روايتي الاولى : (دليسا )

[a7la_cute_lulu]

شكلج نسيتيني من اول ما طلعتلج متابععة يدييدة وانتي معطيتني طاف احس ليش جذي يالسمية

 

[Lolwa]

لا والله مانسيتج ياحبي لا تظلميني


وشوفي قبل المتابعه اليديده ....شوفي ردي لج

 

[a7la_cute_lulu]

شنو هالجمله ما فهمتها لالا تخافين مو عصافيرنا << شسالفه اي عصافيير واي حماام واي طيور ما فهمت

 

[Lolwa]

انتي قلتي هل طيور الحب يموت واحد منهم
أنا قلتلج مو عصافيرنا ....بدر وفريده


اهم عصافير روايتنا
حزتها كتبت الرد بالتلفون وما أعرف أكتب فيه عدل وكتب بالمختصر


ولا تزعلين مني وحقج علي

 

[Lolwa]

لــــــــو لــــــــــو
البارت جاهز


اذا بعدج زعلانه والله ما أحطه

 

[a7la_cute_lulu]

اهاااااااااااااااااا فهمت ... لا انا ما ازعل منج بس اتغلا << نذاله لازم
ما عندي احد نفس اسمي اتغلا عليه:/

 

[a7la_cute_lulu]

حطي حطي حطييييييي بس ما ازعل حطي اذا بتحطينه عشان زعلي ماراح اقراه الا اذا عشان بس جذي ولا شي صاير << مادري شفيني جني هندية اتحجا عربي المهم حطي

 

[Lolwa]

فديتج والله انتي والتغلي مالج


دقايق أخلص الجملتين اللي بالبارت ( لأني انشغلت مع وحده زعوليه ....جان تعرفينها )

وبس أخلص أحطه طياره

 

[a7la_cute_lulu]

ماعاش اللي يزعل على يوووووووووحي << يعني روحي

 

[a7la_cute_lulu]

منو اهيا الزعولية ما اعرفها << بدينه تحشيييش

 

[Lolwa]

الفصل السادس والأربعون ​

​

يشيلونه الشخصين ويركبون فيه بالدري ....لين يوصلون غرفته​

يحطونه بسريره​

أمجد : فصخيه ثيابه ...ما أبيه يكون لابس ولا شي ​

ليال : أوكيه ​

أمجد : يالله بسرعه دقي على المحروسه وقوليلها ...​

ليال تاخذ تليفونها وتدق عليها​

فريده توها راده من السوق مع نورا وقاعدين يشوفون المشتريات​

نورا : يالبايخه ...ليش شريتيلي هالساعه ...بس لأنها عجبتني بالبترينه شريتيها علطول ؟​

فريده : تستاهلين ..وكنت بونسج لأني حسيت انج كنتي وايد مهمومه ؟​

نورا تطالعها وتشوف الساعه وتتذكر ...ويضيق خلقها ​

فريده : لأ نورا ...لا يضيق خلقج مره ثانيه ...أنا أبيج تســـ....​

ويدق تلفونها​

فريده تستغرب من الرقم الغريب​

فريده : لحضه شوي نورا ...خن أرد وبعدين ايي أدلدقج ...نطريني ...​

نورا تبتسم ..​

فريده : ألو ؟​

ليال : شلونج فريده ؟​

فريده : منو معاي ؟​

ليال : معاج حبيبة بدر ...خطيبج ...​

فريده مصدومه : شنو ؟​

ليال : اي نعم ...أنا حبيبته ....وهو طول هالمدة قاص عليج بياخذج علشان فلوسج ويعيشني بنعيم فيهم ...​

فريده : انتي شتقولين ؟​

ليال : اللي تسمعينه ..​

فريده تصارخ : انتي جذابه ...​

نورا تخترع : شنو ؟​

ليال تضحك بإستهزاء : والله اذا مو مصدقتني ...تعالي بيت بدر وشوفي بنفسج ؟​

فريده : معقوله يخليني أيي أشوفه وانتي معاه ؟؟؟ ماراح يخليني ...هذا إذا صج اللي تقولينه ؟​

ليال : ماعليج ...اهو الحين بالحمام ياخذ دوش ...بيجيني بعد شوي وبينام ...لأنه كلا ينام بعد مانخلص ...وعليا وايد أتعبه ...​

فريده : أكلي خراج يالجذابه ...​

نورا معورها قلبها وتحاتي : فريده شصاير ؟​

ليال تساسرها : وي وي ...كاهو يه بدر ..مضطره أسكره​

وتسكر الخط ...​

وتطق كفها بكف أمجد اللي مادلها ايده .....​

أمجد يغمزلها : عفيه ...​

يالله قومي لبسي بسرعه ...وأنا بطلع بره البيت أراقبكم​

ليال : لا تنسى تخلي الباب مسايف؟​

أمجد :اي أكيد ...باي ..​

ويروح بره البيت وينطر بالسياره بآخر الفريج يراقب الوضع ...​

فريده بعد ماخلصت من المكالمه ...​

منصدمه ومبحلقه عيونها وسرحانه​

نورا تناديها بس ماكوفايده!!!​

وتأشر لها بيدها وتحركها يم عيونها : فريده شفيج ؟ ألووو؟ شصاير ؟​

تقوم فريده وتاخذ جنطتها وسيده عالسياره​

وموسامعه أحد يناديها بالمره​

نورا : فريده ...فريده ...لاتروحين وانتي بهالحاله !!!​

وتروح بسرعه سيارتها وتمشي فيها من غير وعي​

وتركب نورا سيارتها بعد و تلحقتها ​

فريده وهي تسوق : مو معقوله ...مو معقوله ...مومعقوله!!!!​

وهي ماتدري ​

تشوف روحها يم باب بيت بدر!!!​

تدش البيت وتروح صوب الباب الرئيسي ​

وهم تلقاه مبطل !!!​

أمجد يكلم ليال بالتلفون : كاهي تره اهي بره ..يالله يالله تجهزي ..​

تدش البيت وعلطول عالدري وبخطوات بطيئه ...​

​

فريده تبطل الشتر مال غرفة نوم بدر بسرعه​

وتلقى مراه بقميص النوم شبه عاريه ويمها بدر نايم ووجهه صوبها ( صوب الباب ) والمرا الغريبه وراه...وجسمه عاري ​

تنصدم فريده !!!​

ليال تغطي بدر بمجرد ماتجي فريده تشوفهم ... تحط صبعها على حلجها : ششششششششششششش توه نايم ....وتأشر لها بصبعين يتحركون ( يعني باي يالله روحي ) وتحضن بدر وهو نايم ...​

فريده تنصدم وتمسك حافة الباب لأن ريوها موقادره تشيلها !!​

فريده : جذي تسوي فيني يابدر ؟​

ليال : يسوي فيج وأكثر ...مايحبج ...شفيج موراضيه تصدقين ؟​

فريده تصارخ : بدر ...بدر إقعد ...بدر ..​

نوره توصل بسيارتها وتنزل​

أمجد من بعيد : منو هاذي؟؟؟ معقوله ؟؟ ...نورووووااا ؟؟؟ شمييبها هاذي الحين ؟ لا تفضحنا !!!​

وتوقف نورا بره متردده انها تدش ؟​

فريده ليلحين تصارخ وتحاول تجي يمه تبي تقعده ​

ليال ماسكتها من ايدها ماتخليها تقرب يمه !!​

وتاخذ فريده تجرها وتطلعها بره : قلتلج نايم انتي ماتفهمين؟ ​

تقفل الشتر... ​

فريده ماقاومتها....وطلعت بره من صدمتها !!!!​

لكنها بدت تشك !!!!​

كل هالصراخ وماقعد ؟​

وتنزل تحت​

وتلقى نورا بويهها بالحوش​

نورا تدش من شافتها : فريده ؟ شنو صاير ؟​

وتقعدها وياها بالصاله​

فريده سرحانه: في وحده نايمه فوق مع بدر !!!!​

نورا : شنو ؟​

فريده : بس أنا شاكه بشي ...ومصيري أعرفه ...مو أنا اللي ينقص علي بسرعه ....لأن في شي موطبيعي بالموضوع !!!​

بعدين نورا تتكلم : نورا منهي هاذي اللي معاه ؟​

فريده : ما أعرفها ...​

بعد فتره من الزمن...​

نورا : ظلينا مده فريده وحنا ننطر ...يمكن فوق الساعتين ؟​

فريده وبكل شجاعه : يستاهل العنوه ...بغيت أفقده مره ..ماني مستعده حق الثانيه ...موبهالسهاله ياخذونه مني... ​

نورا :؟؟؟​

فريده : حبيبتي شفيج مصعبه الأمور وتحاسبين حركاتج !! ...خلي حياتج عاديه ..وبطلي التلفزيون وطالعي مسلسلاتج وطولي عليه..إخذي راحتج ...انتي إلحين ببيتي وبضيافتي..​

نورا : ماشاء الله عليج فريده ...صج قويه ؟​

فريده تخز بس موشي معين وعيونها تخرع ...حتى نورا خافت وبعدت عنها وقامت تطالع تلفزيون ...لأن الشر طالع من عيونها !!!!!!​

فوق بغرفة بدر ​

ليال تتكلم بالتلفون: وبعدين ؟ هاذي مي راضيه تروح ؟وبدر قاعد يتحرك على وشك انه يقعد ؟ شنسوي ؟ توهقت ؟ ماهقيتها يكون ردها للموقف بهالطريقه ....شنو هاذي ؟ شالآدميه ؟​

أمجد : هاذي فريده ؟؟؟ ماتعرفينها ؟ ولاكنت أنا أعرفها عدل الا الحين وبهالموقف ؟ أمرنا لله ...مالج الا حل واحد....​

فريده تسمع خطوات تنزل من الدري​

والا ليال نازله وشايله قشها ...​

نورا تطالعها وتأشر :.....هاذي هاذي ....​

فريده : على وين ؟​

ليال : هادتلج إياه وماشيه ...إخذيه ...شبعي منه ...مابيه ...​

فريده : بهالسهوله ؟​

ليال تطالعها مقهوره وتطلع ​

نورا تطالع فريده وتطالع ليال اللي الحين بالحوش ماشيه لي الشارع ...​

نورا : هاذي أعرفها أعرفها ؟؟؟​

فريده : تعرفينها ؟​

نورا : اي ...هاذي ليال تصير رفيجة أمجد ...وتسكر حلجها بإيدها .....تخاف لا فلتت بكله غلط ..​

فريده : ؟؟؟؟​

تروح ليال سيارة أمجد ويقب فيها ....​

فريده تشك أكثر بالسالفه​

فريده :نورا حبيبتي ...روحيي إنتي البيت الحين ....ولايكون تقولين لأحد عاللي صار....​

​

نورا : إن شاء الله ما أقول ...ماتبين أي مساعده قبل لا أروح ؟​

فر يده : لا حبيبتي مشكوره ماتقصرين ...وتعبناج ويانا...​

نورا : دقي علي وطمنيني ...​

فريده : ان شاء الله ...روحي انتي الحين ...ومثل ماوصيتج لحد يدري بالمره...​

نورا تمسك ايدها كاسره خاطرها: إن شاء الله حبيبتي الله يكون بعونج ......يالله باي عمري...​

فريده : باي حبيبتي ...​

تنطر نورا تروح وتسكر باب الصكه...​

وبسرعه تروح حق بدر​

بدر بعده نايم....​

تقعد يمه دليسا​

دليسا : بدر ...بدر ؟؟؟​

يتحرك بدر بس ليلحين ماقعد..​

بعدها بنص ساعه​

يبطل بدر عينه ويلقى دليسا!!!​

يقوم راسه من المخده وهويطالعها بصعوبه : دلوس؟ ​

وتفتر فيه الدنيا من آثار التخدير : آي​

فريده تحط راسه مره ثانيه على المخده...​

بدر : شلون؟ متى جيتي هني ؟​

فريده : ماتتذكر شي ؟​

بر : لأ ...بس الذي اتذكره اني كنت طالع !!!!​

فريده تحط ايدها بخد بدر : انت شنو بغيت تقولي اليوم وأنا بالسوق؟​

بدر : كنت بقول ؟ كنت ....إي كنت بقول شغله ...​

فريده : شنو إهي ؟​

بدر يقعد ويقوم وينكشف الغطا ويبان جسمه: ويشوف نفسه عار تماما !!! فريده يحمر ويها وتلف ويهها وتسكر عينها ....وبدر يغطي روحه بسرعه بالشرشف!!​

بدر متفاجىء: شلون جذي أنا مولابس شي ؟؟؟ويطالعها ...فردود !!!​

فريده ليلحين لافه راسها : شنو ؟؟​

بدر :انتي اللي مفصختني ..​

فريده تلف عليه متصروعه :شقاعد تقول ؟ أووووووووف ...بدر مو وقتك ...يالله لا تضيع الموضوع ...شنو كنت بتقولي ؟​

بدر يطقها بكوعه :ايمممممممم!!! انا اللي ألحين أغير الموضوع ؟ هاااااا؟​

فريده تعصب : يبا مو أنا ...موأنا هاذي ليال يات وخدرتك وفصختك ..و ...​

وقالتله القصه من بداية التلفون اللي ياها من ليال لين اللحظه هاذي..​

 

[Lolwa]

بدر سرح مصدوم...وناسي حلجه مبطل !!!!​

فريده : علشان جذي ...أنا بسمع منك ألحين شنو بغيت مني وأنا بالسوق ؟ أبي تفسير حق الموضوع هاذا !!! وإلا ترى والله بدير ...أهدك وأمشي وماراح تشوفني بعدها بالمره ..​

موكافي علي شايفتها وياك وانت مفصخ وتلمك ...أصلا فكرة انها فصختك تخليني ودي أزنطك وآخذ فيها حكم اعدااام.... ​

بدر :!!!!​

بدر بقلبه ومستغرب : والله لو وحده ثانيه تشوف هالمنظر تطيح غشيانه ...تتعقد ...تكره روحها ويا حبيبها ...أما انتي انسانه غير ...وطبعا أحمد ربي وأشكره لأن من حظي يعني خخخخ ...​

فريده تصارخ فجأه : تكلم أقولك ..​

بدر ينقز : إن شاء إن شاء الله .....بال ؟​

بدر : هاذي يا حبي كانت حبيبتي من قبل لا أعرفج ...تركتها منزمان ...حتى من قبل لا خالج يتوفى ......وكنت متعرف عليها بمكان ...تقدرين تقولين انه مكان مش ولابد يعني ...يعني بالمختصر ...ليال هاذي تعرف وايد راياييل ​

فريده تسمع:.......​

بدر يطالعها ويطالع تحت وبصوت خافت : آآآه ...وبس ...​

فريده : أنا سمعت انها تعرف أمجد ؟​

بدر : اي ..مو أمجد كان يجي معانه الشاليه ..أ أ ا أقصد المكان المش ولابود اللي قلتلج عنه ..وهم تعرف عليها ....وشافني هديتها ....خذاها بعدين حقه...​

فريده : وعادي عندك انه حبيبتك تعرف رفيجك ورفيجك عادي عنده ياخذ فظلتك !!!...انتوا شنو حيوانات !!!​

بدر يرتبك : لأ لأ لأ ...مو مثل ما انتي تفكرين ....اهي كانت لي بس من هديتها راحت حق أمجد ...انزين حبي احنا شكو فيها خره بشكلها ...أقولج أنا هديتها ومالي شغل بهالسوالف بعد خلاص ...ورب الكعبه اللي بحجله بعد شهرين ....​

فريده تقوم وهي عافسه الويه : سمعت كفايه...​

وتطلع من الغرفه ...​

بدر يناديها ...​

ويقوملها ..لكن يتذكر انه مولابس شي ...وياخذ الشرشف ويلفه عليه بسرعه علشان بيلحق عليها ...​

ويروح وراها ويمسك إيدها : فريده شفيج بتروحين ؟ أنا مالي ذنب باللي صار ...لاتنسين اني أنا الضحيه ترى !!​

دليسا تهد إيده حيل وتوخره من إيدها : المنظر اللي شفته وايد علي وصعب أستوعبه ....الغيره ماكلتني ...هدني ...​

بدر : ليش تغارين من وحده حيوانه ...هاذي لا تعدينها انسانه ...هاذي ولا شي يمج...​

دليسا :ما أقدر ...ما أقدر ....المنظر اللي شفته يشل آدمي ...ما أقدر استحمله ...وخر عني ...وخر ..​

..وتروح لي سيارتها​

بدر يناديها ماكوفايده : بدر لا تخليني دلوووس ...أنا أحبج ...وربي أحبج​

...يعصب بدر ويثور ...وياخذ الباب الرئيسي ويعطيه بوكس قوي من حرته: إيآآآآآآآآآآآآآآآآه​

اللي سوا علامة حفره باينه واضحه بالباب​

دليسا سمعت الصوت المرعب مال طقة الباب​

تطالعه :.....​

وبدر يطالعها يترجاها ترجع :....​

لكنها تشغل السياره وتروح​

​

و بسرعه يروح غرفته ويبدل ويحاول يصلها بالطريج​

لكن فريده سابقته بأشواط ....واعتقد انها بالمكان اللي بباله ...​

بدر ألحين عند بيت عارضيه​

عارضيه : هلا أمي ...بغيت فريده ؟​

بدر : إي ...​

عارضيه : بس إهي طالعه ..​

بدر : أدري ...ممكن أنطرها هني ؟​

عارضيه : اي ممكن يا ولدي البيت بيتك ؟؟؟؟​

​

ببيت بو أمجد ​

فريده عند نورا داخل وناطره على نااااار​

قالتلها نورا عن قصة ليال و الشاليه مال أمجد ...​

ودليسا قالتها عن تخدر بدر ...وانه ماكان يدري بالموضوع وكان ضحيه ...​

نورا : ناطره أمجد ؟ بتهاوشينه ؟​

فريده ماتتكلم .....بس تطقطق أصابعها بطريقة متوتره على تسريحة نورا اللي قاعده بكرسيها وحاطه ريل على ريل !!!​

نورا: وعليا بدر طلع كل هالمده مخدرينه ؟​

فريده :......​

نورا : شكلج وايد معصبه ...أنا أقول أخليج على راحتج وأروح تحت ...​

فريده بحده : خليج ..​

نورا من الخوف : أوكي!!!!​

بعد ساعه​

تسمع نورا خطوات أمجد اللي حافظتها وهو ياي غرفته ​

نورا : كاهو هذا أمجد ...​

فريده تطلعله بره بسرعه ...​

وتطالعه وهي منزله راسها وتطلع من عيونها الشرار​

أمجد إرتبك : فريده ؟؟؟ ​

بقلبه : ماشفت سيارتها ؟​

وتجيله ونظراتها تشب منها حريجه​

أمجد يبلع بريجه ويرجع ورى : فريده ...فريده ...أنا أوضحلج كل شي ..​

ويدخلون عند غرفة نورا​

أمجد :طلعي نورا بكلم فريده بروحنا ...​

نورا : أوكي ​

فريده بحده وبصوت يخرع : قعدي مكانج ...​

نورا : أوكي​

فريده تقعد مكانها المعهود عند التسريحه وتحرك بأصابعها وتطالعه بوجه مرعب​

أمجد : مو أنا اللي مخطط هالسالفه والله ... مو أنا ...​

فريده :منو عيل ؟ ليال ؟​

أمجد : لأ وحده انتي تعرفينها ....​

فريده ترفعله الحاجب : منو ؟؟​

أمجد : ...​

فريده : كلمه مني بس وتروح فيها يا أمجيد ....أقدر أقطك بالسجن جذي (وتطق بصبيعنها تطلع فيهم صوت )​

أمجد بسرعه ينطق : فتون ​

فريده تنبرص : !!!!!!​

نورا هم :!!!!!!​

​

أمجد يحرك راسه : إي ...تقول انج خربتي حياتها وتطلقت من اللي تحبه لأنه ليلحين يحبج ..​

فريده مبحلقه عينها وتطالع بالأرض وتحرك راسها :مستحيل ..​

نورا متفاجأه بعد : فتونوه الشيطان الأكبر ؟؟؟ وتسكر حلجها ...​

فريده تطالعها وبقلبها : هاذي شعرفها فيها ؟​

أمجد مفتشل من اخته : انتي طلعي بره ...بره ...​

فريده تطالعها وتسكر عينها وتبطلهم ..( يعني ماعليه طلعي ...)​

وتطلع نورا وتهدهم ..​

وهي بره تشوف أبوها طالع من غرفته​

نورا : يبا ؟؟؟؟​

بو أمجد : شصاير عندكم ليس هالصراخ ؟؟​

نورا تنزل تحت خايفه : آه آه ....مادري ؟ ​

بو أمجد يوقف عند الباب وهو توه بيبطله لكن يغير رايه لأنه سمع شغله يسمع وقفته !!​

أمجد : والله فريده ..أنا محتاج فلوس ..وشاري شاليه وعلي ديون100 ألف وان ماسددتهم خلال هالشهرين بالكثير أنسجن​

ويوقف على اركبه تحتها ويمسك بفستانها ..​

أمجد : أترجاج تسامحيني ...كنت مضطر ...مضطر أسوي هالخطه علشان ماتتزجينه وتردين تتزوجيني وأستفيد أنا من الفلوس وأوفي ديني ...ويبجي ..أبوي لي دره ماراح يسامحني ...أترجاج لا تبلغين عني ولا تفضحيني عند أبوي ...ماكنت أقصد أخدره ..قصوا علي ...قصوا علي ...​

فريده : وشاليهك اللي كله خرابط....ماراح أسامحك الا لمن تبيع هالشاليه الزفت..​

بوأمجد ينصدم ....ويمسك قلبه بإيده ...​

أمجد : ما أقدر أبيعه هو باسم واحد ثاني ..لأني بعمر مايصير أستملك شي بإسمي ..​

فريده : بسيطه قول حق اللي كتبته بإسمه الشاليه ...​

أمجد : هم هاذي سالفته معقده ...أنا مومستفيد من شي غير اني أأجر الشاليه وآخذ فوايده علشان جذيه أقدر بوقت طويل أسدد اللي علي ...بس اللي تسلفت منه يبي فلوسه بأقرب وقت لأنه اهو بعد مديون .......وهاللي تدينت منه يهددني فيني وبأهلي ....شنو تبيني أسوي فريده ...ويبجي ...​

فريده ليلحين تطالعه من فوق: في وايد حلول ...ممكن تأجره على عوايل ...مو هالخمه اللي تييبلك فلوس حرام ...وتسببلك غضب من الله...ماتشوف روحك مو موفقك ؟؟؟ الله غضبان عليك من اللي قاعد تسويه من حرام !!!​

​

بو أمجد ماتحمل من اللي سمعاه ويعفس ويهها من العوار اللي قاعد يزيد عليه ويمسك حافة الباب ...يحاول انه يستجمع قواه ومايطيح ...لكن العوار أقوى منه ..​

ويتبطل الباب​

ويطيح بو أمجد بالقاع داخل غرفة نورا و قبال عيون فريده وأمجد ..​

أمجد يصارخ : يبا ...​

فريده تصارخ : عمي ...​

وتصير لويه بالبيت ​

ويجي الاسعاف​

ويشيلونه​

سلوى تبجي ​

ونورا ونورو أنور وياهم خايفين ويلمون بعض ​

المسعف : البقى براسكم​

أمجد يبجي: لأ ...يبا​

المسعف يكلم فريده : حاشته سكته قلبيه قويه شلته دقايق بعدها توفى علطول ...الظاهر تعرض لصدمه ماتحملها .....الله يصبركم ...و​

أمجد وايد متأثر وحاس بالذنب ونايم على جثته وهو بسرير الاسعاف ويحضنه: يبا قوم ...قوم وطقني ...قوم واقتلني ..قوم سو فيني اللي تبيه ...بس لا يصير فيك انت شي ...انت مالك ذنب....سامحني قبل لا تروح ...لاتموت علي غضبان ...أرجوك لا تهدني ...وين أقابل ربي وين ؟؟​

ويشلونه منه ويحطونه بسيارة الاسعاف​

وسط صيحات عياله ومرته ​

فريده تطالعهم وتسمعهم و يبجون​

أمجد حاط ذراعه على ويها ويبجي وهو متسند عالطوفه....​

نورا تبجي وبصوت واطي : يبا سامحني ....سامحني قبل لا تروح...راح تعرف عني عند الله ..راح تكتشفني شنو أنا سويت من وراك...​

سلوى تطق على راسها وتصيح : راااح ..راااااااح الغالي وهدانا ....راح ويتم ولده قبل لا يشوفه يكبر...راح قبل لايزوج واحد من عياله ويفرح فيهم ....آآآآآآآآآآآآه​

نور : يبا رحت قبل لا أبوسك وألمك ...رحت قبل لا أشبع منك ..​

وتجيهم أنوار مصروعه ( مخليه عيالها عند الخدامه بالبيبت )​

وتصارخ متفاجأه ...وين أبوي ...وينه ماودعته ؟...مالحقت عليه​

وتلم سلوى بنتها أنوار: يبولي اياه خل أشمه ...خن أودعه ...حرام عليكم ......يييبوووووووه... ​

أنور يطالع بخواته وأخوه وأمه يبجون و منصدم ومكسور الخاطر...​

قطع قلب فريده ... تاخذه فريده بتلمه​

لكنه يوخر عنها خجلان وبحركه يقصد فيها ( اني مو ياهل ) ​

...ويروح ركض غرفته ...​

فريده تطالعه وهو يركب الدري وكاسر خاطرها..​

فريده : رحت ياعمي وهديتنا .....رحت ياعمي وانت سندي الوحيد اللي كنت أعتمد عليك بالهدنيا ..​

رحت وخليتني هايمه بروحي وضايعه بين نار همومي ...​

رحت وخليتني مثل اليتيمه.......​

 

[Lolwa]

ترى بجيت وأنا أكتبها

 

[a7la_cute_lulu]

انا بعد بجييييييت واااااااااااااااااي لا بس توقعت انه يموت من سالفة امجد والله توقعت
ومشكورة علا البارت وابي نبذة مفهوووووومة

 

[Lolwa]

هلا حبي. .ماراح أحط نبذه. ..بس راح أحط بارت قصير تمهيدا للحلقه الأخيره اللي بحطها باجر. .........

 

[a7la_cute_lulu]

لولو ممكن طلب
ابيجج تسويلنا مسلسل برمضان ٢٠١٢ طلبتج تكفييييييييييين والله انا اول وحدة اشجعج
وثاكس علا البارت

ومتى البارت الياي

 

[39la o f9la]

واااي كسروا خااطريي بغيت ابچي
الله يرحمة بو امجد
واي اموت و اعرف فريدة شبتسوي الحيييين

 

[عازميه ولي فخر]

اهي اهي اهي اهي الله يرحمك يا ابو امجد

 

[sweet.sanfoora]

حررااااااااااااااااام

وبث


ثانكيوو

 

[Lolwa]

39la o f9la

عازميه ولي فخر

اي الله يرحمه






a7la_cute_lulu

البارت الياي قصير ويكون نبذه تمهيديه عن البارت الأخير بحطه بالليل اليوم
وباجر احط الحلقه الأخيره

وان شاء الله أسوي روايه أبتدي فيها السنه اليايه بالعطله نفس هالحزه وان شاء الله تكون قبل رمضان
ولو ان هالروايه تعبتني ...بس مو مشكله بجمع فيها وأكتبها وجهزها حق بعدين
وحياج حبيبتي