الفصل الرابع عشر
دليسا طاقتها البوهة وبسرعة تاخذ الوشاح المعلق بالشماعة وتغطي لبسها الحفر اللي لابسته وشورتها القصير : انت شلون تيي هني غرفتي ؟
بدر : يدتج قالتلي ايي أنظف تكييف غرفتج ...
دلسيا متوتره وتصرخ : تكييفي مو خربان . ولو سمحت إطلع بره .
بدروهو يقرب منها: يه !؟ احنا مو قلنا نفيد عيال ديرتنا والكويتي أنفع ؟
دليسا ترجع ورى وهي ماسكة الوشاح عدل تخاف يطيح منها
دليسا :ميري تعالي يمي .
بدريقرب أكثر وأكثر وهي ترجع ورى ...و ترجع ورى ....لين لزقت بالطوفه ...بدر يطالع فوقها وويشوف التكييف ويطلب من ميري تروح تييب طشت .
دليسا : لا تروحين ....
بدر يطالع ميري وهويخوزرها ( يعني فارجي وخلينا بروحنا ) :أقولج ييبي الطشت ألحين خن أبدي بشغلي وأخلص .
وتروح ميري متوتره وخايفة ...( من صجها بتييب الطشت)
دليسا وهي تصارخ: يالغبيه وين تروحين وتهديني ؟
بدر يمسك بشعرها بكل خفه ويتحسس نعومته ويبعده عشان يكشف عن رقبتها الصافيه ويتأمل حلاوتها :يعني وين بتهدج ؟ انتي بغرفتج ! وأنا مجرد مصلحجي بيصلح التكييف , والا عشان انا كويتي ؟ كا ما أشوفكم تخافون من البنغاليه ولا الهنادوه ومن هالجنسيات الثانيه ؟ شمعنه الكويتي اللي تهابونه ؟
دليسا : بس اهما ما يلعبون بشعري مثلك , وتدزه حيل لكن ما يتحرك شبر .. تطقه بايدينها وتتحسس بنيته القويه وعضلات سدره المكشوفه من القميص اللي لابسه ...
يبعد بدر شوي ويحاول يهدي الوضع ويحسسها بالأمان ...
بدر وهو يطالع صورة أبوها بالطوفه : منو هذا؟
دليسا : موشغلك .
بدر : ليش هالأسلوب ويرد يقرب منها ويحط ايدينه الثنتين بالطوفه يحشرها بالنص
: أشوف اسلوبج معاي جدا جاف وقاسي ؟ انا سويت شي يزعلج لا سمح الله ؟
دليسا ماتبي تتكلم وتبعد عينها عن عينه وتلف ويهها شمال .
بدر يمسك بحنجها ويلفه صوبه ويخليها تطالعه ويتأمل عيونها السوده وجمالهم ........ميري تدش يايبه الطشت وتشوف المنظر المريب وتصارخ
: هذا طشت بابا ..
بدر يوخر ايديه من الطوفه ...
ودليسا تركض ورى ميري مرعوبة ..
تطالعه دليسا بحقد .... وتروح تحت وتخلي ميري تراقبه وهو ينظف التكييف ...
بدر وهو يهاوش ميري : ميريوه يالدثويه , أقولج تييبين الطشت علشان تفارجين . مو تييبينه من صج !
ميري تسوي روحها هبله : أنا مايأرف ؟ انت شنويبي أنا سوي, انت يقول طشت جيبيب , أنا جيبي طشت !!!!!
بدر محتر : انزين إكلي خرا..
يخلص بدر وينزل تحت صوب الصاله
ويلمح فريده واللي قاعده تتصودد عنه , وبسرعه تدش غرفة يدتها وتسكر الباب .
يطلع بدر وهو بالسيارة يدق على خالته عايشه , ماترد نفس كل مره ... عايشة تتجنب مكالماته , لأنه فريده قاعدة تتحسن علاماتها , وعايشه خايفة لا يطالب بدر باللي اهي مواعدته ..
تحاول دليسا انها ماتبين ولا تييب سيرة للي صار معاها ويا راعي المكيف اليوم , وتفضل انها ماتقول حق أي أحد , لأنها تعرف شلون تتعامل مع اللي يعاكسونها..
ووصت ميري بعد بالكتمان ..( بعد ماشرشحتها لأنها خلت راعي المكيف يقدر يدش داخل البيت لي غرفتها)....
صباح يوم جديد بالمدرسة
فتون مشتاقه لرائد اللي ماشافته من بعد سالفة الدوانيه ؟
درت من أمها انه فصخ الخطبه من فاطمه الــ(...) , بس هم فرحتها مو مكتمله لأنها تبي تشوفه , تكلمه , تبوح له بحبها ...
اتيي دليسا تقعد بطاولتها ..
(ملاحضة علامات دليسا كلمالها وتتطور للأحسن )....
فريده تجهز كتبها , ويطيح شعرها الكثيف على الأرض وهي تجندس تاخذ الكتب من جنطتها , وبحركة دله تلفح فيه حلى خفيف توديه الجانب الثاني ( علشان مايتوصخ من الأرض )
كل هاذا صار وعيون فتون ماوخرت من عليها لحضة .. وقلبها يغلي : هاذي اللي انت تحبها , بنت الكلب , هاذي اللي اختفيت وانحشت مني علشانها , هاذي اللي فصخت خطبتك علشان سواد ويها !!!!
تاخذ فتون القلم وتحطه بين أسنانها وتبيتسم وتقرر انها تطيحها بمكيده .....
فتون تتكلم مع ريم : ريم وين كتابي ؟
ريم : مادري ؟
فتون : قبل الاستراحه حطيته , بدرجي منو خذاه ؟ وتسوي روحها تدور ..
ريم : أكيد وحده من البنات خذته ؟
فتون : تحجوا بنات ... منو هالجبانه اللي ماخذه كتابي ؟
البنات :؟؟؟!!!!!!!!
فتون بنربة عصبيه :عيل عذروني .. لازم أنبش بالدروج!!!!! ..وتنبش بكل دروج الصف مع ريم وأفنان يساعدونها
ويا الحين دور درج دليسا ..
فتون : ممكن ؟
دليسا :النجوم أقربلج ...
فتون : ليش ؟ لأنج خاشتة عندج ؟
دليسا :......
فتون معصبه: أفنان ..نبشي طاولتها .
وتيي أفنان ( الخادم المطيع) تبي تنبش درج دليسا .. وتاخذها دليسا من شعرها وتمسكها وتحط راسها عالطاوله تشلها عن الحركه . تيي فتون تبي تبعد أفنان من قبضتها وهي مغافلتهم ..وتدعس ايدها بطاولة دليسا بحركة سريعه وتطلعها مره ثانيه وهي ماسكه الكتاب .
البنات : آآآآآآآآآآه
فتون : مو قلت لكم انها بواقه , وتغش مني الأجوبه ؟
اهني بحركة لا شعوريه تمسك دليسا بشعر فتون وتطيحها بالقاع وتسوطرها . سطار ورى سطار ... والبنات صريخ ......وأبلة رنا تيي ماتعرف شتسوي وتنادي زميلاتها من الأبلات يساعدوها .
غرفة الناظره
أبله عايشه : من زمان ماشفناج فريدة ؟ شكلج اشتقتي للحبس الانفرادي صح ؟
فريده ماترد وتطالع يمين ويسار وتتخوصر بوقفتها .
أبله عايشة تصارخ : أهلج ماربوج عدل يا (.......)
فريده : احترمي نفسج ولا تسبين , يا ناظره , يا محترمة يا متربية .
عايشة تضحك : بستدعي ولي أمرج الثاني هالمره ...
فريدة : استدعي اللي تبين . أمشي الحين ؟ والا بتوديني الحبس الإنفرادي ؟
عايشة : أكيد, والحين أنادي ولي أمرج ... وتنادي الوكيله :خلووووووووووووووود عطيني رقم عم فريده ..
ايي العم للمدرسه
وييبون فريده عند غرفة الناظرة ..
أبلة عايشه ناطره بوأمجد يكلم فتون ويوبخها ...
بو أمجد : شنو صاير فريده ؟ شفيج متمشكله مع الناظره وتطقين البنات وتقولين عن الناظره انها مو متربيه ؟
فريده : لأنها سبتني وقالتلي ( .....)
بو أمجد : عيب يا بنت . هاذي ناظرتج تأدبي وانت تتكلمين ....
فريده : بس هي اللي ..........
بو أمجد : لا بس ولا شي ... تسكرين حلجج اذا الكبار تكلموا , بوسي راس ناظرتج ومعلمتج واعتذريلها.
فريده : ماني معتذره , واللي بتسوونه فيني سووه .
بو أمجد يقوم ويهفها سطار من قوته يطيحها بالقاع
: صج انج ربات عارضيوه ....لو انتي تحت ايدي , جان علمتج شلون الأدب يصير .. جان ماشفناج كل يوم تتمشكلين بالمدارس ومعذبتنا..
فريدة تبجي ....: تحكم علي من طرف واحد ومن غير ماتسألني وتستفسر عن سبب الهوشه, ومن اللي متسبب فيها , عندك الكلام اللي ياي من طرف الناظره هو الصح ؟
بو أمجد : عذرينا يا حضرة الناظرة ... تدرين فيها شقاوة بنات وهاذي ياهل . انتي ناظره حكيمه واللي تشوفينه من عقاب تعاقبينه لفريده سويه ...احنا نثق فيج وبعلاجج للأمور....
سرها كلام العم , أحسن من الخال اللي مايهش ولا ينش , عمها هذا زاد من كبرياء عايشه وخلاهه تنتفخ زياده على انتفاخها اللي اهي فيه الحين ..
بعد ماراحوا العله اللي بمكتب عايشة ( علقولتها ) عايشة الحين تدق على بدر لأنه اهو ملاذها الوحيد للمشكله هاذي ....
عايشه : شلونك ولد اختي ؟
بدر : هلا خالتي ؟ صارلي فتره أدق ما احصلج ؟
عايشه : أي من كثر الناس اللي يدقون علي يصير وايد مس كول ومكالماتك تضيع وياهم , المهم شلونك انت ؟
بدر : الحمد لله ماشي الحال , انتي شلونج خالتي ؟
عايشه : الحمد لله , شبغيت فيني ؟
بدر : لابس كنت بقولج اني ليلحيني قاعد أحاول مع فريده وانه في تطورات قاعده تصير , وانشاء الله راح تسمعين أخبار زينه تسرج...
عايشه :أي عفيه .. أبي أنا هالأخبار الحلوه , ترى بعدها قاعدة تتمشكل وياي ومأذينتي .
بدر : لا تحاتين هم , واعتمدي علي ,بس هاااااااا؟ انتي عاد لاتنسين تجهزين الثلاثة الاف ملوتي ...., ويضحك
عايشة ( اعتفس ويهها ) : أي انشالله بدر , جاهزين , بس تنجح فريده أعطيك اياهم , لكن اذا سقطت ...اسمحلي , ماراح تحصل ولا فلس ..
بيت عارضية
اليوم :الجمعة
التاريخ 5-ابريل -2010
يوم مميز لفريده , يوم عيد ميلادها ...اليوم اكملت الـــ19 ربيعا ..
يدق الجرس وتفتحة ميري وتحصل راعي الورد يعطيها بوكيه ورد راقي ومتوصط الحجم وفيه كرت ..
العامل: مطلوب مني إني أئولك تحوطيه بغرفة فريده الثامل
ميري : اه .... اتجا بابا ...وتهز راسها ...
وتروح ميري تطق باب دليسا وتعطيها البوكيه ,
فريده تتأمل البوكيه وتشوف كرت داخل ظرف موجود بالبوكيه ... تفتحه وتلقى قلادة ورساله مكتوب فيها
"سامحيني ان كنت ازعجتج آخر مره بغرفتج , ندمان
وايد على اللي سويته , أدري اني مو من حقي اني استغفلج وإنتي بغرفتج , كلي أمل إنج تقبلين اعتذاري .
وبمناسبة هذا اليوم الغالي على قلبي , إسمحيلي إني أعطيج شغله تلاقينها موجوده داخل الظرف , كلي أمل وشوق اني أشوفها عليج وانتي لابستها ومحليتها...
وكل عام ودليسا بألف خير
بدر
ملاحضة : : تلفوني مايفارقني على أمل اني أسمع صوتج وأكلمج , لاتكسرين بخاطري ....
(.........) 992 "
فريده تبتسم وتمسك القلادة( اللي قطتها بويهه ذاك اليوم )
وتحطها صوب خشمها وتشم ريحتها ......وتطالع روحها بالمنظره ...
....... وتلبسها !
البقية غدا انتظروووووووووووووووووووووووووووووووووووووني
؟
