روايتي الاولى : (دليسا )

[Lolwa]

39la o f9la
a7la_cute_lulu
sweet.sanfoora

متألقين دائما كما عهدتكم حبيباتي

 

[Lolwa]

Şhώasha . . ~

حياج الله قارئة جديده لروايتي
شكثر استانس لي شفت قراء جدد يزوروني ...وتشجعوني أكثر اني أبدع
واطرائج أخجلني حياتي
راح أستمر بالكتابه ان شاء الله لا تخافين ...
بس راح أوقف القصه لأن قريب وتنتهي
والا قصدج أزيد شوي بالبارتات ؟؟؟






اليوم بحط لكم حبيباتي بارت خاص عن بدر و دليسا
حسب ماانطلب مني
وفيه شويونه من المنطقه الورديه ما أقول حمرا

وراح يكون آخر بارت عن هالعصافير الاثنين

أرجوا انه يحوز على اعجابكم

نطرونيي

 

[Lolwa]

الفصل الخامس والأربعون ​

​

ببيت عارضيه ​

في اليوم التالي​

ومن صباح الله خير ينطق الجرس​

ميري :جين جين ​

تبطله وتلقى بدر بوجها​

بدر : ها ميري ..منزمان ماشفناج !!​

ميري تضحك : ها بابا جميل ...وتتوهق ..أنا يقصد بدر ..بابا بدر ...​

بدر : أنا جميل ها ؟​

ميري تضحك ومستحيه : هههها ...اي بابا انت وجها واجد جميل ...انت ماشاء الله ماشاء الله ..وجها مثل قمر ...عاشان جذي انت اسمك بدر !!​

بدر جنه استحى ​

ويسمع دليسا من بعيد ​

دليسا : ميريوه ووجعه ؟​

ميري تنقز : شينو ماما ؟​

وتييها وتطقها على كتفها : قبالي وتغازلين أنا زوج ؟​

مير : أنا والله مايغازل انت زوج ...أنا في هند ....عادي يقول حق ريال انت جميل ..مومشكله !!!​

دليسا : هذا عندكم بالهند ...موهني ..روحي بس طسي ...​

وتروح ميري :كلا يسوي حق أنا جنجال جنجال ..​

دليسا : وويعه ...​

وتطالع بدر وتخزه​

بدر : هلا ...هلا بالنور اللي ياني ..هلا بالجمال والدلال كله...​

دليسا بثقل : مره ثانيه ماشوفك تكلم حريم من وراي سامع ؟​

بدر : بس كنت أكلم ميري ؟؟ اهي اللي ساعدتني اني أوصلج وأتعرف عليج ..في قديم الزمان يعني ...فميانه بيني وبينها مثل ماتقولين​

دليسا : يا سلام ...​

بدر : انزين حبي ناويه توقفيني بره جذيه بالشمس وايد ؟ شنو اشتقتي حق التان اللي راح مني وبترجعينه؟​

دليسا : وي حبيبي ...سوري ...حياك تعال ...​

ويروح وراها وهو يطالعها يتفحص جسمها ولبسها ومشيتها ...لابسه التوب ابيض شفاف طايح صوب الأكتاف ومطلعهم ..لكنها لابسه تحته فانيله بيضا بعلاق ...مع جنز ازرق ضيج ​

بدر يحك لحيته وسرحان وهو لاحقها : الله يحيج الله يسلمج ...​

بدر يقعد بقنفة الصاله ودليسا قاعده بنفس القنفه بس شوي بعيد​

ويتلوفت بدر !!!​

بدر : إلا وين عارضيه وصفا ؟​

نايمين ...​

بدر يلز يمها : والله ؟؟؟ يعني أنا وياج بروحنا ألحين ؟​

دليسا مستحيه : اي​

ويحط إيد بخصرها ​

وإيد بخدها : طالعه اليوم قمر !!​

وتيي ميري ​

بسرعه يشيل ايدينه منها ويعدل قعدته ..​

ميري : ماما ...شنو يسوي كدا(غدى ) ؟؟ ماما صفاو ماما عوده مايقول؟؟؟...​

دليسا : مادري ؟ اي شي ؟ ..سوي عيش دياي...​

ميري : دجاج ماكو خلاص ...​

دليسا :سوي عيش لحم ...​

ميري :لحام بعاد خلاص ماكو ...​

دليسا :إنزين سمك!!​

ميري :خلاص ساماج ماكو ...​

دليسا :عيش وروب!!!​

ميري :روب خلاص ما كـــــ​

وقبل لا تكمل يطلع بدر من طوره ويصارخ : خلاص خلاص ..يبا أنا بشتري غدى من المطعم اليوم وعلى حسابي ...بس فارجي ولا تيين هني مره ثانيه ..قعدي بغرفتج وحبسي روحج داخلها ...سامعتني ؟​

ميري منبرصه : .....​

بدريصرخ فجأه : يالله روحي شناطره ؟​

تقمز ميري : إن شاء الله بابا ...وتروح ركض غرفتها ...​

دليسا : شفيك بدر عصبت ؟​

بدر : تستاهل ليش تغازلني بالحوش وتخليج تعصبين ...​

ويغير النبره ويقرب منها بكل حنان : ما أرضي دلوستي تتعب أعصابها ...​

دليسا :....​

ويرد يقعد ويحط ايده بخصرها : وين كنا ؟​

دليسا تبتسم :....​

بدر : عاد أقولج اليوم الجنز عليج واو ​

ويقرب وجهه صوب خدها ​

لكنه يسمع صوت عارضيه بالغرفه اللي يم الصاله ​

عارضيه : ميري ؟ ميري​

بدر بعده ماسك دليسا من خصرها : هاذي يدتج !!! شكلها قعدت ؟ ​

دليسا :...يمكن صراخك قعدها ؟​

ويسمعون فوق خطوات قاعده تنزل​

ويعدل بدر قعدته بسرعه ​

وتنزل صفا : شنو هالازعاج اللي سمعته ؟ منو اللي يصارخ ؟​

دليسا ترقع : أنا كنت أقولها تسوي الغدى ..واكتشفت انه مافي شي بالبيت ...فعصبت لأنها ماقالت من الأول قبل لا يتخلص الماجله ...وصارخت عليها...!!!!​

بدر : مو مشكله دلوس ...نطلبلنا من المطعم بعد شوي ...​

دليسا : إي ..اليوم بيغدينا بدر على حسابه...​

صفا : اي بعد عمري والله بدر ....سمعت الصراخ وقعدت قلت يمكن صاير شي ؟.....الساعه جم الحين ؟​

.وتطالع الساعه​

العقارب تأشر عالتسع !!​

صفا : ويييييه قعدت مبجر ....خن أرد أنام ...وتتثاوب آآآآآآه ...تمسون على خير عصافيري ...​

بدر مستانس : وانتي من أهله ...​

تروح صفا غرفتها وترد تنام​

عارضيه تطلع من غرفتها بكرسيها وبقلبها : من صجها نامت وبتخليهم بروحهم ..هالصفا شكلها نست عاداتنا وتقاليدنا من هاجرت عند الأجانب؟؟​

وتييهم ​

بدر بقلبه : ولين ...الواحد ماياخذ راحته يعني ؟​

عارضيه : قوه بدر ياولدي شلونك ...منزمان ماشفناك ( تتطنز كليوم ايجيهم من بداية الخطبه )​

بدر يضحك : شسوي اشتقتلج عمتي ...​

وتقعد وياهم ​

فتره ​

وبدر يحاول يتنحش لأنه موماخذ راحته كلش ...عنده انه يكون بعيد عنها ويكلمها بالتلفون أحسن من انه يجابلها وياه ناس تقعد وياهم قاصدين يصكون عليهم وما يقدر يكلمها على راحته .. ... ​

بدر : يالله أنا ماشي ...​

دليسا فز قلبها ماشبعت منه : وين ؟​

بدر : أشوفج باجر ..​

دليسا : ماقعدت وايد ؟​

بدر : لا عندي أشغال بسويهم وقلت أمر عليكم شوي بعدين أكمل ...مع السلامه ...إنشوكم على خير عمتي ...​

عارضيه : الله وياك يا ولدي ...​

ويطلع بره وبمجرد مايدخل السياره​

تلفون دليسا يرن ​

دليسا : هلا ​

بدر : روحي غرفتج وكلميني ولا تعرف يدتج اني أنا ...مخطور تقعد بنص خط المكالمه ...​

دليسا تضحك وهي رايحه الغرفه: شدعوه بدوور​

بدر : والله قمتتني ...داشه ببلعومي ...ماقدرت أتنفس !!!​

دليسا : انت بس صاير عصبي هالأيام ..​

بدر : اي بموت ...ودي أقعد وياج بروحنا بس مو مخلينا!!!​

دليسا : كلها شهر ونملج وماحد يصك عليك انشاء الله ​

بدر : منو شهر ؟​

دليسا : ملجتنا ؟ بعد شهر ​

بدر : اي هين ...يبا ملجتنا الثلاثاء الياي هذا ...ما أقدر أصبر أكثر من جذي ​

دليسا : شنو الثلاثا ؟؟؟ ...بدور اليوم الأحد مايمديني أجهز ...​

بدر : تكفين دلوسه ..تراني أتعذب والله ...مو الا نسويها حفله ...الحفله نخليها بالعرس ...يوم الثلاثاء نروح المحكمه مع عمج ونملج ...​

دليسا : بس !!!​

بدر : اذا تحبيني وافقي علشان خاطري ..​

ويسمع بتلفونه مكالمه ثانيه لكنه يحقره​

دليسا : اي حبيبي لكن ....​

بدر : يالله عشان بدورتج ...​

دليسا بعد تردد : أوكيه ...​

بدر :يــــــــس... مشكوره حياتي... ...يالله عندي مكالمه لازم أسويها...​

دليسا : من بتكلم؟​

بدر : مع عمج ..نتفق وياه عالملجه قبل لا تغيرين رايج ...يالله حبي أموت عليج وأحبج وألحين بسكر الخط باي ​

ويسكره.....​

دليسا :؟؟؟؟؟​

ويدق على العم ويحددون موعد الملجه الثلاثاء الياي !!!​

وبعد ماخلص من المكالمه ​

يشوف المس كول ​

والا تطلع من ليال ​

بدر : شتبي هالوصخه بعد ؟​

وتدق مره ثانيه​

يسويه صامت​

وهو راد البيت يشوف المس كولات​

والا تسعه من ليال وأربع من دليسا !!!​

ومازالت ليال تدق​

بس بدر مايرد​

​

يصير يوم ثاني ​

​

بدر يجي بيت عارضيه الصبح كالعاده ويطلب منها تجي معاه السياره مع نفس لبسها الأمس ( لأنه ما تهنا فيه عدل )... بدر قالها انهم بيفترون بس بالفريج علشان يبيها تيي وياه وخايف لا ترفض ...وهم علشان ترضى تلبسله الضيج اللي أمس ...​

وفعلا تيله فريده بلبسها الجنز والتوب اللي مطلع الجتوف وتركب وياه السياره..​

دليسا : شمعنا بتسوق فيني اليوم ؟ ليش ماتقعد وياي داخل ؟​

بدر : افتك من الصكه اللي ببيتكم ...تقمتني ...ما أقدر ...​

دليسا : آه ه ه .علشان جذيه..ههه...​

وهم بالطريج​

دليسا ملاحظه انه بيطلع من المنطقه : وين موديني ؟ ​

بدر : أشتريلج صمون فلافل وحلوم وأريقج​

دليسا : أوكيه ...​

ويروح فيها مطعم جمعية منطقته​

وياكلون​

انزين الحين المفروض يرد!!!​

لكنه يوقف فيها يم بيت​

دليسا : شنو هالبيت؟​

بدر : هذا بيتج يا بعد عمري ...بيتي وبيتج ...بيت العمر​

بيت حبنا​

دليسا منبهره : واو بدوري ...هذا بيتنا ؟​

بدر يقرب وهو ماسك ايدها : اي حياتي..ويقرب يم خدها بيبوسه..​

توخر عن وتنزل من السياره وهي مبهوره : الله​

بدر :!!!!​

وتروح يم الباب : دخلني بشوفه من داخل​

بدر موصدق :؟؟؟؟​

دليسا تطلب منه انها تدخل وياه البيت ؟؟​

وبروحـــــــــــهــــم !!!!!!!!​

بدر : والله ؟؟ من صج ؟؟؟؟ ماعندج مشكله يعني ؟​

دليسا : اي حبي متشوقه أشوفه من داخل ...أدري فيك انك تدرس هندسة ديكور ...أكيد الديكور من داخل موصج ..​

بدرطاير من الفرحه وأخيرا بيتحقق حلمه : اي ان شاء الله ..​

ويبطل الباب بسرعة البرق​

دشي يا بعد طوايف أهل بدر انتي​

أنا متأكد انه يعجبج حبي ...مثل ما بيعجبني اللي بشوفه داخل أنا بعد......​

دليسا : شنو ؟​

بدر : آه يالله...يالله تعالي حبي عن الشمس ..ما أرضى حبي تتلعوز من الشمس الحاره ...أخاف على صحتها ...​

دليسا :!!!!​

ويدشون البيت​

دليسا منبهره :ووااااااااااااااااوووو...​

​

الصاله بأثاث أمريكي بس لعبته بدر بالديكور اللي يزين الطوفه والاضاءه ...​

أبهرها الديكور اللي ورى القعده ....أسطوانات عريضه تشبه قصب السكر وتحتها اضاءه ...اللي الإضاءه معطيه شكل كصوره فنيه بمنظر خيالي!!!​

دليسا وبدر وراها : واااااي ...إينن هالمكان بدووور​

بدر وهو يطالعها يتفحص ماتحت الفانيله : اي والله ينن..آآآآآخ​

دليسا تلف عليه وتطالعه ​

بدر يغير بسرعه نظرته لي الديكور : اي هذول طلبيه من بره مو موجودين بالكويت ​

ترد دليسا تطالع المنظر : واااي بدور ذوقك صج مو صج ..​

وتروح داخل شوي ووراها بدر مستانس من المنظر اللي يشوفه​

توصل دليسا صوب المطبخ ​

وتلقاه وسيع يشرح الصدر ​

دليسا : المطبخ روعه​

بدر : اي ... وحاط فيه فرن ععجيب ...فيه خاصية ضد الحرق..​

تطالعه دليسا : شقصدك ؟​

بدر يضحك ويحضنها : حبي علشان لي سويتيلي أطباق غريبه ولذيذه ...مايحترق عليج اذا نسيتيه بالفرن..​

دليسا توخره : أنزين ...ممكن نشوف مكان ثاني ...لأني كرهت المطبخ​

وتطلع​

بدر يضحك : شدعوه دلوسه ...علشان مره وحده حرقتي الأكل ...عفتي المطبخ..​

دليسا بحده : إي ...ويبلي طباخ لو سمحت لي تزوجنا ...​

بدر : حاااااضر من عيوني الثنتين ...انت بس آمر يامدلل ...​

 

[Lolwa]

دلوسا تبتسم بدلع ...وتروح صوب دريشه تطل على حديقه روعه مبين بدر تعبان عليها ...​

دليسا : واي بدورتي هاذي حديقة حبنا...​

بدر يحضنها: عجبتج الحديقة ؟ ​

دليسا منبهره بعدها : وااايد...​

بدر يبوس رقبتها : وأبا بعد عجبتني واااايد ...حتى ما أقدر أهدها ​

تجابله دليسا​

وتمسك ايدينه الثنتين : بدر شنو أكو شي ماشفته بعد؟​

بدر : غرفة النوم ...​

دليسا خافت وتهد ايده: آه ...خلاص خلصنا... ​

وتروح صوب الباب : يالله خن نروح بيت ايديده ...​

بدر يجرها صوبه : انتي موقلتي بتشوفين البيت كله ؟ باقي غرفة النوم فوق ...​

دليسا : آه لأ لأ ...عادي مو إلا أشوفه ..​

بدر : يالله ...​

دليسا : بدر هد إيدي... ​

بحركه كلها لياقه​

يشيلها بين ذراعينه​

ودليسا حاطه ذراعينها ورى رقبته : بدوري حبيبي ...ممكن تنزلني حياتي ؟​

بدر : مو قبل لا أوريج غرفت نومنا ...​

دليسا ترافس عالخفيف : لأ بدور مابي ..مابي ...نزلني أقولك ...​

بدر : راح تعجبج ...طرازها غير ...تعبان عليها وايد بتأثيثها ...​

ويوديها فوق وهو مومأثره فيه مقاومتها وهو شايلها...​

ويوصلون صوب غرفة النوم​

يبطل الشتر الياباني ​

دليسا مستغربه من الغرفه ذات الطراز الياباني البحت وتطالع بدر !!!​

بدر : شرايج حبي ؟ غريبه مو ؟​

دليسا تحرك راسها ( نعم ) ​

ويحطها بكل حنان وشوي شوي بالسرير​

ويمر زاويه زاويه بالغرفه يشرحلها بكل جديه المعنى من كل ركن وطريقة حياة اليابانيين وتأثيره بديكورهم ...​

دليسا تسمعه بإهتمام ومنبهره بذوقه الغريب والحلو بنفس الوقت​

لمن خلص بدر قعد يمها بالسرير الشبه أرضي ​

دليسا ليلحين منسدحه!!!​

يحط إيده على خدها : كنت أتمنى إنج تشاركيني يوم من الأيام غرفتي اللي أعزها ...​

دليسا تستسلم لرغباتها : بدر​

بدر يروح فوقها ويحط ايدينه الثنتين ويمدهم بيناتها بالسرير​

ويقعد يتأمل فيها وبعيونها اللي تشع وتتكلم مع كل جسمها ويقول : أبيك أنا كلي لك !!!​

ويقرب من شفتها ويقبلها ​

وينزل لي رقبتها​

تالي ليكتوفها البارزين من الفنيله ...​

​

(نعم ؟؟؟؟قليلات أدب !!!​

واحد ويا مرته ...رازين فيسكم ليش ؟؟ لوووول.. )​

المهم​

بعد ثلاث دقايق من الجلسه الحميميه ​

​

يقوم بدر يسكر زرارات قميصه​

دليسا تطالعه مستغربه ؟​

بدر يعطيها نظرات حنونه وينزل فنيلتها ويعدلها لها!!!​

بدر : أنا أقدر رغباتج في إنج تأجلين السالفه هاذي بعد مانتزوج...​

دليسا بقلبها: ليش ؟​

دليسا تبتسمله : حياتي والله كلك ذوق ...​

بدر : دلوس ​

دلسا : هلا حياتي ...​

بدر يمدلها إيده : عطيني إيديج خن نروح السياره وأردج بيت ايديدتج ...​

وبدلع تعطيه إيدها و يقومها من السرير... ​

وهم رادين بالسياره​

يسود الصمت بالأجواااااء​

وكل واحد فيهم مغلق وسرحان مع بنات أفكاره​

بدر بمخه : يعني لازم أبينلها اني جنتل وأخرب القعده اللي موصج ؟​

دليسا : هذا الحين من وين مألف ويقول اني ما أبي ؟ ​

بدر : بس عليها جسم يدوخ!!​

دليسا : تحسست عضلاته .....يمااااااي يننون !!!​

بدر : خل حركتك الشهمه تفيدك ...الحين يأثر على جسمك وتتعور..خره بشكلك ...​

دليسا : واي ما أبي أرد بيت ايديده ....بقعد بعد وياه ماشبعت منه ...​

بعدين تنتبه حق نفسها!!!​

شالكلام دلوس ؟ أشوفج نسيتي الحيا موليه ؟ ​

وتخجل بينها وبين نفسها​

ويردها البيت ​

بدر :تجهزي حق عقب باجر ياحبي بيكون الصبح إن شاء الله​

وتدخل داخل البيت ...وناوي بدر مايزورهم لأنه ماياخذ راحته​

فراح يصبر نفسه إلين يوم الملجه !!!​

وهو بالطريج​

تدق ليال والتلفون صامت ليلحين​

​

ويوصل بيته​

ويلاحظ ليلحين هالليال تدق!!!​

​

ويرد عليها معصب : يعني وبعدين وياج ؟؟​

ليال : شلونك بدورتي ؟​

 

[Lolwa]

وقراءه ممتعه حبيباتي
قبلاتي للجميع

 

[sweet.sanfoora]

ويعااا ليال شتبين عمى بعينج

وبثث

ثانكيوو لولوو الحلوة ع البارت العجيب

 

[a7la_cute_lulu]

عمى شتبي ياية تنكد اموت وارف اهيا شكوووووووو اذا يبي يفضحها امجد تقدر تنكر الللقااااااااااااافة تمشي بعروقها شتبي هالوصخة

خربت على الرومانسية الحلوة

 

[a7la_cute_lulu]

وثانك ع البارت

 

[Zhoor el7lwa]

امبييييييييي مو سج مو سج لووووووول وناااسه مشكوره ع البارت الي كله رومانسيه!!!!^_^

 

[a7la_cute_lulu]

ممكن طلب وما ترديني
عشان انا اصغر وحدة متابعه روايتج حطي اليوم بارت طويييييييييييييييييييييييييييييييييييييييييل
بليذ بليذ لا ترديني

 

[رتبه دبلوماسيه]

نبي باارت

 

[رتبه دبلوماسيه]

اب اب

 

[Lolwa]

هلا والله رتبه دبلوماسيه نورتي الروايه


وانتي يا لولــــــــو
بس علشان البليذ مالتج

بحاول أحط اليوم قبل الفجر

 

[sweet.sanfoora]

ناطرتج يا عثل

 

[a7la_cute_lulu]

اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب اب

 

[a7la_cute_lulu]

فدييييييييييييييييييييييتج اانا

 

[sweet.sanfoora]

اب اب اب

 

[Lolwa]

شالأبات

وايد وشكثرهم هههههه

مشكورين حياتاتي والله


ولأني بنام بعد شوي فأخاف ما أظل لي الوحده

البارت جاهز ....بحطلكم اياه الحين


وهابي ريدنج أوووول

 

[Lolwa]

الفصل الخامس والأربعون ​

​

​

بدر : أنا مو قايلج لا تدقين على !!!! شقيتيني مس كولات ؟؟؟ اياني وياج أشوفج تقربين يم هالرقم ...سامعه ...​

ليال : عندي شي مهم بقولك إياه..لازم أشوفك علشان أقولك ...ومايتحمل التأجيل ..ممكن نتواعد بمكان؟​

بدر : ومن قالج اني مهتم بسالفتج ...وايد واثقه اني راضي أقابل حلايا ويهج ...فكينا زييين​

بدر توه بيسكر الخط ​

والا ليال تقوله بصوت عالي :ترى أقول حق خطيبتك!!!​

بدر يرد التلفون عند أذونه : شقلتي ؟​

ليال : اذا ماييت تقابلني وتسمع اللي بقوله...ترى نخبر فريده خطيبتك على كل سوالفك اللي قبل .. ​

بدر منصدم : أيا الخمه!!! لا تيبين إسمها على لسانج القذر ؟ ...​

ليال : صرنا الحين إحنا الخمه ؟ ماجنك كنت عضو بقروب هالخمه يوم من الأيام !!!...​

بدر : أعوذ بالله منكم ومن قروبكم العوي ...والله تاب علي منكم ولله الحمد ....وبعدين شعرفاكم اني خاطب ؟ أنا مو قايل حق أحد ؟ ​

ليال : احنا نسأل عنك ونتابع حياتك ...مو انت اللي ناسينا ولا تدري عنا ...​

بدر : لأني بنساكم ..وموشرف أصلا اني أتعرف عليكم ....​

ليال : ليش هالقسوه ؟​

​

بدر : خلصينا خلصينا ...قسوه ماقسوه ...شنو هالشي اللي مايتحمل التأجيل بالله ؟​

ليال : قابلني وبتعرف ...لأن ماينفع بالتلفون ..​

بدر يستسلم : خلصينا وين تبينا نتقابل ومتى؟ أشوف آخرتها وياكم ....​

ليال : بكافيه (.......) اللي مجابل البحر بشرق ...اليوم الساعه سبع لا تتأخر ...يالله باي حبي ...​

...وتسكر الخط...​

بدر : !!! خره بأشكالكم ...وهقت عمري يوم عرفتكم ....والحين بيورطوني مع مرتي ...شلون أفتك من هالخمه اللي داشين حياتي موراضين يفجون ؟​

​

ببيت بو امجد ​

​

مرت ليلتين على نورا وهي حبيسة الغرفه وماترضى تطلع منها !!!​

سلوى يايبتلها غداها : يما شفيج كلا قاعده بغرفتج ماتجين عندنا بالصاله ؟ ماشفناج من أمس!!​

نورا تقرى الدعاء اللي بيدها : يما ليش يبتيلي الغدا ؟ قلتلج أمس اني بصوم اليوم !!!​

سلوى : اي حبيبتي نسيت ...ازين عالفطور تعالي غرفة الطعام قعدي يمي وانسيني أمي ​

نورا : ما أقدر بختم القرآن ..​

سلوى : اي بالعافيه عليج حبيبتي !!!​

نورا : الله يعافيج يما ...​

وترد تقرى الدعاء مره ثانيه...​

وتخليها سلوى وتنزل ​

سلوى تحاجي روحها : يعني مو من طبايعها هالدين اللي نزل عليها فجأه جذي ؟؟؟ الله الهادي !!! سبحان الله !!!​

نورا تدعي الله ان يستر عليها ويهدي قلب اللي سببلها هالسواة ووهقها وياه وخذى شرفها وقطها مثل الجلب موسائل عنها !! .... مالها الا الله اللي ينقذها بمحنتها الصعبه هاذي ...​

​

بيت بوناصر​

سالم يمر عند الصاله توه بيروح غرفته والا يلاقي فتون بويهه !!!​

سالم ارتبك يوم شافها وحاول يسرع عند غرفته وسوي روحه مانتبه لها ..​

فتون تلحقه فوق : شلونك أخوي ؟​

سالم : هلا هلا ..​

فتون تطالعه وتبتسم : راضي مع نفسك انت الحين ؟​

سالم : شقصدج ؟​

فتون تضحك : وتسوي روحك ماتدري ...​

سالم : فتنوه ترى مالي خلقج وعندي أشغال بالهبل ناطرتني أسويها ...​

فتون : كيفك ...انا وعدتها اني بكلمك وبحاول ..بس الظاهر انت ماتبي تتفاهم بهالسالفه وكلا تتصودد !!​

سالم بخوف : توعدينها بأي سالفه يعني ؟​

فتون تمد بوزها :يعني ...قلتلها اني بأحاول وياك يمكن تصلح غلطتك ويايها ؟​

سالم : ماغلطت وياها ؟​

فتون : وتنكر بعد ؟ والشرشف اللي شفت فيه جريمتك ؟ ها شنو تسميه ؟​

سالم انحرج : والله ماتستحين على ويهج؟​

فتون : صرت أنا الحين اللي ما أستحي على ويهي ؟ ماشي سلوم ...مشكور ...هذا يزاتي اللي كنت أساعدك وأهيألك الجو!!!​

سالم : فتون ...أنا...​

فتون :..!!!...​

سالم : أنا ...ما أحب البنت اللي تبيع شرفها ..والبنت اللي بتزوجها ....هذا اذا بتزوج ....أبيها عفيفه طاهره ماتواعد صبان ورى أهلها وتخون ثقتهم بهالطريقه مثل ماسوت....نورا طاحت من عيني بعد السالفه اللي صارت بيني وبينها..​

فتون منبهره :أمبيه انتوا الرياييل صج ويع !​

سالم : سمعي فتنوه ...مابيج تصادقين عديمة الشرف هاذي ...ما أرضى على أهلى ان يماشون هالأشكال ..سامعتني ؟​

فتون :!!!​

سالم يهدها معصب ويمشي ...​

فتون تطالعه يمشي من غير إهتمام ​

وتتذكر ​

وتدق على ليال ​

ليال : هلا ؟​

فتون : شسويتوا ؟​

ليال : اي خلاص رد علي أخيرا ​

فتون : وليش ماقلتيلي ؟ ​

ليال : كنــــ​

فتون : ووافق على المكان؟​

ليال : اي​

فتون ارتاحت : عفيه ليوله ...ياجميله انتي ..​

ليال : اشتقتله الخايس ...بس طاحلي سب وتلعن فيني !! ...ماشفيه قالب علي ؟؟؟ كان يحبني ؟​

فتون : اي أكيد ..مجابل اللي ماتتسمى ...أكيد بينسى اللي حوالينها ...الجلبه ...​

ليال : إلا تعالي ماقلتيلي ...اهي شنو مسويتلج بالضبط ؟​

فتون : سوت وياي أفضع شي تسويه مراه حق مراه .. ​

ليال : أمبيه ...شنو ؟ شسوت ؟​

فتون : خذت مني قلب ريلي ...​

ليال : عمى بعينها قطيعه ...مثل ماخذت قلب حبيبي ..​

فتون : علشان جذي أبيج تأدين دورج بأمانه ..نبي نرد لها الصاع صاعين ...وناخذ حقنا منها عن طريق اللي تحبه ...​

ليال انقص عليها بسرعه : اي اي ...أحسن شي ..والله انتي داهيه فتون ؟؟ لازم ناخذ ثارنا منها ...​

فتون : طبعا داهيه ..عمري ماسويت شي مانحج ...وبتشوفين ..​

وتعطيها الضحكه : هاهاهاهاهاهاهاهااااا​

​

بيت بو أمجد​

دليسا زايره بيت عمها للمره الأولى من هروبها ​

تدش الباب الرئيسي​

وتلقى نور بالصاله ​

فريده : شلونج بنت عمي ؟​

نور تستغرب : هلا هلا فريده !!!​

وتقوم وتيها فريده تسلم عليها بيدها وتبوسها.. ​

فريده : ليش ماييتي حفلة خطبتي ؟​

نور تحاول تدور أعذار : آه !! كنت ..آه كنت تعبانه وبطني حيل يعورني كان....وتهز راسها...​

فريده : ماتشوفين شر ..مكانج كان باين ...​

نور : الشر ماييج والله يسلمج...​

وترد تقعد تكمل تكسرها للحب وتتابع المسلسل....​

وتقعد يمها فريده...​

فريده : الا وين عمي ؟​

نور : فوق ...ليش ماتروحينله ؟​

فريده : اهو وينه ؟​

نوربهدوء : بغرفته ...​

فريده : عيل خن أروح فوق أناديه ( بقلبها : دامج انج مالج خلق تقومين تنادينه ؟)​

​

وتروح فوق تطق الباب​

عمي؟​

تسمعها نورا بالغرفه المقابله​

وتبطل الباب تطل منه وتطالعها : قاعد ياخذله دوش ؟​

فرييده : منو ؟ نورا ؟​

نورا تبطل الباب كله وعيونها تدمع ...​

فريده : شفيج نورا؟؟ ​

وتاخذها نورا يالأحضان...​

نورا : سامحيني فريده ...قلبي يعاتبي عاى معاملتي لج قبل...وأنا مابي أحد يشيل مني ..ومايحللني ..أبي أراضي ربي ..سامحيني وحلليني ...​

فريده حيل مستغربه منها لأن مو من طبايعها ...نورا اللي رافعه حشمها فوق ..وماتعطي فريده وجه ولا تدانيها ..شصار عليها قلبت فجأه وصارت مثل الملاك طاهره ؟؟​

​

فريده تطبطب على ظهرها : محلله حبيبتي ..شدعوه !!! من غير شي محلله ...وتحط ايدها على حنكها تطالع بويهها ...انتي مثل اختي ...عزيزه على قلبي ...كلكم أحبكم مثل خواتي اللي الله حرمني منهم ..​

نورا زاد بجيها لمن سمعت كلماتها اللي تعبر عن حكمتها وتفهمها وطيبتها ....وزاد من حسرتها على نفسها يوم كانت تعاملها بسوء في ذيج الأيام​

فريده : يالله خلاص ...اللي فات فات ...واحنا عيال اليوم....وتطالعها بابتسامتها الدافيه...​

بو أمجد : أصيله بنت أخوي ​

فريده : هلا عمي ...خلصت من الدوش ...​

بو أمجد : اي يابوج ...تعالي تحت عند المكتب...​

فريده : ان شاء الله ..​

ويروح​

 

[Lolwa]

فريده : بييج بعد شوي لي خلصت من عمي ...ودي أسولف وياج ...​

نورا تبتسم لها : اخذي راحتج...بارك الله فيج ..​

فريده : !!!!​

فريده بقلبها : بارك الله فيج ! وسياده وثوب صلاة واحنا الحين قبل المغرب وقرآن وسريرها مترس كتب أدعيه ؟؟؟؟ لا !! لازم أقعد وياها أواسيها ....أكيد فيها شي صاير لها اللي قلبها جذي وتناجي ربها يفج زنقتها بس من شنو ؟ مايندرى ؟ الله يكون بعونها المسكينه ...​

وتروح تحت عند مكتب بو أمجد ​

بوأمجد : حياج فريده بنتي ويأشر على الكرسي المقابل للمكتب​

وتقعد فريده ​

بو أمجد : موقفج النبيل مع نورا عجبني وايد يابنتي ...عسى الله لا يغير عليكم...​

فريده : نورا احبها ...مثل اختي ....بس موعاجبني حالها ؟ اهي فيها شي ؟​

بوأمج محتار : والله مادري عنها ؟ صارلها يومين وهي بغرفتها ماترضى تطلع مكان والأكل اييبونه لي عندها بغرفتها ...وكلا تتعبد وزايده ديانتها ..الله يهديها ...سبحان مغير الأحوال من حال الى حال !!!​

فريده : !!! ​

بو أمجد : بغيتيني بشي ياعمي ؟​

فريده : اي عمي ..بغيت أسألك ..كلمت أبوي عني والا لأ ؟​

بو أمجد : عن شنو يعني ؟​

فريده : عند خطبتي ؟​

بو أمجد : اي قلتله ووايد فرح ودمع الفقير ...عور قلبي..​

فريده : والله ...بعد عمري أبوي ...يحبني ويفرح لفرحي ..صح عمي ؟​

فريده : اي طبعا انتي بنته الوحيده وكل اللي بقيتيله بهالدنيا ..وأمله لي طلع من السجن انه يشوفج ويعوضج عن كل السنين اللي طافت ..​

فريده : حياتي باباتي ...مشتاقتله حيل حيل ...انزين عمي ؟​

بو أمجد :هلا عمي ؟​

فريده : قلت له انك قلتلي عن سالفة سجنه ؟​

بو أمجد يحك لحيته ويرتب شواربه :....​

فريده : عمي ؟​

بو أمجد : يبوج مامدى أقوله والله ..​

فريده تحبطت : ليش عمي ؟ بغيت أزوره اليوم وياك ؟​

بو أمجد يضحك : تزورينه مره وحده ؟​

فريده : ليش عمي ؟؟؟ مايصير ؟​

بوأمجد : اهو مو مايصير...بس صعبه شوي ...هناك كلا راييل وشرطه ...وأجواء بايخه ماتناسب بنيه بعمرج يابنتي ..أنا أقول شرايج تكتفين انج بس تكلمينه بالتليفون ؟؟؟​

فريده : أكلمه !! مو مشكله ...بس كان ودي ألمه وأحضنه وأشوفه ...مشتاقتله عمي وايد ؟؟​

بو أمجد : ...​

فريده : الله يخليك عمي ..​

بوأمجد : بشرط...​

فتون : قول اللي تبيه ...​

بوأمجد : أبيج تلبسين عباة وملفع لي رحتي وياي السجن المركزي ..لأني أخاف عليج هناك ...​

فريده طايره من الفرح ...وتروحله ورى المكتب وهو قاعد وتحضنه : إنت احسن عم بالدنيا ...من الحين بشتري العباة والملفع ....يالله عمي سلام ..​

بو أمجد يضحك : انزين تعالي ....فريده ...ههههه ماكملت كلامي ...يحليلها والله ...​

ويتذكر ​

بو أمجد : يعني لازم تحطني بموقف صعب عند أبوها ؟​

يارب تساعدني وتعطيني الشجاعه اني أقوله...​

​

بغرفة نورا​

نورا : لأ مابي مابي ...​

فريده : أزعل منج لي ماييتي معاي ...والله أحاربج ...​

نورا : بس أنا صايمه ؟​

فريده : عادي نمر اي مطعم بمجمع ثري سكستي هناك ونفطرج ...​

نورا : بس ..​

فريده : لا بس ولا شي ...بغيتج تشمين الهوا شوي ويغيرلج جوج هني من المحكر اللي انتي فيه ..​

نورا ترد تقرى الدعاء...​

فريده تاخذه منها : وهم بغيتج تنقينلي بدلتي حق ملجتي عقب باجر ...​

نورا : عقب باجر بتملجين؟؟​

فريده تبتسم : اي...​

نورا : مبروك حبيبتي ...تستاهلين كل خير ..​

فريده : يالله عاد قومي ...​

نورا بتردد : ...أوكيه ....​

فريده : هياااا ...يالله يالله بسرعه ؟​

​

ويروحون ويا بعض السوق ​

​

يصير الساعه سبع​

​

يروح بدر عالموعد المحدد ويقعد بالقهوه ويجابل البحر وينطر ​

بدر بقلبه : مو أحسن أنا أقولها عن السالفه كلها ؟ أحسن ماتنعاد فيني سالفة الزعل مالت الثلاثة آلاف اللي مع خالتي عايشه ؟ ​

خن أقولها ...خل تسمعه مني ولا تسمعه من غيري ...​

ويدق عليه​

فريده قبلها بدقايق​

فريده : وين يبيعون ملفع وعباة هني​

نورا للمره الأولى تضحك من سالفتها العويه مع سالم : شييب العباة هني ؟​

فريده : عيل وين يبيعونها ؟​

نورا : أمبيه تضحكين ؟ يبيعونها بسوق الديره مجمعات غير هالمجمع اللي كله ماركات ؟​

دليسا تضحك وترقع : عادي مافي عباة فرنسيه مثلا ...شنو الفرنسيين ماعندهم مسلمين هناك ههههه​

وتضحك نورا​

يرن تلفون دليسا ...​

فريده تشيل التلفون وهي تضحك مع نورا : هلا حياتي ؟​

بدر : دلوس وينج ؟​

دليسا : بالسوق حبي ..​

بدر : آها ؟ مع منو ؟ منو اللي يمج ؟​

دليسا : مع حبيبة قلبي بنت عمي ...قاعده وياها بالمطعم كانت صايمه و ....​

بدر : آهااا ...دليسا بكلمج بموضوع ...​

دليسا : لحضه لحضه حبي ....وين بوكي خن أطلع العشرين ...​

نورا تمسك إيدها : شتسوين ؟ ...لا والله منتي دافعه ​

دليسا : يالله عاد ...أنا عازمتج اليوم ...​

نورا : لأ لا تحرجيني ...​

دليسا ... مافيها إحراج شدعوه ...يالله ... شمسويه علشان أحرجج ..​

نورا : مايصير ... إنتي ماكلتي شي ؟ فشله ...​

دليسا : لا فشله ولا شي ...إحنا مثل الخوات ​

بدر : ولين ....​

ويظلون خمس دقايق يتناجرون منو اللي بيدفع ..​

تالي إستقروا أخيراعلى دليسا ...فازت بهالجوله ...​

دليسا تضحك ونورا وياها ...​

وايد حبوا بعض !!​

دليسا : أمبيه ...​

نورا :شنو ؟​

دليسا تاخذ التلفون مخترعه :... ألو!!!...بدور !!!​

بدر : جذيه خليتيني ربع ساعه عالويتنق ؟​

دليسا مفتشله : وي سوري بدر والله نسيتك ...بعد عمري والله !!​

بدر: ماعليه مسامحج ...​

نورا تأشر لدليسا إنها تقوم من الطاوله ​

ويروحون ​

دليسا : اي شبغيت بدور ؟​

بدر ضايق خلقه : ماينفع بالتلفون وياج رفيجتج ....وانتي طالعه وماخذه جوج ...خلاص بعدين أقولج...​

دليسا : على راحتك بدر ...يالله ماتبي شي من ثري سكستي ؟​

بدر : أي أبي منج تــــ.......​

دليسا تسمع المغازل من النوع الثقيل من بدر وتفتشل وتطالع نورا وتضحك تحاول ماتخلي نورا تشك : اي اي ...أو كيه أوكيه ....صح ..اللي تشوفه ...​

بدريطفرها : اللي أشوفه؟ يعني أفهم إنج تبين وموافقه؟​

دليسا ويهها طماطه : هههه يالله بدر نشوفك ..يالله ...آه ..يالله باي ..باي ...​

بدر يضحك : باي يالجبانه..​

يسكر الخط وينتبه لساعته انها صارت ثمان !!!​

بدر : هاذي تأخرت ساعه ؟ شفيها هاذي ؟​

ويدق عليها ​

ليال : هلا حبي ؟​

بدر :احترمي نفسج ... أنا موحبيبج ...وينج بالله ليلحين ما ييتي ؟ زارعتني ؟​

ليال : ويييي بدوري ....سامحني التاير بنجر علي وتوهق ...وعلما وقفولي الناس ...وما قدرت اجي ....​

بدر : ولين ؟ الشرهه علي أنا اللي مصدقج وجاي !!!​

ليال : أنا شذنبي بدوري ...​

بدر : لو سمحتي إسمي بدر ...والا تدرين شلون ...ناديني بوناصر ...​

ليال : بدو....​

بدر معصب : ها ؟​

ليال : بوناصر ...لا تزعل ..ونأجلها باجر بدال اليوم...​

بدر : إنزين فكينا وقوليلي الحين بالتلفون خن نخلص ..​

ليال : أقولك ماينفع تلفون ماينفع كلش كلش ...​

بدريتنفس الصعداء : اللهم طولك ياروح ...أنشوف آخرتها باجر وياج ...​

ليال : سامحني بدوووو ...​

ويسكره بويها​

بدر : خره يشكلج ... ​

ويدفع اللي عليه ويروح بيته​

يدش بيته ​

ويبطل سويج الليت اللي مكانه صاير يم الباب الرئيسي ......​

لكنه مايبطل وياه ؟؟؟​

بدر : غريبه ؟ انا كنت مخلي اليت مبطل قبل لا أطلع؟​

بدر ينادي :رااجوووووه !!!!!راجووووه وصمخ ؟ وينه هالغبي ؟​

ويمشي شوي خطوه جدام وبصعويه بسبب الظلام الحالك ​

ونلقى وراه واحد مختفي بالظلمه ​

وبيده فوطه منقعه بمخدر ​

بدر ليلحين مايدري انه فيه أحد وراه... ​

وبسرعه يمسك وجه بدر حيييييل ويحط الفوطه بوجهه وشخص ثاني يساعده بأنه يمسك بدر وياااه !!!!!!!!!​

​

ويناااااااام بدر​