روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟! }..

[gala q8]

نورتووووووووآآ


إن شاء الله راح اكملها لكم اليوم ..

 

[pinky berry]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

وااي كسرت خاطري شيلاء انشالله ماياخذونها

وعبدالعزيز شكله يحبهاا ! :$

ثاانكس حياتي ع التوضييح .. ناطريينج لا تطولين ^_*

 

[gala q8]

...


البارت الرابع

...

عند نوره تبتسم : و منو هذي ؟؟
عبدالعزيز : ابي .. آآ .. اتزوج شيلاء ..
نوره : تقصد بنتي ؟
عبدالعزيز يطالع نوره : بنتج اللي ربيتيها .. ما يبتيها
نوره تطالع عبدالعزيز : زين .. وانت تبي تتزوجها لانك تحبها وله عشاني ؟؟
عبدالعزيز ( سكت شوي و كمل ) .. : لاني احبها
نوره : لا عبدالعزيز انا اعرفكم عدل .. انت و شيلاء .. انت دايما تتناجر معاها .., و اهيا بعد .. واللي اعرفه انكم دايما تغيضون نفسكم بأي شكل .. يا اخوي .. انا ما ابي اخليك تتزوج وحده انت ما تحبها ,,
عبدالعزيز : بتزوجيني إياها و له لأ ؟؟ نوره والله انا احبها .. بس ادري انها تكرهني ,. و انا كنت احاول اني ما ابين لها هالشيء ,,
نوره : خلاص انا راح اكلمها و يصير خير ..


...



صـــــــــــــآر باجر

...


في بيت سعـد ..

العمه منيره قاعده بالصاله .. دخل اخوها راشد ..


راشد : قوه ..
منيره ضايق خلقها : اهلا راشد
راشد : شفيج ؟
منيره : راشد .. حابه اكلمك بموضوع اخونا سعد
راشد : ليش شفيه سعد ؟
منيره : آآ .. إنت كنت تدري ان سعد كان يحب جانيت صح ؟
راشد معصب : و انتي شعرفج بهالقذرة ها ؟؟
منيره : راشد لو سمحت .. جانيت توفت من قبل 18 او19 سنه تقريبا .. الله يرحمها
راشد رفع حاجبه : وانتي شلي ذكرج فيها ؟
منيره : بنتها
راشد : ههههههه .. اكيد بنتها مثلها قذر....
منيره : لا حول ولا قوه إلا بالله .. راشد .. سعد غلط مع جانيت .. والبنت هذي بنته
راشد انصدم ..

منيره : وانا امس شفتها عند اللي ربتها ..
راشد : و .. ومنو اللي .. اللي ربتها ؟؟
منيره : رفجت جانيت .. نوره .. اللي يت قبل 18 سنه و قابلت سعد بالدوانيه .. واللي طردها ..



راشد تذكر .. قبل 18 سنه ..



نوره ماسكه الطفله و بالجو الممطر ,, و راحت عند سعد تكلمه بالدوانيه ..

نوره معصبه : انت تغلط والبنت شنو ذنبها ؟؟
سعد : هه .. وانا شدراني ان هالبنت صج بنتي ؟؟ و بعدين لا تخربين حياتي .. و اخذي هالبنت و طلعي ..
نوره تصارخ : انت الحين فكرت بأهلك و زوجتك و عيالك و ما فكرت بهالنبت الصغيره ؟ انت شنو ؟؟ حرااام عليك
سعد : اقول .. تدلين الباب وله ادليج إياه ؟؟

نوره طلعت تبجي و هي ماسكه هالطفله ..

و ركبت السياره قامت تتهلوس .. و تطق السكان و شعرها القصير كله ماي و ملابسها كلها ماي .. وحالتها حاله ..

و طلع لها راشد عند الباب .. وشاف هالبنت .. و تذكرها .. عرف انها كانت معاه قبل بالجامعه و مع اخته منيره .. فراح لها يكلمها بس اهيا على طول داست .. بالسياره ..


...


عند راشد تذكر هالبنت .. راح غرفته ..

فتح الالبوم .. و كلها كانت صور نوره ( و طلعا كانت فترت الجامعه .. يعني كانت نوره لنت حلوه .. بعد ما تغيرت من بويه لبنت ) ..

و فتح الصندوق ( و لقى اوراق كانت تكتب له حق المحاظرات ,., و كان يخشهم .. و تذكر بحفله التخرج ) ..


يوم التخرج ..

راشد يطالع رفيجات نوره .. و لقى اخته معاهم بس نوره مو موجوده ..
لمن راح سأل عرف انها سافرت مع مرت ابوها و اخوها وابوها .. و ما راح تحضر الحفله .. و كان وقتها يبي يعترف لها بـحبهـ .. لهـآ ...




...


بالشاليه ..

عند مريم وريم يضحكون ..
مريم : ههههههه .. والله يا ريوم .. قمتي تضحكين مو نفس قبل كله خايفه و متنرفزة ..
ريم : أي يما .. لمن يينا منيه وايد تغيرت .. شوي بعدنا عن ابوي ..

دخل عبدالعزيز و ماسك ورقه : مريم ..
مريم : هلا عبدالعزيز ؟!
عبدالعزيز : هذي ورقه من المحكمه ..
مريم خايفه : ورقه شنو ؟
عبدالعزيز : ورقه .. آآ .. روقه طلاقج من جابر
مريم تطالع ريم .. و ريم مو مصدقه..
ريم : ورقه طلاق امي ؟ يعني خلاص .. امي و ابوي تطلقو .. ما راح يعيشون مع بعض .. خلاص انا وخالد ضعنا ؟
مريم : زين انت من وين شفت الورقه ؟
عبدالعزيز : انا توني ياي من البيت .. كنت رايح ابدل ملابسي .. و قطيت خالد عند صاحبه وييت ..
مريم : لا حول ولا قوه إلا بالله .. بس انا صج افتكيت من هم كبير .. بس انا كنت خايفه على عيالي .. بس حتى لو عشنا معاه .. ماكو فايده .,. راح نعيش بشقى و هم ..
عبدالعزيز : خلاص .. حصل خير .. المهم .. وين نوره ؟؟
مريم : نوره عند شيلاء في موضوع بينهم ..
عبدالعزيز .. عرف ..

...

نوره : وليش ؟؟ عبدالعزيز اخوي يا شيلاء ..
شيلاء : انتوا شتبون فيني ؟؟ انتي مو امي .. و لاابوي .. و انتي اخذتيني من اهلي .. انتي شتبين ؟؟
نوره منصدمه : شيلاء انا اللي ربيتج .. وامج خلتج عندي لان ابوج ما يبيج ولا مصدق انج بنته ..
شيلاء : يا نوره .. انا ضعت .. ما ادري شسوي ؟؟ عمتي منيره مصممه تكلم اخوها عشان ياخذني بس انا ما ابي احد .. ابياعيش بروحي ,., انتوا اللي بالدنيا كلها جذابين .. ( بصراخ ) .. طلعي برا نوره طلعــــــــــــي برااا .,.,


نوره قامت تبجي و طلعت من الغرفه ..

...


شيلاء قاعده على الفراش .. وتــــــردد بقلبها تقول
ليه يا دنيا دايما تقسيـن ..
ليــه يــا دنيــا دايمــا تقسيــــــن ..
ليــه يــــآ دنيــــــآ دايمـــــــآ تقسيـــــــــن ..
ليـــــــه يــــــا دنيــــــــا دايمـــــــــا تقسيــــــــــــــــن ..


...


بالسعوديه ..


حنان و احمد قاعدين يسولفون ..

احمد : حنان انا احبك مررره ..
حنان تبتسم و مختجله : احمد وش فيك ؟؟ خلاص عاد .. بناتك منيه ..

ندى : وش فيها يمه ؟ وش فيها لو امي و ابوي يتغزوا فـ بعض ؟؟ عادي ( و تغمز لهم ) ..
نوره اخت ندى : انتي اسكتي يا بنت
ندى : انتي وش فيك ؟ مالت بس .. المهم يمه .. متى نرد الكويت ؟؟ حابه اشوف شيلاء و خالتي نوره ..
حنان : إن شاء الله .. هالاسبوع إن شاء الله ..
نوره : أي جد .. ودنا نرجع لاهلنا .. هنا ما نعرف احد غير جدي و له انت يبه ما عندك ابد اهل فهالمكان ..
احمد : بس هذي ديرتكم .. ولازم تعيشون فيها
ندى : و حتى الكويت فديتها ديرتنا دام انها ديرت امنا .. وله شرايك يمه ؟ كلامي صحيح وله انا غلطانه ؟
حنان تضحك : ههههههه .. لا والله إلا انتي صاجه يمه ..
ندى : أي انا صاجه .. صااااااجه .. والله اني اتكلم كويتي مضبوط ..
الكل : ههههههههههههه ..



...

نــــــــرجع الكويت ..

نوره قاعده تبجي بغرفتها .. و تتذكر كل شيء سوته و شيلاء و هي صغيره .. كانت بنت ملكه بالجمال .. كانت باره بـ امها نوره .. و كانت تدري ان نوره مو امها الصج .. بس اللي تعرفه ان ابوها توفى من زمان .. و ان ابوها ماله اهل .. وامها كويتيه ما هي اجنبيه .. كل الامور تلخبطت عند شيلاء ..


شيلاء اللي كانت تفكر ,, اهيا ليش سوت هالشيء الغلط ؟ البنت اللي ربتها و باعت كل من يحبها و يخطبها لعيون شيلاء .. و ما كانت تخلي أي شيء بنفس شيلاء .. أي شيء تبيه شيلاء كان يحصل .. و كل عيد ميلاد يديد لـ شيلاء ... تصير الاحتفالات اللي لا صارت ولا ستوت ..


شيلاء راحت عند غرفتها الصغيره .. اللي كانت تخش فيها كل ذكرياتها ..
وفتحت الصندوق الوردي ..

و شافت صورها اهيا و امها ..

.. و لقت شريط و هي ياهل و كان هذى شريط عيد ميلادها ..

قعدت بالغرفه تشوفه .. و كانت هاللحظة كانت اغنيه العيد ميلاد ..


http://www.youtube.com/watch?v=0trkHvyydUk


وقامت تضحك على شكلها و هي صغيره مع الفستان .. قامت تدمع عيونها و تضحك على اللحظات الحلوة ..


و كانت لابسه مثل هالفستان تقريبا ..

قامت و قطت الصور بالارض .,., و رحات تركض و لقت الكل بالصاله إلا امها .. فراحت غرفت امها .. و افتحت الباب حيل ,,


لقت نوره قاعده على الكرسي تبجي .. والكل لحق شيلاء .. لان كان شكلها وايد يخرع .. وهي تبجي ..

شيلاء راحت حق نورة .. وطاحت على حضنها وقالت : يمه سامحيني على اللي سويته فيج .. انتي ما قصرتي معاي ,, حسبتيني اكثر من بنتج .. سامحيني تكفين ,, و انا موافقه بلي تبينه ..

نوره لمت شيلاء و هي تبجي خلاص مو قادره تكتم اللي فيها ..


...

عند بدر ( اللي كان يحب هند تذكرتوه ؟؟ ) .. قاعد مع امه واليوم ملجتهم اهوا مع هند ..

سبيجه : هاا يا بدر .. تزهبت ؟؟
بدر : أي يمه شوفيني بالغتره والعقال .. شرايج ؟؟
سبيجه : وي فديته ولدي والله بس هالمعرس ..
بدر : يمه .. تمنين اخواني معاي .. خالد مسافر ويبي يعيش برا .. و سعود و ريم سافروا مع زوجه سعود تكمل دراستها و اعيالهم .. و انا بقيت بروحي ..
سبيجه : يمه .. امش خل ننزل .. لا نتأخر على الملجه .. و بإذن الله العرس الكل بيكونون موجودين ..
بدر : ياليت .. إن شاء الله ..


نزلوووووووا ..





وفجــــــآه ..




بدر لقى سعود و زوجته و اعيالهم وريم و خالد حوالينه ..

بدر منصدم : اووه .. لحظة دقيقه .. انا من اسبوع متصل عليكم .. قلتوا ما راح تيووون .. هههههههه ..


سعود و خالد راحوا لموه و اهوا قام تدمع عيونه .. و ريم راحت له .. بعد ..
سعود : مبروك يا اخوي .. مبروك ..
خالد : واخبر بتتزوج و نفتك من حنتك .. و تكون تحت مسؤوليه .. بدال هالهياته .,.
ريم : هههههههه .. أي و اخيرا ,, ياالله روح و فكنا ..
بدر : هههههههه .. الفال لكم ..
خالد سكت يتذكر مريم .. و ايام هالبيت لمن تكون موجوده فيه .. و تذكر شلون اول مره شافها و لمها حيل توقع انها اخته ..

ومريم .. تتذكر ذكرياتها السودا مع نوره .. و تتذكر رفضها من جاسم بسبت نوره ..

سبيجه : يا الله لا نتأخر ..

...


عند نوره و شيلاء و مريم و ريم و خالد و عبدالعزيز ..

نوره ومريم بصوب ياكلون حب و متلحفين بالكمبل .. و يسولفون و يضحكون ..
و مريم و ريم و خالد و عبدالعزيز .. يلعبون جنجفه ..


ريم تكلم خالد : خالد يا الغشاش .. خلاص ما ابي العب معاكم .. (قامت و قعدت عند امها ) ..
شيلاء : ريموه يا الياهل تعالي عاد عن الملاغه ..
ريم : لا والله .. انا ما العب مع الغشاشيـن ..
خالد : اقول جبي بس .. خالي كمل لعب ..
عبدالعزيز : ريموه بابا تعالي مالج شغل فيهم .. تعالي
شيلاء : لا والله .. الحين صار الدلع كله لها .. اقول ريموه لا تصيرين ياهل تعالي خلصينا ..
عبدالعزيز استغرب من شيلاء .. ( شتقصد الدلع كله لها ؟!!!!)
ريم : بقعد يم خالووو .. فديته ..
شيلاء تطالع ريم : اقول تعالي و انتي ساكته ..
ريم قعدت بين شيلاء و عبدالعزيز ...
وشيلاء غارت شوي .. و سكتت .. وعبدالعزيز عرف معنى الغيره .. فقام يلم ريم ( بنت اخته ) .. و يمسح بشعرها .. و يضحك على شكل شيلاء .. و نوره تضحك على حركاتهم ..

...

 

[MeeMeeYoo_2]

ايوااا قمنا نغار


لووول


يسلموووو

 

[gala q8]

لووول .. اي قامت تغــآر ,, خلاص بعد الزووج المستقبل




الله يسلمج .. نورتي يا قلبي ..

 

[6amni bs]

رد : روايتي الثآنيه .. الجزء الثاني .. لاني بنيه .. {.. ليه يا دنيا دايمـ~ـا تقسين ؟!

مشكووره على البااارت
ناطرينج :$

 

[gala q8]

إن شاء الله


نورتي

 

[~اتعبها غلاه~]

حمسستينـآ للبـآرت آلجـآأي ..

نـآأإطريننج ..

 

[gala q8]

نوووووووووووووورتي إن شاء الله راح اكملها بإذن الله بعد شوي ..

 

[sweet gairl]

لالالالالا صج موقف فضوووووووووول بعرف شعور شيلا حياتي كنبي عفياااا

 

[gala q8]

بنات .. قولوا لي منو شخصيته اعجبتكم ؟؟







.:.

 

[sweet gairl]

عبد العزيز و شيلا بس يله نزلي >>>>>لوووووول

 

[gala q8]

عبد العزيز و شيلا بس يله نزلي >>>>>لوووووول

لووول .. اوكي من عنوني :wqedqw: ..



بس شوي على ما اكتبهــــــآ و انزلها لكم .. :eh_s(7):



فديتج منوره ..


:lolo::lolo::lolo::lolo:

 

[sweet gairl]

حيااااااااااتي فديتج والله


اب
اب اب
اب اب اب
اب اب اب اب
اب اب اب اب اب
اب اب اب اب اب اب
اب اب اب اب اب اب اب
اب اب اب
اب اب اب
اب اب اب
اب اب اب
اب اب اب
اب اب اب
اب اب اب
اب اب اب
اي اب اب

 

[gala q8]

...

البارت الخامس

...

بدر و هند .. طبعا ملجوو .. و الكل فرح بهالشيء .,.


...


بالسعوديه الحبيبه


خل نتعرف على شخصيه ندى ونوره بنات حنان ..


ندى عكس نوره بكل شيء ,.,.
ندى شوي فيها دفاشه .. و تحب الضحك و الوناسه .. و غرفها مكونه من لونين .. اسود و ازرق الغامج .. و غرفتها كبيره .. و فيها مكان للاغاني الريمكسات .. و سماعات و مكرفونات .. و مطوله الاغنيه على هالاغنيه ..

http://www.youtube.com/watch?v=WGNhML3lznM


هذي شكل غرفتها تقريبا

ندى قاعده على فراشها .. و رافعه صوت الاغاني .. و تسمع هالاغنيه ..

و ندى قاعده و حاطه اللاب .. و حاطه المسجل ( الإستيريو ) الكبير و مكرفونات .. و تسوي بالريميكس ..


حنان برا الغرفه تسمع صوت صووت اغاني بغرفه ندى ..


حنان تطق الباب : ندى .. ماما ندى .. اووف .. ندوووووي ..
( حنان افتحت الباب لقت ندى قاعده تسوي الاغاني ,, )

حنان : ندوي و صمخ ..
ندى صكرت الاغاني ...

ندى : وش فيك يمه ؟ ليه تخليني اخربط الاغاني الريميكس اللي انا سويته ؟؟
حنان : استغفر الله .. بالله هذي حاله ؟؟ الحين انا بفهم .. انتي ليش مو نفس اختج ؟؟ هاديه و سنعه ؟؟
ندى : اوووف .. تبيني اصير مثل ذي المجنونه نوره ؟! ..
حنان : المهم .. قومي زهبي جنطتج .. بنسافر الكويت باجر ..
ندى : الله تون الناس يمه .. ليه ماقلتي بكره .. هههههه ..
حنان : اقول قومي و انتي ساكته .. ( و طلعت غرفه نوره ) ..


...


نوره .. اللي كانت غرفتها عباره .. عن مكان مخصص لعارضات ازياء و في غرفه داخل هالغرفه الكبيره .. مكان كله جام و ميكب و كبتات متروسه ملابس .. و كبابيس .. و تحلم انها تكون عارضه او ممثله سينمـأ

طقت الباب حنان و دخلت .. لقت نوره قاعده تجرب الفستان اللي توها خيطته و كان الفستان إيــنن .. و تصاميمه عجيبه ..


حنان ابتسمت : هاا .. هذا النفنوف توج مسويته ؟؟
نوره معصبه ... تحاول تصكر السحاب : أي ماما .. بس مدري ليه مايصكر شكلي انا متنت اكثر من قبل .. صرت دبدوبه
حنان : هههههههه .. شفيج عاد .. انت حدج ضعيفونه ..
نوره : اوووف .. اصلا النفنوف مو راضي يصكر .. وش اسوي الحين ؟؟
حنان : خليه عنج و روحي زهبي حق باجر .. لان باجر بنرجع الكويت ..
نوره منصدمه : صدق يمه .. اجل ليه توك تبلغيني ؟؟ المفروض تقولين لي من زمان .. ياربي .. اجل وش احط و ش اخلي ؟؟
حنان : خلي ملابسج منيه .. انتوا ما شاء الله بيتنا اللي بالكويت كل شيء لكم فيه ..
نوره : لا يمه .. كيف تبيني اطلع بذا الشكل .. إلا يمه .. ابوي حيخلينا نطلع من غير حجاب و نقاب ؟ وله وشووا ؟؟
حنان : لا يمه .. ابوج مصمم لمن نروح نكون لابسين الملفع و النقاب .. وبعدين ابوج يبي لنا الستر .. يا الله خلصي .. لا تتأخرين ..


...


عند عبدالعزيز و خالد يتسبحون ..


و ريم و شيلاء قاعدين بالبلكونه اللي تطل على البحر ولابسين نظاراتهم .. و يطالعونهم



عبدالعزيز و خالد يسولفون ..

خالد : من صجك ؟؟ و كلمت خالتي نوره ؟؟
عبدالعزيز : أي كلمتها .. والظاهر كلمتها ..
خالد : هههههههه .. والله طلعت مو هين يا خالي ..
عبدالعزيز عيل شلون عيل ( و يغمز له ) ..
خالد وعبدالعزيز : ههههههههههه ..


...


عند شيلاء و ريم ..

ريم : لا .. لا .. امبيه امبييييييييييييييه .. مو من صجج شيلائووه .. هههه يعني انتي تصيرين مرت خالي ؟؟ هههههههه مو مصدقه
شيلاء : جبي بس .. امبيه تصدقين كلش ما توقعت ان عبدالعزيز يحبني كلششش .. اقولج عاد آآ ( توها بتكمل ,., بس سمعت صراخ مريم و نوره تحت .. و عماهم ريال يصارخ .. )

شيلاء : يمااا .. شالسالفه ؟؟
ريم منصدمه : امبيه .. هذا صوت ابوي ,, ..
شيلاء : شنو ..آآ ,, روحي نادي الصبيان خل اشوف شالسالفه .. امبيه ..
ريم نزلت بسرعه و جدامها شيلاء .. و كانوا بالممر ,,

شيلاء دخلت الصاله على الباب اليمين ,., و ريم طلعت برا على الباب اليسار لين صوب البحر ..


شيلاء اول ما دخلت .. تجمدت .. لقت خالتها مريم طايحه بالارض .. مو قادره تمشي و الكرسي المتحرك مالها طايح ..

ونوره ماسكه مريم و مرتجفين ..

شيلاء ما عرفت شتسوي ,, حست انها مو قادره توقف من الخوف ..
جابر شاف شيلاء و مسك شعرها و يصارخ : انتي يا اللقيطه تكلمي .. وين بنتي ريم ؟؟ انا ياي اخذها .. ما اخليها تتربى مع لقيطه وام معوقه و خاله مينونه مثلج .. قولي ..

..


وبالبحر .. خالد و عبدالعزيز يحكون .. شافوا ريم اللي يايه ترتجف و ويها احمر ..

خالد : شفيج ؟؟
عبدالعزيز لمها : ريموه شفيج ؟؟

ريم تاشر على داخل ..

عبدالعزيز : خلك عندها .. انا بروح اشوف شالسالفه ؟؟

عبدالعزيز ركض و دخل سمع صراخ شيلاء ( حبيبتهـ و قلبهـ .. تصــآرخ ) ..

دخل شاف شيلاء و جابر ماسكها من شعرها ..

عبدالعزيز من جسمه المجسم بس بشكل حلوو .. دز جابر بقوه ..

جابر رجع ورا .. و عبدالعزيز مسك شيلاء و غطاها وراه .. و كانت ماسكته و منزله راسها تبجي ..

عبدالعزيز كل ما سمع صوتها تبجي ,, يحس ان قلبه يتقطع .. و كل ما سمع شهقاتها .. يعصب اكثر .. حس ان هالبنت قطعه من قلبه .. ولازم يحميها .. و غصبن على الكل ..


جابر : هه .. يا رامبوو .. اقول انت هيي .. روح ناد لي ريم بنتي .. انا ياي اخذها معاي , يا ,, يا ولد الفرنسيه ..
عبدالعزيز كان يبروح يمسكه .. بس مر من يمه خالد و ماسك سجينه بيدينه ..
عبدالعزيز انصدم كان يبمسك خالد ..


لكن ..



لكـــــــــــــــن ..



لكــــــــــــــــــــــــــــــــــــــن ..


خالد للأسف راح و طعن ابوه ..

...



و ريم اللي كانت واقفه يم الباب منصدمه .. اخوها يطعن ابوها ..

ريم طاحت عليهم غشانه .. وووووووووو ..



...


لولوه قاعده بالصاله ..

رن الجرس و فتحت الخادمه الباب ..

و دخل ( ..)

لولوة تطالعه : انت مره ثانيه ؟؟
حمد : لولوة هالمره ما راح اخليج تدخلين بيتكم إلا لمن نتفاهم ..
لولوة : حمد لو سمحت ,, اللي بيني و بينك انتهى .. انا شايفتك خايني بعيوني و تبيني اسامحك ؟؟ مستحيل ..
حمد : لولوة دقيقه .. خل نتفاهم ..
لولوة : لا يا حمد .. مستحيل نتفاهم على شيء ,, ولا المشكله خايني مع منو رفيجتي ؟؟ ما توقعتها منك ابد
حمد : لولوة .. جمانه حامل مني ..

لولوة منصدمه : !!!
حمد : و ابيج تلقين لي حل .. وله انا ابو عيالج و حبيبج بدخل بمشاكل مالها اول ولا تالي
لولوة منصدمه بذاكرتها ارجعت تتذكر حال شيلاء ..
لولوة : حمد اطلع برا ,.,
حمد : لولوة .. انا مستعد اسوي أي شيء تبينه .. بس لازم الجنين يموت .. و انتي بنت اكيد تعرفين هالسوالف .. لولوة تكفين ساعديني ..
لولة بصراخ : اطلع برااا .. انتوا يا الرياييل ما منكم امان .. اطلع برا .,,.

راشد نزل بالدري بسرعه بعد ما سمع اصراخ لولوة : شفيكم شصاير ؟؟
لولوة : طلعوه براا ,.. انت مثل ابوي .. و كل الرياييل ما منهم امان ..

حمد طلع بسرعه ..

وراشد مسك لولوة يهديها : خلاص لولوة .. وبعدين شنو اللي مثل ابوج ؟؟
لولوة تبجي : عمي .. حمد زوجي غلط مع وحده.. و خاني معاها .. وابوي خان امي مع ام شيلاء .. حسب يالله ونعم الوكيل ,, شنو ذنبنا نعيش بهالشكل ؟؟ صج الرياييل ما منهم امان ..
راشد : لا يالولوة .. مو كل الرياييل مثل هالشخصين .. انتي شفتي اتعس اثنين بالدنياما يعرفون شلون يعيشون الدنيا عدل ..



...


بالشاليه ..

شــــــــــــرطه ..


اسعـــــــــــــــــــــــــــــآف ..

...

بالمستشفى .. مريم و نوره و شيلاء بالغرفه اللي قاعده فيها ريم ..
( لمن طاحت على طول ودوها ) ..

مريم تبجي : واااي يا حسرتي عليك يا ولدي .. ضيعت مستقبلك يا يمه ..
نوره يمها تدمع عيونها : خلاص يا مريم .. عبدالعزيز عندهم .. الحين يشوف القضيه..
شيلاء تقول بقلبها ( اااخ يا عبدالعزيز .. احسه تعب معانا وايد .. كل شيء قاعد يتحمله .. اااه يا عبدالعزيز .. اشهـد اني احبكـ .. و حبي كبير و وافي لكـ .. والله احبكـ )


...


عند عبدالعزيز ..


يكلم الضابط ..

عبدالعزيز : لا حول ولا قوه إلا بالله .. انزين .. وشلون الحين ؟؟ شراح نسوي بالقضيه ؟؟
الضابط : اللي سمعته منك انه دفاع عن النفس ,, هذا حكمي .. لكن حكم المحكمه بيكون منصف لك وله ..
عبدالعزيز : زين .. و متى بتحكمون عليه يعني .؟؟
الضابط : اولا لازم نشوف حاله المعتدي عليه .. و تالي راح نشوف المحكمه .. متى ما ارسلت لنا تقرير عن وقت الحكم .. راح نبلغك ..
عبدالعزيز : يعني راح يطول ؟؟
الضابط : لا إن شاء الله قريب ..

عبدالعزيز : زين ..

...

بمطـــــــــــآر الكويت ..

...



شنو تتوقعون الحكم على خالد ؟؟

وشنو راح يصير .؟؟



:bye22:

 

[gala q8]

لوول .. البارتات متلخبطين .. البارت الثالث << قبل كتبته مرتين .. يعني اقصد الثالث و الرابع .. لوول .. سامحوني بس عشان ما اخربطكم

 

[غــلآهاا غير]

نبي بأاارت بلييز

 

[~اتعبها غلاه~]

آلله ينتقم من جآبر ..
آككثر شخصيه عجبتني عبدالعزيز ..
نـآطرينج .. متى آلبـآرت آلجآي ..؟!

 

[البارونه*_^رونه]

وي الله يسترررررررررررررررررر ان شاءالله براءه

الله يقوم ريم بالسلامه

يسلموو حبي

ناطرينج

 

[sweet.sanfoora]

اشكره دفاع عن النفس

ثانكيوو ع البارت وناطرين