روايتي الاولى : (دليسا )

[39la o f9la]

دقي علي

 

[39la o f9la]

انشالله ما نسولف بأي مكان كاااك

 

[سمراء اليل]

هابي بيرثي تويو سويت سنفوره

ولولو الروايه روعه وبنشجعج الي النهايه

ويالله انا بروح معرض كويتيات عشان عرس دلوستنا منو بيروح معانا

وبلييييز بارت بس

 

[39la o f9la]

سمراء الليل يلا انا رايحة وياج

 

[Lolwa]

ياحلوكم والله
ملح صفحتي انتوا


توني ماخذه قطعة النت مالت أخوي سلف ربع ساع خخخخ
علما يصلحون نت بيتنا

البارتين بحطهم الحين ورى بعض

 

[Lolwa]

​

الفصل الثاني والأربعون ​

​

بو أمجد وهو يبطل الباب وبيطلع ومعطيها ظهره : موافق على سالفة الخطبه اللي قالتلي عنها يدتدج ....​

نشوفكم على خير...​

​

فريده :!!!!!!!!!! ​

عارضيه : وينه عمج ؟​

فريده بقلبها : معقوله ...​

عارضيه : ليش تخلينه يروح قبل لا أكلمه ؟​

فريده : يقولج انه موافق على الخطبه .....انتي كلمتيه عن الخطبه ؟​

عارضيه : اي قلتله وقالي أفكر ...بس دام انه وافق ...عيل مبروك يابنتي ​

وتيبب : كلللللللللللووووووش​

فريده مستحيه : بس ايديده ...لا يسمعون المؤجرين​

عارضيه : خل يسمعون ....ماسوينا شي عيب .... مستانسيتن ....وفرحانين ونيبب ...فيها شي هاذي!!​

وترد تيبب​

​

بشقة فتون ​

​

بأحد الخناقات الكثيره ​

تعصب فتون ​

وتاخذ لها الجنطه العوده​

وتبتدي تحط ثيابها وأغراضها داخلها​

رائد : شتسوين ؟ هي انتي قاع أكلمج !!!​

فتون : عوووووووووووووووع ....انت عووووووووع​

رائد : هاه ...تبيني اساعدج أحطلج الأغراض وياج؟​

​

ومن العصبيه ​

فعلا يساعدها ويحط وياها اغراضها​

رائد : بس يكون بعلمج ...حركاتج هاذي ماتنفع وياي...وراح اعند أكثر..​

فتون : انت ماعندك كرامه ؟ ماااااااا أبييييييك .. إفهم !!!​

رائد : ويعني انا اللي ميت على دباديبج ؟ ​

فتون طالعه من طورها وتصارخ : طلقني ..أقولك طلقني ؟​

رائد : حريمتج ...​

فتون بهستيريه : ههههههههههه​

رائد يطالعها: الحين ردلج الجنون يعني؟​

فتون : تدري اني حامل ؟​

رائد مومصدق : لا خوفتيني ...الكلام هذا مو علي يا أم الخطط والجذب...حملتي والا ماحملتي ...بظل أأدبج وبوكلج تبن إلين تعقلين ..​

فتون ليلحين تضحك​

فتون : اليوم الصبح حللت وبعدها على طول نطيت عالقنفه وسويت دحرجه ورقصت رقص الهبل...وألحين بكمل عند أهلي بعد شوي بخلي فجوره البطه توقف على ظهري وتمشي عليه ....​

رائد معصب : مينونه وتسوينها..هذا اذا صج حامل ...​

فتون : يعني لي طاح راح تصدق ؟​

رائد خاف من طريقة كلامها ويمسكها من ايدها : وشنو اللي يخليني أهتم بإني أييب عيال منج ....حياتنا مستحيله مع بعض ... هالنوب تيبينلي ياهل ؟ منو بيربيه وله خلقه؟​

فتون : مو أنا أقول جذيه بعد ...​

وتروح فوق السرير تناقز ​

رائد يمسكها من ايدها وينزلها ويعطيها كف...​

رائد : طلعه من البيت منتي طالعه ...ووريني التحليل اللي سويتيه توج...​

فتون :.......​

رائد يروح الحمام ويدور تكرمون بالزباله ​

والا يلقى شريطة التحليل وفيها شخطتين حمر​

ياخذ العلبه بالزبالة بعد ويقرا تعليماتها...​

الشخطتين الحمر يعني حمل ​

رائد جنه مصبوب عليه ماء باااااارد​

ووقف فتره بالحمام مصدوم​

ويرد عند فتون ​

وليلحينها تناقز بالسرير وتضحك بطريقه هستيريه مجنونه​

رائد قام يرخي معاها : نزلي يابنت الناس ..لا تسوين بروحج جذي...​

فتون : حريمتك أوقف .. بستمر بالمناقز الين يطيح ...​

رائد : لا تسوين جذي أترجاج ..واذا كنت مزعلج فأنا آسف وحقج علي ..​

فتون : فات الأوان ...ماراح أوقف الين تطلقني...​

رائد حس انه ايده فلتت من السالفه وماينفعه الا عمته ام مرته ​

ويدق عليها بسرعه ​

رائد : لحقيني عمتي بنتج حامل وينت وهي الحين تناقز فوق السرير... ​

أم ناصر : شنو ؟؟؟؟ انا يايتكم مسافة السكه بس ...​

فجر : شنو يمه ؟​

امشي معاي زتج نلحق على ينون اختج ...حامل وقاعده تأذي روحها ...​

فجر :؟؟؟؟​

​

وتوصل أم ناصر وتاخذ بنتها بالأحضان​

وبجت فتون أول ماشافتها ​

أم ناصر : شفيج أمي ...ليش تسوين جذي ؟ مو زين عالياهل بعدين يطيح...​

فتون : أنا أبيه يطيح لأني مابي ياهل من هالانسان هذا ..قوليله يطلقني ...ما أبيه عفته خلاص...​

أم ناصر : انا لله وانا اليه راجعون ...ذكري الله ...شذمبه الياهل ...هذا نعمه من الله, وبسج على سالفة الطلاق هاذي ....موقلنا خلصنا من هالسالفه ؟ إن أبغض الحلال عند الله الطلاق ...وكلشي بالتفاهم ينحل ..​

فتون : ماعاد بينا تفاهم ..والحياة مستحيله معاه ​

رائد : مصره عالطلاق !!!وانا اعتذرتلها توني...بس مايفيد !!!​

أم ناصر : أنا أقول آخذها وياي جم يوم خل تقعد وتريح عندي لين تهدى ...ونلقالنا حل بعدين بمشكلة الطلاق هاذي ...​

رائد : اللي تشوفينه عمتي ..​

​

بيت عارضيه​

​

دليسا تحاجي بدر بالتلفون وقالتله عن موافقة عمها للخطبه ​

بدر بيطير من الفرح : هياااااااااا ...​

وأخيرا وافق العم !!! مبروك ياحياتي ..​

دليسا : الله يبارك فيك حبيبي ..​

بدر :الله ..... راح أقدر اييكم البيت وأشوفج ؟؟ من سكنتي مع يدتج وأنا أشوفج بالحسره .. ​

دليسا مستحيه : ... ​

بدر : ماراح يكون فيه دريشة حبنا ؟ يعني بتكونين بين أحضاني من غير ماتنحاشين ؟​

دليسا : هذا اللي يهمك بس ؟​

بدر : طبعا ...هذا أهم شي ...وأقدر أحطج ....​

دليسا نشوفها تتكلم بالتلفون وويهها طماطه : بس بدر شالكلام ؟؟ ​

بدر(صوته داخل التلفون ماتسمعه الا دليسا ) :....​

دليسا : وبعدين وياك ...​

بدر :....​

دليسا : ترى والله أسكر الخط ...​

من الجانب الاخر للتلفون ​

بدر : خلاص خلاص ...كنت بهيئج للموضوع لا أكثر يعني ......​

دليسا : انزين متى بتيي مع أهلك عند عمي ؟​

بدر : اتفق مع أهلي وحسب اللي يناسبهم ...وبعدين أعطيج خبر ..​

دليسا : أوكي...​

​

بيت بوناصر ​

فتون بغرفتها مع أغراضها ​

​

يدخل عليها سالم​

سالم : شلونج فتون ؟​

فتون تعيانه : هلا سالم​

سالم :صج اللي سمعته عن اللي سويتيه وانتي حامل ؟​

فتون ساكته :.....​

سالم : حرام اللي تسوينه ..الياهل شذنبه ؟​

فتون تبي تغير الموضوع لأنها مالها خلق السالفه بالمره ...وعرفت شلون تصرف أخوها عنها ..​

فتون : استعد ..ترى توني مكلمه نورا ..بتيي بعد شوي​

سالم نسى موضوعها من سمع عن نورا : متى بتيي ؟؟؟؟ألحين ؟ إنزين وين أشوفها ؟ وين قلتيلها عن موعدنا هالمره ؟​

فتون : قلتلها عند المخزن ...لأن اليوم أمي ماراح تستخدمه ..ماعندها طلبيه ..​

سالم : مشكوره يا أحلى فتونه بالدنيا ...وين أودي جمايلج هاذي ..​

فتون : بس حدكم نص ساعه ...لأن عندي شغل بعد شوي وبطلع ..​

سالم : وين على الله ؟​

فتون :وانت شكو ؟ ​

أشغال كنت موقفتها فتره طويله ...لكن ببلش فيهم ومن اليوم ​

سالم : إنزين هالأشغال ما تتأجل غير هالوقت ..ترى صارلي يومين ولهان و مو (.....)..​

فتون تطالعه بعين شريه : شنو ؟​

سالم : أضحك أضحك......اشدعوه !!!! ​

فتون تخزه : سلوووووم ؟​

فتون : اسمع ...احنا اتفاقنا تكون المقابله بريئه ...موتسون سوالف وتوهقونا وياكم ؟​

سالم : أدري أدري ..أفا عليج ..أخوج ذيب ...أعرف شلون أجيها من غير فضايح ... ​

فتون : ترى إن غلطت وياها مالك الا الزواج ترى ...​

سالم ينحاش : خلاص خلاص عرفنا ...يالله بروح اتزقرت وأتعطر وأنطر الصاحبه بالمخزن ...لي يات يبيها لي ...ناطركم ...باي ...​

فتون : بايين ...​

​

بيت بو أمجد ​

بوأمجد قاعد ويمه مرته ....ماياب الطاري حق سلوى عن موافقته بزواج بنت أخوه!!​

نورا: يبا ودي أروح بيت فتون ..​

بو أمجد : شسالفة بيت فتون ؟؟؟ أشوفه صار كل يوم مثل المدرسه ؟​

نورا : عادي يبا رفيجتي وأحبها ...استانس أقعد وياها ..وعطله الحين وملل...​

بوأمجد : متى تسجيلج بالكليه ونفتك من سالفة الفضاوه هاذي ؟​

نورا : بأول اكتوبر ان شاء الله...​

بو أمجد : يعني قريب مابقى شي !! كلها اسبوعين !!​

و يتفحصها : ليش حاطه حمره؟وليش هالأسود بعيونج ؟​

سلوى قاعده يمه : ويه بوأمجد ... يعني وين بتروح ؟ رايحه عند رفيجتها .. تبي تكشخ حقها...موعيب ...​

بو أمجد شك : خلاص عيل ...أنا أوديج يبا ..​

نورا : أوكي .. على راحتك..​

بو أمجد : وين عباتج ...بتطلعين جذيه بالجنز الضيج ؟​

والفانيله اللي مفصله كل شي ...بالله هاذا حجاب هاذا !!أنا أقول شرايج تفصخينه وتهوين شعرج أحسن ؟؟؟​

ويصارخ : روحي غيريه ولبسي فوقه عباة خره بشكلج ...​

نورا تنقزمخترعه : إن شاءالله يبا ..​

وتروح فوق تلبس عباة اللي جنها دراعه فوق لبسها الضيج اللي لابسته حق حبيبها !!!​

يشوفها بوأمجد : إي جذي .. تحشمي ...يالله إمشي معاي عالسياره ...​

ويقطها عند بيت بوناصر ويتأكد انها دخلت وسكرت الباب ​

بوأمجد : هالبنات الواحد يخاف عليهم هالأيام ...الدنيا صارت تخرع ...صج تربيتهم صعبه ...هاه ...بس على منو ؟..​

​

فتون بعد ماخلصوا أخوها ونورا ​

​

بغت تطلع ​

أم ناصر : على وين فتون ؟ ​

مستانسه من قعدتج وياي ...هالأيام وايد تقعدين وياي وتجابليني ...أحسج من تزوجتي تغيرتي اسم الله عليج ..انشاء الله الله يهديج وتردين عند ريلج ...​

فتون : يما أنا بطلع عندي أشغال بسويها بسرعه وأيي ...​

أم ناصر : بيي وياج ..غلقه ...​

فتون تخترع : لأ ..شنو وياي ..​

أم ناصر : ليش أمي ...تستعرين من أمج وماتبينها تجي معاج مشاوريج ...وتزعل...​

فتون بقلبها : ولين يا يما ..والله مو وقتج ..وموفاظيه تغليج الحين..​

تطالع أمها زعلانه ​

كسرت خاطرها ​

فتون : أنا أستعر منج ..يالغاليه ....تعالي وياي ناطرتج علما تلبسين ​

أم ناصر : صج فتون ؟ بعد عمري بنيتي ...منزمان ماطلعت وياكم ...ودي أروح السوق وأتشرى ويا بناتي ...خل فجوره تيي ويانه بعد ...عفيه​

فتون بقلبها : اهي خاربه خاربه ​

فتون : أوكي اللي تبينه يمه​

وتروح سوق الديره مع امها وفجور ويوديهم السايق​

وطول ماهم ماشيين​

فتون عينها عالبنايات وعماره اسمها المهاريد ...علشان تدورها​

وتسوقوا وخلصوا وبطريج الرده تقول حق السايق يلف بصوب عمارات السوق داخل تدوربنايتها ​

أم ناصر : شنو ؟ محنا راجعين البيت ؟​

فتون : لا بس بدور على مكتبة تصوير .بشوفها وين صايره ؟​

فجر : شنو اسمها علشان ندور معاج ؟​

فتون : ما أعرف أسمها نسيته ...بس اذا شفت الاسم راح أتذكره علطول ...​

وتم عليهم فتره وهم يحوسون عماير الديره ​

فجر : واي ملينا ويعنا ...يالله بتعشا ​

فتون : صبري شوي ​

وتلمح فتون عماره بيضا طويله من بعيد مكتوب بالخط الكبير ( عمارة المهاريد )​

فتون معالم الفرح نورت وجهها​

وبقلبها تقول: مابغينا نلقاك يامهرود ....شغلي وياك بعدين ...لين ألقالك الوقت وأفضالك حزتها....​

فجر : واي بسكم مللتونا ...باكل وبرد البيت تعبت​

فتون : خلاص يبا...أي مطعم قلتي بتروحين ؟​

أم ناصر : يعني مالقيتيه يما؟​

فتون : لأ ... ...أدوره بوقت ثاني مومستعيله عليه ...بس خن نلحق على عمرنا لا تاكلنا البطه هاذي...​

وتطقها فجر ​

وفتون ترد الطقه​

وفجر تاخذها بتبرك عليها وتدنيها أمها وهي معصبه !!​

أم ناصر : هي هي هي ..المراه حامل !!!​

فجر : اي تعذروا لها الحين...​

فتون تمد لسانها على إختها وهي تحضن أمها​

فجرتعفس ويهها : ســــــــــــــم​

​

ببيت بوأمجد​

بوأمجد يحط العشرة آلاف اللي داخل الظرف عالطاوله حيل !!!​

أمجد يطالعهم ويطالع أبوه ويروح يلمهم ​

أمجد : وااااو مشكور يبا ​

بو أمجد : أنا عند وعدي ...وتستاهل المجازفه اللي جازفتها وسكوتك عن الفضايح ...​

أمجد حده مستانس : مشكووووور يبا مشكوووور ...​

ويطالعه بنظره حاده : موتلعب فيهم وتفسفسهم ؟​

أمجد : أفا عليك يبا ولدك ريال ..ويعرف شلون يشتغل فيهم صح..​

بو أمجد : كلي أمل ..الله يسهل عليك ويبطلك دربك ياولدي بكل شي فيه خير ومنفعه لك ولأهلك...​

أمجد : مشكور يبا عالدعوه الحلوه ..الله يخلينا لك ويطولنا بعمرك يالغالي ...​

بوأمجد يطالعه ويخزه :ويهديك ويبعدك عن الدرب العوي ...​

أمجد : ليش يبا ؟؟ شفيك علينا ؟​

بوأمجد يطالعه بنظره : مافي شي ...إخذ فلوسك وودهم البنك لاينباقون ...مادري ليش تبيهم كاش ؟ شنو بتعطي أحد ؟​

أمجد : لأ طبعا ...شالكلام يبا ...هههه أفا بس ..هههه ..​

وياخذهم ويطير فيهم ويطلع بره ...​

بوأمجد :!!! الله يستر منك امجيد !!!​

 

[Lolwa]

الفصل الثالث والأربعون ​

ويمر أسبوع​

بيت بو أمجد


سلوى : ليش يعني وافقت على هالزواجه ؟ احنا مو اتفقنا انها تاخذ أمجد !


بو أمجد : ماتبيه ..ومابي أغصب البنت ..


سلوى مقهوره : ويضيع الحلال كله ..ويروح تخطيطي اللي خططتله من سنين على ولا شي !!!


بو أمجد مو قايلها عن التوكيل الرسمي اللي موكلته له فريده بس قالها عن انه صار مدير أعمالها وبراتب ألفين ......


بوامجد : موكافي عليج الراتب اللي تعطيني اياه كل شهر ..


سلوي : شنو الألفين يم الملايين اللي عندها ؟


بوأمجد يلبس قترته : اوووه انتي الكلام مايفيد معاج والطمع ماليج من راسج لي ريولج...


سلوى : مايصير تسوي جذي ؟


بو أمجد : وانتي يصير تسوين بالبنت المسكينه هالسواة ؟؟... نهايته .....


اذا منتي يايه وياي باخذ أنوار ونورا أعقل منج وأفهم


وينادي من الدري : أنوار ..يالله زتج تأخرنا ...نادي نورا


أنوار : نورا عند رفيجتها ...


بو أمجد : ولين ...متى راحت هاذي ؟؟؟ قالت حق أمج انها بتروح ؟


أنواروهي تنزل من الدري : اي قالتلها ...


بو امجد : اي ولو ..هم لازم تستأذن مني ....ماعليه ...لي يات هالهايته أعرف شلون أشوف شغلي معاها ...كل يوم والثاني طلعه وهياته !!!!


...يالله انتي تعالي بسرعه تأخرنا .....


أنوار تلبس عباتها : انشاء الله يبا ...يالله خلصت ...


وتروح وياه أنوار ومعاها سلمى بس من عيالها وخلت الباجي عند أمها ...جنان عند أمها واختها نور عندها مي ...


وسلوى وهي ماسكه جنان تدق على أمجد كذا مره


...بس ماتحصله .....​

ببيت عارضيه​

تصير الخطبه الرسميه


عند الرياييل نشوف خوال فريده وعمها وولده أنور وولد بنته عمر ووياهم بدر


وعند الحريم نشوف عارضيه هنادي وبناتها زهور وحسنه وخالة بدر عايشه ...مع بنت عمها أنوار...ورفيجتها ميسا ...​

تجي فريده مسويه تسريحه العجفه الفرنسيه اللي على جنب ...بفول ميكاب بس الناعم حيل وبروج بصلي


وبنطلونها البصلي موديل ( علاء الدين ) ببدي ستريتج حفرهاي نك بسيط أوفوايت..بشوية دانتيل بصلي من صوب البطن وستراتس موزع عالبدي كله ويلف خصرها حزام عرض أوف وايت بفيونكه كبيره من ورى !!!


أول ماشافوها الحريم انبهروا بلوكها الواو !!​

تسلم أول شي على عايشه بعدين باجي الحريم ..​

عايشه : هلا والله بمرت ولد أختي


فريده مستحيه وتبوسها


عايشه تناديها بعد ماخلصت سلامها للحريم : تعالي قعدي يمي ...​

وتقعد يمها​

عايشه تتفحص ويهها : حلويتي بالعطله ؟


فريده : حلت دنياج


عايشه تساسرها : عسمى القلب بعده شايل من ذيك المره ؟


فريده : ماعاش اللي يزعل منج يا خالتي ..


عايشه : عفيه..لازم نصافي القلوب ...احنا الحين بنصير أهل!!


فريده تبتسم : صاجه خالتي


عايشه : شفتي نسبتج ؟


فريده : إي... و راضيه فيها الحمد لله ..


عايشه : اي والله مش بطاله !! والله يطلع منج بعد فريده ؟


فريده :....


عارضيه تسأل أنوار : وين أمج مايات ؟


أنوار طبعا مجهزه الرد : تعبانه ماقدرت تيي ...لكنها تسلم عليكم ..


عارضيه : الله يسلمج ويسلمها... بس احنا بغينا نشوفها يعني ؟؟؟...ماعليه ... ماتشوف شر..


أنوار : الشر ماييج خالتي ...​

زهور تكلم فريده : مبروك حبيبتي والله فرحتلج من كل قلبي


فريده : الله يبارك فيج وعقبالج انشاء الله ..


زهور على ضحك : آمين ههه ..


هنادي تساسر عارضيه : خالتي ماقلتي حق صفا عن خطبة بنتها ؟


عارضيه : والله قلتلها ...بس تقول انها على وصول ...بس ليلحين مابينت ؟


هنادي : الله يهديها ...حدها بارده ....اهي الحين اللي تحرص تخطب حق بنتها وأملها انها توافق على واحد فيهم وتتزوج ....جذيه تتأخر على اليوم اللي ناطرته طول عمرها ؟؟


والا يسمعون صوت الباب يتبطل مع صوت يباب!!!


الحضور مستغرب منو اللي ياي


؟؟؟


والا تطلع جنطه من ورى الباب ووراها يشوفون صفا


!!!!!!


صفا : هااااااي ...السلام عليكم جميعا


الحريم : وعليكم السلام ...


صفا : شلونكم حبيباتي ...نايس تو سي يو آآآآل ​

وتسلم على وحده وحده مع الأحضان والتبوس ​

وتروح حق بنتها : حياتي فردودتي الدلوسه ...مبروح يابعد طوايفي انتي ...ماي دارلينج والله ..


فريده تحضنها : الله يبارك فيج صفا...


عارضيه : ها ؟؟ عيب يابنت ...


فريده : عادي يمه مو هاذا إسمها ؟


عارضيه : تأدبي!!!


فريده تهدهم وتروح تقعد يم أنوار ...


عارضيه : ما عليه أمي ..بعدها ياهل ...


صفا متكدره بس تحاول ماتبين : عادي يمه متعوده عليها ....أنا اليوم يمه بطير من الفرح ...بنتي بتاخذ بدر ....واو آم سو هابي ...فديته والله زين الريايييل سو أدورابول ....خير ما إختارت ...ريلي يعني ..


عارضيه : اي ..الله يوقفها ...ويعيشون بهنا يارب ...بس لو تخلين كلام الانجليزي على صوب !!!


صفا تضحك : سوري يمه متعوده ولساني خذا على الانجليزي ...لأني توني يايه من عند الأجانب ..هههه


صفا تطالع عايشه : آه ..أكيد انتي خالة بدر ..


عايشه : اي نعم ..وانتي أم فريده ...


صفا : يس ...آم هير ...تشرفنا ماي دير..


عايشه : اتس آل ماي بليجور...


عايشه بقلبها : من عذرها فريده ميننتني بالمدرسه ...لأن أمها رقله ؟ و شلون تعرف تربيها ويهيا كلا هايته بره ؟


صفا : قالولي إنج كنتي ناظرتها ؟ عسما تأذتي منها ؟؟ آم آفريد يعني !!


عايشه تتقشمر : استغفر الله ...شالحجي ؟ أبدا..احنا نتأذى من فريده ؟ ...ألا فريده عاد...ماينسمع لها حس بالمره ...وتضحك ...


صفا مصدقه : وي بعد عمري فردوده الدلوسه والله ...ههههاااهاااا...اي طالعه علي كلها أدب ...ماي سويت دلوس ..


وتشوف صفا هنادي :...عن اذنج ...وتروح عند هنادي..


عايشه بقلبها : من صجها هاذي ؟؟!!!!؟؟​

أنوارتكلم فريده : مبروك والله فرحتلج من كل قلبي ..


فريده : الله يبارك فيج حبيبتي ......إلا وين نور ونورا ؟


أنوار : وي ... نور مالها بسوالف العروس والخبه ...تحب قعدة البيت ...ونورا ماتدري إنج تبينها تجي !!!!


وتتردد : حسبالها إنج محاربتها ...


فريده : والله ؟ اهي اللي قالت جذيه ؟


أنوار : اي والله ....انتوا مو آخر مره تطاققتوا ؟


فريده : إشدعوه !!! انتوا الخوات ماتتطاققون بالمره ؟


أنوار : إمبله !


فريده : عيل قوليلها... يالبايخه ...إحنا خوات ومابينا زعل


أنوار تبتسم : إن شاء الله أقولها ..​

ميسا تاخذها على كتر : مايدري أبوج عن الخطبه ؟


دليسا : مادري ...يمكن قاله ؟


ميسا : لازم يقوله قبل لا يحددون الملجه ...أنا أتوقع انه قاله


دليسا : يمكن ؟؟ تهقين إستانس لمن سمع ؟؟


ميسا : أكيد طاير من الفرحه ..انتي بنته الوحيده ...


دليسا : أكيد حبيبي ابوي كان وده يحضر عرسي ...شرايج أأجل العرس لين يطلع أبوي من السجن ؟


ميسا : أولله!!! مو جنه وايد ؟؟ ...تهقين بدر يوافق ؟؟


دليسا تساسرها : شكله لأ ...اهو الود وده نتزوج اليوم ....


ميسا تضحك


دليسا : بس بحاول أقوله وأشوف ...​

صفا تاخذ هنادي بالأحضان وتشبعها تبوس : بعد عمري انتي وين نودي جمايلج احنا يا أحسن وأسنع مرت أخو بالدنيا


هنادي : شدعوه ...شعدوه ؟؟ شسويت ؟؟


صفا : شسويتي !!! ماخذه أمي عندج فوق الشهر ..وتعتنين فيها وتباشرينها ومتحملتها !!! وتقولين شسويتي ؟؟؟؟.مال أعظ خدج الحين ..


هنادي : وي ياصفا ...هذا واجبي ..ومثل ماهي أمج ..اهي خالتي أم المرحوم الغالي ...واللي نسويه فيها ما يطلع أبد من يزاها ..


صفا تطالعها بكل تقديرواحترام : يابخته أحمد ....اهو الحين متهني بالنعيم وقبره وسيع والفضل لج..


هنادي : الله يرحمه الغالي ..


صفا : الله يرحمه...​

بهالأثناء بالشاليه​

لأن سلوى شقت تلفون أمجد مس كولات ورى بعض فإضطر انه يرد خايف لا يكون صاير شي و مستعيل ...


أمجد بأجواء أغاني وضحك حوالينه ....ويسكتهم : شششششششش ..


ويرد على أمه : هلا يما ..


سلوى : أخيرا رديت علي !! وينك ؟ وشالازعاج اللي عندك ؟


أمجد يرقع : ها ؟ بالسينما بالسينما ...حاطين فلم مصري وقاعدين يضحكون عليه ...


سلوى : ما أسمع ؟؟ اطلع من سينمتك شوي بكلمك بشي مهم..


أمجد يطلعلها بره بالحوش وهدى الازعاج عنه شوي


سلوى : اي جذي أحسن


أمجد : شبغيتي فيني يمه ؟


سلوى : أبوك راح بيت عارضيه .. عندهم خطبة رياييل اليوم ...بيخطبون فريده حق رفيجك...


أمجد : شقلتي ؟ مو المفروض أنا اللي أتزوجها ؟


سلوى : أنا حسبالي جذي ..بس أبوك مادري شلون بيوم وليله غير رايه ووافق ؟؟؟ مادري شمشربينه عيالت اللذين ؟


أمجد إنغم : صكيتي فيني الدنيا يمه ؟؟؟ معتمد على هالزواجه بوايد أشياء...


سلوى : أشياء مثل شنو يمه ؟


أمجد متكدر وضايق خلقه :....


سلوى : أمي شفيك ؟ ألو ألو


أمجد : مضطر أمشي الحين ...باي ..ويسكر الخط والتلفون بكبره


ويدش الشاليه عند ربعه وهو باين عليه ضيقة الخلق


ليال وطلال لاحظوه ...​

ليال : عسى ما شر حياتي ؟


أمجد ماله خلقها: ماشر ..روحي كملي رقصج ..


ليال اندقرت : على راحتك ..


طلال : خير أمجد ؟ في شي ؟


أمجد يقعد بالقنفه ويمه المشروب ويشرب !!!


طلال : في شي مكدرك ...طلعت من عندنا مفرفش ..ويتنا العكس تماما ؟
أمجد :......


فضفض وأنا أخوك ..


أمجد : رحت فيها رسمي ...


طلال : ؟؟؟


أمجد يحط إيده على يبهته : ماراح أقدر أوفي دويني جذيه .... أنا ضعت !!! ...


طلال : شديونه ؟ دين ال 150 ألف من أيوب (ريال موصاك ومن الهوامير المعروفه بالديره )


أمجد : سددتله 50 وباقي أميه ..وكنت مخطط على شي كبير ...بس ما توفقت فيه وطار من ايدي ...


طلال : انت لمن تسلفت منه كنت تدري بهالشي ..وقلتله راح تأجره وتاخذ فوائد التأجير وتردله إياه بالأقصاد ...


أمجد : الريال يبي فلوسه بأقرب وقت ...جا عندي وهددني ...وانت تعرف أيوب وعصابته مايقشمرون !!! يقدر يقتلني وهو مايحاتي شي ...عنده ربع بالهبل بالداخليه يتوسطون له ...


طلال : لا تحاتي أنا أكلمه لك ..


أمجد : ياليت والله ...هو يعزك وياخذ منك الحجي ...على الأقل خل يزيد المده بدال ماهي شهرين خل يسويها سنه ....


طلال : سنه ؟؟؟ ما أعتقد ؟؟؟ بس أحاول وياه ..​

بيت عارضيه


يخلصون الرياييل بتحديد المهر والملجه


المهر خمسة آلاف مع شبكه ....والملجه بعد شهر يعطون العروس فرصه تتجهز.....والعرس أجلوه ويحددونه بعد الملجه على حسب الظروف ..


ويباركون ويسلمون على بعض ...


بدر يروح عند بوأمجد ويبوس راسه : مبروك عمي ..


بو أمجد : الله يبارك فيك ....مبروك ياولدي.. ​

بهالأثناء ببيت بوناصر


نورا تطلع من غرفة فتون اللي مجهزته حقهم ورايحه عند أمها تلهيها نفس كل مره ..


أم ناصر : وين فتونه ؟


فتون : بروح اشوف نورا ...


أم ناصر ...من متى هني ؟ ماشفتها ؟


توها يات من قبل ربع ساعه من الباب الوراني ودخلت سيده غرفتي ...بس انتي مالاحضتيها ...


أم ناصر : !!!!!!! يجوز ؟​

 

[Lolwa]

وتجي فتون عالساعه اللي مواعدتهم فيها لأنها عطتهم فتره ساعه الا ربع ويابعضهم نفس طلب سالم ...( على قولته نص ساعه ماتكفي !!!)​

فتون تطق الباب : نورا ...خلصتي ؟​

تسمع صوت بجي​

فتون : نورا !!!!​

ويبطل سالم الباب ويطالع إخته بنظره خوف وتوتر..​

فتون : شفيكم ؟​

يطلع سالم بسرعه قبل لا أحد يشوفه ويركض جنه منحاش ويطلع بره البيت...​

فتون : شاللي صاير نورا شفيج تبجين ؟​

نورا ماتقدر تتكلم وهي تبجي وتشهق ..​

فتون مستغربه وتشوف بالسرير بقعة (...)​

وتخترع ​

فتون تاخذ نورا من قميصها صوب صدرها : شصاير بينكم ؟؟؟؟ شسويتوا!!!!! لا يكون ؟؟؟​

نورا تطالعا وكلها أسى وخوف وتهز راسها وهي تبجي : يقول ماقدر يقاوم ...وأنا ...أنا ​

فتون تصارخ : يالغبيه ...مو قلتلج تنتبهين !!!​

وتنفعل : أنا أواريك سلوموه يالغبي ..إن مــــ ...​

وتصارك : آي آي ظهري ​

نورا : فتون شفيج ؟​

قتون :هذا عوار إيي ويروح صارله جم يوم..بس جنه هالمره زايـ.... آي...ماعليج منه ..​

نورا ترد تبجي : إشلون على مشكلتي ألحين فتون ؟​

فتون تتكلم بصعوبه : لا تخافين أنا أعرف شلون أقنعه يصلح غلطته هالدثوي...روحي ألحين طلعي ...آي...​

نورا : بس شكلج متعوره وايد؟!!!​

فتون ماسكه ظهرها من الألم : أقولج إمشي الحين ... نورووووه مالي خلقج.... آآآآآآي​

نورا : ان شاء الله ان شاء الله ...وتركض لي الدري تمر عند الصاله​

تشوفها أم ناصر : هلا نورااااااا؟؟؟؟؟؟؟​

شفيج نورا ؟​

نورا مومنتبه لها لأنها تفكر بمشكلتها وهمها بس بتنحاش​

وتروح سيارتها راده بيتها قبل لا يجي أبوها من الخطبه !!​

​

فتون كلماله العوار يزيد ...ايي ويروح ....​

إلين ياها العوار اللي ماقدرت تقاومه ​

وتصارخ​

يمااااااااااااااااااااااااااااااا​

 

[Lolwa]

العرس مو الحين
يمديكم تخلصون رمضان وتجهزوله حق بعدين
خخخخ

هابي قراءه ممتعه آآآآآل

 

[a7la_cute_lulu]

نو كومنت بس مشكورة علاالبارتات
اللي بعدو

 

[سمراء اليل]

انشاء الله نحظر العرس


بس البارتين روعه وفتون للحين خبله اما دلوسا الله يستر لها من امجدو الزفت ونورا معقوله لها الدرجه تمادت الله يستر وفتون الخبله (ندري) ليش خلتهم مع بعض والباقي بدون تعليق

ومشكوره علي البارتين وانشاء الله يصلح النت في بيتكم

 

[a7la_cute_lulu]

نو كومنت بس مشكورة علاالبارتات
اللي بعدو

 

[sweet.sanfoora]

توني رادة

ثانكيوو حبيباتي فديت قلبكم:$

وثانكيوو لولوة يا احلى كاتبة بالمنتدى

مبروك دلووس

وفتون يا رب تموتين انتي وامجد

وسلووم & نورا<< الله يستر

وبثثثثثث

ثانكيو

 

[39la o f9la]

امبيييه راحت فيها نوروووه !! اتوقع بتنفضح اشكرا
و فرييدة وااي اتخيل شكلها مو صج
و بدر وااي قدييم من زمان ما بين احس
امبيه وناسة اليوم بارتيين لوول
لولو صلحوا النت و لا لأ ؟؟

 

[Lolwa]

بنات شلون الروايه لي حد الحين


مبالغ فيها؟ والا ؟
حاولت بقدر المستطاع اني ابعد الجمل الغير لائقه بالقصه

وان كان فيه سوالف مش ولابد فالمقصد العبره آخرالروايه

اذا تماديت قولولي خن أخفف أكثر



وتسلمون يا أحلى متابعين بالمنتدى كلها


a7la_cute_lulu
العفو حبيبتي


عصله وفصله .....ليلحين وأنا حزينه
وأخوي بيذبحني يبي قطعة النت مالته خخخخخ


وسمراء الليل الله يسمع منج حبيبتي




والحمد لله عالسلامه سويت سنفوره اشتقنالج.....


أحبكم كلكم

 

[39la o f9la]

لولو لا بالعكس ما تماديتي و حتى لو تماديتي اكيد تقصدين التوضيح يعني
و الرواية صارت احلا لانة صار وايد دراما لول

 

[a7la_cute_lulu]

نورة صح كلامج ماتماديتي ولا هم يحزنون الرواية روعه ويسلمو ولا تطولين علينا


عندي فكرة
قبل لا ياخذ اخوج القطعة مالته حطي كل البارتات ورحي عمرج

اشكرة نغزة
لوووول

 

[Lolwa]

عصله وفصله أو نوره....مشكوره حياتي. ...عيل شجعتيني اني أسويها أقصد الروايه بطريقة الدايلوق والروايه...وبالنسبه لبدر أحاول أطلعه ببارتات أوقوي هو مع دليسا...يعني قصدج تبين الرومانسيه ترد؟




.......لولو. كان بودي حياتي أحط البارتات كلهم....بس البارتات اللي تشوفونهم أول بأول أكتبهم يعني مو كاتبتهم من قبل فريش..........ومشكوره عالتشجيع ياقمر

 

[a7la_cute_lulu]

وي شعلينا بارتات فريش من قدنا حبيبتي انتي وايي فديتج انتي والله اتي القنر

 

[sweet.sanfoora]

بالعكس روايتج واقعية ومافيها شي خادش للحياء على قولتهم<< متعوب عليها الكلمة



وبثث

ثانكيوو يا بعد قلبي قلبج