روايتي الثانيه (عهدي مع الايام)(واقعيه)

[@أحلاهم وأتحداهم@]

يعطييييييييييييييييييييج العافيه على البارت حدها تشوق الروايه وانا متابعتج بروايتج الاولى واحب اسلوبج و اتمنى لج مزيد من الابداااااعات

حياتيييي تسلمين على الكلام الحلو كلج ذوق وصدقيني كل ماشفت انه في تفاعل معاي بجميع رواياتي راح ابدع واكتب اكثر
وانشالله في مفاجأه قرييبه بس انشالله تضبط وبعدها اعطيكم خبر
مشككوره على المتابع

 

[yooyoo]

تسلم ايدج احلاهم الروااايه عجيبه انا كنت من متابعينج بصمت بس ما قدرت قلت لازم اطلع من صمتي اهنيج على كتاباتج الحلوه و طرحج الشيق للقصه

 

[@أحلاهم وأتحداهم@]

تسلم ايدج احلاهم الروااايه عجيبه انا كنت من متابعينج بصمت بس ما قدرت قلت لازم اطلع من صمتي اهنيج على كتاباتج الحلوه و طرحج الشيق للقصه

تسلمين ياقلبي ا هم شي انج طلعتي من صمتج هذا شي يسعدني وشجعني اني استمر بالكتابه
الله يسهل علي وتقومين بسلامه
ومشكوره على المتابع

 

[mss.86oo6a]

رد : روايتي الثانيه (عهدي مع الايام)(واقعيه)

واااااااااااااااااي شكل القصه عجييييييييييبه وروعه
بس امبيييه الصدمه قويه عليها المسكينه
يله كمليها بليييييييييييييييييييز ناطرينج

 

[6amni bs]

رد : روايتي الثانيه (عهدي مع الايام)(واقعيه)

انتيييييييي ابداااااااااااااااااااااااااااااااااااااااااااااااااااااااااااااع
يعطيج العاافيه
كملي كملي بليز

 

[ام حمادي309]

انه متــــــــــــــابعه
ويتنق

 

[سارووونه22]

فديتج كلج ذوق خلاص مو زعلانه
تعليقي : امبيه شل ابو ليش جذي حرام عليه وبس اشوه اخوانها زينين وانشالله تتزوج جراح ويطلع خوووش ريال

 

[so_what]

يسلموو على البارت و ناطرينج

 

[Cruella Devil]

mashalla esloobch wayd 7lo , oo 9ij el qe9a e3jebatney wayd
oo yalla 5al ytzawjon feney raq9a
waiting 7abebty , ya36ech el3afya

 

[سارووونه22]

اب اب اب اب اب اب اب اب اب اب

 

[@أحلاهم وأتحداهم@]

البارت الخامس


صالح:فواز حدد موعد قريب مع جراح قبل مايرجع ابوك خل اي يشوف ليال ...يمكن ليال ماتبيه وحنه مانبي نسبق الاحداث
فواز:انشالله


بعد يومين
فواز اتفق مع جراح انه اي اهوا واهله يشوفون ليال....وطلال صار عنده خبر بكل الي صار وانه ابوها مايبي يزوجها

بغرفة آلاء
العنود:وااااي لايطوفكم شكل ام المعرس واخواته....صج عيال عز
رناد:اذا عيال ال...مايبين عليهم منو الي ببين عليه العز
آلاء:يعني مبين عليهم الغرور
العنود:لا والله يهبلون سوالف وضحك مبين عليهم متواضعين
آلاء :الحمدالله
رناد:والمعرس شفتيه
العنود:لا ماشفته اهوا قاعد مع فواز وابوج
رناد: ودي اشوفه
العنود:نزلي مع ليال وشوفيه.....بستغراب ....الا وين ليول
رناد:بغرفتها قاعده تلبس
العنود:ماخلصت ليلحين والله فشله مفروض خالصه من زمان
رناد:الحين اروح اشوفها اذا خالصه ولا لاء
العنود:رنود بسرعه قوليلها لازم تنزل الحين
رناد:اوكي

بغرفة ليال
رناد طقت لباب ودخلة
رناد بخوف:ليول اشفيج ليش تبجين
ليال ودموعها على خدها:خايفه
رناد:من شنو خايفه
ليال:من الزواج اخاف يصير فيني مثل المره الي طافت
رناد :لا مايصير شي هذا ريال وعنده بنت يعني مضمون
ليال:من قال حمود يقول في جنوس متزوجين وعندهم عيال ومحد يدري عنهم
رناد:ليول اصابعج موسوا...ومو كل الريايل مثل يعقوب عندج اخوانج وسعود ريايل بمعنى الكلمه وينشد الظهر فيهم
العنود:ليول يالله خلصي ابسرعه لازم تنزلين الحين
ليال:انشالله
العنود:ليول شفيج
رناد: تقول خايفه انه المعرس يطلع مثل يعقوب
العنود:من صجج
رناد:ادري عنها ....ليول مو معقوله اخوانج يخلون واحد مو زين يخطبج وبعدين سعود يعوفهم عدل وحتى فواز يعرف اخوه
ليال بخوف:مادري مادري
العنود:ليول يالله قومي عدلي مكياجج بسرعه فشله طولتي وايد
ليال:انشالله ....قامت عدلت مكياجها ونزلت مع العنود



بصاله
هنادي كانت اتسولف عن بنت جراح:لا بنته عندنا من اول يوم ولادتها
حصه:امها ماتبيها ولا انتو الي اخذتوها منها
هنادي:امها ماتبيها وبيني وبينج اهيا مو قد المسؤليه
حصه:الله يهديها في احد مايبي ضناه
رتاج:حتى ماسألت عنها من يوم الي قطتها ...تقولين تبي الفكه منها

بهل لحظه انزلت ليال والعنود
ليال برتباك:السلام عليكم
الكل:وعليكم السلام
حصه:ام جراح هذي ليال
هنادي تفاجأت بشكل ليال ...توقعت انها جيكره او شكلها كبيرالانه مرت جراح الاولى كانت عاديه حيل ...بس ماتوقعت انها اتكون بهل جمال وشكلها اصغر من عمرها وخصوصن فرق العمر وايد

هنادي:ماشالله تبارك الرحمن...تعالي حبيبتي قعدي عندي
ليال كانت مرتبكه وكان واضح عليها :انشالله...وراحة اقعدت عند هنادي

دانه تساسر رتاج:اول مره ادري انه طلال عنده ذوق
رتاج:شدخل طلال بالموضوع
دانه:طلال اهوا الي مختارها حق جراح
رتاج:اها
دانه:بس صغيره على جراح احسها اتناسب طلال اكثر
رتاج:بس الشكل اهيا اصغر من جراح اب 15 سنه تقريبن
دانه:الفرق وايد...بس انشالله تطلع احسن من مريوم
رتاج:لامبين عليها هاديه


عند الريايل
صالح:انت اقعد معاها الحين وقولها كل الي عندك هذا زواج كل الي بخاطرك قوله لها
جراح:انشالله عمي
صالح:الله يقدم فيه الخير
فواز:جراح انت عارف فرق العمر الي بينكم
جراح:اي عارف

بهل لحضه دقت العنود على فواز
فواز:هلا ام احمد
العنود:فواز ام جراح اتقول خل جراح اي يقعد مع ليال
فواز:ماشي الحين اقوله اي
العنود :اوكي باي

فواز: عمي بعد اذنك باخذ جراح عشان يقعد مع ليال
صالح:اي اخذو راحتكم
فواز:جراح تفضل معاي
جراح قام وطلع من الدوانيه وراح قعد بصاله الثانيه
فواز دق على العنود وقالها انه موجود بصاله وخل ليال اتي الصاله....ليال قامت من الحريم وراحت الصاله وهيه ميته من الخوف

بصاله
ليال من الخوف الارتباك كانت ماسكه دشداشة فواز
فواز:ليول هديني ماني قادر امشي
ليال بصوت واطي:لاتخليني بروحي
فواز وهوا يبتسم:انشالله
جراح كان يشوف ليال اشلون ماسكه دشداشة فواز وحس انها مرتبكه وايد
ليال اقعدت وهيا ماسكه فواز
فواز :جراح ماعليه اهيا شوي لا مو شوي مرتبكه وايد صح ليول
جراح وهوه يبتسم:ماعليه
فواز وهوه يوقف:انا اخليكم تاخذون راحتكم ...ليال هديني
ليال هدت فوازوكانت اتشوفه بنظرات ترجي انه يقعد
فواز:جراح لاتاكل اختي
جراح يبتسم :لا انا ماآكل
فواز:عن اذنك
جراح:اذنك معاك
طلع فواز ما الصاله ...ومرت فترت صمت بينهم وبعدها

جراح:اسمج ليلى ولا ليال
ليال برتباك وبصوت واطي:ليال
جراح:عاشت الاسامي
ليال:.....
جراح:اسمج وايد حلو
ليال:.....
جراح :ليال جم عمرج
ليال:19
جراح:العمر كله انشالله
ليال:.....
جراح :وانا عمري 33 سنه يعني الفرق الي بينه 14 سنه
ليال انصدمت من الي سمعته الانها ماكانت عارفه انه عمر جراح 33 ....الفرق وايد بس جراح مايبين عليه الانه شكله اصغر من عمره
جراح لاحض انه ليال ملامحها تغيرت من عرفت عمره:فواز ماقالج شي عني
ليال برتباك:قالي انك مطلق وعندك بنت
جراح:وماقلج جم عمرها
ليال:لا
جراح:بنتي عمرها 4 اشهر وهيا عندي ...وصراحه اهم شي عندي بدنيا اهيا وانا مافكرت بزواج الا عشانها ...انشالله اذا كنتي من نصيبي ماراح اقصر معاج ابشي ....بس مثل ماقتلج بنتي اهم شي عندي وابيج تهتمين فيها وتعدينها بنتج
ليال برتباك:انشالله

جراح كان طول الوقت يسولف عنه وعن طبيعت شغله وعلاقاته بناس وشنو الاشياء الي يحبها والاشياء الي مايحب انه زوجته اتسويها ...اما ليال كانت مستمعه فقط واذا سألها عن شي جاوبت عن السؤال

جراح كان مستانس على شكلها ورتباكها وخجلها .....بقلبه(هذي الي تستحق اتكون حرم جراح ال...)


بعد ماطلع جراح واهله

فواز:ها ليول شرايج
ليال:مادري
محمد:مايصير ماتدرين
ليال:كبير علي وايد
رناد:ليول اخذيها مني الصغير يعلل والكبير يدلل
محمد:موشرط بس جراح ريال ونعم فيه والكل يمدح فيه
ليال:حمود انت اتعرفه عدل
محمد:لا ماعرفه عدل بس قعدة معاه مره او مرتين بدوانية سعود....صراحه كنت ماخذ عنه فكره غلط ومن قعدة معاه غيرة فكرتي عنه
ليال:وشنو الفكره الي كنت ماخذها عنه
محمد:كنت سامع عنه انه متكبر ومايقعد الا مع الي من مستواه وشايف نفسه ...بس الصراحه الحق ينقال ....الي سمعته شي والي شفته منه شي ثاني
ليال:انت ماقعدة معا هالا مرتين اشلون تحكم عليه بسرعه
فواز:ليول احنه انعرف اخوه عدل عشرة عمر معاه واذا على جراح ...الريال يبين عليه من اول مره
محمد:ليول فكري عدل وبعدين قرري
حصه:اي يمه بس بسرعه قبل مايرجع ابوج من السفر
محمد :ليول انتي شنو عتراضج عليه
ليال:انا مو معترضه بالعكس امبين عليه طيب بس كبير علي وايد
محمد:احسن عشان اهوا يصير شايب اانتي بعدج شباب وتتدلعين عليه
فواز:بعدين الريال بعقله مو بعمره
ليال:عطوني جم يوم افكر وعطيكم خبر
فواز:اخذي راحتج بس فكري عدل جراح مايطوف ريال ونعم فيه واذا على بنته انتي الي بكبرينها وتصير بنتج
ليال:بالعكس بنته بعيوني بس انا خايفه من فرق العمر الي بينه
محمد:لاتخافيج جراح مخه يوزن بلد
ليال:خلاص انشالله اعطيكم خبر قبل مايرجع ابوي من السفر
حصه:اي يمه فكري وقرري ابسرعه ...عشان عمج يعرف يتصرف معاهم
ليال:انشالله


بسيارة جراح
دانه:ماما اشرايج فيها
هنادي :ماشالله ماتوقعتها حلوه جذي
رتاج:ماشالله عليها جمال وجسم وحيا كل شي فيها حلو هذا كوم واهلها كوم ثاني يهبلون
دانه :جريح ماسمعنا رايك فيها
جراح كان سرحان...كل تفكيره ب ليال وشلون كانت منحرجه ومرتبكه ومانتبه حق دانه
دانه:جراح ...جراح
جراح:هلا
رتاج:هلا فيك ...الي ماخذ عقلك
دانه :ماقتلي اشرايك فيها
جراح:من اي ناحيه
دانه:من جميع النواحي
جراح :كتكوته
هنادي:يعني عجبتك
رتاج:ماما يقولج كتكوته يعني اكيد اعجبته
جراح وهوه يبتسم:ارتحتلها وايد...حسيت اني اعرفها من زمان
دانه:اي والله حتى انا
هنادي:البنت تدخل القلب
رتاج:انشالله تكون من نصيبك
جراح:انشالله
هنادي:انا ماتوقعتها جذي حلوه...توقعتها بتكون عاديه او جيكره
جراح:ليش
هنادي:الانك اكبر منها بوايد وفوق كل هذا مطلق وعندك بنت ...وهيا بعدها بأول المشوار وجدامها فرص وايد
رتاج:ماما جراح مو كبير
دانه:امي قصدها فرق السن الي بينهم
جراح:يمه اضاهر نسيتي اني جراح ال...والف بنت تتمنى اتكون مرتي
هنادي:لا مانسيت بس مو كل البنات يوافقون


بعد يومين

بيت صالح
سعود:يبه فواز ماعطاك خبر
صالح:لا يبه توناس خل البنت اتفكر على راحتها
سعود:يبه لازم ناخذ منها الخبر قبل مايرجع عمي الانه اذا رد من السفر بخرب كل شي
صالح:شلون فاتتني
سعود:انا من رايي انكلم فواز ونستعيله بالموضوع عشان نقدر نتصرف قبل ردت عمي
صالح:خلاص الحين ادق عليه ....وخذا تليفونه ودق

صالح:السلام عليكم
فواز:وعليكم السلام حيالله عمي صالح
صالح:الله يحيك ..شلونك بواحمد وشلون الاهل
فواز:الحمدالله كلنا بخير
صالح:بواحمد اش صار على ليال ماعطتكم خبر
فواز:لا والله عمي ماقالت شي
صالح:وانا عمك حاول تاخذ الرد منها اليوم او باجر ....خوفك ابوك يرجع من السفر وخرب علينا كل شي
فواز:واذا وافقت اشلون نتصرف
صالح:انت اخذ الموافقه منها وخل الباجي علي
فواز:انشالله الحين اكلمها واشوف رايها
صالح:عطني خبر
فواز:انشالله
صالح:يالله مع السلامه
فواز:الله يسلمك


بيت احمد بوفواز
فواز:يمه وين ليال
حصه :فوق بشقتك....بغيت شي
فواز:اي عمي يبي عرف ردها الحين
حصه:بسم الله على الاقل عطوها مهله اسبوع
فواز:لا ماينفع لاتنسين ابوي بيرجع هل يومين وهوا مو راضي يزوجها
حصه:واذا كانت موافقه بتزوجونها قبل مايرجع ابوك
فواز:لا يمه بس عشان عمي يحسب احسابه ...لازم نتصرف قبل مايرجع
حصه:الله يستر ...انشالله ابوك يوافق وزوجها
فواز:انشالله...عن اذنج يمه بروح اشوف ليال
حصه:اذنك معاك

بشقة فواز
فواز:ليول انتي هني وانا قالب الدنيا عليج
ليال وهيا تلعب مع احمد:امرني بغيت شي
فواز:اي تعالي قعدي عندي ابي اكلمج بموضوع
ليال وهيا تقعد عند فواز:خير انشالله
فواز:ليال عمي صالح يبي يعرف ردج على الموضوع الحين
العنود:ليش الحين عطوها فرصه اتفكر
فواز:لازم نعرف قبل لايرجع ابوي من السفر
ليال:انا موافقه
العنود:ليول انتي متأكده
ليال:اي اهم شي عندي افتك من العيشه الي ابوي معيشني ياها
فواز:ليال انتي موافقه بس عشان تنحاشين من البيت
ليال:هذا سبب من الاسباب ...وانتو تمدحون فيه وايد ليش اطوف الفرصه من ايدي
فواز:ليول فكرتي عدل هذا زواج مو لعبه
العنود :ليول الزواج مو وسيله تتهربين فيها من حياتج
ليال:عنود الريال امبين عليه ولد حلال وخواني يمدحون فيه وانا ماأشوف فيه شي عشان ارفض
فواز:يعني انتي مقتنعه فيه
ليال:اي
فواز:اكيد
ليال:اكيد
فواز:على خير انشالله ...الله يوفقج وهنيج
العنود:آمين

فواز دق على صالح وعطاه خبر ...وسعود دق على طلال وقاله كل شي

فلة بوجراح
طلال:جراح قول حق امي ادق على اهل فواز
جراح:لا خل البنت اتفكر عدل
طلال:انا توني مكلم سعود وقول البنت موافقه
جراح:انت من صجك ماصارلهم يومين
طلال:اذا البنت موافقه ليش انطول بالموضوع خير البر عاجله
جراح وهوه يبتسم:تدري ماتوقعت انها بتوافق
طلال:لا توافق ونص انت جراح ال...
جراح:اي والله المهم الحين بكلم امي اتكلمهم ولا اقولك اخلي ابوي يكلم ابوها
طلال:ابوها بعده مارجع من السفر ...خل ابوي يكلم عمها
جراح:مو مشكله
طلال:الا ماقتلي اشرايك بختيار اخوك
جراح وهوه يبتسم:اول مره بحياتك تسوي شي زين
طلال:من صجج الحين كل الي اسويه مايي ابعينك
جراح:لا بس اختيارك غطى على كل تصرفاتك احسن شي سويته بحياتك

نهاية البارت

 

[سارووونه22]

الله وناسة وافقت الله يتمم عليها يارب بس مادري احس جراح فيه شوية غرور

 

[6amni bs]

رد : روايتي الثانيه (عهدي مع الايام)(واقعيه)

كلولولولوولولوش زين رضضضت
يعطيج العااافيه
كملي

 

[FinDi]

كملي حبوووبة
خوش بارت ^.^

 

[سارووونه22]

اب اب اب اب اب اب

 

[Cruella Devil]

wanasaaaaaaaaaaaaaaaa
allah ytamm 3alihum inshalla .. waiting waiting

 

[@أحلاهم وأتحداهم@]

البارت السادس


طلال:الا ماقتلي اشرايك بختيار اخوك
جراح وهوه يبتسم:اول مره بحياتك تسوي شي زين
طلال:من صجج الحين كل الي اسويه مايي ابعينك
جراح:لا بس اختيارك غطى على كل تصرفاتك احسن شي سويته بحياتك



العصر دقت ام جراح على ام فواز وتفقت معاها على كل التفاصيل ..أما الريايل صالح عطا كلمه حق ابو جراح انهم يملجون من يوصل ابو فواز من السفر الانه جراح مستعيل وايد


بيوم الي وصل فيه ابو فواز من السفر


فواز من فرحته بليال مانطر عمه صالح اي وقول حق احمد انه ليال انخطبة اهوا الي قاله..واحمد بدال لايفرح عصب وقلب البيت على راسهم

حصه:احمد الله يهداك ..ليش معصب جذي
احمد بصراخ:اشلون ماتبيني اعصب وعيالج ماحسبولي حساب
محمد:يبه انت على العين وراس
احمد يقاطعه بصراخ:اكلو تبن مابي اسمع صوت واحد فيكم
حصه:احمد العيال ماغلطو عشان تصارخ جذي البنت يولها خطاب ولمن شافت الولد وافقت
فواز:يبه الريال ونعم فيه محترم والكل يمدح فيه
احمد: عرفنه انه الريال محترم بس اختك مو مالت زواج
فواز:اي ليش عاد شلي ناقصها
احمد:هذي موكفو زواج ...انا ناقص فضايح
محمد:يبه ليال ماغلطة ...والعيب بيعقوب الترف
احمد بصراخ:لو العيب منه اشلون تزوج ولا عنده عيال ماتقولي شلون ترف
فواز:وايد اجنوس متزوجين وعندهم عيال ومحد حاس فيهم بلاويهم كله بره البيت
احمد بصراخ:انا قلت مابي اسمع صوتكم والزواج هذا مايتم وبشوف كلامي الي بيمشي ولا كلامكم



بليل ابيت صالح
فواز:عمي اقولك قلب البيت على راسنه وقال ازواج ماراح يتم
صالح:الزواج بتم وبموعده بعد وفوق كل هذا بكون برضاه
محمد:شلون وهوا موراضي وقول اختكم مومالت زواج
صالح:لاحوله ولا قوته الا بالله
فواز:عمي خوفك يأذيها او يسوي فيها شي
سعود:لا ماأتوقع يسوي شي اكثر من الحبس
صالح:انتو خلكم اهني وانا الحين بروح اكلمه ..وانشالله كل شي يصر مثل مانبي
فواز:عمي مافي وقت لازم انحل المشكله ابسرعه
صالح:لاتحاتي انشالله كل شي بينحل ...انا الحين اروح واتفاهم معاه



فلة ابو جراح
جراح وهوا داش البيت :السلام عليكم
الكل :وعليكم السلام
خالد:ياي من الشركه
جراح:لا يبه كانت بعشاء عمل
دانه:ههههههههههههه عشتو عشاء عمل .....قول عندي شغل
جراح وهوا يخزها:اقول لادخلين عصج بشي مايخصج فاهمه
هنادي بنبره حاده:دانه تكلمي مع اخوج بحترام
دانه :وانا شقلت
خالد:داني بابا جراح اخوج الكبير ومايصير تتكلمين معاه بهل اسلوب
دانه :انشالله
جراح:الله يعين فراس عليج وعلى اسلوبج...شكلج مابطولين عنده
خالد:يحمد ربه انه ماخذ بنتي وين بلاقي وحده مثلها وبأخلاقها
هنادي:اهيا لو تبطل اخبال اتصير شيخة البنات
خالد بحنيه:ياحلاتها وياحلات خبالها هذي دانه بمعنى الكلمه
كادي:الحين كل هل حجي الحلو حقها وانا بنت البطه السوده
جراح:والله البيت بدون بنت البطه السوده يصير كأيب ...انتي ضحكت البيت وروحه
كادي:حبيبي والله ...محد يرفع معنوياتي غيرك عشان جذي احبك اكثر من طلول بو دم اثقيل
خالد:الا طلال وينه مو مبين
جراح:طلال طالع مع ربعه
هنادي:اكيد طالع مع ربعه ...يعني مو طالع مع بنت ابليس
جراح:لايمه طلال مع احمد وبدر (ربع طلال من عمر وكله مع بعض وعرفون كل سوالف طلال وحنان )
هنادي :اكيد
جراح:يمه انا في مره جذبت عليج
هنادي:لا بس اخوك مايوز عن سوالفه
خالد:الله يهديه انشالله مادري لي متى بيظل على هل وضع
جراح:والله اذا تبون رايي زوجوه الي يبيها وريحوه ورتاحو
هنادي :هذا الي ناقص بعد مابقلى الا عيال الفقر
خالد:هذي ماتصلح اتكون مرة طلال
جراح:يمه ليال بعد مومن مستوانا وبنت فقر على قولتج
هنادي:بس ماتكلمك والبنت متربيه عدل واهلها ناس ونعم فيهم ..مو هذي استغفر الله لايبلانا سيرتها على كل السان
كادي:اصلن اهيا ميته على فلوسه
خالد:اكيد ماتشوفينها كل مابغت شي دقت عليه ..وطلال بس يدفع
هنادي :خلونا من سيرتها....اليوم يوصل ابو ليال
كادي:ياااااااااااي وناسه ماما بلييييز قوليلهم نبي حفله
جراح وهوا يبتسم:ليش تبين حفله
كادي:وناسه الحفله وفوق كل هذا ودي اشوفك كاشخ بالبشت
جراح:شوفي انا ماكنت ابي لاحفله ولا شي بس والله عشانج بنسوي حفله
هنادي:لا يمه بنسوي حفله محفوفه
جراح:اي احسن
كادي:الحفلات المحفوفه ارقى بس ماما ممكن اعزم ارفيجاتي
هنادي:لا يمه مانبي غرب
جراح:يمه خليها تستانس عزمي الي تبينه جم كدوي عندي
كادي:وحده...جراح الله لايحرمني منك
جراح وهوا يبتسم:آمين
خالد:الحين بس الله لايحرمج من جراح وحنه تنحرمين منا عادي
كادي راحت عند ابوها ولمته:وي الله لايقول انتو الخير والبركه انت عامود البيت وعامود قلبي
جراح:الا وين دانه مومبينه
كادي:دانه طالعه مع فراس
جراح:اممم ...الا متى بيتزوجون جنهم طولو بالملجه
خالد:يبيله شهرين وخلص بيتهم وبعدها يتزوج
جراح:خل يقعدون بشقه وبعدها ينتقلون
خالد:ابوه موراضي يقول البنت ماتقعد بشقه
هنادي:الحمدالله الله رزق بنتي ريل وحموله سنعين
خالد:ابو فراس طاير فيها وكل ماشافني مدحها
جراح:اكيد يبي مدحها تربية بوجراح لازم اتكون سنعه والكل يمدحها



بيت بو فواز

صالح :ياخوي لي متى بتخلي البنت ...ليش اتوقف نصيبها
احمد:خلها جذي احسن لها ولنا
صالح:بس انت مالك حق تمنعها من الزواج ...الله حلل لها الزواج وانت مايصير تتعرض مايصير اتوقف نصيبها
احمد:خل تقعد عندي الي قاعدين بيت اهلهم ماصارلهم شي ولا ماتو
صالح بنبره حاده:بس ليال يمكن تتعقد ولا بصير فيها بلا بسبتك ليل ونهار حابسها من الغرفه ..خلتها تخاف من ضلها ..بالله عليك الي تسويه صح
احمد:بنتي وانا حر بتربيتها
صالح بعصبيه:لا منت حر بتذبحها وتقول بنتي لا والله منت حر ...هذي بنتي مثل ماهي بنتك وليال راح تملج على جراح الخميس الياي
احمد:وانا قلت الزواج ماراح يتم
صالح ضل فتره ساكت عشان يهدا ولا يعصب اكثر
صالح بعد ماهدا شوي:ياخوي الولد انا اعرفه من سنين واخوه رابي مع سعود واهله ناس زيني نوانا اعرفهم عدل
احمد:العيب مو بالولد ليال ماتصلح لزواج
صالح:ترى ذبحتنا بهل كلمه شنو ماتصلح ليش اهيا شلي يعيبها كامله والكامل الله...وليال لاهي اول ولا اخر بنت ردت بيت ابوها بيوم عرسها وانت عارف كل شي بتفصيل
احمد:عارف بس كلام الناس موراحمني والله مالي ويه اطلع
صالح بدهشه:لا انت اكيد ينيت والله لو ليال بنتي افتخر فيها وامشي جدام الناس وانا رافع راسي ومايهمني كلام الناس الانهم يمشون وطلعون عيوب الناس وناسين عيوبهم
احمد:.......
صالح:احمد انت ترضى تكسر كلمتي جدام الريايل
احمد:لا والله مو انا الي يكسر كلمة اخوه الكبير
صالح:خلاص يعني احنا متفقين انا عطيت بوجراح كلمه يتم الزواج بنفس الاسبوع الي توصل فيه
احمد:عطني مهله افكر
صالح:مايحتاي اتفكر الولد واهله ونعم فيهم وعيالك يعرفونه عدل يعني مايحتي تسأل عنه انا والشباب ماخلينا احد الا وسألنا عنه بس الحين نبي موافقتك على الملجه
احمد:م واهيا بنتك خلاص املج عليها وخلك ولي امرها
صالح بنبره حاده:احمد انا قلت الملجه يوم الخميس واذا مارضيت انا بكون الي بزوجها




مر اسبوع على بيت بوفواز بمشاكل مالها اول وتالي ...ليال بالحسره عليها تطلع من الغرفه وكل يوم يسمعها اهانات وغير الطق الي تحصله .... ومن يصير اليل فواز ومحمد يدخلون الغرفه عندها بعد مايتأكدون ان ابوهم نام يقعدون يسولفون ويضحكون واغلب سوالفهم عن جراح ...وبنسبه حق بدلتها الي بتلسها يوم الملجه راحت السوق اهيا وامها والعنود بدون علم احمد وبوقت خروجه من البيت



بيوم الملجه
صالح كان خايف انه احمد يخرب عليهم كل شي ....اتفق صالح مع خالد ابو جراح على انهم يملجون بدون حريم ولا حفله الملجه لريايل بس وبيت صالح وثاني يوم يسون الحفله


فواز:عمي موجنه الملاج تأخر
صالح:اتلاقيه على وصول
طلال يساسر جراح:شعليه بعد اشوي بتشوف الحب
جراح اكتفا ببتسامه ..كان مرتبك شوي
طلال:جريح وين بتروحون
جراح:مادري
طلال:انا من رايي ودها الفندق اليوم وخلص
جراح وهوا يبتسم:من اولها
طلال:اي حار بحار
جراح:لايبه كل شي بوقته حلو

بهل وقت دخل الملاج وبعد السلام وسوالف وشرب الجاي ..بدت مراسيم الملجه وصارت ليال على ذمت جراح


عند البنات
رناد:انشالله مايصير شي ويملجون بهدوء
ليال:تتوقعين ابوي بسوي شي
آلاء:لا ماعتقد الان الموضوع صار رسمي ومومعقول بفشل عمي صالح جدام الريايل لو بسوي شي جان سوى قبل الملجه
العنود:لا تطمنو فواز توه مكلمني وقولي الامن مستتم
البنات:هههههههههههههههههههه
ليال كانت مرتبكه وريلها تهتز بقوه
العنود:ليول شفيج
ليال بخوف:مافيني شي
رناد:كل هذا ومافيج شي شوفي ريلج اشلون تهتز
ليال:خايفه شوي
العنود:لاتخافين انشالله مايصير شي انت اقري المعوذتين وانشالله بترتاحين

بدخلت فوازومحمد:السلام عليكم
البنات :وعليكم السلام
فواز:ليال اذا تكرمتي نبي توقيعج
محمد:نبي توقيعج الاصلي مو مزيف..باجر اتوهقينا مع جراح واصير انا زوجته مو انتي ..
الكل :هههههههههه
ليال خذت القلم من فواز وهيا ترجف وموقادره اتوقع
فواز:يالله ليول كله شخطت قلم
ليال:انشالله ..اوقعت ليال
محمد:كلوووووش
الكل:هههههههه
فواز:مبروك ياأحلى عروس
ليال وعيونها مليانا دموع وبنفس الوقت راسمه احلى ابتسامه على ويها:الله يبارك فيك
محمد:هذي دموع الفرح ولا حزن
العنود:لا فرح مو حزن
محمد:ليول لايطوفج شكل جراح هههههه مرتبك وخايف ويها احمر
رناد:عيل طافك شكل ليول وهيا خايفه وترجف
محمد:اممم تتشمتين بختي....وهوا رافع ايده... انشالله اشوف فيج يوم يارنود
العنود:فواز قول حق جراح اليوم مايشوف ليال باجر انشالله بالحفله
فواز:ليش
العنود:حلاته يشوفها اول مره وهيا على الكوشه
محمد:واذا اصر يشوفها
العنود:قولوله باجر قريب موبعيد ..زيعني ماتعرفون اتصرفونه
فواز:والله بحوشه احباط
محمد:ليول انتي ماودج تقعدين معاه
ليال ويها صار احمرونزلت راسها
محمد:عادي لاتستحين قولي جراح الحين ريلج
العنود:انا قلت باجر يعني باجر
محمد:عنود توني ادري انج نسره
فواز:لا حدك عاد العنود مافي اطيب واحسن منها
محمد:من يمدح العروس
فواز:ريلها
الكل:هههههههههههههه
محمد:يقولون امها مو ريلها
فولز:انا ومرتي ننياز امش خلصني خنروح انبشر جراح بالخبر
محمد:ههههههههههه بصوره وانت اتقوله

عند الريايل
الكل كان يبارك حق جراح والكل مستانس ماعدا احمد الي كان كاتم اعصابه ويحاول يبين عكس كل هذا

طلال:جراح ماتبي احد يسايركم بطلعه ترى انا حاضر
جراح:اقول انطم احسنلك
طلال:ههههههههه انشالله

بعد مامشى اغلب الموجودين من الاهل وربع جراح

محمد يساسر فواز:شوف شكل جراح جنه ناطر ليول
فواز:لا ماتوقع
محمد:متى ناوي اتقوله
فواز:الحين ...وقام....جراح ممكن اشوي
جراح:اي ..وقام معاه ...جراح كان متوقع انه بروح يشوف ليال الي كان يعد الايام عشان يشوفها
فواز:والله مادري شقولك بس طلبات الحريم غريبه شوي
جراح:لا عادي اذا ليال بخاطرها شي الحين يكون عندها
فواز وهوا يبتسم:الموضوع مو مثل ماأنت متصور ..... اليوم ماراح اتشوف ليال
جراح بستغراب:ليش
فواز:اقولك طلبات الحريم غريبه ...يقولون عشان باجر يشوفها على الكوشه ومن هل الخرابيط
جراح:اي بس الحين غير وباجر غير
فواز:والله مادري شقولك بس ليال حابه اتشوفها باجر
جراح بحباط:اذا هذي رغبتها مومشكله ننطر لي باجر ..بس اقدر اكلمها بتليفون
فواز:اي عادي هذي مرتك ومحد يمنعك عنها
جراح:خلاص عطها رقمي وخلها ادق علي
فواز:والله ماتوقع ليول اتسويها
جراح:ليش
فواز:اكيد تنحرج
جراح:خلاص عطني رقمها وانا ادق عليها
فواز عطا رقم ليال حق جراح وبعد ماطلعو الكل رد البيت

اساعه وحده بغرفة ليال
جراح دق على ليال
ليال من شافت الرقم ماردت وتحول على فواز الانها محولة على فواز من زمان بعد دقايق دق فواز على ليال
ليال:هلا فواز
فواز:ليول هذا جراح الي داق عليج ليش مارديتي عليه
ليال:مادري
فواز:الله يهداج احرجتيني معاه ...الحين يدق وردي عليه
ليال:ارد شقوله
فواز:ليول انتي ردي وخليه اهوا الي يتكلم وبعدها تطلع السوالف
ليال:انشالله...بهل وقت جراح دق عليها..فواز الرقم نفسه قاعد يدق
فواز:ليول اقولج هذا جراح ردي ولاطولين كافي ماخليتيه يقعد معاج
ليال:انشالله..وردت..الووو
جراح:السلام عليكم
ليال:وعليكم السلام
جراح:ليال
ليال برتباك:نعم
جراح:شلونج
ليال بحراج:الحمدالله
جراح:الف مبروك
ليال:الله يبارك فيك
جراح:انشالله احطج بعيوني وقلبي واسعدج
ليال:..........
جراح:الووووو..ليال معاي
ليال:اي معاك
جراح:كان ودي اقعد معاج اليوم بس ننطر لي باجر دام هذي رغبتج
ليال:.....
جراح:ليال ليش ساكته
ليال:اسمعك
جراح:تسمعيني ولا منحرجه مني ...انا ادري انج منحرجه بس ابي اسمع صوتج ماقدرت ارد البيت وانا مومكلمج
ليال كانت تسمع كلام جراح وهيا تحس انه الخوف الي فيها بدا يتلاشى ...عجبها اسلوبه وصوته وطريقته بالكلام
جراح:ليال
ليال:نعم
جراح:اشرايج امرج الحين ونطلع
ليال:لا ماقدر اطلع الحين خلها بجر
جراح:على راحتج
ضلو فتره يسولفون وبعدها
ليال:جراح انا طولت ولازم اصكره
جرح:حرام عليج بتخليني بروحي
ليال:لازم انام باجر وراي قعده من الصبح لازم اكون بطالون امبجر
جراح:والله ماودي اصكره بس مابيج تتعبين باجر ....بس بشرط من تقعدين من النوم ادقين على طول
ليال:انشالله
جراح:تصبحين على خير
ليال:وانت من اهله

جراح كان بسياره من صكه من ليال شغل غنيه الجسمي من فينا
كان مطول عليها ويسمع كل كلمه يقولها الجسمي وهوا ناطر الحفله عشان يشوف ليال



نهاية البارت

 

[أم@الحلوين]

مشكوووووره ع البارتات

 

[6amni bs]

رد : روايتي الثانيه (عهدي مع الايام)(واقعيه)

يعطيج العاافيه
وانشالله جراح يكون زين على طول مع ليال
كملي

 

[Miss.blue berry]

رد : روايتي الثانيه (عهدي مع الايام)(واقعيه)

نـاطرين البارت الياي ~~