روـآيتــي الخـآمسـُـه { آهــُ .. يـْـآ جًــرٍوحـُــيْ } .. للكـــآتبــه :gala q8

[Zhoor el7lwa]

يسلمووو بس نسيت جم عمر رغد و فاطمه و دلال؟؟>>>لوووول

 

[gala q8]

رغد و فاطمه و دلال (( 17 )) سنه ...

شيمـآء ((18 )) سنه ...


نورتتـــووووـآآ فديتكم ..

 

[princess roro]

Waiting 7oobi



 

[Zhoor el7lwa]

مشكوره حبيباي ع التذكير...ناطرينج

 

[Zhoor el7lwa]

حبيبتي>>>لوول طوفي البدليات

 

[gala q8]

لووووووووول عادي عادي طاااف

 

[gala q8]

....

البارت التآسع

....


طول الطريج عبدالعزيز و رغد يسولفون .. و رغد صار عندها تقريبا الوضع عادي بس طبعا خايفه .. بتشوف امها اللي ما شافتها اكثر من 17 سنه تقريبا .. و الخوف يملك رغد من كل النواحي

عبدالعزيز وقف جدام قصر كبير .. و كان فيه شبه من قصر ( او بالقصد بيت رغد ) لكــنُ للأمانه بيت رغد كان وايد افخم و احلى ..

رغد : هذا بيت امي ؟
عبدالعزيز : ههههههه .. هذا بيت العايله .. بيت امج و ابوي .. يا الله نزلي
رغد قلبها يطق .. و نزلت من السياره و حاسه انها تايهه بالتفكير و هي تفكر ايدها و مو قادره تفكر من الخوف .. كـآنه امتحان
عبدالعزيز نزل يبتسم و طالعها : ما راح تمشين يعني ! بتوقفين تطالعين البيت يعني !
رغد تطالع البيت ..
عبدالعزيز ابتسم : ههه .. رغد
رغد : هـآ آ .. هلا عبدالعزيز
عبدالعزيز : شفيج ؟ منتي ماشيه !!
رغد : آ.. آآآميله اكيد ..
عبدالعزيز مد ايده : يا الله تعـآلي
رغد مدت ايدها و مسكته .. و راحوا يمشون بالمرر بين حديقتين لي الباب ..
عبدالعزيز طالع فوق و له لقى اخته الصغيره رغد متمسكه بعواميد البلكونه و تطل على عبدالعزيز و رغد .. < سميتهـآ و كانت لابسه نفنوف منفوش لونه ابيض .. و لابسه تاج لونه ابيض و عليه فيونكه لونها بنفسجي .. و طالع شكلها وايد حلوو و كيوووت ..

عبدالعزيز : رغد .. شوفي هذي اختي الصغيره .. سميتج هههه ..
رغد ابتسمت : اسمها رغد !
عبدالعزيز : اي .. هذي اختي من ابوي
رغد ابتسمت : و مرت ابوك شلونها معاكم ؟
عبدالعزز : توفت قبل جم سنه
رغد : وي اسسفه ..
عبدالعزيز : لا عادي .. ( و طالعها و ابتسم ) ..

...

رغد الصغيره .. طلعت من البلكونه و دخلت الغرفه وتكلم شيماؤ : شيماء .. عبدالعزيز يـآ من برا و معاه وحده
شيماء كانت تبرد ايدها ( بديكير منيكير ) .. شيماء قامت تحط الاغراض بسرعه داخل الصندوق الوردي و حطتهم بالطاوله اللي يمها : يا الله يا الله رغوووده حبيبتي .. لبسي جوتيج ( عزكم الله ) و خلينا ننزل بسرعه عشان نتعرف على البنيه ..
رغد قعدت بالارض تلبس الجوتي ( عزكم الله ) ...
و شيماؤ خذت المبخر اللي بالغرفه و مسكت ايد رغووده الصغيره و طلعوا برا الغرفه ..

...


دخلت رغد الصـآله .. و كان الاثاث حلو ومتناسق و اللي مختاره ذووويق .. صج صج ذويق ..

نزلت شيماء و ماسكه رغوده .. و رغد وعبدالعزيز يبتسمون و يطالعون بعض ..

شيماء ابتسمت : حي الله من يانا ..
رغد بدلع : الله يحييج
عبدالعزيز : هذي اختي شيوم .. و هذيج الدلوعه رغوود
رغد ابتسمت : ههه .. يا حليلها تينن
شيماء سلمت على رغد .. و رغوده بعد سلمت
شيماء : حياكم .. تفضلوا
رغد : الله حييج ..
عبدالعزيز : هـآ وسن العروس .. ههههههه .. اقصج عمتي ( و ابتسم )
رغد طالعته و حدها خايفه ..
شيماء ابتسمت : الحين تنزل ..

رغد تكلم نفسها .. (( ياربي .. ابي اشوفها .. خل تنزل .. ابي اضمها .. ابي اقول لهـآ .. ودي اقول لهـــــــــــآآآآآآ ... ))
رغد تطالع جدامها : يمممه

منيره واقفه جدام رغد
رغد وقفت ..
رغد تطالع امها (( معقوله هذي امي !! .. ملامحها تشبهني حيل .. بس اهي احلى مني و اكبر .. ))
منيره ابتسمت و تطالع بتها و تقول (( كبرتـــي يـآ رغد .. كبرتـــي بعيده عن عيني يا يمه .. ربي يحفظج من كل شر .. ))
عبدالعزيز يطالعهم .. و يبتسم
شيماء تطالعهم و تدمع عيونها و تبتسم ..
منيره جدمت لي عند رغد : رغد يمه ( و قامت تمسح على راس رغد ) ..
رغد تطالع امها و تبجي : يـ .. يمــ... يمممممه ..
منيره ابتسمت و ضمت رغد بحضنهـآ
و رغد ضمت امها و تبجي بحضنهـآ ..

عبدالعزيز طالع شيماء و اشر لها تاخذ رغد و تدخل ..
شيماء هزت براسها اوكي .. و مسكت رغووده الصغيره و دخلوا و عبدالعزيز طالع عمته و بنت عمته و مشى ..

...


عند رغد و امهـآ ..
ام رغد تطالع رغد و تبتسم و تمسح على راس بنتهـآ : شفيج ساكته ! ما ودج تقولين شيء ؟!!
رغد ابتسمت و نزلت راسها : امبله .. آآ .. ما ادري
ام رغد : ههههههههه .. لا تخافين يا يمه .. انا امج .. يـآ رغد
رغد ابتسمت و ترتجف شوي شوي : يمممه ..
ام رغد ابتسمت و شقت الحلج : يا روووح امج .. لبيـه ..
رغد : يمه ابي اعرف السالفه كلها .. ابي افهم شلي صار بالضبط ! وليش ابوي ما قال لي انج موجوده ! وليش صار كل هذا ! ابي افهم .. وو .. بصراحه ابي ادله ..
ام رغد : ادله !
رغد : اي .. ابي ادله ادافع فيها عن نفسي .. ابي دليل يثبت لي انج صج امي .. و انج ما تلعبين بمشاعري ..
ام رغد ابتسمت : والله انج ذكيه وايد يا رغد .. و اكيد لج الحق تشوفين اثباتات .. و انا عندي الإثباتات اللي تكفيني .. و اقدر ادافع عن نفسي ..
رغد : زين يمه قولي لي .. شلي صار ! و شنو ممكن يصير !!
ام رغد : قبل 20 سنه .. كنت اعيش بالامارات كون امي اماراتيه .. و بعدها عشت فـــمصر عشان ادرس حقوق .. و ما كنت اعرف احد بمصـر غير 3 كويتيات و سعوديه .. و تمينا مع بعض .. و مره من المرات .. شفت ابوج صدفه بمطعم بمصـر .. و كان يدافع عني هناك .. كونه كويتي و يقدر يدافع عني .. و ابوج اكبر مني .. و ماكان ياي للدراسه .. كان ياي سياحه .. ( خذت نفس طويل ) .. آآآهـ .. ( و سكتت )

رغد : كمممملي يمه ..

ام رغد تسندت على الكرسي عدل : وبعدها .. عطاني رقمه عشان لو احتجت شيء ادق عليه .. و عرفت عن ابوج وايد اشياء .. انه رجل اعمال كبير .. و متزوج و زوجته حامل .. لكن كانت المشاكل بينهم دايما .. و كان يحاول انه يبتعد عنها .. و خاصه انهم ما يابوا عيال إلا بعد 9 سنين زواج ..


...
فبيــت .. رغد ..

فاطمه و دلال يتمشون بالممر رايحين عند غرفه رغد بالطابق السفلــي ..

فاطمه و دلال : هههههههههههه
فاطمه : يا سخيفه الكوفي حاار مسكيه
ودلال تركض : هههههههههههههه احسن زين اسوي فيج ههههههـآآي
دلال دخلت غرفه رغد : هههههههه رغووود تخيلــ...
فاطمه ماسكه الكوفي : يوووه دلول مسكي الكوووب .. والله العظيم حار
دلال : فطوم رغد مو موجوده !! ( طالعت الجامه )
فاطمه طاح منها الكوب الحار : وين راحت المينونه !
دلال تطالع فاطمه ..

...

 

[Zhoor el7lwa]

يسلموو حبيبتي بس البارت قصير

 

[عسوله زوغه]

اب
اب
فديتج


نورتي الروأيه

 

[سعاد الكويتيه]

توني اطيح ع الروايه
حدها عجيييبه
وننطرج حبي

 

[gala q8]

بـآآآك ..

....

البارت العـآشر

...

عند رغد و امها ..

ام رغد تكمل و تقول : وبعدها .. عشت مع ابوج قصه حب كبيره .. لدرجه انام على صوته و يقعد على صوتي .. اسمع انفاسه و هو ينام .. و يسمع صوب انفاسي و هو يقعد .. كنا عصافير بحبنا .. من تعرف عليه .. و بعدها بشهر بالضبط طلب انه يتزوجني .. و ما فكرت بشيء على طول وافقت .. لانه كان شاريني .. ما كان يلععب علـي .. و بالففعـل .. وافقت .. ويوم زواجي ..

(( رجعت فيها الذاكره ))

منيره كان جمالها خوخاااقـي ,,.

لابسه بلوزه ضيجه بيضا .. قصيره و بنطرون طويل رمادي وسيع حيل ..

منيره بالمطبخ تسوي شاي ..


ديييييييندووووووووون ديندوووووووووووون .. < صوت جرس الشقه ..


منيره تركض : زييين كاني يايه حبيبي ..
فتحت الباب و تفاجآت ..
منيره : منو انت !!
دخل عليها ريال لابس قتره و عقـآل .. و يطالع بـ منيره من فوق لي تحت ..

الريال : منو انتي ! و شتسوين هنيه !!
منيره : انت شلون تدخل جذيه ! انت ما تشوف شنو انا لابسه الحين !!
الريال : هه .. اكيد وحده قذره نفسج شنو ممكن احصل منها اكيد هاللبس ..
منيره : انت جليل حيا و ما تستحي على ويهك .. انت منو عشان تكلمني جذيه !!
الريال : انا .. هه .. شكله سعود ما قال لج اني انا ياي له !!
منيره تطالع الريال : لا .. سعود ما قال لي .. ! انت منووو !!!!!! ..
الريال : انا علـــــــــــــي .. اخو سعــــــــــــــــــــود ..
منيره ابتسمت : حيااك .. تفضل .. انا اسفه ما عرفتك .. انت شدراك اني انا زوجـ...
علي قاطعها : ادري انه تزوجج .. انتي شكلج خليجيه !!
منيره ابتسمت : انا كويتيه ... وبنت ديرتك .. منك و فيك ..
علي : اول ما إيي سعود بلغيه اني ييت له ..

وطلع علي من البيت .. و تمت منيره تطالع بـ علي و تفكر .. صكرت الباب و نست الموضوع ..

...

بعد سـآعتين ..


دخل سعود و شكله متضايق ..

منيره ركضت له : سعووود قلبي .. ( سكتت شوي ) .. شفيك !
سعود طالع منيره و عيونه حزنانه : حطي الغدا
منيره تطالع سعود : شفيك !
سعود : تدرين شلون منور .. حبيبتي تعالي
منيره يت و قعدت يمه و حطت ايدها فوق ايده : شفيك !
سعود : اليوم بنرد الديره
منيره : ليش ! انت قابلت اخوك علي !!
سعود لف عليها بسرعه : شنو !! وانتي شدراج ان اخوي علي بالكويت !!
منيره : ماكو .. بس اهوا يا لي الشقه منيه
سعود طالعها : وسوا لج شيء !!
منيره منصدمه : سعود .. هذا اخوك .. ما سوا لي شيء مسكين بس سالني عنك .. بس حسيت انه مغرور شوي ..
سعود قام : قومي يا الله روحي يمعي ملابسج و ملابسي .. عشان نسافر
منيره : سعود حبيبي شفيك !! قلبي
سعود : قلت لج بسرعه خلينا نرد الكويت ..

وبالفعــــــــــــــــل .. ردوا الكويت بعدها بـ 10 ساعات ..


...

عند ام رغد ..

رغد : و شكنتي حاسه فيه يا يمه !!
ام رغد : كنت خايفه .. كنت افكر بدراستي ! و بشغله ! و بكل شيء !! .. انا اخر مره عشت بالكويت قبل لا يموت ابوي بسنه .. و بعدها عشنا بالامارات .. عند اهل امي .. و بعد زواجي بـ 5 اشهر ارد ديرتي !!

رغد : و شصار بعدها يمه !!

ام رغد : و مثل ما قلت لج .. ردينا الكويت بعد مالقينا حجز و اقرب طياره كانت عند الكويت بعد 10 ساعات .. و بالفعل نزلنا الكويت بعد 10 ساعات .. و هذا كان اقرب طياره .. و اقرب شيء .. وبعد ما نزلنا .. خذاني لبيت زوجته الاولى .. و اللي عرفته انها حملت قبل زواجي بآشهر .. مو مثل ما قال لي ابوج انها كانت حامل و ما حملت .. و يابت ولد و سمته حمد .. و كان عمره تقريبا 9 اشهر على ما اعتقد .. والصدمه الكبيره لمن دخلت بيته ..

...

(( رجعت بذاكرتهـآ ))

منيره ماسكه ايد سعود : سعود بليز لا تخليني ادخل .. انا حدي خايفه
سعود طالع عيون منيره : مالج شغل .. محد يقدر يسوي لج شيء
منيره تطالع عيونه : عيونك ما تكذب علي .. بس ما تدري بلي يصير بعدها !!
سعود باس راس منيره و كمل طريجه معاها ..

...


و دخلوا ..
و منيره تسمع صراخ داخل البيت ..

ام حمد تصارخ : لا طبعا .. ما ابيه .. هذا الانسان خاين و ما ابيه يعيش معاي .. مو كافي تزوجته غصب !! شتبون اكثر من جذيه !!
ابو سعود : يا بنتي .. هذا ريلج و انتي تدرين انه طايش و الحين جدامج راح اخليه يطلقها و يرد لج و يتأسف بعد ..
ام حمد قعدت و حطت ريل على ريل : انا ابي حقوق كلها .. ابيه يتحسف .. والله لا اخليه يتحسف .. و ولدي حمد له حق .. والله لا ارد حقوقي و حق ولدي ..

سعود دخل و ماسك ايد منيره : كانا يينا يبا ..

ابو سعود : سعود .. طلق هذي اللي ما ادري من وين يبتهـآ
منيره تطالع سعود : ابي اطلع
سعود ماسك ايدها : اسف يبا .. هذي زوجتي و ما اقدر اخليها
ام حمد قامت معصبه و غيرانه : انت شنو ما عندك احساس !! انا يبت لك الولد وانت تنزل راسي جدام الكل عشان هذي !! امبيــه .. انت ينيت !!
سعود : انا بفهم يا هدى شلي شفته منج !! مو معبرتني و لا كآني زوجج بس اللي هامج اشغالي .. جم مره حاولت اتقرب منج بس انتي تبعديني .. وانا ما عرفت الحب إلا من منيره .. هي اللي علمتني شلون اعيش و من دونها ما راح اعيش ..
ام حمد : امبيه .. هذي ساحرته
منيره تطالع و تبجي : سعود حبيبي خلنا نطلع ..
سعود يضغط على ايد منيره ما يبي يتركها : قلت لكم ما راح اخليها مهما تقولون ما راح اخليها واللي بتسوون سووه ..
مسك منيره و خلاها تطلع قبله ..

منيره تطالع فيه .. و شكله تايه ..
...

ام رغد : و بعدها رجعنا البيت .. و اللي عرفناه ان ابوه وقف المصاريف اللي كان يعطيها ابوج .. فإضطرينا نروح الامارات او مصر و نكمل حياتنا مناك .. و بالفعـل .. رحنا الامارات قعدنا خمس سنين .. وبعدها .. طرى لنا خبر وايد حلووو ..

...


(( رجعت بذاكرتهــآآ ))


منيره تركض و تصارخ : سعووووووووووود .. حبيبي قوووم بسرعه قوووم والله عندي خبر وايد حلووو قوووم ..
سعود يطالعها : هاا شفيج ! خليني انام .. اوووف منور وخري
منيره : ههههههههههه .. قوم .. اخوي بسس مع زوجته وولده .. واااي فديت ولده .. توه ياهل عمره 5 سنين .. يا حلاته بس إينن ..
سعود قام ويطالع منيره .. تذكر ولده حمد ..

سعود قام : زين منور انا بروح اتسبح .. بس منور بقول لج شغله بخاطري اقوله لج
منيره قربت له : لبيه يا قلبي ..
سعود : الحين ولد حمد جم يصير !
منيره نزلت راسها : اشتقت له ؟!!
سعود : لا .. ولا شيء خلاص ( لف عنها و منيره مسكته )
منيره : سعود ..
( سعود لف عليها ) : لبيه حبيبتي
منيره : حبيبي .. ادري انك اشتقت له .. ترى الحين عمره 10 سنين .. و اهوا محتاجك
سعود قرب لها : بس انا محتاجج ..
منيره ابتسمت ..
سعود لف عنها و راح الحمام ( عزكم الله ) ..

منيره تمت تطالع بـ سعود .. و لفت للمطبخ تزهب الاكل ..

....


رغد : يممه .. و انتي ما كنتي تدرين بـ حمد و امه !!
منيره : لا .. نهائيا .. المشكله كلما اشوف سعود يطالع عبدالعزيز كآنه حن على ولده .. وانا ما ابي ابعده عن ولده نهائيا ولا ابيه يبتعد عني .. انا لي حق بأبوج .. بس يمكن كنت انانيه شويه ..
رغد : يمه .. زين ليش هالتعقيد كله !! انتي تميتي جم سنه بعد ما حملتي فيني !!
منيره : يا يمه رغد .. حسيت ان ربي بلاني .. بعد 11 سنه تقريبا ولدت فيج بالكويت .. لكن المشكله اني ولدتج و ابوج ما درى فيني ..
رغد : ليش ! ابوي شلون تركج ؟!
ام رغد : ابوج طلقني وانا حامل فيج .. و سافر .. حصلت بينا مشاكل وايده .. و ما قدرنا نعيش مع بعض .. و غير هالشيء يدج ضرنا وايد .. كان يلحق ابوج من الشغل .. و جم مره طعنه .. و ابوج تعب علينا .. وجم مره بغوا يذبحوني .. وابوج يدافع عني .. لكن بعد ما يا له تهديد يا إنه يطلقني و يرجع لزوجته وولده .. او .. او انهم يدبحوني ..

رغد : يمه تحسسيني انج تقولين لي قصه من الخيال .. ما كآنها حقيقه !! ام رغد : ااااهـ يا رغد .. ما تدرين شكثر عانيت .. قلبي تآلم واايد على بعادكم يا رغد
؟؟
رغد : و تطلقتوا !!
رغد : بصرآحه .. لا .. اهوا قال حق يدج انه طلقني .. بس رفض انه يطلقني عشان محد يجيسني غيره .. دايما يقول اني له و ماني لغيره .. وانا قبل كل هذا وعدته اني ما اخليــــه و اني ابقى صاينته له مو لاحد غيره ..
رغد : و ولدتيني .. و شلي صار !! ..
ام رغد : اللــــي صـآر ..

(( رجعت بذاكرتهـآ ))

منيره : سعود .. لو سمحت لا تصارخ ..
سعود مسك ايدها : البنت منو بنته !! قووولي بنتي وله بنت غيري !!
منيره : جم مره اقول لك انها بنتك و التحاليل بتثبت هالشيء ..
سعود : ماشي .. زين .. ( حن قلبه على بنته ) .. ابي اشوف بنتي
منيره ابتسمت : من عيوني

و تموا لمده سنه محد يدري بالموضوع .. و صار الموضوع خشاشي مثل ما يقولون ..

...


ام رغد : و بعد هالسنه اللي كنتي عندي انقلب الحال .. و صار ابوج ما إيي لنا إلا بالشهر مره .. و من هالشهر ساعه بس .. و صار يحب يقعد مع ام حمد اكثر مني و صار يكل ممني وايد .. و اخر مره شفته لمن ياني البيت و هو معصب ..

...

طح طح طح ..

منيره ماسكه رغد بيدها .. و ابو عبدالعزيز مقعد عبدالعزيز يمه و شيماؤ تلعب بالالعاب ..

فتحت الخدامه الباب ..

سعود دخل معصب : منووور .. عطيني رغد ..
منيره : سعود شفيك حبيبي !!
سعود : حبتج القراده زين .. عطيني بنتي يـآ الـ....
منيره شهقت : شنو !!
ابو عبدالعزيز : انت هي .. ما تستحي على ويهك !! داخل البيت كـآنه بيت ابوك .. مو كافي اللي شفناه منك ! و من اهلك و من زوجتك النسره ..
سعود مسك رغد و سحبها و هي تبجي .. و منيره تصارخ .. و ماكو فايده ..

طلع و اخذ معاه رغد ..


...
ام رغد .. و قمت رفعت قضايا .. بس دائما يطلع الحق عنده .. لانه اهوا افضل بالتربيه كمركز و غيره .. و بعدها حرمني منج .. و صارت مشاكل .. و ما قدرت احصلج .. إلا قبل جم اشهر .. عرفت ان عبدالعزيز يعرف حمد عن طريق الاغاني اللي يغنونها ..

رغد : المهم انا رجعت لج و صدقيني محد يقدر يبعدني عنج لا ابوي و لا احد ..
ام رغد تمسح على راس بنتها : شلون مرت ابوج معاج ؟
رغد : الله يرحمهـآ .. ربي فوقي عمرها ما قصرت معاي و حسبتني مثل بنتها .. و ابوي لي الحين يفكر بآعماله و شركاته و انا دايما مع بنت عمتي و بنت خالتي ..
ام رغد تطالعها ..
رغد : ههههههه .. اقصد بنت خاله حمد اخوي .. ههههههه
ام رغد ابتسمت

رغد : وووي .. اكيد الحين يدورون علي امبيه .. ( قامت تطلع تليفونها )

 

[AL-7lWA^_^]

امبي عجيب البارت تسلم ايدج حبي و ناطرين البارت الياي

 

[gala q8]

البارت الحادي عشر

...

رغد : امبيه .. داقين علي 39 مره .. من صجهم هذول !!
ام رغد : شكلهم وايد معاج !! 39 مره شدعوه هههههههههه
رغد : اي والله يمه .. هذول اكثر من خوات بالنسبه لي .. انا تربيت معاهم و فبيتنا .. من كثر ما اهما معاي وايد .. ابوي مسوي لهم غرف فالبيت .. وفوق هذا مسوي 4 شقق فوق فـ البيت .. عشان لي تزوجنا نعيش فيها هههههه .. ما يدري ان يمكن وحده منا زوجها ما يرضى ..
ام رغد حن قلبها عليه : و شلون ابوج ؟
رغد تطالع امها وتبتسم : بخير يمه .. يمه ابي اسألج سؤال ..
ام رغد : لبيه يا روح امج انتي
رغد : يمه .. لي الحين تحبين ابوي ؟
ام رغد نزلت راسها و هي مبتسمه بإنكسار : وشلي راح استفيده لي رديت على سؤالج ؟ ..
رغد : صدقيني يا يمه راح تتغير وايد اشياء
ام رغد : ما يندرى يا بنتي ..
رغد طالعت فونها و له البيت داقين ..
رغد : عن اذنج يمه برد على البنات ..

رغد : الووو
دلال : قوووووووولي امين يا بنت سعود عسى ربي يقطج بحفره زين
رغد : ويه شدعوه عاد !! شفيكم !
دلال : اموت و اعرف انتي شلي مطلعج الحين !!
رغد : شفيج دلوول ..
دلال : اقول ردي البيت الحين الحيــــــــــــــــن احسن لج
رغد : ليش شصاير ؟
دلال : ابوووووووووووووووج يا رغود .. ابوج رد من السفر .. وهههههيــــــي .. معاااه شقرا حمراا .. ردي لا تطيح علينا السمااا والله راح تعيزين ..
رغد : ههههههههههه .. ابوي لي الحين على سوالفه !!
دلال : سوالفه !!
رغد : لا ولا شيء .. المهم زهبي لي غرفه يم غرفتي و خلي مصطفى يأثثها الحين الحيــــــــن .. عندنا صاحبه البيت اليديد ..
ام رغد تطالع رغد و مستغربه !!
دلال : صاحبه البيت !!
رغد : اي صـآحبه البيت .. و كاهي قاعده جدامي .. و قولي لابوي يزهب نفسه .. الضيفه غاليه علي ..
دلال : ما يندرى يا بنت سعود شمسويه !! .. خلاص خلاص انا الحين بقول حق مصطفى ..
رغد : زين باي ..

ام رغد : شتقصدين بكلامج حق البنت ؟
رغد : يممه .. ابيج تقعدين عندي في البيت و يمي ..
ام رغد : رغد يا يمه .. انتي تعتقدين بهالسهوله ادخل و اطلع فبيتكم !!
رغد مسكت ايد امها : يمه انا اعرف ابوي عدل .. مالج شغل فيه انا اكلمه ..
ام رغد : لا .. خليها مره ثانيه يا يمه ..
رغد : لا مره ثانيه ولا ثانيه .. راح اخذج معاي .. وانا الصبح مفكره اخليج معاي .. لكن الحين انا مصره ..
ام رغد : عبدالعزيز ما راح يرضى صدقيني ..
رغد : لالالا ما لج شغل بـ عزوز انا اعرف اتصرف معاه ..
ام رغد : ما ادري .. بس شلون بواجه ابوج ؟
رغد : ابوي اساسا ما يدري عني ..

ام رغد نطري خل انادي عبدالعزيز و اقول له ..


و طرشت الخدامه تناديه ..

...
عبدالعزيز و شيماء و ورغد فوق بالصـآله ..

عبدالعزيز ماسك الريموت يطالع مبارات الكويت و ( ) و مندمج

و شيماء ماسكه اللابتوب شابكه .. و رغووده الصغيره تلعب بالالعاب التركيب ..

دخلت الخدامه : اجوج و شيمماا مدام يبي انتوا ..
عبدالعزيز : زين خلاص روحي الحين نـيــي ..

نزل عبدالعزيز للصاله و حده مستانس : هـآ .. إن شـآء الله استانستوا بالسوالف و خذيتوا راحتكم هههههههه
ام رغد : اي اكيد .. .. اقول يمه عبدالعزيز اقعد .. و انتي ماما شيومه حبيبتي روحي غرفتي وييبي الصندوق الذهبي اللي على الطاوله ..
شيماء : حاظر .. عن اذنكم .. ( و راحت )
ام رغد : عزوز .. رغوده تبيني اروح بيتهم اليوم
عبدالعزيز : نعم !!! اكيد لا طبعا ..
رغد : وليش !!
عبدالعزيز : انا اخاف على عمتي ..
رغد : احنا ما راح ناكلها
عبدالعزيز : بس انا ما اقدر اخليج تاخذين عمتي .. مو كافي اللي شافته من ابوج !!
رغد : عبدالعزيز لو سمحت .. هي قبل لا تصير عمتك .. اهي امي
عبدالعزيز : رغد .. هذي امج اللي ما تعرفينها .. ولا تعرفتي عليها إلا الحين !! وينج عنها من قبل !!
رغد : انا مالي شغل بلي صار !! .. انا كنت صغيره
عبدالعزيز : انتي طول عمرج بتطلعين مثل ابوج .. لانج تربيته
منيره : عبدالعزيز .. شفيك !!
عبدالعزيز تنرفز : عمتي انتي موافقه تروحين بيت سعود !!
منيره تطالع رغد .. و تطالع عبدالعزيز ..

منيره : ....

...

فبيـت سعود ..

سعود .. مثل ما قلت لكم من قبل ,, ريال شوي كبير بالسن .. مع انه يهتم بنفسه وايد ..

سعود يطالع دلال و فاطمه : شفيكم !!
دلال منبطه جبدها : مافينا شيء
سعود يطالع الساعه : وين رغود !!
فاطمه : عمي سعود شفيك ! .. رغود يايه بالطريج .. اهي قالت عندها شغل و بترد .. ما راح تتآخر ..

سعود يطالع الشقرا اللي يمه : هذي تآله .. ما يحتاج اعرفكم عليها ..
دلال تكلم نفسها بصوت خفيف : عمه بعينها .. طاع شضعفها .. با الله هذي بتصير مربيتنا ! خالي شكله ما عنده نظر يعني شطولنا و شعرضنا و يحط لنا مربيه !! هممم مالت بس مالت
فاطمه تطقها عالخفيف : اششش .. سكتي لا يسمعج .. عاد شيسكته بعد !!
دلال : اووووف زين ..

سعود : مثل ما قلت لكم .. اول ما تيي الست رغد قولوا لها تاله بتكون مربيتكم .. ادري انكم كبرتوا .. بس البنات كل ما كبروا يتيهون .. و هذي تاله خوش وحده .. انا يايبها من لبنان عشان تعلمكم شلون شوي تتسنعون .. و خاصه انتي دلول .. ابيج تصيرين ذربه شوي ..
دلال : خاظر خالي .. من عيوني ..

سعود المهم .. انا بنام الحين .. و لمن ترجع رغوده .. بلغوني ..
دلال و فاطمه : حاظر ..

سعود طالع تاله و عطاها ابتسامه و راح .. و صعد غرفته ..


...


تـآله : بدي اتعرف عليكون اكتر ..
دلال مالها خلق : انا دلال و ينادوني دلول .. و عمري 17 سنه .. و بالنسبه للبنات اصغر وحده فيهم .. و هيلقيه و مليغه .. و دفشه البنات عمرهم كله و اهما يعلموني شلون اصير بنوته حلوة .. وانا ما اقدر انغث .. عرفتي الحين !!

فاطمه تبتسم ( مجامله ) : انا فاطمه و ينادوني فطوووم .. و ساعات ينادوني تومي .. انا وايد هاديه .. و ستايلي حيل عادي .. خل اقول لج عن رغد .. رغود وايد جاده .. و تحب الضحك و السهر و الفصله .. و هي بنوته حلوة .. و ساعات تعصب بروحها و بصراحه هي وايد تطيح إذا زعلت وايد .. فعشان جذيه لازم احنا نكون يمها على طول .. و من واحنا صغار جذيه ..

تاله : اهاا .. هي رغد بتتآخر هيك !
فاطمه : بصراحه هذي اول مره تطلع و ما تقول لنا ..
دلال : و صدقيني انتي بتتعودين عليها .. إذا ردت انج يايه (( يعني قلبي ويهج و طلعي ))


دخلت رغد .. و عبدالعزيز معاها .. و المفـآجآه .. إن ام رغد وياهم ..
دلال و فاطمه يطالعون بعض و ويوهمهم جذيه >>> ((!!))

تآله وقفت و ابتسمت بكل ذرابه ..
رغد : حياج يمه ..
دلال وفاطمه يطالعون بعض : يمه !!
رغد ابتسمت و عبدالعزيز وراها شايل الجناط .. و ام رغد دخلت و تشوف القصر .. (( و كان شكل ام رغد وااايد حلووو و كيوت خاصه انها وايد مهتم بنفسها حيــل .. و مسويه شعرها ذيل حصان .. و وايد كيووت و ضعيفونه .. ))

رغد قربت يم دلال و فاطمه : هذي امي .. اليوم كله قابلته فيها .. و سولفنا لين شبعنا ..
دلال : هـآ !!
فاطمه : رغد انتي ينيتي صح !! انتي شدراج انها امج ؟
رغد ابتسمت : عندنا صندوق ذهبي .. و كل شيء يخصني فيه و لقيت الطبجه الثانيه اللي كانت عندي .. و لقيت صوري و لقيت اثباتات تثبت اني بنتهـآ .. و كل شيء يخصني عندها ..
فاطمه نزلت راسها .. و دلال منصدمه .. بس يشوفون عيون رغد .. تدل على الفرحه ما حبوا انهم يحزنونها او يعاتبونهـآ .. (( فبتسموا ))

ام رغد دخلت خايفه ..
رغد لفت يمه هذي دلال بنت عمتي .. و هذي فطوم بنت خاله حمد اخوي .. و بنت خالتي بعد ( وابتسمت )

سلموا عليها ..
رغد التفتت على الاجنبيه .. : منو هذي !!
دلال : هههههه .. هذي تاله من لبنان .. هيدي جابها ابوكي ليعلمنا كيف نكون زربات .. هههههههه
فاطمه : دلوول .. استحي البنت يمنا ..
رغد : ابوي !! ليش ابوي بالبيت !!
دلال : ههههههـآآآي اي .. الله يعينا عيل .. عالليله ..
رغد خافت شوي بس طوفت الموضوع : حياج الله ..
تاله ابتسمت : الله حييكي .. اكيد انتي رغد ..
رغد : اي انا رغد ..
تاله : بدي اتعرف عليكون كلكوون اكتر .. عشان اتأرب منكوون و نكون صحبات اكتر
رغد ابتسمت : اي اي .. إن شـآء الله .. ( لفت على دلال و فاطمه )
رغد : دلوول انتي روحي قعدي مع هذي و حاولي تلهينها .. و فطوم انتي قعدي عند امي لين ارجع


رغد : عن اذنكم ..

(( صعدت غرفتهـآ ))

دلال مسكت تاله و سحبتها من ايدها : اقووول تعالي بس خل اوريج الحديقه اللي برا وايد حلوة ..
تاله عاكفه حواجبها و تتكلم شوي شوي : شو هـآد !!

و طلعوا دلال و تاله ..

فاطمه بكل ذرابه : حياج خالتي ..
منيره ابتسمت : الله يحييج ..

عبدالعزيز يطالع دلال و فاطمه و رغد .. كلهم فرق عن بعض .. و قعد يم منيره .. و شيماء توها تدخل سلمت و قعدت و معاها اكيد رغووده الصغيره ..


عبدالعزيز : فاطمه .. رغد فهمتكم شتسوون ؟!
فاطمه مو فاهمه : لا .. شالسالفه !!
منيره : انا ام رغد اكيد رغد قالت لكم عني .. بصراحه .. رغد فبالها فكره و تبي تعرف إذا انا امها صج و له لا ..
فاطمه : اها..
منيره تطالع عبدالعزيز و شيماء و رغووده : وبصراحه .. رغد طلبت منا كلنا نيي نسكن عندكم
فاطمه بققت عيونها : هــآآ !!!!!! و عمي سعود !!
منيره : لا تخافين .. رغد بسم الله عليها ذكيه .. فقالت لنا ان شيماء تكون مثل رفيجتها و متعرفه عليها .. و ان احنا يينا نزوركم .. كلها جم يوم و نطلع بإذن الله .. بس بعد ما تتآكد رغد اني امها ..
فاطمه : اي .. حياكم الله .. بس اسفه .. جذيه بتحصل مشاكل .. انتوا ما تعرفون عمي سعود .. عصبي وايد .. و لا حمد اكثر منه .. شلون فكرت رغد بهالشكل !! ما فكرت بالمشاكل اللي بتحصل !!
شيماء: عن اذنج بتدخل بهالموضوع .. بما اني متخصصه بـ علم النفس .. الانسان إذا صار عنده هدف لازم يسويه لان في شيء اسمه الدافع و هذا اللي يخليه غصب يسويه ..
فاطمه : اهاا .. تقصدين دافع رغد اهي الحقيقه و هذا هدفها !!
شيماء ابتسمت و بكل فخر : بالضبط ..
عبدالعزيز يطالع شيماء بنص عين ..
و منيره تضحك على شيماء ..
وشيماء تبتسم ..
وفاطمه (!)

...



رغد صعدت ووقفت جدام غرفه ابوها .. كل ما جدمت خطوة ترجعهـآ بـ خطوتين .. و كل ما جدمت خطوه .. ترجع بخطوتيـن .. اخر شيء قررت ..

قــررت تدخل ..


طق طق طق ..
رغد ورا الباب : يبـآ .. قاعد !!
سعود : دخلي يبـآ .. انا قاعد مو نايم
رغد افتحت الباب : صباح الخير يبا ..

(( غرفه سعود لون الطوفه ابيض بأآ حمر .. و كان مصكر الليتات و بس فاتح الابجوره اللي يم راسه .. و كفر فراشه احمر كله .. و كان شكل الغرفه حلوه بس ميئوسه بالحزن .. محد فيها ))




سعود : صباح النور ( يطالع الساعه ) الحين قريب عالظهر .. وين رحتي !
رغد قعدت بالفراش جدام ابوها : يبا انا رحت المطار
سعود مستغرب : المطـآر !!
رغد : اي يبـآ .. عندي رفيجه هي كويتيه بس كانت عايشه بـالامارات و انا وعدتها انها تيي مع اهلها عندنا بدال لا تقعد بشقه على ما يخلص بيتهم اللي بالكويت ..
سعود : اهاا .. زين سويتي .. هذول اهلنا .. و مكانهم مكانا .. زين اكيد هي و اهلها تحت
رغد : اي .. اهي و اختها و اخوها عمتها
سعود : اها .. و ابوها و امها وينهم ؟
رغد : لا يبا .. امها وابوها متوفين من زمان .. و عاشوا عند عمتهم بالامارات ..
سعود : زين عيل خل اقعد مع الولد دام انكم تحت كلكم حريم .. و اخوج حمد اليوم بليل بيرد بياخذ اغراضه و بيسافر .. خل البس و انزل لكم
رغد ابتسمت : ان شاء الله يبا .. احم .. زين انا بنطرك برا عشان ننزل مع بعض ..
سعود : اوكي ..
رغد طلعت من الغرفه و هي تفكر ايدها من الخوف .. شنو ممكن يكون شعوره ..
و سعود لبس و بدل و سوا شعره و نزل ..

((للعلم : سعود مو صغير كبير بس شكله وايد محافظ على نفسه و شكله))

....



برا بالحديقه ...

دلال تاكل حب و تقطه بالارض و تاله تطالع دلال و متنرفزة ..
دلال : اقول لج ( وتتفل الحب خخ ) .. بعدين لمن توفى ابوي طلعنا انا و امي فبيت لحالنا .. بس ما عندي اخوان .. وامي ( و تقط الحب ) و امي عاشت الحين مع خالتي الصغيره ..
تاله : لاشو بيكي دلال .. ليه بتوسخي الارض هيك !
دلال : والله انا جذيه .. شرايج تجربين الدفاشه شوي ! شكلج حياتج كلها ما جربتي الدفاشه والله ماكو احس من الدفاشه ..
تاله : لا ما بدي اجرب هيك ,. مشكوره ..
دلال : العفووو .. ( و تتفل بالحب ) ,.,

...

 

[gala q8]

يسلموو حبيبتي بس البارت قصير

لعيونج خليتهم طوووووال :eh_s(22)::eh_s(22): فديتج

اب
اب
فديتج


نورتي الروأيه

فديتج والله .. انتي اللي منووورتهـآ والله :eh_s(22)::eh_s(22):

توني اطيح ع الروايه
حدها عجيييبه
وننطرج حبي

فديتج .. إن شـآء الله اليـآي احلـــــــى ـآآآ .. :eh_s(17):

امبي عجيب البارت تسلم ايدج حبي و ناطرين البارت الياي

الله يسلمج فديتج .. نزلته .. :eh_s(9)::eh_s(9):

 

[Mr.jecoub]

روااايتج حدهااا عجيييبة وعلى فكرة انا العضوة ابي قطوة ميااو بس هذي العضوية سويتها حق الايباد :$ قلت قصة حيااتي ايي فانا كنت متابعه لروايتج بنات ثانوية كلااسييك وهذذي الرواااية حدهااا عجييييب keep going ;**

 

[gala q8]

روااايتج حدهااا عجيييبة وعلى فكرة انا العضوة ابي قطوة ميااو بس هذي العضوية سويتها حق الايباد :$ قلت قصة حيااتي ايي فانا كنت متابعه لروايتج بنات ثانوية كلااسييك وهذذي الرواااية حدهااا عجييييب keep going ;**

امبله مااار علي اسمج .. :ggdw::ggdw:

فديتج منوووره روايتي .. و إن شـآء الله لمن اكملها كلها تعجبج يارب :eh_s(22)::eh_s(22):

نورتي :eh_s(17)::eh_s(17)::eh_s(17)::eh_s(17):

 

[Ψ 3soola Ψ]

Twni ard mn el sfr << el m6lob
w kmlt gret'ha fdaitch 3jeebh ​

 

[gala q8]

Twni ard mn el sfr << el m6lob


w kmlt gret'ha fdaitch 3jeebh ​

الحمدالله على السلامه فديتج ..

و اشوا انج قلتي لي لوول عشان اتحمد لج على السلامه .. و نسوي الواجب << برا خخخ ..


اي اشوا قريتيها كلها .. بحاااول انزل بارتين بعد ,, إن شـآء الله :eh_s(9)::eh_s(9):

نورتي :eh_s(17)::eh_s(17)::eh_s(17)::eh_s(17)::eh_s(17):

 

[ابي قطوة ميوووو]

امبله مااار علي اسمج .. :ggdw::ggdw:

فديتج منوووره روايتي .. و إن شـآء الله لمن اكملها كلها تعجبج يارب :eh_s(22)::eh_s(22):

نورتي :eh_s(17)::eh_s(17)::eh_s(17)::eh_s(17):

^
^
^
حيااااتي اكييييييد بتجبنننني واااايد حلوووة :eh_s(9): :eh_s(9): :eh_s(9):

 

[ابي قطوة ميوووو]

مسكيييينة ساااارة