** البارت الثاني ....
ريم : خالد شفيه
نور: ريم سكتي تكفين
نوف : نور شفيج
نور : وين امج دقيتي عليها
نوف : اي ماترد
نور : اي كيد ما ترد خليها بعروسها و طلعاتها
نوف : انتي شفيج حمقنا علينا و بعدين انتي ااختي العوده وما احب اطول لساني عليج احترمني على الاقل .
نور : لا طولي انا ابيج طولينه عشان اقصه لج قص ما بقا الا انتي تحجين انا اقول جابلي كتبج وايد ارحملج و لسانج خليه بحلجج سامعه
ريم تبجي : بـــــــــــــــــــــــس تكفون بس ارحموني ريلي بين الحيا والموت وانتو تناجرون سكتو بس سكتو
نور : استغفر الله
وصلو المستشفى وكان محمد ناطرهم عند الباب فتحو الاسعاف نور شافت محمد
محمد : جهزو الغرفه بسرعه
نور : محمد الحقني
محمد : لا تحاتين انتي هدي بالج ان شاء الله ما فيه الا العافيه ودربالج عبى نفسج لا تنسين روحج .
يمشون لي غرفه الفحص و كشفو عليه كان نبضض قلبه خفيف فاضطرو يعطونه ابره تقوي نبضات قلبه و حولو للغرفه الملاحظه
وسو له اشعه بعرفون سبب اغماءه
ريم تبجي و حالتها حاله قاعده على الكرسي و كل ما فيها يرجف ماسكه القلاده اللي فيها صرت خالد و صورت بنتها و تدعي الله يقومه بالسلامه
نور تروح صوب ريم و تلمها : حياتي بس مو زين ان شاء الله ما فيه شي هدي بالج حبيبتي
ريم بصعوبه : ن و ر مو قادره اتنسم
نور ما سمعتها : شدي حيلج للحين بروح اسال الدكتور عنه لا تحاتين
وخرت عن ريم ولا تطيح بالكرسي
نور : رييم قومي ريم دكتور احد ايي يشوفها ما تحرك
جولها دكاتره و اخذوها يفحصونها
نوف : يالله يا ربي لا اسالك رد القضاء لكني اسالك اللطف فيه يالله يربي تهون عليهم يالله يا ربي تهون عليهم يالله يا ربي انت القادر الجبار يالله يا ربي تهون عليهم ( وتبجي تبيجي يقطع القلب )
نوف : نور
نور : هلا
نوف تروح تلم نور : قلبي يعورني نور خايفه
نور عورها قالبها على اختها حست انها قست عليها وايد : بس حياتي هدي بالج تكفين مو ناقصه انتي بعد تطيحين بس ماكو الا الخير ان شاء الله
نوف : انا اسفه نور والله ما ادري شنو كنت اقول انا اسفه
نور :خلاص حياتي انسي لا تحطين ابالج اهم شي ريم و خالد يقومون بالسلامه
رن تلفون نوف ( يلوموني يلوموني ولا يدرون ماهو سري المفتون ) نوف : هذي امي
ام خالد : هلا حياتي شلونج
نوف تبجي : ماما لحقيني خالد و ريم بالمستشفي
ام خالد وبرود اعصاب : ليش شفيهم
نوف : ماما ما ادري نور شافت خالد طايح بالشارع مغمي عليه و ريم ما تحملت و طاحت واثنينهم ما ادري شفيهم تعالي بليز i need you mom
ام خالد : ok sweeti i will be there dont worry
نور : see you
نوف :ماما كاهي ياياه
طلع محمد نوف و نور راحو صوبه
نور: ها بشر
محمد : مافيه شي صحه الليحن و حاطينه بغرفه الملاحظه و بنسوي له اشعه و فحوصات مافيه الا العافيه لا تحاتين
نور : مشكور محمد
نوف حست بشي غلط وشلون تكلم محمد و شلون كن ناطرهم عند الباب
نوف : انتي تعرفين الدكتور
نور حست انها شوي وتنفضح : اي هذا اخو رفيجتي اهو اللي طلب الاسعاف
نوف ولو انها مو مقتنعه : اها يعطيك العافيه مشكور
نور : انا بالخدمه ما سويت الا شغلي
وصلت ام خالد : السلام عليكم
نوف تركض لامها : ماما
ام خالد : شصار
نوف : الحمدالله مافيه شي بس بسوله فحوصات و اشعه
ام خالد : و ريم
نور : اي دكتور محمد زوجت المريض طاحت و مادري شصار عليها
محمد : اللحين اشوفها و اخلي دكتورها يطلع يعطيكم المعلومات عنها
نور : مشكور
محمد : العفو ما سويت الا شغلي
محمد : اممم انسه نور عندي بعض الاساله ممكن تتفضلين معاي
نور : اي اكيد
ومشوا
محمد : تعالي مكتبي
نور : شفيك
محمد : مشتاقلج
نور : والله انك انسان فاضي
محمد : نور شهالكلام
نور : اخوي بالمستشفى و مرته مااادري عنه وانت تعالي مكتبي ابي اكلمج
محمد : تدرين شلون انا الغلاطان عن اذنج
ومشها عنها
نور حست انها زودتها شوي : محمد اسمعني محمد
لكنه ما رد عليها ومشه
الدكتور : انتي حامل يامدام الف مبروك
ريم بين تفرح وبين تبجي كان ودها خالد يكون معاها مثل ما كان معاها لمن بشرهم الدكتور انها حامل بريماس : الله يبارك فيك ممكن اسال من متى الحمل
الدكتور : من 7 اسابيع
طلعت ريم من الدكتور واهي تبجي راحت تحت لنور
نور : الحمداللله على السلامه
ريم : الله يسلمج
نور : تبين تشوفين خالد
ريم : اي بليز حيل محتاجته
نور : تعالي حياتي
راحو لمحمد عشان يعطيهم الاذن
نور : السلام دكتور ممكن ريم تشوف خالد
محمد : اي نعم تفضلو
ومشو لين غرفه خالد ريم اول ما شافته بجت حيل و دموعها اربع اربع دخلت له ووقفت يم الباب تشوفه من بعيد و تبجي بدون صوت وتشهقت
نور ومحمد ناطرين بره محمد يلعب بتلفونه ونور تشوفه
نور : محمد
محمد : هلا
نور : زعلان
محمد : لا مو زعلان عن اذنج بروح عندي شغل
نور : محمد لا تروح عفيه
محمد : هلا نور شنو شعندج
نور : انا اسفه حقك علي
محمد : مابي زعلان
نور تعكف ويها و تقلد محمد : مابي زعلان
محمد مات ضحك عليها
نور : الزعلانين ما يضحكون
محمد: بضحك
نور : الحمدالله و الشكر مينون
محمد : ابي ازعل عليج لكن ما اقدر عياره
------------------------------
حور : انتي شتسوين
امنه : بسوي مصيبه كبيره
حور : ليش تصورين البنت
امنه : عشان اناسب بيت ال .. يا حلوة
حور : منو هذي نوف ولا شريفه
امنه : شريفه
حور : الله واكبر ما هقيتها تي حفلات كبليز
امنه : اي وما يت الا حفلتي والله مسويتلها مصيبه كبر راسج
حور : اممم كفو عليج تعجبني
امنه : افا عليج
كانت شريفه بوضع محرج للبنت الخليجيه كنت ترقص مع شاب و اهو ماسكها بكل مكان وجدام الكل يبوسون بعض وبمنظر غير شريف و يقتربون من بعض كان الوضع جدا مخجل
كانت امنه متفقه مع راشد " اللي مع شريفه " انه يحاول يشيل القناع باسلوبه الرومانسي عشان تصورها و بالفعل صادت الصوره واضحه ويبين انها شريفه .
-------------------------------
ريم تقربت من خالد و قعدت يمه بالسرير ماسكه ايده وحاطتها على بطنها : خالد حياتي
قوم انا مالي بدنيا سواك
خالد انا حامل ارجوك قوم مابي الياهل بدونك مابي عيالنا يعيشون بدون اب
خالد ارجوك خلك قوي وقاوم التعب
خالد انا شلون اعيش بدونك
وسكتت فجاه " تخيلت حياتها من دوم خالد شلون بتكون "
كان تبجي بصوت عالي وشهقاتها عاليه حيل الكل يسمعها
ريم : خالد قوم مابي حياتي بدونك خالد انت ابوي واخوي وزوجي انا تربيت على ايدك
خالد لا تخليني خالد قوم
نور : شالصراخ
يركضون لغرفه خالد ريم منهاره وتصرخ
محمد : ريم مايصير جذي الله يهداج شقاعده تسوين
نور تروح وتشيل ريم طلعها بره
ريم : نور قعديه قوليله مابي حياتي من دونه نور وخري عني روحي قعديه لا تلمسيني وخري عني ابي خالد لا تطلعوني قوموووا انت مو دكتور قومه لا ينام بس نام وايد خل يقوم انا ابيه محتاجتله مابي عيالي يتيتمون مابي يعشون من غير ابوهم قوموه
وتصرخ من قمت راسها : انتو شفيكم قعدو قتلكم قعدووه
ريم من التعب طاحت بالارض ونور امسكتها
ريم وتحط ايد نور على بطنها وبصوت خفيف : نور انا حامل مابي وليدي يعيش من غير ابوه
نور تهدي ريم وتبجي : بس حياتي ادري فيج حاسه فيج بس خالد ما فيه شي بقوم بس هدي بالج هدي مو زين للبيبي
ريم بهدوء : انا احبه مابي انحرم منه بعز شبابنا
نور : بس حياتي هدي هدي
محمد يشوفهم وساكت عوره قلبه على ريم وشلون تبجي و شلون فقدت اعصابها على زوجها
محمد : ريم ما اقدر اخليج مع خالد اذا عصبتي مره ثانيه لانه مو زين له انتي تحبين خالد و الراحه اهم شي لحالته لا تزعجينه مو زين تسوين بروحج جذي هدي بالج وطلبي من الله انه يقومه بالسلامه
جابو لريم سرير يم سرير خالد و خلوها ترتاح فيه نامت بدون لا تحس بروحها من التعب
محمد : نور
نور : هلا حايتي
محمد : لو انا مكان خالد بتسوين اللي سوته ريم
نور : شهالكلام انت ليش تقول جذي ليش تفاول على روحك ( وتقعد تبجي )انت
محمد : ها ها شفيج تبجين يا سوال رد مكانك يبه هدي بالج مو زين للبيبي يا بنت الناس
نور : محمد انا بدونك ما اعيش
محمد : وانا بعد حبي
دكتور سامي : دكتور محمد ممكن دقيقه
محمد : اي تفضل
دكتور سامي : هذي نتايج فحوصات المريض خالد ال... و الاشعه تفضل
محمد : مشكور يعطيك العافيه
محمد فتح الفحوصات ولمن راح الدكتور راحت لها نور
نور : ملوت خالد
محمد : اي
نور : شتقول
محمد : ههههه حياتي نطري شوي اشوف
فتح الاشعه وقعد يطالع الاشعه و منصدم و مايدري شقول
نور : محمد شنو
محمد : ها
نور : شنو بالاشعه
محمد : امم ها
نور عيونها تدمع : شنو ها شفيه خالد
محمد رد الاشعه بالملف ورفع شعره لي وره ومسح ويه بتعب : نور
نور : شنو نور محمد تحجي اخوي شفيه
محمد : خالد خالد مادري شقولج
نور : شنو قووول وقفت قلبي
نهايه البارت الثاني ...
اولا : تتوقعون امنه شنو بتسوي بصور شريفه ؟؟
ثانيا : خالد بالحيا و الموت شريفه قالت بتناسب ال ... لو مات خالد شنو بكون مطالبها .؟؟
ثالثا : ليش خالد للحين ما قام معنه كلام الدكاتره انه بخير ومافيه شي ؟؟
رابعا : شنو فيه خالد وليش محمد منصدم من الاشعه و ليش توهق وام قدر يقول لنور ؟؟
تتوقعو خالد بموت ؟؟
كل هذا بنعرفه بالبارت الثالث ..
تحياتي : أريج الكويت
