روايتي الاولى : (دليسا )

[سمراء اليل]

روايتج روعه ولا تفكرين تغيرينها

 

[sweet.sanfoora]

اب اب اب اب

 

[a7la_cute_lulu]

القمر**

 

[sweet.sanfoora]

اب اب اب اب اب اب

 

[Lolwa]

الفصل الرابع والأربعون ​

​

​

أم ناصر سمعت صرختها وهي تحت : يمااا بنتي!!!!​

وتروحلها ركض​

​

بغرفة المستشفى​

أم ناصر تمسك ايدها : يقول الدكتور كان عمره شهرين ...ماعليه ...الله يعوضج ان شاء الله.....​

فتون ضايق خلقها : .....​

ويجي رائد يطالعها من غير مايتكلم​

فتون تطالعه : كا الياهل اللي تبيه طاح ..شناطر الحين ؟ طلقني ...​

أم ناصر : شنو ؟​

رائد : أنا مخليج كل هالمده موبس علشان حملج بس ...علشان عمي والعشره اللي بينا ...بس الظاهر هالزواجه مو مقسومه بينا!!! ...​

فتون : إي احنا مو من نصيب بعض...وياليت كل واحد يشوف طريجه وايد أحسن ..​

رائد : الظاهر إنتي ما يهدالج بال غير لمن تسوين اللي ببالج ؟​

فتون ماتطالعه : وانت تعرف شنو اللي ببالي الحين؟ ​

رائد مستسلم : .....​

فتون تطالعه وتكلمه بحده: ماتخلصنا وتفكنا ؟؟؟ ترى كلها كلمتين مو صعبه ..​

أم ناصر : صلي عالنبي فتون شالحجي ...وانت يارائد لا تستعيل يا ولدي ...​

رائد : إنتي ​

أم ناصر : لأ لأ ​

رائد : طالق​

بوناصر كان بره الغرفه يسأل السستر عن شغله لكنه سمع صراخ جايه من مرته داخل الغرفه !!!!​

أم نااصر : لاااااااااااااااااااااااااااء​

ويطلع رائد من الغرفه​

ويطالع عمه بتأنيب ضمير :.......​

بو ناصرمستغرب منه و يدش داخل عند مرته : شصاير ؟​

أم ناصرتبجي : بنتك تطلقت من ولد أخوك ...​

بو ناصرمعصب بيلحق رائد : أيا الهيس !!!​

أم ناصر تمسكه : لأ ...هاذي بنتك اللي طلبت الطلاق !!!​

بو ناصر يطالع بنته : صج هالكلام ؟؟​

فتون : إي يبا ...ما أبيه ....أنا قصبته يطلقني ...قطيعه ...أفتكيت منه ...​

بوناصر يطلع من طوره ويعطيها سطار : شنو ماتبينه ...وقطيعه ؟؟؟ اهو الزواج لعب عندج تلعبين فيه على كيفج !!!!...​

أم ناصر تحاول تهدي فيه وتوخره عن بنتها وتطلعه بره الغرفه : وخري عني هديني...خليني أأدبها تراهي ناقصه أدب ...كلا منج ومن دلالج ...هاذي نتيجة تربيتج المايعيه ...بنتج أفسدها الدلال وخرب حياتها ....من توفى ناصر وانتي تحاولين تعاتبين روحج بدلعج لهالبنت ...​

أم ناصر : بو ناصر !!!!!​

بوناصر : انتي مالج ذنب بموتت ناصر ...والله كان قاسمله وكان يومه وبنتج فتون الله نجاها من الحادث لأن الله أراد يكتبلها حياة يديده ...لكني أشوفج مدللتها أكثر وحده من عيالج اعتقادا منج بتعويض ربج فيها عن ناصر ....اصحي بعدج نايمه صارلج 15 سنه !!!!​

أم ناصر : شاللي تقوله ؟؟؟ كل عيالي أعاملهم سواسيه !!! ​

​

بو ناصر :لأ عيالج تعاملينهم بطريقه عاديه مثل كل أم تعامل عيالها ...لكن فتون تربيتج لها غير ...مدلله بطريقه ملحوظه ... تخلينها تسوي اللي ببالها من غير رفض موليه...ماتعاتبينها ...ماتهاوشينها ...ماسمعتج تقولين لها لأ موليه ؟؟؟​

....انتبهي حق بنتج...والدلال بدى من الحين يخرب حياتها ..​

أم ناصر تبجي ​

بوناصر رق قلبه لها: ماعليه ....طلعت من طوري ...بس والله علشان مصلحتها ...ولازم أنبهج عاللي تسوينه​

أم ناصر : الله يرحم وليدي ..كان يحب فتون ويعزها ...ووصاني عليها قبل لا يحتضروياخذ انفاسه الأخيره .....​

بوناصر : يمسك ايدها ويهدي فيها : انا لله وانا اليه راجعون ...بس يا أم ناصر بس ....​

​

بيت عارضيه​

​

عالغدا​

​

عارضيه وصفا وفريده ووياهم بدر عالسفره​

لأنهم عازمينه عالغدا اليوم...​

​

طول مابدر قاعد ياكل عينه ما وخرت عن خطيبته فريده..​

صفا وبيدها لقمه عالشوكه : دلوستي اكلي التوست المقلي هذا راح يعجبج..... آآآآآآآآآآه​

دليسا تبطل حلجها وتاكل ​

صفا : ها ؟؟ شلونها ؟​

دليسا : ممم حلوه والله !!! طلع عندج مواهب ماندري عنها ؟؟​

صفا : اي انا بلندن كلا أطبخ حق عمج قاسم ...ريلي ذوقه صعب مايعجبه أي طباخ ..اضطريت أتعلم واشتري كتب الطبخ بالهبل علشان اتعلم وأرضي ذوقه...​

...انت بدر شلون ذوقك بالأكل ؟​

بدر : أي شي تسويه فريده يعجبني ...إنشاء الله ماصخ مافيه طعم ...راح يعجبني ...​

فريده تبتسم...​

صفا مبحلقه عيونها : أووووووووو...من قدج فردود ...ايوااااا أيوااااا ...​

عارضيه : عيل شرايك انها اليوم متعنيتلك و طابختلك أكله عجييييبه!!!​

...شاريه كتاب من المكتبه مال منال العالم مخصوص علشان تسويلك وتذوقك طباخها ​

فريده : ....​

بدر : والله ؟ وينها ؟ موجوده بالسفره ؟​

عارضيه : لأ ليلحين ماستوت بالفرن....​

بدر يطالع فريده : عيل ماني ماكل الين تستوي ....​

فريده :.....​

عارضيه : ومتى تستوي الطبخه ؟ ​

فريده : يبيلها شوي ...ماتحمرت من فوق ...توني مبطله النارالعلويه للفرن ..​

فتره بسيطه والا يشمون ريحه يايه من المطبخ المقابل لطاولة الطعام !!!!​

عارضيه : شالريحه ؟​

صفا : ريحة حرق ​

وبسرعه تركض دليسا تلبس القفازات وتبطل الفرن وتطلع الصينيه ​

والا محترقه من فوق !!!!​

ضاق خلقها....​

صفا وياها تهدي فيها : ميخالف ماماتي ...يصير نشيل الجزء المحروق و...​

فريده : لأ ...بقط الطبق ...أنا فاشله ...ويني ووين الطبخ...​

صفا : لأ حسافه عالأكله ...تعبتي عليها ..نقدر نصلح فيها ...​

فريده شوي وتدمع ..لأنها صج تعبت وهي تسويها وأغراضها وايد دجاج مشوي على خبز ايراني وتنقعه بشوربه ووياها ذره بكريمه مادري إيش!!! ​

كانت مترقبه هاليوم اللي بتضوق خطيبها أول أكله تسويها ...لكن راح الأمل بثلاث دقايق تحت النار العاليه وبكل سهوله تخرب عليها تعبها...​

وتعصب دليسا وتاخذ الأكله بتقطها بالزيباله ...... ​

وإلا تشوف من وراها ايد ماسكتها وماسككه الطبق من القفازات ...!​

بدر : شفيج حبي معصبه ؟؟؟...​

ويطالع الطبق ​

بدر : مافيه شي بس مجرد سواد فوق نقدر نشيله بسهوله ...​

فريده : بس...!!!!​

وفعلا يشيل الأسود اللي فوق ويتذوقها بيدينه : مممم تسلم إيدج حياتي ...لذيذه ويمي ...حتى وهي محروقه لذيذه ومو مبين فيها الحرق حتى ذوقي ..​

ويوكلها بيدينه ...وتضوقها..​

صفا تبتسم وخلتهم بروحهم بالمطبخ وردت قعدت بطاولة الطعام ​

عارضيه : وين المعاريس ؟​

صفا : بدر يساعد صفا بالطبخه ...​

عارضيه : بدر يطبخ وياها ؟​

صفا : اي ..لو تشوفينه شلون يطبخ ؟...أخيييييه ...امبوسيبول!!​

تذوق فريده الأكله من إيد بدر وهي مستحيه ....​

يحط ايده على خصرها ويقرب يمها ويبوس راسها ​

دليسا مستحيه ..​

لكنها تبعده عنها بسرعه بكوعها : بدر وبعدين وياك!!! أمي ويدتي بغرفة الطعام بره ...وناطرينا !!!​

بدر : ان شاء الله ...خن نوديلهم الطبق مالج التحفه خل يضوقون​

دليسا : شقصدك ؟​

بدر :لازم يضوقون دياي على خبز على ذره على حرق شوي ...ينوعون يعني..​

دلسا تسبقه : مليق​

بدر يحاول يقمت الضحكه​

وياخذ الصينيه منها ويروحون غرفة الطعام ​

صفا تغمز لفريده : ها شلون الأكله الحين ...ساعداج بدر ؟​

فريده بجديه وبكلام حاد تظيع الصقله : اي خوش طبق ... ظوقها لا تبرد ...وتحطلهم بصحونهم وتحاول ماتطالع بدر ...لأنها ماتبي يبين عليها الخجل وهي تنجب لهم ...لكنها هم ماقدرت تقاوم وطالعته ​

بدر استغل نظرتها اللي ناطرها منها من فتره ومستغل انشغال عارضيه وصفا وهم لاهيين بأكلهم...​

ويحرك لها حواجبه ​

فريده تطالع فوق وتضحك​

عارضيه بعد لقمه وحده بس وبصعوبه تبلعها : الله حلـــــوه الاكله ...تسلك ايدج بنيتي ..​

دليسا بويه مافيه تعبير : الله يسلمج بالعافيه​

وتطالع صفا​

صفا غصت وتكح وتشرب ماي بسرعه : حححححح حححامم ....لذيذه ...تسلم ايدج فردودتي الدلوسه فيري ديليشووووس ..​

دليسا بقلبها : انزين أنا أعلمكم بس خل يروح بدر ...​

​

ببيت بو أمجد​

​

أمجد يدق على طلال​

أمجد : ها بشر بو مبارك ؟ كلمت أيوب ؟​

طلال : اي كلمته ...​

أمجد : شقال ؟​

طلال : والله شقولك أمجد !!!​

أمجد : شنو !!! لا تقعدني على نار تكفه ...​

طلال : يقول انه شركته على ويه الافلاس ومحتاج فلوسه تردله من كل اللي مديونين منه...ومايقدر يأجل السالفه ...والا هوبنفسه يروح فيها .... طلع اهو بعد متمشكل ومايقدر يسوي شي ...واذا انت ماسددتله يضطر يشتكي عليك علشان لا يورط نفسه ​

أمجد : مصيبه ؟​

طلال :ماعليه يات على حظك !!!​

أمجد : مو أنا أدري بحظي دايما عوي !!!​

طلال : اعذرني أمجد ...خيبت ظنك معاي ...​

أمجد : لا شالحجي بومبارك ؟ انت ريال ماتقصر ...ودايما نلقاك ويانه بوقت الشده ..سامحنا اذا زودناها وياك شوي ......​

طلال : لا تعب ولا شي ...وتستاهلون أكثر , واحنا مثل الأهل ...وأي شي تبيه ترى أنا رقبتي سداده...​

أمجد : ماتقصر ...أصيل وينشد فيك الظهر بومبارك ..​

طلال : تسلم اخوي أمجد ...هذا من طيب أصلك ...عاد واصل لاتهد على بو مافي شاليه وقاعد تأجره ..​

أمجد : لا ان شاء الله راح تسمع مني اللي يسرك عزيز وغالي بومبارك...نشوفك على خيرعيل ...يالله سلم ..​

طلال : يالله سلام ..​

​

بعد ما سكره أمجد ​

أمجد يحاجي روحه :كلا منك يابدير لو ما خطبتك على فريده​

جان ماصارت حالتي نفس اللي أنا فيه ألحين ....​

​

بغرفة نورا​

​

نورا بغرفتها من أمس الليل ولا طلعت ​

نورا تحاجي روحها : كلا مني ...بغيت أعيش قصص الحب اللي أشوفها عند رفيجاتي وأقلدهم ...​

بغيت يصير عندي حبيب أحس بأحضانه وأجرب أبوسهوأحس باحساسهم وهم يقولنلي عن الشعور الجميل اللي يشعرونه ..​

بغيت يصير عندي مغامرات رومانسيه نفس المسسلسلات التركيه ....​

بغيت أتأكد من جمالي المخشوش اللي ماكنت مستفيده منه...​

​

وتبجي بحرقه​

ابليس وسوس فيني وقص علي ​

قص علي ..​

والبليس هذا آدمي متحول على شكل بنت ​

فتون إهي البليس الأكبر ​

إهي اللي إستغلتني علشان مصالحها ​

اهي اللي وهقتني وظيعت حياتي ومستقبلي​

وين أودي ويهي من أهلي ​

وين​

يارب تاخذني قبل لا أنفظح ويعرفون عني ​

هيء هيء هيء هيء​

وتبطل سيادتها ويمها القرآن تقراه ويهدي سرتها ...​

وترد تبجي مقهورهمن بعد الدعاء اللي توها قرته وخلصته​

يارب هل تسامحني عاللي سويته ؟​

اللي سويته كبير ​

ودني تنشق الأرض وتيلعني​

ودي أموت وأفتك من عذاب الضمير​

حتى لي مت وخذيتني ياربي !!! بتوديني نار جهنم تعاقبني عاللي سويته؟؟؟​

لأن اللي سويته مو شويه شي فظيع ...فظييييييع​

​

أنا زانـــيـــــــــــــــه​

​

وعقابي القصاص​

​

تبت إليك يا الله تبت ​

سامحني ياربي وإستر علي​

استر علي يا الله ​

يا الله ...يا الله ...يا الله ....​

 

[Lolwa]

في اليوم التالي ​

في الصباح الباكر ليوم الأحد ​

​

فتون تتسحب من بيت أبوها وتروح مع السايق عند مجمع المهاريد​

شركة للإستيراد والتصدير ​

وبنفس الوقت ​

بيت بو أمجد ​

أمجد بغرفته حاير ويفكر :​

لو انت مسجون ..أو مسافر بلا رجعه ...​

راح يخلالي الجو ​

ويفز من السرير اللي منسدح فيه ​

أنا لازم أتحرك وأتصرف بسرعه بهالسالفه ​

​

ويطلع قاصد يروح عند ليال ​

​

فتون ألحين هم يايه تدور على ليال ​

​

وتسأل أي موظف تشوفه بويهها : لو سمحت ماتعرف موظفه هني ينقالها ليال ؟​

الموظف : اي نعم ..اهي عند قسم الوارد بالطابق الثامن​

فتون : مشكور اخوي ..​

يتبطل الأصنصير ويدش معاها بسرعه أمجد ​

أمجد : أي رقم تبين ؟​

فتون منبرصه وبقلبها تقول : هذا موجنه أخو نورا ؟ الحظ متبطلي عدل اليوم ...هههه​

أمجد ليلحين مجهز صبعه عالأرقام ناطر فتون تقوله​

فتون : اي نعم ...ثمانيه لو سمحت ​

وتوصل الطابق الثامن ويمشي وياها أمجد لأنه قاصد اللي اهي قاصدته ....​

وتلقى طاوله الإستقبال بويهها​

وموظفة الإستقبال الجميله بلبس ضيق ومكياج أوفر وحاطه باجه بصورتها وإسمها عند صدرها ...الاسم ليال الـــ(...)!! وتستقبلها ووراها أمجد ​

ليال تكلم فتون : حياج الله بقسم الوارد لشركة المهاريد للإيراد والتصدير ..أي خدمه أقدر أوفرها لج ؟​

فتون : إي ...​

ليال : آمريني ..​

فتون ماعندها لف ولا دوران : تعرفين واحد ينقاله بدر الـــ(....) ؟​

ليال متفاجأه : نعم ؟!!!!!؟​

أمجد يطالعها : انتي تعرفين بدر ؟​

فتون :اي نعم ... وأعرفك انت بعد ...لا ....وتبون تنصدمون بعد ؟؟؟​

ليال وأمجد طاقتهم البوهه ومنصدمين :.....​

فتون بايعتها : وأعرف عن شاليهكم بو الخرابيط اللي فيه الــــ...​

أمجد : هوب هوب هوب ....ههه ويضحك متوهق ويتلوفت ​

أقول داشه بقوه ماشاء الله عليج ؟ ما تعرفنا من تكونين؟​

فتون : مو إلا تعرفون منو أنا ...بس أعرف ناس ودها تلقاكم وتحب تتصيدكم....وترفع الحاجب بإبتسامه ملعونه ... ​

تجيها ليال وتمسكها من إيدها وتجرها ويودونها غرفه مكتب فاضيه ويسكرون عليهم الباب ​

ليال : وإنت يايه تهددينا ؟​

فتون : لأ ...بس تقدرون تقولون اني يايه أطلب منكم خدمه ...لأن احنا عندنا نفس المصالح ..​

أمجد : أي مصالح هاذي ؟؟؟​

ليال : ....​

فتون : مصالح تتعلق ببدر وفريده​

وقبل لا يتكلم أمجد تسكته فتون​

فتون : أنا أدري انه بيتزوج حبيبتك اللي تبيها ...وودك انه ينشال من الصوره علشان ترجعلك فريده بالأحضان... صح ؟​

أمجد مبين مهتم : كملي !​

اذا تعاونا مع بعض نقدر نشربك خطبتهم ونقضي على حبهم ونبعدهم عن بعض ...​

بقلبها : مثل ماقضت على حبي وموتته ...​

​

أمجد : وشنو المطلوب منا إنا احنا نسويه ؟​

فتون : نسوي خطه تبعد بدر وفريده عن بعض ..أنا مخططه لها منزمان ...بس أبي تعاونكم علشان تنجح ...​

ليال : انزين آنا شكو مدخليني وياكم بخططكم ؟​

فتون : انت أهم وحده تطبق خطتنا ...بما إن لج سوابق مع بدر ...​

ليال : واذا ماوافقت ؟ سبتسوون ؟​

أمجد صاف مع فتون وعاجبته سالفة الخطه حيل : لا ماراح ترفضين صدقيني ...مو انتي اللي تقولين لأ حق أمجد حبيبج ....وإلا تبيني أذكرج عاللي ناسيته ؟؟؟ ​

​

أمجد اهو الوحيد اللي يعرف عن أسرار بوقاتها من الزباين ( ساعات ..ألماصات ...خواتم ...تبوقهم من غير مايحسون وهما بلحظة الـــخدران ...لكنه جكها على يوم واترجته انه مايتكلم ...ومن يومها وهوكلا يهددها بهالسالفه اذا يبي منها مصلحه ..​

ليال خافت : خلاص ..أمري لله...بس علشان أنا أعزك بدش وياكم بعدها مو تقربون صوبي ...​

أمجد : تعجبيني ..​

فتون : عيل بجذي اتفقنا ؟​

أمجد : اتفقنا ..بس ما قلتي عن الخطه ....​

فتون : سمعوني ....​

وتقول خطتها ​

ليال متحمسه : لازم أبلش فيها من ألحين وأمهدلكم .. ​

فتون : عفيه ليال ​

أمجد : وابتدي أطبقها باجر ..لأني مستعيل ..حياتي تعتمد على هالخطه ...والا أروح فيها ...​

فتون : عفيه عليكوم ...ماهقيت بتتحمسون جذي ...لو أدري جان ييت أبجر...​

فتون تحط ايدها على حلجها وتضحك هاهاهاهاهاهاهاهااااااا​

 

[Lolwa]

تم البارت الطوييييييييييييييييل

قراءه ممتعه حبابيبي وآسفه عالتأخير

 

[Zhoor el7lwa]

يسلمووو حبيبتي
قتييعه تقتعهم ليال و فتون و امجد قتتتتع>>>>لووووووول
متى بتنزلين بعد بارت؟؟

 

[Lolwa]

هلا زهور حبيبتي. ....ان شاء الله باجر عالعصر اذا الله سهل

 

[a7la_cute_lulu]

Thnx 3al part ywanes bss abe swalef bder o dlesa akthar
O shokra

عندي سؤال

جم بارت باجي يا عسل ؟!*

 

[Lolwa]

خلاص أزيدلكم جرعات من رومانسيات بدر ودليسا...غالي والطلب رخيص...وبالنسبه للبارتات. ...قولي باقي أربع أو خمس بالكثير. ..وحياج حبي ولا تهدين

 

[a7la_cute_lulu]

واخيرا بس ممكن تحطين لنا فكرة عن البارت الياي او تحطين بارت قصير على طويل جذي يعني تسكتين اليوع فيها

 

[39la o f9la]

اففف فتون اكرهها شتبي هاذي البايخة الحقيرة النذلة الي ماتستحي ويع ويع وييع !!
امم اتوقع نوره بتفضح فتون و ماراح تصير الخطة*

 

[Lolwa]

نبذه عن البار الياي

بدربعده. ماسك دليسا من خصرها : هاذي يدتج...!!!! شكلها قعدت؟

دليسا: يمكن صراخك قعدها ؟

 

[sweet.sanfoora]

وييعااا بطت جبدييي فتوون يا رب تمووووت

نورا رح تنتقم من فتون

وبثث

ثانكيوو

 

[a7la_cute_lulu]

كملي البذة لاني ما فهمت لازم السالفة كلها p:

لازم يصير اللي في بالي

 

[a7la_cute_lulu]

النبذة**

 

[sweet.sanfoora]

اب اب اب

 

[Şhώasha . . ~]

لاااااااااااااااااااااااا اعجبتتتتتتني كمليييييييها
بليز ، صج صج آٍسلوب و فكره وااايد حلوه صرآحه انتي عندج موهبه صراحه !
صج صج ترآ مـآ آجامل ، يعني من فكره و احداااث جد جد روعه
ماشاء الله عليج عيني عليج بااارده ، لا توقفين

 

[sweet.sanfoora]

اب اب اب اب