روايـتي الـثانـيـة:- ^^ صـر ((نـفـس)) خـة^^ واقـعيـة 100%

[عاشقه رويشد]

ما قصرتي ناطرينج ودي اعرف شنو راح يصير

 

[Babya Doll]

يعطيييج العاااااااااافية

 

[toutiiii <3]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

Naaaaaaaaaaa6reeeench Om jasoom

 

[teen girl]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

يسلمو يسلمو يسلمو ام جسوووم
ونااطرييينج خيتوو

 

[so_what]

يسلمووو على البارت

 

[FinDi]

Waaaaaaaaaw 5oosh part
Kmlay 7boba

 

[Riooma]

na6reeeeeeeeeeeeeeeeeeeeeeeeeeeeeeeeeeeeeeeeeeeeeen

 

[انين الانتظار]

ناطرينج

ام جسوم لاطولين الرواية اكثر بمنمل حاولي تخلصينها قبل الدومات اذا ممكن

وبس

وثااااااااااانكس^_^

 

[سارووونه22]

ناطرينج حبوبة

 

[بنوتة عراد]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

ام جسوم حبيبتي لا تاخرين علينه ناطرينج

 

[*احلام*الدجى*]

كللللللوووووووش زغرطي يختي

هالبارت يونس كل شي فيه حلو عقبال العرس عشان نزغرط عدل

يالله يا عسل كملي

 

[غــلآهاا غير]

ويتنق

 

[so_what]

waiting

 

[عاشقه رويشد]

ناطرينج فديتج

 

[سارووونه22]

ناطرينج

 

[shwarfiskiya]

plz kmleeha wnbi part 6weeel

 

[امـ جاسـم]

بـسم الله الــرحمـن الـرحيـم ..
الـبارت الـحادي عـشـر :-
قرى قاعده تقرا مجلة دخلت عليها امها ..
ام شيخه:شلوونج يماا ..
قرى:هلا يما
ام شيخه:شفيج كلا قاعده بروحج ويهج جنا ليمووونه وايد اصفر شفيج حبيبتي ؟؟
قرى ماتدري ليش خافت:ماكو يما مافيني شي ..
ام شيخه:علي انا ؟؟
قرى نزلت راسها ..
ام شيخه:شفتي ان فيج شي .. ما تقدرين تخشين عني يا يما .. قوليلي صاير شي بينج وبين وليد ؟؟
قرى:لا
ام شيخه:عيل شفيج ؟؟
قرى:يماا انا ...
ام شيخه:انتي شنو حبيبتي ..
قرى قامت راحت صوب الدريشه ..
ام شيخه:خرعتيني قرى تحجي شفيج شصااير ؟؟
قرى تفرك بايدها ومنزلا راسها:يمااا انااا ح ح،،ممل حااا مل
ام شيخه:شنوووووووووووووو؟؟ ليششش يا قرىىىى انا مو قتلج دييري بالج يصير شيييي بينكم ....؟؟؟
قرى:اوووه يما شنو يعني ريلي وانا ما سويت شي غلط ..
ام شيخه:ادري ريلج وادري ما سويتي شي غلط .. بس يا يما انتي يا دووبك شهر الي عرفتي في .. ماتعرفين اطباعه وماعاشرتي .. الحين تحملين ؟؟ بالله لا سمح الله ما صار نصيب بينكم ما فهمتو بعض ما توافقتو ويا بعض شيصير بالياهل مو حرام يضيع بينكم ..
قرى:بس انا احب وليد و وليد يحبني ما اعتقد يصير كل الي قلتي ..
ام شيخه:انا ما قلت اكيد بيصير بس ما تدرين يا يما ..
قرى:الحين شسوي يما ؟؟ انا حاسه ان تو الناس على سوالف اليهااال احنا ليلحين ما سوينا عرس حتن ..
ام شيخه تلم قرى:يا يمااا الله كاتب هالشي وما تدرين شنو خاشلنا الزمن بعد .. الله يثبتا انشالله وييبا بالسلامه ..
قرى:انشالله ..
ام شيخه:قوليلي صارلج من متى حامل ؟؟
قرى:شهر ..
ام شيخه:زين يا قلبي انشالله اشوفلج خوش دكتورة وتراجعين عندها ..
قرى:يما ابوي راح يدري ؟؟
ام شيخه:هاا شلون يعني اكيد .. وخواتج وكل اهلنا بنفرح يا حبيبتي ..
قرى:يماااا لالا فشلاا مو الحين ورا العرس ..
ام شيخه:هههههههههه براحتج حبيبتي ..
قرى ابتسمت لانها حست ان هم ونزااح عنها ..

الاء ومشعل وحسين كانو طالعين .. وهما يتمشوون شافو سمر طليقت مشعل ..
سمر:هااي شلوونك مشعل ..
مشعل:هلا ام حسين ..
الاء تخزها ..
سمر:ما عرفتنا عالاخت ..؟
الاء:انا مرتااا الاء ..
سمر:اهاا تشرفناا .. (اطالع مشعل)حسوون ما قالي انكم هني ..
مشعل:اي حبينا نغير جو ..
سمر:اوكي عيل اشوفكم على خير ..
مشعل:الله وياج ..
الاء:ويع ما حبيتها ..
مشعل:ههههههههههههه يا حبكم حق هالسوالف ..
الاء:والله صج حسيتها ما تنبلع ..
مشعل:انزين امشي امشي ..

بو شيخه قاعد ويا جمال بالغرفه ..
بوشيخه:والله يا دكتووور وافقت ؟؟؟؟
جمال:اي عمي وافقت ..
بو شيخه:وشلووون ومتىى .؟؟
جمال:امس .. انا من قبل تقريبا شهر فاتحتها بالموضوع وامس قالتلي انها موافقاا ..
بو شيخه:زيييين عالبركه انشالله الله يكتب كل الي فيه الخير يا وليدي .. وينها عيل شيووخه خلني اشوفها ..
جمال:شيخه بالغرفه .. بس يا عمي انا بغيت استاذنك ان نييب الوالده ونخطب شيخه رسمي ..
بو شيخه:اي طبعا حياكم الله ..
جمال:خلاص عيل انشالله باجر بعد المغرب احنا عندكم ..
بو شيخه:تنوروون ..
راح بو شيخه حق شيخه وقعد يسوولف وياها بعدين قالها : سمعي يا يباا .. انتي الحين وافقتي على الدكتور جمال والدكتور جمال والنعم في اصل وفصل وخوش ريال الكل يتكلم بسمعته الطيبه .. بس يا يبا ابيج تفهمين ان لو انتي مو مرتاحه من هالزواج وتحسين انج متردده ترا يا حبيبتي الزواج مو غصب تقدرين تغيرين رايج ومحد بيوقف بويهج .. وان كنتي موافقه وما بذنج ماي فالف مبروك يا بنتي ويكتبلج السعاده مع الدكتور جمال ..
شيخه كانت مستحية ومستانسه:لا يبا انا موافقه وانا فكرت عدل والدكتور جمال طيب وحبووب وانا وايد مرتاحتله ..
بو شيخه باس راي بنتا:عالبركه عيل .. انشالله باجر بيوون البيت يخطبونج رسمي وانا باخذج معاي اليوم قعدتج بالمستشفى احس ان مالها داعي خلاص تعافيتي الحمدالله .. بس يبون يتاكدون ان كل شي فيج اوكي بس انا باخذج اليوم عشان تزهبين روحج حق باجر وباجر انشالله اردج ..
شيخه:الي تشوفه يبا ..
بو شيخه:يالله يا يبا قومي زهبيلج جم غرض عشان نمشي ..
شيخه:انشالله يبا ..
خذت شيخه اغراضها وراحت ويا ابوها البيت اول ما دخلت لقت امها وقرى قاعدين يطالعون تلفزيوون ..
ام شيخه:وي وي وي وي شهالنوور الي دخل علينا كللللللللللللللليييييييييش شهالزين يايتنا شيووخه تزورنا اليوم هلا هلا هلا بنتي حبيبتي شلوونج يا يما ..
شيخه تلم امها:الحمدالله يما انا بخيير ..
ام شيخه:اشوف جنطه بيد ابوج ؟؟ شهالجنطه ..
بو شيخه:اليله بتبات هني شيووخه لانه باجر ياييلها خطاب ..
قرى:نعم ؟؟ حق منو خطاب ؟؟؟
شيخه طالعت قرى بنظرة استحقار:حقييي ...!!
قرى:انتي ؟؟ منو هذا ..
ام شيخه:اكيد الدكتور جمال ..
شيخه نزلت راسها:اي
قرى:منو هذا يما ؟؟
ام شيخه:هذا دكتور شيخه بالمستشفى ..
قرى:اييييي
ام شيخه:تعالي يما قعدي ليش واقفه ..
بو شيخه:يالله هذي شيخه وصارت عندج ابيج تضبطينها حق باجر يالله مع السلامه ..
ام شيخه:انشالله من عيوني ..
قرى:يما انا بطلع ويا وليد ..
ام شيخه:ماشي يما وشوي شوي على نفسج انتي حامل يما مو زين عليج الحركه وايد ..
شيخه منصدمه:منو حااامل ؟؟
قرى:يماااااا احنا شقلناااا اوووووووووف
ام شيخه:شنو يعني هذي اختج ان ما درت اليوم بتدري باجر ..
شيخه:مبروك قرى ..
قرى:يبارك فيج عن اذنكم (بنفسيه) ..

المغرب في بيت مشعل والاء ..
الاء طالعت الجيس ولقت في جيس صغير في بودرة بيضه .. استغربت شنو هذا ؟؟ شكت ؟؟
الاء:هييييييييييييييييه لايكوون مخدراااات ؟؟؟؟؟؟؟
مشعل ينادي الاء:الووووووووووووء
الاء بسرعه دخلت الجيس مكان وبدخلت مشعل ..
مشعل:حبيبتي انتي هنيي .. (كان بلمها)
الاء وخرت:آآآآه لا تقرب صوبي ..
مشعل:ها ؟؟ ليش ..
الاء:آآآآ بس
مشعل:شفيج الاء شصايرلج ؟؟
الاء:ولا شي .. بس !!
مشعل:بس شنوو (طالع الدرج مبطل شوي بسرعه راح صوبه ..)
الاء:مشعل انته مدمن ؟؟؟
مشعل صكها طراق:جببببب جببببب لحد يسمعج وان قلتي حق احد ولا بطلتي حلجج بتشوفين شي عمرج ما شفتييي فاهمه ..
الاء تبجي وحاطه ايدها على خدها:انا مابي اقعد هني ابي اروح عند اهلي ماابيييك ..
مشعل مسكها من زندها:سمعيني زييين حركاتج هذي مو علي انا .. عقلي وقعدي فبيتج احسنلج ..
الاء:انته مدمن انا مو مامنه فيك شلون تصير ابو شلوون ؟؟ لا انا مو مصدقه .. مخدرات مره وحده (تبجي)
مشعل طلع من البيت بسرعه والاء ضلت تبجي ..

وليد وقرى توهم طالعين من السينما ..
وليد:ها ياحلوة مو مشتهيه شي ..
قرى بدلع:امبلااا ..
وليد:اممري شنو تبين ؟؟
قرى:امممم فراولة ..
وليد:هاااه !!
قرى بدلع:اووو وليييد اقوولك فرااولة ..
وليد:يااا بووووي
قرى:هههههههههههههههه
وليد:احبج والله احبج فديتج وفديت ضحكتج !!
قرى:بعد عمري ..
وليد:هااااااه ؟؟
قرى:ههههههههه امبيه وليد شفيييك ؟
وليد:امشي امشي بسرعه ..
قرى:هههههههههههههههههههههه ..
ردت قرى البيت وسولفت ويا وليد ونامت ...

في غرفة شيخه كان الوضع غير دموووع وحزن والم .. كانت تشوف صور فارس ورسايله وتبجي .. تذكر كل شي كل الي راح .. تذكرت لمن كانت تقعد على السرير وتكلمه .. وتذكرت لمن كانت تتهاوش ويا عند الدريشه .. وتذكرت لمن كان يحن عليها قوليلي احبك على الغنفه .. ايام حلوة كانت .. بس اهيا ما تبي الصور ولا الرسايل لا الذكريات .. تبي شي يديد شي يشيل الحزن الي في قلبها وينسيها كل الي راح ..

تِسافِر لآخِر الدنيَا ..
وتطلبْ منِّي ماأشتَاق..!
تدورْ راحتِي وأنتَ تبِي تروح وتخلِيني..
شسوي بـ صورتِك عندِي شسوّي بكل هالأوراق..
اذا يغنِيك عنِي شي فلا شَي عنك يغنِيني..!
شسوِّي لاوَلهْ قَلبِي على قَلبِك وصَدري ضَاق
شسويِ ان صَارت الدنِيا صغيِره بعدك بعينِي..!
من أشرح له من احكيله من أشكيله ألم الفراقْ
ومِن غيرك في هالعَالم يعرف شلونْ يهدِيني..؟!
تخيل غيِبتك عني
تخيل حرقَه الـ أشواق
وتعرِف ليه أترجاك
ايدينك تبقَى بيدينِي..
حبيبيِ لا تخلِيني
عذاب الـ وحدَه ماينطَاق
ذبحنِي الخوف من الفَرقا
ويالِيتك تحس فِيني..!

غمضت شيخه عينها على الذكريات الحلوة .. ونامت ..
الصبح في بيتهم ..
ام شيخه:يالله يما شيووخه قوومي يا قلبي ..
شيخه بطلت عينها:صباح الخير يما !!
ام شيخه:صباح الورد يا قلبي ..
شيخه:الساعه جم ؟
ام شيخه:10 حبيبتي يالله قومي عشان نتريق ونروح السوق .. بعدها الصالون ..
شيخه:يما ماله داعي ..
ام شيخه:هااا شنو اهوا الي ماله داعي يالله يا قلبي قوومي حبيبتي ..
شيخه:انشالله يما ..
قامت شيخه غسلت وبدلت ونزلت لقت امها وابوها وقرى على السفرة ..
شيخه:صباح الخير (باست راس امها وابوها )
بو شيخه:هلااا بالقمر هلا بشيخة البنات ..
شيخه:هلا فيك يالغالي ..
بو شيخه:يالله يبا اكلي وتغذي عدل
شيخه:انشالله يبا
بو شيخه:ها يا ام شيخه بتودين شيوخه اليوم السوق وابيج تشترينلها كل الي بخاطرها ماتبخلين على بنتي بشي ماشي..
ام شيخه:انشالله ياالغالي ..
قرى وهيا تقطع الخبز:ايييي مو انا راحت علي خلاص ..
بو شيخه:شهالحجي يا قرى .. كلكم واحد عندي
قرى:اي يبا واضح
بو شيخه:يالله انا ماشي تبون شي ..
الكل:سلامتك
بو شيخه:يالله مع السلامه ..
الكل:مع السلامه
ام شيخه:ها قرووو بتيين ويانا
قرى:لا بروح ويا وليد انقي المطبخ ..
ام شيخه:ماشي عيل يالله شيوخه يما اكلي وروحي بدلي ..
شيخه:انشالله ..
خلصت شيخه وراحت ويا امها السوق وشرت كل الي بخاطرها ملابس ومكياج وجواتي تكرمون .. بعدها راحت الصالون حفت وسوت شعرها ستريت .. كانت تبي تطلع على طبيعتها ما تبي شي زود .. ردو البيت بدلت شيخه وقعدت اطالع روحها بالمنظرة ..
شيخه:الله يكتب الي فيه الخير يا رب ..
المغرب وصلو ام جمال ومرت اخو العود واختا الي اصغر منه ويدتا ام امه ..
وام شيخه واختها سميرة وخوات شيخه الكبار والاء كانو موجودين ..
ام شيخه:نورتووناا حبيبتي ..
ام جمال:بعد عمري ما تقصريين ..
بعد ربع ساعه دخلت شيخه والكل كان يطالع انوثتها وجمالها البريئ ..
ام جمال:هلا والله هلا بجنتي الحلوة
شيخه مستحيه ومنزلا راسها:هلا خالتي
شيخه كانت بسيطه وايد كانت لابسه نفنوف عادي ابيض ويا اكسسوارات ذهبيه وشعرها ستريت عادي ومو حاطه الا مسكره وحمرة خفيفه ...
ام جمال:يا زينج يا شيووخه والله يعرف يختار ولديي ..
شيخه:مشكورة خالتي ..
ام جمال:مثل مانتي تدرين يا ام شيخه احنا يايين لشيووخه وطالبينه لولدنا وحنا داريين انكم موافقين واحنا موافقين .. وييتنا هذي لتعارف ولطلباتكم .. واذا انتو تبون وقت تسالوون ترا ما عندنا مانع ..
ام شيخه:احنا نعرف اصلكم وفصلكم عدل يا ام جمال وما سمعنا الا كل خير ..
ام جمال:بعد عمري ما قصرتي عيل على جذي احنا متفقين .. امرو شنو طلباتكم ..
ام شيخه:والله ما عندنا طلبات احنا ندور الريال وجمال سمالله عليه كامل والكامل الله اخلاق ورجوله وشهاده ولله الحمد ما سمعنه الا الخير عنا ..
ام جمال:والله احنا بعد ما سمعنا عنكم الا كل خير .. وانشالله ما نختلف المقدم 10 الاف والماخر 5 الاف ..
ام شيخه:ما قصرتي يا ام جمال ومثل ما قتلج نشتري الريال غير هذا مايهمنا ..
ام جمال:على بركة الله .. والسكن بيكون عندي ابو جمال الله يحفظه مخصص حق عياله شقق فوق وانشالله بتكفيهم ..
ام شيخه:اي والله جذي اكون مطمنه اكثر انها طلعت من بيت امها ودخلت بيت امها الثانيه ..
ام جمال:بعد عمري والله .. انشالله متى تبون الملجه ..
ام شيخه:والله مثل ما تحبوون..
ام جمال:والله جمال مستعيل وايد الله يهدا .. انقول بعد اسبوعين زين .. والعرس بعدها انشالله نتفق ..
شيخه تدخلت:انا مابي عرس ..
ام جمال:ليش يما نبي نفرح فيكم
شيخه:ما عليه خالتي نسوي حفله صغيرة ..
ام جمال:الي يريحج حبيبتي .. عيل الملجه والعرس ويا بعض انشالله ..
ام شيخه:متفقين انشالله
ام جمال:عيل سمعونه اليباب ..
الكل:كللللللللللللللللللللللللللللللللللللللللللللللللللللللليييييييييييييش ..
شيخه خنقتها العبرة كانت بتبجي بس مشكت روحها وام شيخه ما قدرت قعدت تبجي وتبوس بنتها ..

في بيت جمال ..
جمال:يعني بعد اسبوعين شيخه بتي هنيييي بيتنا ..
ام جمال:ههههههه اي يما اتفقنا العرس والملجه ويا بعض ..
جمال:هياااااااااا
ام جمال:استح على ويهك شكبرك انته ..
جمال يبوس راس امه:بعد عمري يا يمه بدوونج جان ما صار شي ليلحين ..
ام جمال:هههههههههه انزين انزين خف على البنيه ..
جمال:انشالله يما ..
ام جمال:اهيا متى راح تطلع من المستشفى ؟؟
جمال:عقب باجر بقررون الاطبه اذا بتقعد ولا تطلع .. بس انا اقول يطلعونها لانها وايد خفت والهلاوس ما قامت تيها الحمدالله بس ساعات تفضل انها تقعد بروحها وايد ..
ام جمال:الله يشافيها انشالله .. والله يا يما البنيه جميله وخلوقه سمالله عليها بس مهي صاحيه والله كان ودي لك بلي احسن منها ..
جمال:لا يمه لا تقولين عن شيخه جذي والله ماكو مثلها قلبها قلب ياهل ما تعرف شي عن هالدنيا ولا تبي تعرف .. والله يا يما لو عرفتيها عدل بتحبينها ..
ام جمال:يا يما انا ما قلت شي وانا حبيتها بس انته ريال وتبي من يخدمك وحطلك وشيلك شلون تبي تاخذ وحده مريضه باجر لا سمح الله تنتكس حالتها ولا شي ..
جمال:سمالله عليها يما هالحجي الحين ما ينفع خلاص شيووخه بتصير مرتي انشالله ..
ام جمال:الله يوفقك يا حبيبي ..
جمال:اي يمي دعوااتج الله يخليج ...
ام جمال:كل يوم يا حبيبي ادعيلك انت وخوانك الله يهدي سركم ويقدملكم كل الي فيه خير لمصلحتكم ويرزقكم ويبعد عنكم عيال الحرام ..
جمال باس راس اما:الله يخليج لنا يا الغاليه ..

مـع تحـياتي ,,
امـ جاسـم : )

 

[6amni bs]

رد : روايـتي الـثانـيـة:- ^^ صـر ((نـفـس)) خـة^^ واقـعيـة 100%

يعطيج الف عافيه ام جسوم
وقرىىى انشالله مو جذييي خوو اختج
كملي كملي

 

[حنطاويه عسل]

البارت رووووووووووعه
ثانكس
بس حيل صغير البارت :>
ناطرينج

 

[Riooma]

laaaaaaaaaaaaaaaaaaaaaaaaaaaaaaaaaaaaaaa2 abi part ba3ad plz plz plz