكو اي تحسن بحالتها ؟
بدر : في تحسن بس بسيييييط وبطيئ جدا
سالم : ماعليه يا اخوي هونها وتهون
بدر : الله كريم .... نسيتني ليش داق
سالم : خير؟
بدر بحماس : تذكر اسماء ؟؟
سالم يتذكر : لأ .. منو ؟
بدر : اسماء طلقيتي
سالم : اييييييييييييييييييييييي شفيها ؟ اصلا شيابها ع بالك
بدر (اصلا متى غابت عن بالي ) : شفتها بالمستشفى .. طلعت دكتوره
سالم يتطنز : اي وبعد ؟
بدر بحماس : وامها مالكه المستشفى
سالم : امها مو كانت مريضة بالسرطان وتوفت واهيا صغيره
بدر : تشافت
سالم : اهاا ... والله فرحتني ... مسكينه هالبنت ماشافت يوم حلو بحياتها
بدر : وطلعت .....
سالم : وطلعت شنو ؟
بدر يتنهد من قلب : متزوجه
سالم : متزوجه !!!!!
بدر : وعندها بنت
سالم : الله يهنيها ويخلي لها امها و بنتها
بدر :......
سالم : بدر انت مو طبيعي ! قولي شخاش بقلبك
بدر : والله مادري شقولك
سالم بهدوء : تحبها ؟
السؤال شل بدر عن الحركه
سالم : رد علي ؟
بدر : لا
سالم ماتوقع هالرد : لأ ؟!!
بدر : اااااااااااااااااااااااااااه
سالم : سلامتك من الــ اااه
بدر : مو بس احبها يا سالم ... الا امووت فيها
سالم اللي كان حاس انه بدر يحبها : ادري
بدر استغرب : شلون تدري ؟
سالم : يا بدر انا اعرفك اكثر من نفسي ... الحب واضح بعيونك.. تدري من متى ؟
بدر : من متى ؟
سالم : من زفيتها بالحفله لما كانت ترقص مع المطرب
بدر : بتقنعني انك تعرفني اكثر من نفسي !! وانا اللي توني ادري اني احبها
سالم : لانك اثول !! توك تحس ع عمرك ... انت كل شي فيك يقول انك تحبها
بدر: خلاص عاد غلبتني
سالم : انا دايما غالبك
بدر يضحك : هههههههه احد قالك انك مو صاحي
سالم : ههههههه وايد ... وماعليك زود
بدر : مشتااااااااااااااااااق لك سلوم
سالم : ادري والله انه فراقي صعب بس ماعليه تحمل ولك الاجر هههههههههههه
بدر : صدق عمره الحبيب
سالم : بدير انت بس اشر وانا اييك ع اول طياره
بدر : سلوم طلبتك تعال والله محتااااج لك
سالم : افاا عليك الحين ادور حجز ع اول طياره واييك
بدر : ويلوموني بحبك
سالم : عيب استح ... اهلي عندي لو يسمعونك والله اخواني يقطعونك
بدر : ههههههههههههههههههههههههههههههههههه الله يغربل ابليسك
انت ماتيوز عن سوالفك
سالم : احلى مافيني سوالفي
بدر : اقول لا يكثر ويلا تعال
سالم : دايما تدقرني الله يسامحك
يلا باااي
بدر لازال يضحك : ههههههه باي حبي
وعنـــــــد اسماء ولانا وكارلا
اسماء : وهذا كل اللي صار من دخل المكتب لين طلع
لانا : وانتي شرايج ؟
اسماء : بشنو ؟
لانا : برجعة بدر ؟
اسماء : وانا شعلي منه ؟
لانا : يعني طلعتيه من حياتج ؟
اسماء : اصلا متى دخل فيها عشان يطلع ... بدر كان مجرد مرحله عابره في حياتي وانتهت !
لانا : وقلبـــــــــــــــج ؟
اسماء : طلع من قلبي ... وكل الحب تحول لكره
لانا : كره !!!
اسماء : اي كره وتعديت مرحله الكره !!!
لانا : الله يهديج
اليــــــــــــــــــــوم الثــــــــــــانـــــــــــــي في مطار فرانكفورت
بدر : الحمدلله عالسلامة
سالم يسلم ع بدر : الله يسلمك
مرت الايام مثل سابقتها .... بدر لما يصادف اسماء يسلم عليها واهيا ترد عليه ببرود وتتهرب منه
سالم صادف اسماء ولانا وسلم عليهم ولاحظ تغير اسلوب اسماء وشخصيتها
فجر على حالها
وفـــــــــــــــــــي احد الايام
اسماء طالعه مشوار بالليل والمنطقه اللي رايحه لها معروفه بانتشار الدعاره والبارات
صفطت سيارتها ونزلت تكمل الطريج مشي لانه الحارات ضيجه وماتدخل فيها السياره
كــــــــانت خاايفه شوي لانه المكان فااضي و الوقت متأخر .. فــ قررت تركب السماعات وتسمع اغنية عشان يخف التوتر
وكلها ثواني وجان تدخل جو مع الاغنية
ماحست الا بايد تسحبها ... شافت واحد ماسكها طوووووويل وعريييييض وبكل مكان بجسمه (تاتو) وشكله جنه من تجار المخدرات و واضح انه سكران !!
يكلمها بالألماني واهيا مو فاهمه وبس تصاارخ عليه
بس بدون فايده .. المكان فااضي
اسماء حالتها حاله .. طايحه عالارض وحجابها طاح وبلوزته انشقت وتصارخ وتبجي
والريال يحاول يمسكها بس اهيا ماتعطيه فرصه
اسماء تصارخ وتبحي : ماماااااااا يارب يارب ساعدني (وتبجي)وخرررر ااااااه
هيلب مي
وبعز صارخها ماطرا ع بالها الا امها و ((((بــــــــــــــــدر)))) ماتدري شمعنه اهو
اسماء : ماما بدر مامااااااا بدر ... بدر وييييييينك
وكانت تصارخ بأسمه لا شعوريا
والريال تقريبا تمكن منها........ بس كان في واحد وراه وسحبه لورا يبعده عنها
اسماء مو قادره تشوف الشخص اللي ساعدها
