روايتي الاولى : (دليسا )

[Lolwa]

sweet.sanfoora

العفو حبيبتي

 

[a7la_cute_lulu]

نو وييييي اليوم يوم حظي البارتات كلها عشااااني وااااااي فديييتج

 

[Lolwa]

تستاهلين لولو

أنا أستقبل الأفكار اليديده وأحب أطبقها وبصدر رحب

وثانكس حبي عالمتابعه وماننحرم منج ان شاء الله قولي آمين


وواو شنو الجمعيه زحمه موووووووت

 

[a7la_cute_lulu]

امييييييييييين ومشكوووورة
والله يعينج شتري حق القيرقيعان من الحين

 

[a7la_cute_lulu]

وييييييين البارت القصير

 

[39la o f9la]

Na6reenich lolo

 

[Lolwa]

هلا لولو عمري
سوري عالتأخير

ماعليه


كابحط البارت

 

[Lolwa]

الفصل السابع والأربعون ​

ترد فريده البيت​

وتلقى بدر نايم بقنفة الصاله ناطرها ​

يسمع حسها ويقعد

ويقوم لها
فريده تكمل تروح الدرج بتركب لي غرفتها من غير ماتلفله وتطالعه ....
بدر سمع عن الوفاة من مكالمتها اللي سوتها توها حق ايديده
بدر : عظم الله أجرج ...​

فريده وهي تركب الدري وبصوت تعبان: أجرنا وأجرك ...
بدريصارخ :أوقفي عندج فريده ...مايصير تسوين جذي وتهديني ما أعرف مصيري وياج شنو بالضبط ..​

فريده واقفه بنص الدري ومعطته ظهرها!!
بدر: شنو تبيني أسوي أكثر من جذي ؟ كاني ييت عندج لي بيتج و أراضيج !!!انتي شنو تبين بالضبط ؟ تبين تذليني ؟
فريده منزله راسها :....
بدر : الله يسامح ويغفر ...الي فات مات ... وانتي ماتسامحين ؟؟​

عارضيه بغرفتها تسمعهم بس ماتطلع ...ماتبي تقطع عنهم خناقتهم ...​

فريده :....
بدر:....
ويسود الصمت....
فريده تتقدم خطوه بالدري
بدر : يعني ماكو فايده ؟ بعتي حبنا ؟
ويصارخ : ماتتكلمين ؟
فريده تبجي من غير صوت :.....
بدر : اذا كملتي هالدري ...أطلع وروح من غير رده ....
فريده :.....
بدر :......​

فريده تكمل الدري وتروح فوق:....​

بدر منصدم : !!!!​

يطلع بدر من البيت وتوقفه عارضيه​

عارضيه : يما لا تاخذ منها حجي وهي بموقفها هذا ...ترى توه عمها متوفي وقبال عيونها ......خلها فتره تستوعب موتة عمها ...اهي الحين مصدومه وبحاله يرثى لها ...
بدر يطالعها : في أمان الله عمتي ..نشوفج على خير ...
عارضيه : مع السلامه ياولدي ...ولا تاخذ بخاطرك ...
عارضيه تشوفه يروح : الله يهديكم ..
ويركب سيارته ويروح وين ماتوديه سيارته ....مايهم وين ....بس يبي يختلي بينه وبين نفسه مع أحزانه ...
عارضيه تروح عند باب فريده تطقه عالخيف : يما ليش سويتي ببدر جذيه ....خليتيه يروح وهو مهموم ؟
فريده تصارخ : وخروا عني ...ما أبي أشوف أحد
وتبجي : مابي مابي مااااابي
فهموا ...خلوني بـــــــحااااااااالي ...​

عارضيه دموعها تنزل ويمها صفا توها جايه ​

صفا : شاللي صاير ؟
عارضيه :....​

تمر الأيام ويخلص العزا ​

و يمر شهرين​

بدر يروح العمره وبعدها على طول يصير موسم الحج ...ويحج وياجبل بيت الله ...وكله خشوع وبنية توبه نصوح وصادقه...​

نورا بسبب دعائها ومناجاتها ربها المستمر...الله ستر عليها ودفن لها سرها اللي حتى فتون الله سكر حلجها عنها ومايابت ولاناويه تيييب السيره لأحد عن اللي تعرفه عن نورا !!​

نورا جوها توهم خطاب ورفضت رفضا قاطعا معلله موتة أبوها وانها بتدرس وماتبي تتزوج هالفرته ...لكنها بسبب اللي صارلها وتخاف لاتنكشف ...ناويه انها ماتتزوج موليه وللأبد ....وراضيه بحياتها بييت أهلها ....​

فريده عطت أمجد الأمية ألف مع شرط يوقع لها على ورقه يكتب فيها انه مايأجر الشاليه الا للعوايل فقط...​

صفا ترد لندن حق ريلها لأنه طلبها تجي عنده ...وراحتله ورى العزا على طول ..​

ليال خافت من بعد السالفه وماقامت تفكر توصل لبدر بسبب الحادث
واللي سوته معاه ..​

فريده تروح مع ولد عمها أمجد حق أبوها بالسجن المركزي ...أول شي ما وافق ...بس عطته جم دينار تساحله فيهم..​

بو فريده يلمها بالأحضان ويبجي ...ظلوا فتره طويله ومهم يبجون ويلمون بعض ..!!...قالتله عن موتة أخوه ..وظاق خلقه وبجى عليه .....ولمن خلصوا طلب منها انها ماتجي مره ثانيه وانها تكتفي بس بالتلفون لأنه يخاف عليها من هالمكان..ورضت فريده عشان خاطره ...​

فريده مستمره بمصروف ألفين دينار اللي كان ياخذهم عمها قبل مماته ...وقامت تعطيهم حق سلوى اكراما لعمها وأهله ..​

فتون مازالت مجنونه لكنها حطت ينونها و حرتها بدراستها بالكليه اللي بدت فيها من قبل شهر ....و ناوية تجيب أربع نقاط...وياويله اللي يجيب نفسها بالنقاط !!!!تبي تطلع الأولى عالكليهى كلها ...وبالعالم أجمع !!!!......وتفكر تدرس بره تكمل بعدين دكتوراه ...وبعدها ودها تكمل لي مابعد الدكتوراة لأنها ماترضى الا بالقمه ....وناويه تصير بروفيسوره !!!!!!!​

الحين عرفنا عن الكل وشنو صار معاهم ...​

لكن أبطال قصتنا ​

بدر وفريده​

ليلحينهم بعاد عن بعض....​

انتظروا البارت الأخير باجر بالليل ....وراح يكون بس عن عصافيرنا حبايبنا بدر ودليسا ...وإدعوا إن الله يلم شملهم ويسعدهم ....​

باي​

 

[39la o f9la]

انشالله يردون حق بعض .... و بدر زين يسوي
امبييه مابي الرواية تخلص مااابي

 

[Lolwa]

39la o f9la

حياتي انتي



تعودنا على بدر وفريده ها ؟

حتى أنا ماودي تخلص


بس قصبا علينا

 

[Şhώasha . . ~]

كله مني تمنيت انه يموت
مسكين انا امجد مب بالعته !! ، بس فتون كنت اتمنالها الخير مادري ليش كنت حاسه فيها
بس جد آقهرتننننيُ ! ، و دلووووس ماتوقعتها قويه لهدررررجه ماشاء الله عليها ربي اعطني من ذكائها وحسن تصرفها !
ماشاء الله عليج بدعتي بالبارت بس ماصحت مادري ليش
مالي خلق آنزل دموع لوووووول ...
وعلى طاري عنوان الروايه ترا انا اكره ماعندي العنواين ! ، ماعرف اطلع عنوان اهو الشي الوحيد اللي يلوع جبدي العنوان ! .. الحين روايتي قاعده اكتبها مادري محتاره بالعنوان ! ..... :s
و البنات اللي يقولون ختسويها مسلسل ، صعبه ترآ
لان مرا يرضون بالرومانسيه الورديه و بيقطعون نص المسلسل يعني وايد اشياء مترآبطه ببعض ولها تأثير على الموضوع راح تنحذف ومراح تنفهم القصه !
مع ان اتمنى روايه من روايات المنتدى تصير مسلسل بس الله كريم ...
ننطر البارت الياي بشووووووووووووووق
مانبيها تخلص
ان شاء الله بخلي ربعي يقرونها فالقريب العاجل بعد رمضان عشان لايخربطون بالمسلسلات

 

[_توتة الكتكوتة_]

Laaaaaaaaa2 maaa y9eeeeer t5aaal9eeenha !!! maaaby :'( ma y9eer
waiting

 

[a7la_cute_lulu]

3asa alla yejma3 bader o delleesa yarab o ma yfareghom o o enshalla allah yaster 3ala nora o ya5eth.ha ra2ed
O
No comment
Mako a7dath tshaweg

 

[Lolwa]

توته الكتكوته


حياتي والله. ....كلنا تعلقنا فيهم. ..بس لازم القصه تنتهي. ...راح اشوف اذا أقدر أحط بارت اضافي لعيونكم حبايبي

و shawashah

بعد عمري والله....شنو اسم روايتج ؟...ما استقريتي ليلحين على اسم ؟....متتشوقه أقراها.....يالله ناطرينها. ..متى بتحطينها. ..ومشكوره عالدعايه اللي بتسوينها لي ماننحرم ان شاء الله. ...صح مثل ماقلتي مستحيل يسوون مسلسل من روايتي. ....راح يقطعون نصها. ..

ومشكوره عالتعليقات الحلوةه مثلج ياقمر. ..ولااتخلين

 

[Lolwa]

هلا لولو......حبيبتي. ..توني كنت بسأل عنج





لأن البارت تمهيدي. ..فمافيه أحداث نطري الحلقه الأخيره ..خن أخلصها وحطها بعدين. .....نطروني

 

[sweet.sanfoora]

ثانكيوو ع البارت القميل

وبثث

 

[Lolwa]

سويت سنفوره. ....العفو ياحبي

 

[Lolwa]

البارت الأخير ​

دشي بيتج يا أم ناصر!!​

بيت بو أمجد ( المرحوم )​

اليوم الوقفه بعرفه​

ونورا ونور وسلوى بالصاله قاعدين ​

تزورهم فريده..​

نورا : هلا بفردوده....​

سلوى تقوم ​

فريده تروحلها وتبوسها : شلونج خالتي ؟​

سلوى وهي لابسه الأسود تبتسم : هلا والله هلا بالغاليه ..حياالله من يانه..
فريده : الله يحييج خالتي..
نور وهي تاكل حب : اليوم الوقفه ...كل عام وانتي بخير..
فريده : وانتي بخير وبصحه وسلامه..​

نورا تساسرها : مادريتي فريده ؟

فريده : شنو ؟
نورا تساسرها : بدر !!! أمجد قالي ...ربعه يسولفون بالدوانيه وسمعهم يقولون انه رايح الحج ...
فريده ماتبين انها مهتمه : اي كلمن هالأيام رايح الحج ...
و تقعد شوي
لكنها ماتقدر....والحماس ماكلها !!!

وتاخذ الرموت وتدور على تصوير لايف عن طواف الكعبه ...
نور : هيييييي ...قاعده أتابع المسلسل ....​

فريده قلبها يخفق حيييييل وهي تطالع الحجاج وقم يطوفون الكعبه ...​

وبقلبها : يعني إنت ألحين بينهم ؟ يمكن على حظي أشوفك مصورينك بالتلفزيون؟
نور : شتشوفين ؟ ناس ويطوفون حول الكبعه ويقولون لبيك اللهم لبيك ...انزين عرفنا وين الحماس بالموضوع ؟ عطيني بشوف مهند حبيبي شسوى ؟​

وتجي سلوى من المطبخ ووياها طبق حلو ..
سلوى يمها وشايله صحن صغير فيه قطعه من الطبق : فريده تبين ؟​

فريده : مشكوره خالتي ..​

ليلحين فريده بعالم ثاني مع الحجاج​

فريده عيونها غورقت وهي تشوف الحجاج ....حست بقشعريره وهي تشوفهم يلبون نداء ربهم ...حست انه قلبها هناك عند الكعبه ​

قلبها اللي هدها وراح صوب بيت الله ....​

معاه !!!​

مع بدر​

وبحركه سريعه تقوم قاصده تروح الحمام لحد يلاحظها تدمع وتلحق على دمعتها قبل لا تنزل .........
فريده وهي بالحمام تكرمون حاطه ايدها على ويها وتبجي :​

ليش هديتني ورحت ؟؟ ليش ماخذتني وياك ؟​

بهالوقت بمكه​

بدر بالفندق ​

بقلبه :كاني رحت العمره وألحين بكملها بحجه و إن شاء الله يكتبلي ربي هالحجه ويقبلها ..وأخلى كل اللي سويته ورى ظهري ...أمسح الماضي الأسود من حياتي وأفتح صفحه بيضه يديده بيني وبين ربي ..
كاني غيرت رقم تلفوني علشان أفتك من الناس اللي بمسحهم من حياتي وأبتدى حياة يديده ..عسى يارب تقبل توبتي وتقبل هالحجه..يا الله ...​

ويصير يوم العيد ​

ويتباركون ببيت عارضيه ويقدمون العيادي والتبريكات ​

ويجون أهل عارضيه ومن ضمنهم هنادي وبناتها ويزورونها عندها بالبيت ...​

عارضيه : يحليلهم الحجاج ...مادرى متى يوصلون.؟؟
حرمه تصيرلها : يقولون بيوصلون بعد أربعة أيام ..​

فريده يمهم قاعده وانتبهت حق الكلام وهدت زهور اللي تكلمها...​

الحرمه تكمل : أنا زوجي بيجي السبت العصر ...بروحله وأستقبله بالورود ..
فريده تكلم هنادي : أهم يقدمون الورود للحجاج ؟​

هنادي : اي في ناس يحبون يفاجئون أهلهم من الحجاج ويستقبلونهم بالمطار ويقطون عليهم الورود ومرات حلاو وبالونات ..يعني يعبرون عن فرحتهم ...والحاج وايد يستانس لمن يشوف أهله يهتمون فيه ويباركونله حجته اللي الله بلغه فيها وأداها بتعبه ومجهوده ...ليشافهم ترد روحه ويحس انه صج حاج ...​

فريده سرحت بالفكره..​

فريده بقلبها : مادري متى موعد وصوله ؟ علشان اقط عليه الورد وأغرقه ...​

يوم السبت بالعصر​

ترد الطياره اللي فيها بدر لي الكويت​

ويوصل المطار وهو جار جنطته ....​

وهو ماشي بين الناس اللي تستقبل الحجاج من بالونات ويباب وزهور ....يشوف زهور و ورود تتطاير فوق راسه تنقط عليه ..​

يتلوفت يـدور

والا خالاته اللي مطشرين عليه الورود وييببون ينادونه بإسمه ويأشرونله وياخذونه بالأحضان ...مع خالاته نشوف خواله هم يايين يستقبلونه ويباركونله ..
ويمسحون على قرعته ...​

وهو وسط الفرحه بين أهله ...يدور ..ويدور ...عل و عسى يلقى اللي بباله !!!
لكنه مايلقى اللي يبيه​

ويتحبط ...​

و يرد يتبوسم لهم وياخذونه وياهم بيت يدته اللي ناطره جيته على نار ..​

ببيت بدر ​

يوصل خال بدرالبيت يوصله عند بيته
بدر : تعال دش داخل اشربلك شوية جاي .
صالح : لا يبا مانبي متعبك ...نخليك ترتاح توك ياي من السفر وحاج توك...أكيد حدك تعبان وهلكان ومتليش ..
بدر : والله بهاذي صدقت ..بس هم تعال اشرب عندي الجاي..مايصير تهدني وتمشي ..
صالح : لا تحرجني بوناصر بروح حق الأهل ناطريني والله ...مره ثانيه ان شاء الله....
بدر : بعد اذا السالفه فيها أهل مانقدر نقول شي ...الله يكون بعونك ...
صالح : موعن والله ......حاجز فندق و مايصير أتأخر أكثر ..
بدر : اي تستاهل .. تستاهل مرت الخال ..
صالح : موتنسى باجر تجينا الدوانيه عالشا ...الربع بيجونك ويعيدون عليك هناك ...
بدر : ان شاء الله ومشكور وماتقصر عالعشا ...
صالح : حبيب والله ...تستاهل بوناصر ...
بدر : تسلم يالخال..عزيز وغالي والله ...
صالح يرفع ايده : يالله أخليك الحين تريح ... سلام
بدر : مع السلامه ..​

يدش البيت مع جنطته اللي يجرها ​

ويستقبله راجوه : سلام بابا بدر ...حاج مبرور بابا...​

بدر يسلم عليه : الله يسلمك راجوه ..منا ومنك ان شاء الله
تعال تعال بعطيك صوغه..​

ويطلعله من الجنطه جيس كلا أغراض وهدايا شاريهم مخصوص حق راجوه​

بدر : هذا لك لأنك كنت محبوس يوم كامل مربطينك بغرفتك ومسكرين حلجك بتيب !!! حسبي الله عليهم اللي بهدلوك بذيك الحزه...والله كسرت خاطري لمن شفتك بهالحاله...هاك هاك ...تستاهل راجوه ...خوش واحد...
ويطبطب على ظهره​

راجوه ياخذ الجيس والويه متشقق بابتسامته الفرحانه : شكرا بابا...​

ويهز راسه

يوصل بدر غرفته اللي يعزها ​

يطالع السرير ​

يتذكر لمن كانت فريده منسدحه فوق سريره​

ويسرح بتفكيره ويضيق خلقه !!!​

في اليوم التالي
صباحا​

ببيت عارضيه​

تمر فريده صوب الدريشه اللي كانت توقف فيها مع بدر
وتحط ايدها تلمس الزجاج : هني كنا نتواعد بدريشة حبنا .. ​

بنفس الوقت ​

ببيت بدر ​

بدر وهو يروح المطبخ بياخذله شغله من الثلاجه​

ويشوف الفرن

ويتذكر فريده الفاشله بالطبخ...!!! ويبتسم ..​

فريده وهي بغرفتها تطلع سلسال بدر اللي فيه حرف الـــb
وتاخذه ....وتلبسه ...وتتذكر يوم حذفته عليه وسكرت الباب بويهه
ولمن ردلها اياه مع بوكيه ورد......!!!​

وتبتسم​

بدر وهو يطالع التلفزيون ...حطوا وحده بالمسلسله شعرها طويل
وتذكر شلون كان شعرها طويل يتطاير لي مشت ...ويتذكر دلعها بشعرها لي حركته من كتوفها وشلون تدنيه لي جه على ويهها !!​

فريده وهي قاعده بغرفتها ومنسدحه بسريرها وتطالع التكييف
تبتسم وتذكرت يوم حبسها بدر بين ذاعينه تحت التكييف وبغى يبوسها لو ما ميري جات وخربت عليهم...​

فريده ماقدرت تنام أمس الليل تتقلب بفراشها وتفكر...​

قعدت من النوم مبجر​

فريده : معقوله نسيتي يا بدر ؟​

بدر : أبي أحس بحبج ...أبيج انتي اللي تتعنين هالمره وتجيني ..أبي أحس بإهتمامج بحبج ....أبيج تلحقيني ...مثل ما أنا قبل كنت ألوحقج و أخاف من زعلج... وكلا همي اني أراضيج ... أبيج مره تراضيني..
................ شكلج مايهمج زعلي .. ولا يهمج أمري ...!!​

ويقوم من سدحته من سريره ​

الظاهر حبج إختفى ...ونسيتيني ..؟؟؟؟​

فريده : يعني أنا كنت آخر مره شفتك فيها ببيت ايديده ...كنت حدي زعلانه على موتة عمي ...وبعد علشان سالفه المنحطه اللي ماتتسمى ... ​

 

[Lolwa]

ما أقدر على اللي شفته ...
وفكرة إنه عندك وياها علاقة تذبحني​

وتقوم من السرير : بس انتي اللي خليتيه يروح
قالج اذا ركبتي الدري ماراح تشوفيني...​

وركبتي الدري قباله و عاندتيه وماعبرتيه وهو يتغلى ...
ماينلام ...انقهر .. ​

أنا اللي قهرته​

لكنه تغير تفكيرها : هو بعد قهرني لمن عاشر هالرخيصه ..وقعدت وياه بموضع مخل ...كل ما اتذكر المنظر قلبي يعورني ..ما أتحمل ..ما أتحمل ...
لكنه حج وتاب عند ربه ...
وهو كان وياها من قبل لا يعرفج !!
بسج تكبر وتعالي على نفسج شوي يا دليسا ودوسي على خشمج على شانه...​

علشان الحب
اي نعم
الحــــــب...​

وتقوم فجأه​

وتاخذ جنطتها تطلع من غرفتها

بدر وهو قاعد بالصاله يقرى جريده
الساعه الحين 9 صباحا ...​

ينطق الجرس ​

يبطله راجوه !!!!!​

بدر ليلحينه بالصاله يقرى الجريده​

يدش راجوه​

بدر : منو اللي بالباب ؟
راجوه ساكت ويأشر بنظراته على الدريشه:!!!!
بدر: يلف ويهه صوب الدريشه اللي صايره ورى القنفه ...
يلقاها واقفه قباله ورى الدريشه​

أم الشعر الطويل ....لابسه سلسالة الــــb مالته ...وتطالعه بنظره رجا مع ابتسامه وبيدها سلة بتلات ورد ...​

بدر يتفاجأ بس يظل مكانه ويرد يلف ويها عنها ويهد الجريده من ايده ويحطها عالطاوله ​

بدر :راجوه

راجوده : ناعام بابا ؟
بدر : روح انت الحين
راجوه : ان شاء الله ...​

ويسمع صوت طق طق طق عالدريشه​

طقات الدريشه تطقطق مع دقات قلبه ​

ويقوم من القنفه ويروحلها​

ويمشيلها ببطء وثقل بنفس الوقت​

فريده تحرك شفايفها وتكلمه
بدر يقولها وهو يأشرعلى اذنه : شنو ما أسمع !!! ​

تأشرله بتلفونها
وياخذ تلفونه ويقولها بالاشاره استعباطا : شنو يعني ؟
تاخذ تلفونها وتأشرله على تلفونه ...يعني كلمني ..​

بدر يدق عليها ​

فريده : شلونك؟
بدر : الحمد لله ...
فريده : تقبل الله ....وحج مبروروسعي مشكور..
بدر : منا منج ..الله يسلمج ...
يبتلك ورد عبالي اليوم تجي من المطار ..قلت بالأول أمر بيتك أشوفك جيت والا لأ ؟
بدر : ماقصرتي ..​

فريده تطالع بعيونه ​

بدر ينزل عيونه من عينها ..​

فريده تحط ايدها عالدريشه : نعيما عالقصة ...
بدر يبتسم بثقل ويمسح بقرعته : اي هاذي القرعه ....لازم ...لزوم الحج ..
فريده : طالعه حلوه عليك ..
بدر بثقل : عيونج الحلوه ..​

فريده تطالعه : ......

بدريطالع الحديقه :......​

فريده : ناوي تخليني مده بره جذيه ...ماتخاف علي من ضربة الشمس ؟
بدر : عادي إخذيلج تان ....بشرتج مبيضه ...لازم تسوينها عالموضه ...
فريده :!!!​

بدر :.....

فريده : انزين ممكن أدش علشان أقط عليك ورد لزوم استقبالك من الحج اللي طافني ...
بدر: لأ مايصير عيب ...​

فريده تبتسم وتبان أسنانها اللولو : شنو هاللبس ...طالع موصج بالمكسر....انزين ممكن ادش أشوف نوعية خام مكسرك؟
بدر يبلع ابتسامته: لأ...
فريده : شدعوه ؟ بس أتحسسها شوي ..
بدر يهز راسه يمين وشمال : مايجوز ...
توني راد من الحج ...وأخاف على روحي الصراحه...وانتي مخطوره علي ..​

فريده : لا لا لا ....لاتخاف ... تراني أليفه وما أعض ...
بدر : يحك يبهته بيخفي الابتسامه اللي بانت عند فريده وفشل بإخفائها ...
فريده : يعني ماكو فايده ؟​

بدر لاف ويهه يتغلى ​

فريده : ماعندكم منافذ غير الدريشه هاذي ؟ يبيلي أدورو أستكشف ...عن اذنك ... ​

ومن صجها تروح تدور ​

بدر :!!!!!​

بدر يبتسم وينطرها وهو واقف بعده صوب الدريشه
...يمكن تجي من الباب !! ويطالع بالباب ...​

وينطرها​

دقيقه ​

ثنتين​

ثلاث ...!!! وبعدها مايات !!؟؟؟​

طولت ؟؟؟​

يروح يبطل الباب ويدورها بالحوش ​

هاذي وين راحت ؟؟​

يروح المطبخ​

الغرفه اللي يمها ...​

غرفة الطعام ....​

بس مايلقاها ؟؟؟​

بدر : يه ؟؟ وين اختفت ؟​

بدر يرد الصاله وهو يحاتي ​

يدق عليها ....ماترد ...​

بدر يحاتي وهو واقف يجابل الدريشه​

مايوتعي الا ورد من فوقه يطيح عليه​

وزراعين يايتله من وراه وتلمه من ظهره!!!​

فريده : شتقتلك بدوري...الحمد لله عالسلامه ... ​

بدر يظل واقف بمكانه من غير حركه ...​

فريده : سامحني اني تركتك بذاك اليوم ...​

بدر يبطل ايديها و يلف صوبها
فريده مستمره بالكلام : والله المنظر اللي شفته ببيتك كان رهيب وما تحــــ...
بدر يسكتها بصبعه اللي يحطه على بحلجها : شششش...مانبي نييب هالسيره ...​

وينزل اصبعه من شفايفها ويمسكها من خصرها
بدر : اذا تحبيني ...لا تيبين هالسيره على لسانج موليه ...​

فريده تتأمل وجهة اللي فاقدته واللي نمت فيه اللحيه وبغزاره ​

فريده تتفحص عيونه المشتاقه​

وتقرب يم شفايفه ​

وتبوسه​

بدر :!!!!​

فريده تبعد عن شفايفه خجلانه من نظراته​

لكنه ياخذها بشوق ويكمل البوسه​

ويقعدها بالقنفه​

فريده تبعده : بدور توك حاج ... لازم نتزوج علشان حجتك ماتخترب
بدر : شكلها اختربت وخلصت ..​

ويكمل يبوسها ​

فريده تبعد : يبيلك تعيدها عيل ..​

بدر : أكيد وتكونين انتي معاي ان شاء الله ..
بدر : الا ماقلتيلي ؟
فريده : هلا حياتي ؟
بدر : متى تبينا نملج ؟
فريده تستعبط: ألحين اذا قدرنا ... ​

بدر يضحك :!!!
فريده بضحك : مانضمن شيصير بس ساعه ...قمنا ما نأمن الصراحه ...​

بدر يفكر ​

تالي يقوم​

ويمسكها من إيدها يقومها وياه ​

تعالي ...​

فريده : وين ؟
بدر : أملج عليج بالمحكمه ...خن نروح ألحين نلحق قبل لا ينتهي دوامهم ...
فريده : أمــــبــــيه !!! مو من صجك بدووور ؟​

بدر وبجديه يمشي لي الحوش وجار فريده وراه ..​

بدر : من صجي وأبو الصج بعد ...​

فريده : أمبيه لأ ...شلون أملج ؟؟.ما أقدر بروحي !!! أنا قاصر ....لازم الوصي علي يجي معاي ويملجني !!!
بدر ليلحين يجرها لي السياره ويركبها : مو مشكله نروح نمر ايديدتج وناخذها معانا ...​

ويسكر باب السياره
فريده مو مصدقه : وااااي بدوووور ...مستحيييييييييل !!!! ​

ويطير فيها بالسياره ....​

الساعه الحين تأشر عالوحده​

يرفس بريوله بالباب الرئيسي للبيت بكل قوته وهوشايل مرته بيدينه​

ويبطله !!!!​

حياج أم ناصر ببيتج...
أم ناصر ( فريده ) : لا ينكسر الباب !!! المسكين ...بروحه مومترقع ..كافي الحفره اللي مسويها فيه ...​

بدر : يفداج ....نشتري باب ثاني أقوى منه ...
وهو راكب الدري لي غرفته وشايلها...​

فريده : بعدين ماتقدر تطقه لي عصبت ؟؟
بدر : ليش انتي ناويه تخليني أعصب علشان أطقه ؟؟​

ويدشون غرفته ويتسكر الشتر ​

فريده : والله ما ندري ! يمكن ! كلشي جايز..
بدر : لاوالله !!!!
انتي الظاهر يبيلج عقاب على هالكلام الخطييييير​

فريده تضحك بدلع : هههه لأ لأ...بدوووووور ....​

بدر :تعــــالي
فريده : هههههه ...أمبيه لأ​

بدر :...​

فريده : لأ ...لأ ...ورانه عرس !!!...​

بدر : .....​

فريده :بــــــــــــــــــــــــدووور​

الـــــنــــــــــــــــــــــــــــــــهايــــــــــــــــــــــــــــــــــــه​

 

[Lolwa]

أرجو انه يعجبكم هالبارت


ونودع فيه دليسا وبدر

نشوفكم على خير


وقراءه ممتعه على قلوبكم يارب


قبلاتي الحاره