روايتي الثانية: حجـــــابي حببنــي فيـكـ بقلمي:q8ia 3z

[روح مجنونـہ ..]

>>>>>جد ابدااااع
وصاااالي حبيبتي ...
.
.
واتمنى ان جاسم يرد للمار حدهاا تحززن

 

[q8ia 3z]

حرام يطلق منار، وأخته أم عبدالله مو زين ترى اللي تسويه في أخوها
وأتوقع البنت اللي بتخطبها له هذيك اللي جافتها بالعرس وعجبتها وسالت عنها .. بس جاسم ما راح ينسى لمار
عبدالله وسارة الله يهنيهم ..
ريتاج ويوسف : بدات الأشواق والدلع بينهم والحب وربي يوفقهم
ريماس وعلي: يلا نبيكم تنخطبون بسرعة

وبسسسسس وتسلمين على البارتات الحلوة والصراحة أشتاق وايد لقصتج

فديتج بعد عمري .. تشتاق لج العافيه :eh_s(22): :eh_s(17):

 

[q8ia 3z]

اخيييييييييييييييييييييييييييييييييييييييه عورو قلبيي مايستااهلوون ليش جذي تسوي ام عبدالله

ليش فرقتهم عن بعض

امبيه انا عبالي ام عبدالله طييبببه وبسرعه ترضىىىى ع لماار بس خيبت ظني

الله يعييينه ياارب

ورشاا هذي بوطبييع مايوووز عن طبعه

ويوسف وريتااج لوووول الله يوفقهم

يسلمو كويتيه ناطرينج

ولكمو قلبوش :eh_s(17)::eh_s(17):

 

[q8ia 3z]

@@@@@
maly sh'3eeel !! Jasim w Lmar laaazim yrdoon 7ag b3'9 !! 5alay il.5adam ydgon 3la Jasim w ygoulon lah (( baba, mdam Lmar fe roh mostashfa !! w ehya fe ygoul enta lazim yjee )) 6ab3an b3d ma yesma3 hal 7achy yro7 lha w tgoul lah ena e7ya 7amil w yrdoon 7ag b3'9 (a) plllz saway chithy !! 7adhom cute
Sarah w Abdullah : 7laaaaaaat'hom wallah ;;* 7adhom ywansoon
Remas w Ali : allah yejma3 benhom bel 5eer ensha2 allah
Retaj w Yosif : WoOoOoOoOoOoW w bss
Rasha w Mohhamad : ensha2 allah ma treed mithel gabil ya3ny (6) atmana ya3ny !! tnarfiiz w terfa3 il.'9a'36
ana 7ady 7aqdah 3la Hessa ehya shkooooooo
Fahad ythakerny bO5oy ;Pp
Na6reeenich waiting

هههههههههههههههه ان شاء الله

ولكمووو :eh_s(17)::eh_s(17):

 

[q8ia 3z]

كلااااااااااااااااااااااااااااااااااااااااااااااااا :eh_s(2)::eh_s(2): حرااااام لمااار واااعليا

ام عبدالله الله يهداها اهيا ما شافت البنت عشان تحكم عليها جذي

وجاسم هم غلطان مفروض يدافع هاذي مرته اويكلمها مو بهالسهولة يتنازل عنها مايصير :eh_s(2):

واااي لا البارت يعور القلب وااعليااا :eh_s(2):

وريتاج ويوسف يحليلهم جني وعطبه لوووووول بس بيحبون بعض ان شاء الله

ناااطرينج فديـتج :eh_s(17)::eh_s(22):

ولكمو فديت قلبج وتواصلج :eh_s(22): .. بنيه انا احبج :eh_s(22):

:eh_s(17)::eh_s(17):

 

[q8ia 3z]

اخيييييييييييييييييييييييييييييييييييييييه عورو قلبيي مايستااهلوون ليش جذي تسوي ام عبدالله

ليش فرقتهم عن بعض

امبيه انا عبالي ام عبدالله طييبببه وبسرعه ترضىىىى ع لماار بس خيبت ظني

الله يعييينه ياارب

ورشاا هذي بوطبييع مايوووز عن طبعه

ويوسف وريتااج لوووول الله يوفقهم

يسلمو كويتيه ناطرينج

منورة :eh_s(17)::eh_s(17):

 

[q8ia 3z]

لا لااااا مايصير ..
استغفر الله شنو هذي ام عبدالله ..
اوووف مادري ليش كرهتها خلاص !!
ريماااس و علي : يلا متا الملجه ؟؟
ساره و عبدالله : ما اقدر ما اقدر عالحب !!
ريتاج و يوسف : قلت لكم وراكم قصة حب تصك ع قيس و ليلى و روميو و جولييت ؟!!

احم احم ييبي معدل زين و يرفع الراس >> يختج الجهل و ما يسوي !!
و يعطيج العافيه ...
فديييت روحج والله يا بنت الجامعه هههه
عاشت كويتيه و عاشت كويتيه عاشت كويتيه
لا يوقف لا يوقف لا يوقف لا يوقف لا يوقف لا يوقف
عاشت كويتيه عاشت كويتيه عاشت كويتيه عاشت كويتيه و عااااشت ..

ههههههههههه يا فديتج
ان شاء الله :eh_s(17):

 

[q8ia 3z]

الرواااااااااااايه رووووووووووووووووعه تسلمين على البارت ناطرينج

حياج الله قلبوو :eh_s(17):

 

[q8ia 3z]

الرواااااااااااايه رووووووووووووووووعه تسلمين على البارت ناطرينج

وووللكموووووو :eh_s(17):

 

[q8ia 3z]

تسلميين عالباارت العجييييب
الله يوفق جاسم مع اللي بتخطبها وتنسييه لماار كاسر خاطري

ولكمووو :eh_s(17):

 

[q8ia 3z]

b3ad 3uuumriii Lamar tksiir el5a6iir
Yousef ou Retaj <3 Awwww Sh7lat'huuumm

Waiting;D

حياج ربي:eh_s(17):

 

[q8ia 3z]

اعتذر عن الي ما رديت عليهم ... ولكمو للكل ..

 

[q8ia 3z]

روايتي الثانية : حجابي حببني فيك
للكـاتبه :q8ia 3z
الجزء : الثالث والعشرون

لفت على صوبه وحصلت عبدالله نايم .. وقامت بشويش عشان ما يحس فيها .. لكن عبدالله كان قاعد ويشوفها شتسوي .. وتقعد تتسحب شوي شوي وتاخذ روبها المرمي عالارض وشوي شوي راحت للحمام تتسبح .. وعبدالله يمثل النومه طلعت ساره من الحمام واهيا تنشف شعرها .. وطبعا عبالها الاخ عبدالله نايم ؟؟

قعدت تشوف شتلبس .. طلعت دراعه لونها اسود فخمة شوي .. وراحت لدرج حاطه فيه ملابسها الداخليه وعبدالله شاق الضحكة ومكيف .. ومتعدل من وراها عالسرير .. تطلع الاول وتقول لا .. والثاني .. وهم لا .. وطلعت الثالث .. وتدور بين اغراضها فجأه حست بايد تنمد من وراها ويختار واحد
عبدالله : هذا حلو
ساره صكت فيها الدنيا
عبدالله ظمها من ورى وباس رقبتها : شووو
ساره بخرعه : انت قاعد
عبدالله يستعبط : لا نايم
ساره ضحكت
عبدالله : شرايج نطلع اليوم
ساره : وين
عبدالله : اي مكان .. ولا اقولج شرايج نسافر عشان افتك من سيرة انزلي تحت حريم
ساره : هههههههههههه متعقد
عبدالله يمسح على بطنها : حده
ساره حسته بيذوب وخرت عنه : يلا قوم البس خن ننزل مبجر
عبدالله يطالعها برفعة حاجب فاهمها
ساره رقعتها وابتسمت : يلا
عبدالله : ان شاء الله
وراح لها ورفعها
ساره : عبوووود نزلني
عبدالله : اسف
ساره تطالعه : مو صاحي حمدلله وشكر
عبدالله : هههههههههههههه من زمان
ساره : نزلني لا اطيح
عبدالله : اسف تبين انزلج بنزلج عالسرير
ساره : ............
عبدالله : بنسافر فرنسا والي فيه خير يدق علينا
ساره : هههههههههههه حرام كسرت خاطري
عبدالله : اي شفتي شلون .. نزلها وقعد يمثل البراءة ...
ساره ضمته : يا حياتي .. شوووو يا البي
عبدالله راح للسرير وبعياره قال : محد يحبني
ساره كتمت ضحكتها : ومنو قاله
عبدالله : كل الناس حتى انتي
ساره : افااا افااا افففاااا انا اموت فيك
عبدالله : لا تشزبين < تجذبين
راحت له ساره واقعدت وراه : والله احبك
عبدالله لف شق الضحكة مو مصدق خبر
ساره مااااتت ضحك : وربي مجنون
سحبها عبدالله لحضنه : اي مجنون ... مجنونج ..


عند ريتاج ويوسف :
يوسف اتصل على ريتاج
ريتاج ردت عليه بهدوء : هلا
يوسف داخ : انا برى
ريتاج : طيب ثواني ..

ريتاج : هاه رموس شكلي مرتب
ريماس واهيا منسدحه : اي تهبلين تبارك الرحمن
ريتاج : فديتج يلا مع السلامه
ريماس : الله يسلمج ..
ضلت ريماس تفكر بحالها هي وعلي .. يا ربي .. شيل محبته من قلبي دام ما هو من نصيبي .. ولا تعلقني فيه اكثر .. ما اقوى على فرقاه .. ( الله يسعد خاطره وين ما كاااان ) ..

يوسف قعد يطالع الباب وطلعت ريتاج على عبايتها وكانت سنبل عبايه سوووودا ما فيها شغل .. بس الكم الي فيه شوارفسكي اسود .. وجنطتها وكعبها .. وساعتها على ايدها البيضه .. كانت تهبل .. وحمره مقاربه لشفايفها ومسكره .. بس
اركبت السياره ببتسامه : السلام
يوسف رد لها الابتسامه : وعليكم السلام
ريتاج : شلونك
يوسف : تمام
ريتاج : بنطول
يوسف : وووول توج راكبه
ريتاج : اسأل
يوسف يطالعها : شدعوه باين عليج منسده نفسج
ريتاج : لا ابد ولا شي
يوسف يطالعها ويدقق
ريتاج بحيى : اشفيك
يوسف ذايب : عيونج حلوة تبارك الرحمن
ريتاج تحس بالدم وقف من الحيى .. قرب لها يوسف بهدوء وباس خدها بنعومه ..
يوسف : هم خدج حلو وناعم
ريتاج تفرك ايدينها .. يوسف طالع ايدينها حمره مسكهم وبعدهم ..
يوسف : ممكن ترحمينهم اشوي
ريتاج : ما سويت شي
يوسف : كل هالفرك وما سويتي شي ..
ريتاج مو عارفه شتقول ..
يوسف باس ايدها .. : نمشي
ريتاج : يلا توكلنا على الله ..

 

[q8ia 3z]

عند جاسم .. < قبل كان جاسم ولمار .. الحين جاسم زمن ما يرحم <
كان هلكان تعب يسوق السياره .. واهوا هادي ومعاه ام عبدالله وريماس .. رايحين يشوفون البنت الي بيخطبها ..
وكان يمشي ومشغل على اغنية بس قول ابغى .. وكانت تغنيها مغنية على صوت اورغ هادي .. جاسم اخنقته العبره .. يتذكر لمار واهيا تغنيها وخصوصا هالمقطع .. خاطرك عندي ترى مو مثل غيرك .. خاااطرك يسوى ترى مليون خاطر ..
وصلوا لبيت البنت .. وجاسم رايح لموته .. وخلاص واصل حده .. راح لديوانية الرياجيل .. هللوا ورحبوا فيه وجاسم يرد عليهم ويبتسم ومن قلبه جريح ..

ابو نايف : هلا ومرحبا .. زارتنا البركه .. حي الله ولد عبدالعزيز
جاسم ببتسامه : هلا فيك .. المهلي ما يولي
ابو نايف : والله اني فرحت بجيتك .. ويشهد الله علي انه لي فخر فقربك
جاسم : الشرف والفخر لي يا بو نايف ..



ام نايف : حي الله ام عبدالله
ام عبدالله : هلا وغلا فيج
ام نايف : شلونج يا خيه وينج ما تبينين
ام عبدالله : موجوده انتي الي وينج
ام نايف : انا منشغله مع هالبنات وعرسهم
ام عبدالله : اي والله بالمبارك زاج بنتج هديل
ام نايف : الله يبارك فيج
ام عبدالله : والله اني فرحت لها
ام نايف : ما قصرتي يا ام عبدالله .. يشهد الله علي اني فرحت لولدج عبدالله .. يا حلاته .. هو شلونه مع مرته
ام عبدالله : بخير ولا عليهم
ام نايف : دوم ان شاء الله ..
دشت عبير .. وبحيى : السلام عليكم
ام عبدالله : وعليكم السلام .. هلا وغلا ببنتي الغاليه
عبير باست راس ام عبدالله وسلمت على ريماس
ريماس .. ول عليها من جسم .. يدوخ : هلا والله
عبير : هلا فيج
وتقعد ريماس تقزها .. مزيونه : شلونج عبور
عبير : تمام الله يسلمج


بو نايف ينادي بصوته عبير ..
عبير اخترعت عرفت انها بدخل على جاسم .. وراحت لأبوها .. : سم يبا
ابو نايف : سم الله عدوج .. تعالي يا بوج الرجال ينطرج
راحت عبير مع ابوها .. < على فكره عبير ما عندها اخوان ... اهم 4 بنات بس .. الكبيره هديل ..22 متزوجه .. وبعدين عبير 20 .. وبعدين غدير 17 .. واصغرهم عنود 16 .. بس <

دشت عبير ورى ابوها .. وجاسم وده ينحاااااااااااااااااش .. رفع جاسم عيونه وشاف عبير .. شاف جسمها وجمالها .. تخيلها لمار ... اخخخ لو لمار مكانج .. شكثر بكون فرحان

جاسم : قوة عبير
عبير بصوت يا الله ينسمع : الله يقوك
جاسم : شلونج
عبير : بخير
جاسم : دوم يا رب .. شمسويه مع الجامعه
عبير : زينه



عند رشا ومحمد :
فجت رشا باب الشقه ودموعها تنزل من الشوق .. حصلت الورد منثور بكل مكان .. واغنية كلاسيكيه هاديه ..
دخلت وتتلفت .. وشافت محمد يمشي لها وضمها بشووووووووق ونزلت دمعته : آآآآآآآه يا رشا
رشا ضمته : يا روح رشا
محمد : اشتقت لج موت
رشا تبجي : وانا اكثر
محمد : فقدتج وحشتينيييييييي
رشا : ما تفقد غالي ان شاء الله
محمد باس راسها : امين .. احبج
رشا : اموت فيك
محمد : شلون يهون عليج تخليني كل هالمده
رشا : شلون يهون عليك تنوم غيري بحضنك
محمد يضمها اكثر : وربي وربي لعب مو حب
رشا : معناته انا مقصره معاك
محمد : لالالا
رشا : شو
محمد : تعرفين شباب لازم
رشا : لا مو كل الشباب
محمد : طيب انا اعترف بغلطتي
رشا طالعته مبتسمه
محمد بضحكة رومنسيه : ولهتي علي
رشا مستحيه : حيل
محمد : شو اكثر شي فيني
رشا بضحكة : عصبيتك
محمد عصب : رشووووي
رشا تضحك : اي اي جذي
محمد : تستهبلين اقولج شنوا كثر شي تقولين عصبيتك
رشا تضمه : طيب ولا تزعل شفايفك
محمد بزعل : اي جذي
رشا : هههههههههههههههههههههه
محمد يخزها
رشا : سكتت خلاص راحت الضحكة
محمد يضمها : عبالي
رشا تهتز من الضحك ...


ريماس طلعت برى البيت : الووو
ريتاج : هلا رموووس
ريماس : كووولووولووولووولوووليش اخيرا رديتي لالا تو الناس
ريتاج : اكلمج بالحمام عزج الله
ريماس : ليش
ريتاج : استحي ارفع الفون عنده
ريماس بقرف : عشتووووو يوسف افندي
ريتاج : هههههههه المسيكين ذايب
ريماس : اي حيل لووووووووووووول
ريتاج : يلا يلا بسكر واذا جيتي علميني شلي صار
ريماس : وانتي بعد
ريتاج : طيب باي
ريماس : بايات

 

[q8ia 3z]

دخلت ريماس وشافت امها واقفه : يلا عيل مع السلامه
ام عبدالله تسلم : الله يسلمج
سلمت ريماس واطلعوا .. اركبو السياره
جاسم هادي
ام عبدالله : هاه حبيبي اعجبتك البنت
جاسم : المهم انتي اعجبتج
ام عبدالله حسته صاكه فيه الدنيا
ام عبدالله : هاو الي بيتزوج انا ولا انت
جاسم ضحك : صح لمن اخترت اشوفج وافقتي .. انتي قولي رايج .. تبين البنت موافق .. ما تبينها دروي غيرها
ام عبدالله حزت بخاطرها كلمة جاسم : مشكور .. جزاتي ادور لك بنت سنعه بنت بيوت .. حسب ونسب واخلاق وجمال وشهادة وعادتك مثل عبدالله ولا يمكن اكثر
جاسم حس بروحه : الي تبينه سويه
ام عبدالله : بكيفك .. تبي البنت قول لي ما تبيها .. ما حصل نصيب
جاسم بألم : ابيها ابيها
ريماس مصدومه : خالي انت تحب
جاسم وام عبدالله انتبهوا بوجود ريماس
جاسم سكت
ريماس بألم : اذا تحب ليش تخليها
ام عبدالله : ريماس لا تتدخلين بسوالف الكبار
ريماس : انا مو جاهل ومن حقي اقول رايي
جاسم : ريماس صكري الموضوع
ريماس : دام بصكر الموضوع اعرف وتأكد انت ما حبيتها .. وسكتت ريماس
جاسم عوره قلبه
ام عبدالله عارفه وحاسه بجاسم ... وسااااااااااكته

دخلو الكل .. وحصلوا عبدالله وساره ميتين ضحك
الكل : السلام
عبدالله : الله المعرس اهني
جاسم : شلونك عبدالله
عبدالله : تمام ابن عمي وانت
جاسم : اشوفك تدق
عبدالله : مشغول
جاسم : الله يهنيك
ريماس راحت فوق وصكت باب دارها بقوة وقعدت تبجي .. استغفر الله شهالعايله .. طلعت مو بس انا وعلي في غيرنا .. !!!!


عبدالله بأستفسار : شفيها ريماس
ام عبدالله : ما ادري
راح عبدالله
ام عبدالله : تعااال خلها بروحها
عبدالله : بشوفها شفيها
جاسم : تعال معاي ابيك بموضوع ..

راح عبدالله مع جاسم للحديقه .. وقال جاسم كل شي لعبدالله
عبدالله : من 10 شهور متزوج وما علمتني لييييييييييش
جاسم : لانك مو فاضي لي كل كلمه والثانيه ساره
عبدالله طالعه ببرود : وشدخل ساره بالموضوع .. تدري كنت حاس وشاك وادري وقلت لعلي
جاسم : انا قلت لعلي الي صاير تو
عبدالله : وشقال
جاسم : قال لا تعض ايد الي ربتك والمره بدالها مره
عبدالله : روح لأمي .. ترى طيبه وحنونه .. اشكي لها حالتك بين لها حبك للبنت .. روح قولها ما عندها احد .. ربت روحها بروحها من لها غيري اذا خليتها .. بين لها حالة زوجتك .. جاسم بالعقل .. مرتي بنت سكير والام قطتهم وراحت .. بهالصورة السلبيه الي بينتها لأمي اكيد بترفض ولا راح تواقف .. لكن اقعد معاها على رواء وبين لها الي بقلبك والي تحس فيه
جاسم : بتحن
عبدالله : ان شاء الله .. امي واعرفها


عند لمار .. من طلع جاسم الليل والنهار عندها متساوين ما تدخل غرفتها .. ومانامت .. دموعها على خدها ومو متقبله انه خلاص طلقها .. بس تبجي منسدحه من قنفه لقنفه وتبجي .. وتصلي وتبجي بقوه بصلاتها تدعي الله يجبر بخاطرها ويصبر قلبها على ما اصابه ... والله كريم ورحيم


عند ريتاج ويوسف :
يوسف : ما تعشيتي عدل
ريتاج : لا شدعوه الحمدلله يعطيك العافيه
يوسف : الله يعافيج .. يلا عيل نقوم
جت ليوسف وحده وادعمته بقوه تتدلع : سوري
يوسف : حصل خير المره الجايه انتبهي
ريتاج اشتعلت نار الغيره بقلبها
يوسف : يلا
ريتاج مشت معصبه يوس حس فيه : اشفيج
ريتاج : لالالالا واضح انها ما تقصد
يوسف : ههههههههههههه
ريتاج حست على عمرها واستحت
يوسف : ختولي ما همتني
ريتاج : ........
يوسف تبين تدعميني ادعميني عشر مرات بس لا اشوف الحزن بعيونج ..
ريتاج مستحييييه
راح لها يوسف ولف ايده من ورى خصرها .. ومشاها معاه بهالجو ... وخصوصا انه المطعم عالبحر ..

علي قاعد عالبحر يتذكر ريماس .. يا ربي شنوا خر علاقتي معاها .. افراق .. ولا الله يهدي عبدالله ويوافق واتزوج ريماس .. بس عبدالله مو واثق فيني .. وما الومه انا الي وخرت عنه اهوا و جاسم .. لو اني مع الشله .. وما بعدت عنهم جان الحين انا وريماس ملجين ومرتاحين .. يا الله .. يا ربي احبها .. ابيها .. احسن .. جزاتي .. من كثر ما لعبت على البنات .. استاهل ..

 

[q8ia 3z]

اليوم الثاني ... وبعد تردد كبير عن جاسم يبي يفتح الموضوع مع ام عبدالله موضوع لمار ... :
راح عند ام عبدالله وقعد معاها على انفراد ..
ام عبدالله : شنو يمه تكلم
جاسم بألم : انا احبها
ام عبدالله : طيب
جاسم : ولا اقدر اعيش مع غيرها
ام عبدالله : كمل يمه اسمعك
راح جاسم لحضنها : حصه .. انا ابي لمار وبس
ام عبدالله : تراني بديت اغار منها
ابتسم جاسم ..
ام عبدالله : خلاص يمه .. انت الحين خطبت بنت اجواد بتنسيك لمار وطوايفها
جاسم : تحبين حمود
ام عبدالله : اي
جاسم : لو سمح الله ابونا سكير .. وامنا من جنسية عربيه .. ومالج احد فالدنيا .. شفتي حمود بالصدفه واهوا ياخذ الملفات من بيت ابوج لانه ما يتأمن عليه .. وانا جاسم صغير وانتي تربيني من بعد ما خلتني امي .. وتذكري انج صغيره عمرج 17 سنه .. ماكنتي تهتمين بحمود .. بس حمود قالج شرايج يا حصه تشتغلين عندي من باب المساعده وامشي لج معاش .. وافقتي ..

وعلى هذا تراج طالبه ثانويه .. وكنتي تدرسين وتشتغلين وتربين اخوج الصغير وتهتمين بالبيت ... المهم .. حبيتي حمود .. وخطبج مود .. بس قالج يا حصه بتزوجج بالسر .. وبعدين نعلن .. قلتي اوكي .. انتي شدعوه اصلا رد لج ابوج الخبر ابوج طمع بالفلوس وزوجج .. وبعدها تزوجوا .. وابوج ما يمر جالا عشان ياخذ منج فلوس .. وجت امج زارتج مره .. وقالت انا ما جيتج الا عشان الفلوس ..

وانا ادري يا حصه انه متعلقه بحمود .. فإذا ما عطيتيني فلوس .. راح اطالب بحضانتج وارد جمعاي لديرتي .. يعني .. ابيج تتخيلين معاي .. واقع انسانه عشت وياها .. تعلقت فيني .. انا صرت لها الام والاب واخ والحبيب والصديق والزوج ..
وبعدين رديتي يا حصه شفتي في حمود دنياج الي ضاعت منج .. ولكن .. يرد القدر يوقف فوجهج .. وتقول اخت حمود .. طلق حصه تراها بنت سكير .. وطلقج حمود .. شنو بتكون ردت فعلج .. بتعيشين مرتاحه ولالا .. ؟
ام عبدالله وبعد ما فهمت الموضوع : ليش ما وضحت لي الموضوع من اول
جاسم : شدراني انا الي قالي عبدالله
ام عبدالله امسحت دموعها : يعني انا قهرت قلت بنت يتيمه
جاسم فز باس راسها : ما طنتي تدرين
ام عبدالله تنادي ميري .. جت لها ميري .. : نعم ماما
ام عبدالله : جيبي عباتي
راحت ميري تجيب عباة ام عبدالله
ام عبدالله وقفت : ودني لها
جاسم : منو
ام عبدالله : لمار
جاسم : هاه يش
ام عبدالله : شنو ما تبي تردها
جاسم ضحك : هاه
ام عبدالله خافت على جاسم : يمه اشفيك
جاسم يبجي واهوا يضحك : مو عارف ابجي اضحك
ام عبدالله : اسم الله على ضناي
ضحك جاسم : بنعلنه
ام عبدالله : اي .. وانا بتصل على ام نايف واتسامح منها

ركب جاسم السياره وركبت يمه ام عبدالله وطبعا لا اخفيكم ريماس انقزت معاهم


انتظروني بالبارت 24 .. وشنو بيصير بين ساره وعبدالله وريتاج ويوسف .. وريماس وعلي ... جاسم ولمار .. ورشا و محمد .. q8ia 3z

 

[q8ia 3z]

انتظر ردودكم .. وان شاء الله الاثنين بارت ... ^-^

 

[мιѕѕ ĵσĵσ ✿]

ونآآآآآآآآسة
جآسم بيرد للمآر
مو مصدقة
مشكوره ع البارت

 

[هجران الليالي]

الحمد لله إن أم عبدالله قدرت وضع جاسم وعرفت عن لمار ويارب يردون حق بعض

ريماس وعلي : المفروض علي خلاص يفاتح عبدالله بالموضوع وخلاص مبين إنه تغير ومشى بالدرب الصح

ريتاج ويوسف: بداية الحب والله يوفقهم

عبدالله وسارة: أتوقع قريباً راح تحمل سارة

رشا ومحمد: بترجع ريما لعادتها القديمة وأتوقع بيستمرون بالطريج الخطأ .. ولا تعليق

وناطرينج ومشكورة على البارتات الحلوة

 

[الكويت داري]

ام عبدالله تينن حبيتها

كملي كملي بانتظارج
ومشكورة عالبارت