روايتي الثالثة (( يا دنيا ارحميني )) .. قصة واقعية .. ReRez

[cute princess]

مالت على حمد خواته واخوه فوقهم بعد
العايله كلها قاضيه

 

[عثمان حبي]

قطيييييعه شنو هذيل نسراات بل بل عفيه قلوب بدال مايفكرون فيه وبحالته تارك كل شئ عشان امه يسون هالسواة معاه حسبي يالله عليهم صج انقهرت قطع خوات

 

[baby johnson]

ههههههههههههههههههههه
اهم شي بروح انتحر بالنوم ياريري
بعد قلبي كسرتي خاطري والله


حبييييييييبتي مشكوره عالبارت
وحسبي ونعم الوكيل بهدى والسوسه المساعده مالتها مشاعل

والغبي الكبير ودي اسب اكثر بس عييييييييييييب
اخوهم حمد
كل من هب ودب يتكلم عن مرته يصدق
قطيييييييييييعه اووووووف


نوم العوافي حبيبتي

 

[spongebob93]

weeei3 weeei3 5waaaat 7aaamaaaad !!!!!!!!
allah y3enich ya fraaa7 !!!
w b59oo9 nda allah y3enha 3la a7mad !! w etha kan 9ij y7bha ra7 yathbet halshay !
w thaaaaaaaaaaanx aloooot 3al.paaaaart !!!

 

[jtbnmk]

المنتدي بصراحه صاير وايد بطيئ وينرفز
ومليت وانا كل شوي اسوي رفرش:> فبروح انام وباجر اقري البارت
بس بصراحه حمد غلطان يعرف خواته عدل مفروض مايسمع كلامهم
معقوله يسمع كلام حريم:/ الله يعينج يافرح على هل بلوي

 

[المستبــده]

متى البارت المنتدى صاير يلووووووووووع الجبد

كله ايرور شنو هذا

 

[أم@الحلوين]

ما في بارت؟؟؟

 

[<> إيلاف الكويت <>]

المنتدى يعل القلب :x

 

[naaanaa]

امبيييه لا المنتدى بطييييييءءء حده

نبيييي باااااارت حدنا تشوقنا لهم

 

[cute princess]

بناااااات
ريريز امس كانت تبي تنزل البارت بس المنتدى ماكان يبطل
مايبطل لا عندي ولا عندها ولا عند يونيك :\\\ يعني حتى لو بتعطينا احنا نحطه بدالها ماتقدر !
فـ عذروها انشالله اليوم تنزله بس ترا الحين نايمه كيفكم يعني :eh_s(6):

 

[عــــــــــذوب]

اعطونا وقت

لاننا قاعدين ننطر من الصبح

 

[~*~الملكة~*~]

ثاااااااانكس على البارت

وتاليها مع خوات حمد

 

[cute princess]

والله مادري متى بالضبط !
لاني مادري اهيه اصلا متى نامت امس انا نمت قبلها ! :\
انشالله لما تقعد اهيه تنزله لكم او تقولكم متى بالضبط

 

[عــــــــــذوب]

 

[cute princess]

بنات ترا من امس الظهر والموقع ماكان يبطل مع اي وحده فينا !
وريريز كاتبه بارتين مال امس ومال اليوم وراح تنزله اليوم

 

[ReRez]

بنات اشفيكم !!! اظن مو بس انا اللي كان معلق معاي الموقع صح ؟؟!!

شوفو من الردود مبين فرق الوقت بينهم .. هذا دليل ان الموقع معلق مع الكل

مو لأن بطل معاكم فجأة المفروض تلقون البارت!! تره انا بعد معلق معاي مثل ماعلق معاكم

المهم انا كتبت البارتين مال امس واليوم وبنزلهم ورى بعض

 

[دكتوره دلال]

امبييييييه المنتدى مو صج

 

[*الغاليه*]

صرااحه المنتدى صارله اكثرر من يومين عااال قلبي

مووراااضي يتبطل مدررري شساالفته لااازم تلقوووون لنااا حل يااا ادااااره

وبناااات المشكله موو بريري المشكله بالمنتدى اللي مو رااضي يتسنع

....​

 

[ReRez]

أول شي الحمدلله على سلامتنا ادري ان راح يرد يموت قبل لا نفرح فيه
المهم بقط الامانه ( بارت امس واليوم )

الله يعينكم لين توصلوله بالسلامه
---

- 23 / كل شي له حد -

- بعد ما فرح ردت ندى بيتهم .. راحت خذت نواف والخدامه من بيت امها .. وبالطريج دق حمد عليها –

فرح : ( صوتها متضايق ) هلا حمد
حمد : رديتي البيت ؟
فرح : توني خذيت نواف من بيت امي والحين راجعه
حمد : مره ثانيه ماتطلعين الا اذا قلتيلي .. فرح انا مابي أي شي يصير من وراي اعتبريني للحين يمج
فرح : وليش انا اشسويت ؟ تمللت بالبيت و رحت مع ندى المطعم .. شالغلط اللي سويته
حمد : ( بعصبيه ) خلاص قلتلج ماتطلعين الا اذا قلتيلي مفهوم ؟
فرح : ( ساكته )
حمد : ( بصوت هادي ) يللا الحين اخليج
فرح : لحظة حمد
حمد : نعم ؟
فرح : بشوفك بالكام اليوم
حمد : ( سكت )
فرح : حمد ؟
حمد : خلاص اوكي يللا باي
فرح : مع السلامه ( سكرت التلفون وانزلت دموعها )
فرح : ( بقلبها ) اشقالولك عني .. وليش كلمتني بهالاسلوب ؟؟

انت منت الاولاني .. صرت اشوفك شخص ثاني
منت ذاك اللي نحبك .. وين شوقك وين قلبك
شفت لك شوفه جديده .. ولاتتغلى في حبك
وش حصل بينك وبيني .. منت كنت تموت فيني
والله وتغير مكاني .. انت منت الاولاني

---

- اوصلت البيت لقت مشاعل قاعدة بالصالة مع عبير جدامهم عصير وكيك –

فرح : ( تكلم خدامتها ) ودي نواف فوق
مشاعل : ( مبتسمه ) رادة مبجر
فرح : ( بصوت عالي ) انتو شقايلين حق حمد ؟
مشاعل : ( تشرب عصير ) قلناله انج استخفيتي وقعدتي .. وقاعده تقلين ادبج على هدى اللي اهي اخته الكبيرة
فرح : و طبعا ماقلتوله اشلون كنتو تكلموني
عبير : ( قامت امسكت ايد فرح ) خلاص فروح امشي نقعد فوق
فرح : ( اسحبت ايدها ) هديني
مشاعل : هديها هديها هذي ماتستحي يعني عادي تطقج
فرح : والله اذا مافكيتوني من شركم انتي واختج ماتلومون الا نفسكم
مشاعل : ( اشرقت بالعصير واقعدت تكح ) الله يخس ابليسج ضحكتيني ( تكح )
فرح : ( عصبت حيل و خلتهم واصعدت فوق )

- أول مادشت شقتها اقعدت عالسرير تبجي –

فرح : خلاص ماقمت اتحمل .. متى ترجع عشان كلنا نرتاح
---

- بالليل عالساعه 2 .. حمد دز لها مسج كاتب " انا شابك " .. اشبكت وبطلو الكام .. واقعدو يتكلمون بالمايك –

فرح : والله يا حمد ولهت عليك .. ليش جذي ضعفان وايد
حمد : انا مو رايح سياحه ولا وناسه .. اكيد بضعف وانا اشوف امي هالحالة
فرح : الله يشافيها يارب .. زين حمد انا ماودي ازيد عليك بس اللي قاعد يصير فينا مو عاجبني
حمد : ولا انا عاجبني
فرح : حمد صراحه انا ماقمت اتحمل خواتك .. كل ما اشوفهم لازم يتناجرون معاي
حمد : خواتي مايتناجرون من غير سبب
فرح : بلى والله من غير سبب
حمد : ( مسك راسه ) خلاص فرح انا شابك عشان ارتاح .. تكفين مابي اسمع شي عن هالمواضيع
فرح : زين ليش صرخت علي وخليتني ارجع البيت ؟
حمد : لأني ماحبيت انج تطلعين من غير علمي .. فرح انا ريلج لازم تحطيلي اعتبار
فرح : ماولهت علي ؟
حمد : بلى
فرح : حمد صايرلك اكثر من 4 اشهر مسافر
حمد : فرح الشهر اللي طاف ييتلج نسيتي ؟
فرح : هذي تحسبها بعد ؟؟ ييت يومين ورحت !!!
حمد : فرح راسي بينفجر نامي الحين انسولف وقت ثاني
فرح : اوكي تصبح على خير
حمد : وانتي من أهله

- طفت اللاب توب وانسدحت تفكر بحمد وباللي صاير لها –
---

- ثاني يوم بالكلية –
( بالكافتريا )

دلال : تعبت من امي وحبستها .. ندوي خل نطلع عفية
ندى : ( تطالعها ) نعم ؟ تنسين الفكرة والله لو اشوفج تموتين جدامي ماطلعتج معاي
دلال : ندوي عن السخافة والله متملله حيل و ماطلعت منزمان
ندى : خلاص دلال قلت لأ
دلال : ( تمسك راس ندى وتبوسه )
ندى : ( تدزها ) وخري عني جنج طرارة
دلال : عفيه طلعييني
ندى : ( قامت ) انا شمقعدني معاج

- اول ما اطلعت من باب الكفتريا ادعمت واحد وطاحت كتبها ودلال كانت وراها –

الشاب : ( شال كتبها وقام ) عفوا صارلج شي ؟
ندى : ( تطالعه ) لا .. آسفه طلعت بسرعة و ..
الشاب : لا عادي لا يهمج ( عطاها الكتب )
دلال : اشلونك عثمان
عثمان : هلا دلال
ندى : ( تطالع دلال مستغربة )
عثمان : فرصة سعيدة ندى ( دش الكفتريا )
ندى : من وين تعرفينه ؟ و اشلون عرف اسمي ؟
دلال : ماعرفه اهو .. كنت اعرف ربعه .. اهو يعني ثقيل ماكان يعطي ويه بس سألتهم عن اسمه وقالولي
ندى : اشلون يعني اتعرفين ربعه ؟
دلال : يعني ربعه كانو ربعي بعد شنو شلون
ندى : واشلون يعرف اسمي ؟
دلال : اللي يعرفني أكيد يعرف اسمج عادي يعني
ندى : وانتي شكو تقولين اسمي حق الشباب اصلا
دلال : اشفيج ندوي كله اسم اشصار يعني ؟
ندى : لا مو كله اسم .. و عسى ما سولفتي عن حياتي اكثر يعني
دلال : لا والله ماسولفت عنج كلش بس يدرون انج رفيجتي واسمج ندى لا اكثر ولا اقل
ندى : ( اسكتت وكملت طريجها )
---

- المغرب بيت فاطمة –

فاطمة : ( شايله نواف ) يا حياااتي اسم الله عليه جنه فار صغيّر
فرح : لا تقولين فار .. والله انه يهبل
فهد : اي طبعا الشاذي بعين امه غزال
فرح : فهود عاد شنو شاذي اشفيكم انتو .. والله حلو مو لأني امه بس والله حلو
فاطمة : ( تضحك وتبوس نواف ) ندري يمه بس قاعدين نتغشمر معاج

- رن تلفون فرح رقم غريب –

فرح : ( ردت ) الو ؟
هدى : ها وينج
فرح : منو انتي ؟
هدى : هدى
فرح : ماعرفت رقمج
هدى : زين وينج
فرح : عند امي
هدى : سلمي عليها
فرح : يوصل
هدى : سلمي عليها الحين ولا اقولج عطينياها اسلم عليها
فرح : هدى اشبغيتي ؟
هدى : بس بغيت اعرف وينج
فرح : لا والله ؟؟
هدى : اي والله .. يللا باي ( سكرت التلفون )
فرح : ( اسكتت من الصدمه )
فاطمة : اشفيج فرح ؟
فرح : لا ماكو شي
فاطمة : اشبغت هدى
فرح : ماني مرتاحه
فاطمة : ليش اشصاير
فرح : والله مادري يمه .. خلينا منها .. قوليلي اشلون ابوي صارلي جم يوم ايي ما اشوفه
فهد : أحسلج لا تسألين
فرح : ليش ؟
فاطمة : رد يلعب بالفلوس و الناس تطالبه من كل صوب
فرح : استغفرالله .. لي متى يعني
فاطمة : والله ما أدري لي متى
فرح : أي شي محتاجينه قوليلي
فاطمة : لا يمه الحمدلله مو محتاجين شي

- تمت فرح تسولف مع امها واخوها واهي بالها مع هدى .. ليش داقه اشتبي يعني ؟ -

- مر اسبوع و فرح كل يوم اتدق على حمد بس مايرد عليها .. و بيوم شافته شابك و ماقالها عشان تشبك وتكلمه –
( بكتب المحادثات وبخلي التوبكات بأساميهم )

Farah :
وينك صارلي اسبوع ما ادري عنك خوفتني اشصاير ؟
Hamad :
موصاير شي
Farah :
عيل ليش ماترد علي ؟ وليش الحين شابك وماقلتلي عشان اشبك واكلمك عالأقل
Hamad :
مشغول
Farah :
زين ماعندك وقت تكلمني لو 3 دقايق مو اكثر ؟؟
Hamad :
خلاص فرح قلتلج مشغول
Farah :
زين سمعت ان هدى بتييلك .. عاد اذا قررت اتسافر بحجز و بيي معاها اشتقتلك
Hamad :
هدى عقب باجر طيارتها
Farah : ( انصدمت )
وليش ماقالتلي ؟ كنت بيي معاها
Hamad :
لا تيين خليج مع نواف
Farah :
بس ليش ماقالتلي ؟ اهي تدري ان ودي اسافر معاها .. خلاص عيل انا بحجز بروحي
Hamad :
قلتلج لأ لاتيين
Farah :
ليش ؟
Hamad :
فرح انا مشغول بطلع
Farah :
لحظة
Hamad :
نعم ؟
Farah :
زين تبي شي اطلعه لك من اهني عشان تاخذه معاها ؟ ملابس أو أي شي
Hamad :
لا تعبين نفسج هدى طلعتلي كل اللي ابيه
Farah :
شنو ؟؟ هدى ؟ ليش و متى ؟ انا وين رحت
Hamad :
انتي ماكنتي بالبيت .. كنتي عند امج كالعادة .. واهي طلعتلي اللي ابيه .. ويللا انا مشغول بطلع

( تم تسجيل خروج – حمد - )

فرح : ( عيونها غورقت ) ليش؟؟ انا اشسويت اشفيه يعاملني بهالطريقة .. خلاص بس .. كل شي له حد وانا ماقمت اتحمل
---

- بالليل غرفة ندى البيت –

أمل : ( طقت الباب ودشت على ندى الغرفة ) يمه ندى بقولج شي و ابيج تسمعيني عدل
ندى : ( تأشر عالسرير يمها ) حياج ليش واقفة عند الباب
أمل : ( اقعدت يمها عالسرير ) الناس اللي قالتلي عنهم ام محمد .. دقو وانتي بالجامعة
ندى : بس يمه انا...
أمل : ( امسكت ايدها ) احلفج ماتقولين شي غير حياهم الله
ندى : بس يمه هذي حياتي .. انا اللي اقرر اذا ابي اتزوج أو لأ
أمل : زين عشاني بس شوفيهم يمكن ترتاحين وتغيرين رايج
ندى : ( اضحكت من القهر ) والله مايدرون ان فيني صرع لو يدرون ما اخطبو
أمل : ( تحط شعر ندى ورى اذنها ) يمه يابعد عمري خل ايون بعدين يصير خير
ندى : لا انا عندي لج راي ثاني .. قوليلهم بالتلفون ان فيني هالمرض .. واذا بيون والله اطلع واقعد معاهم ومن عيوني بعد
أمل : ( اسكتت )
ندى : ليش ساكته ؟
أمل : انا اقول خل ايوون أول وبعدين نصارحهم بكل شي
ندى : لأ .. اول تقوليلهم بعدين اذا بيون حياهم
أمل : ( تنهدت ) خلاص .. اذا دقو بقولهم ( قامت ) اخليج تنامين
ندى : ( ابتسمت ) سكري الليت ماعليج أمر
أمل : ان شاءالله ( سكرت الليت واطلعت )
ندى : ( تطالع السقف ) الحمدلله على كل حال
---

تحياتي

الثاني طويل و بنزله الحين على الله مايعلق يارب

 

[دكتوره دلال]

واحنا عادي حوووبي ننطر لانه معلق يتراوالي عند الكل مو بس وحده فينا
واحنا ننطر جووووووووووود يعدلوون المنتدى بصراحه ماستغنى عنه