ريجيم بالكتابة و الصورة (الجزء الثاني) *_^**(شهر من تاريخه)

[ضحكة بريئة]

مساء الخير والخيرات
شخباركم ؟؟؟
لا فندر والله صاجة انا ودي اطلع بلوك يديد بالعيد ودي ينزل قبل رمضان لو 10 كليو
يااااااااااارب قولوا امين وانا باتم صحة وعافية
ــــــــــــــــــــــــــــــــــــــــــــــــــــــــــــــــــــ
انا اليوم الله يسلمكم ريوقي
حبة كيوي + حليب قليل الدسم
والغداء صدر ديايه مشوية + سلطة + شوية عيش <<<< ما قدرت اقوام منظرة
وعقب الغداءشربت جاي اخضر
وان شاء الله العصر راح امشي نص ساعة

 

[oum 5ald]

هلووو ضحكه

انا تريقت بيض وطماط
وبتغدى الحين عصير اناناس وكيوي
وخيار بالروب

ومادري عسى ما اخربط
بروح بيت حمولتي الليله

 

[ضحكة بريئة]

عوافي ام خلوود وديري بالج تخربطين
خلاص ملينا من الخربطة
تدرين انا خذيت فترة امشي على الرجيم اسابيع بس كنت ما يمر يوم الا اكون خربطت فيه بس مو وايد اخرتنها الاقي وزني زايد
كنت اتوقع الشغلات الخفيفة ما تأثر بوزني
فحاولي تضغطين على نفسج عشان يكون فيه نتيجة

___________________________________________________
الحمدلله انجزت مهمتي مشيت نص ساعة
والحين بشرب حليب قليل الدسم مع قطعتين شمام وجم حبة كرز

وسلامتكم

 

[Bs.ana]

مساء الخير للجميع

اشلونكم كلكم
انشاءالله ملتزمين

انا يومي كان كالأتي :dddds:

رحت النادي وتمرنت

ورجعت وتفطرت
وفطوري كان 2 همبورجر + خس وخيار وليمون + عصير جريب فروت

 

[ضحكة بريئة]

قبل العشاء استخدمت الجهاز اللي عندي وهو الغزال الطائر 10 دقايق
و تو خلصت من العشاء
شوربة ملفوف وراها جاي اخضر

 

[Bs.ana]

ضحكة البريئة

يعطيج العافيه وجهاز الغزال الطائر ممتاز استمري عليه وبتشوفين اشلون يقسم الجسم
وبالعافيه عليج العشى

:ggdw::ggdw:


انا بتسحر الحين وسحوري
2 بيض مفيوح + خيار + عصير اجريب فروت

وانشاءالله اذا لي مزاج بلعب
تمارين معده وبطن وخواصر


اوووب اوووب الرشاقه حلوه :ggdw:

 

[أحلى همبه كويتية]

اشلونكم بنات وحشتوني

يالله رجعنا للجد والأنضباط مرة ثانية

الريوق
توستة سمرا وجبن لايت
حليب - بسكوت دايجستيف


والغدا
عندي الحين بس تفاحة والباقي الله اعلم

 

[ضحكة بريئة]

ماشاء الله على الحلوين الملتزمين
ايه جذي نبي
انا اليوم ريوقي شابورة + حليب
قبل الغدا 3 قطع شمام
والغدا : دياي مشوي
والحين قاعدة اشرب جاي اخضر
وراح امشي العصر نص ساعة

 

[لافـندر]

عااااااااااااااااااااااااااااشوااااااااا عاااااااااااااااشوووواااااااااا :ggdw::ggdw:


أحس الحياة ردت للموضوع و ردتلي :eh_s(17)::eh_s(17):





عليييييييييييكم بالعاااااااافية كللللكم



انا امس مو قلتلكم كنت مواصلة رديت البيت تغديت و نمت العصر قمت صليت ورديت نمت مرة ثانية لييييييييييييييييييييييي اليوم الصبح

أحس فيني فقر نووووم .. و لمااااااا قمت خذيتلي شووور انتعششت كنت ميتة يوووع على غداي من امس
تريقت بيض و طماط شوي جبن و خبز و شاي و بس


و قبل شوي سويتلي همبرجر مع خبز الميني المدور ..

و قاااعدة أفكر ما اتعشى بس باكل روب إن شاء الله لأني ثقلت بالريوق ..

 

[ضحكة بريئة]

اهلين لافندر ايه شفتي اشلون صار فيه تجاوب
المهم عوافي ياقلبي
انا مشيت الحين نص ساعة
وبعد المشي كليت 3 حبات صغار مشمش مع حليب قليل الدسم

وبس

 

[Bs.ana]

مساء الخير للكل

اشلونكم كلكم ؟؟
عاشواا والله البنات انشاءالله دوم ملتزمين

المهم انا من الصبح افراره على البنوك ابي اشتغل

ورجعت دايخه نمت وراحت على نومه ومارحت النادي

المهم تفطرت واحس فطوري وايد

كليت من 4 الى 5 قفشات عيش بالخضار + 2 همبورجر + 3 مرتدلات + خياره + عصير اجريب فروت


انشاءالله شوي وبقول العب رياضه

 

[ضحكة بريئة]

بنات انا تعبت ونفسيتي تعبانه احس ملييييييييييييت من الرجيم
واحس مكتأبه ومالي خلق
زهقت من الرياضة ومن الاكل المشوي والمسلوق و صايره ما احب السلطة
وانا المشوار جدامي طوووووووووووووووووووووووووويل
الحين صار لي 3 اسابيع ملتزمة ونزلت تقريبا 2
يعني جم اسبوع يبيلي ؟؟؟؟

 

[Bs.ana]

ضحكة بريئة

لا لا تملين ليش تاخذينه على انه رجيم وشي مؤقت
لا بالعكس قولي هذي حياتي والي كنتي تاكلينه وتسوينه غلط
وانج بتبدين حياة صحية ..

شوفيني انا والله العظيم مامليت انا الي اشوي قاثني اني اخربط مرات ومااخربط بوجبات او عيش او كاكاو او حلاو
بالعكس اكون الاكل كميته اكثر
انا ابي اوصل على الوزن الي ابيه وبعدين بستمر على الرجيم بس مااحاتي الكميه عشان النزول مراح يهمني

بالعكس اخذيه على انه نظام حياتج هذا لا تملين صدقيني الضعف حلو اللبس احلى وحرام عمرنا يضيع واحنى بس امتان
وماستنسنا بشي


وشنو المشوار جدامج طويل ؟؟

ليش غيرج الي كان بالاميات ووصل بالخمسينات ماكان مشوارهم طويل لا طويل بس كانت ارادتهم قويه
ويبون يعيشون حياتهم
لا طويل ولا شي استمر حبيبتي ولا تفكرين بالمده طويله او قصير المهم تضعفين

 

[Bs.ana]

طبعاً لعبة تمارين بطن وخواصر ومعده


وتوني تسحرت

2 بيض مفيوح + خياره + عصير اجريب فروت


وبعد شوي بلعب هم تمارين بطن ومعده وخواصر


وانشاءالله نازله هالاسبوع لانه لو نازله بموت من القهر

ومراح اخذ افري كلش هالاسبوع والاسبوع الياي ابي انزل صج

 

[أحلى همبه كويتية]

هلا بنوتااااااااااات في طريقهم إلى الرشاقة
انا مثلكم مليت بس بستمر لازم اضعف
صج عاد بيصير نيو لوك
طول عمري ميتنة واللوك هذا بيكسر الدنيا

كليت كاكاو من شوي
بصراحة ما قدرا اقام

 

[ضحكة بريئة]

فنكية
مشكورة على الكلام الطيب اللي قلتيه رفع الهمه وخلا عندي عزم على الاستمرار
وادري كل الكلام اللي قلتيه صح بس انا احس ملييييييييييت كل ما اصعد الميزان هالاسبوع نفسه ما تغيير
بس مجبر اخاك لا بطل غصب بكمل
همبه
الله يعينا ما ادري ليمتى هالرجيم ؟
انا امس كنت زهقانه وصج صج صج ماادري اشصار فيني متنرفزة ومعصبة حدي مكتأبه
المهم شفت كاكاو جدامي وخذيته _03BA:
وكنت ناويه اخلص عليه
قلت حرام اخرب هاليوم بقطعه كاكاو وكانت الساعة 11 بالليل
جان اتعوذ من ابليس واخليه وانا اتحسر عليه:0bee2e8d89:

 

[Bs.ana]

همبه

بالعافيه عليج
وصدقيني ماكو شي صعب انتي بس استمري واصري انج توصلين للوزن الي تبينه
والجسم الي تحلمين فيه بتلقين انه كل شي يهون


ضحكة البريئه

والله تعجبيني عفيه عليج ايي هذي الاراده الصعبه
ربي يثبت ارادتج وتضعفيف بصحه وعافيه
والله يالي 4 شهور تخيلي كنت نفس الوزن من 79 الى 78 والبنات يذكروني
بس والله ملتزمه وماخربطة فاصريت انزل من وزني
واستمريت لين تحرك ونزل
وانشاءالله انشاءالله بيتحرك
حاولي تغيرين نظام اكلج
واذا تبين اساعدج واحطلج انظمه معقوله وتشبع وتنزل الوزن انا حاضر ماكو شي ماجربته ترى




والحين اخليكم بروح النادي اتمرن وارجع لكم
وانشاءالله بس ارجع بتفطر
وفطوري اليوم

2 بيض مفيوح + جبن قليل الدسم وبس


:ggdw::ggdw:

 

[ضحكة بريئة]

كنت ماشية صح
والمغرب مشيت نص ساعة
ما دريت الا خالتي الله يسامحها داشة ومعاها كيييييييييييييييكة بس مو اي كيكة
غراااااااااااااااااااااامي كيكة شوكولا

و كنت ناوية بس اذوقها
وكليت وكليت وكليت لما شبعت
وعاقبت نفسي ما كليت شي وراها
والساعة 10 شربت قلاص شاي اخضر

 

[أحلى همبه كويتية]

ضحكة
امس انا بعد صاكة فيني الدنيا وبدعت بالخرابيط

سويت شعرية لليهال واكلت معاهم
ونص خبزة ايرانية ومعاها جبن ابيض
بس شنو انغثيييييييييييييييييييت

وعقبها اكلت برد بصوص المانجا
يعني البارحة تخبيص في تخبيص

 

[لافـندر]

ووووووي بناااااااات شفيكم عين ما صلت على النبي ..

ديروووا باااااااااااااااااالكم بعد بكرا الميزااااااااان _03BA:




انا اليوم إن شاء الله أخلص امتحاناتي .. اليوم آخر امتحااااااااااااااااااااان :ggdw: :ggdw:

و إن شاااء الله أتفرغ عددددددددل للريجيم و الررياضة :ada: