ريلي ديوث:( استغفرالله ياربي شهالمصيبة

[احلى من القمر]

خخخخخخخخخخخ وبعدييييييييييييييييييييييييين عفوا الموضوع فيه خلل مايخش المخ ..........
او يمكن صج والحبيب سكير وعربيد وعفوا عالكلمه انت مستانسه على هالوضع لان شكلج متعوده عليه يسكر وشوي شوي بيسوي اللي مايتسوى.... اهوا يسوغ لروحه شي وبيوقعج انت وبيضغط عليج لا تستانسين وايد لو قال روحي انت حلوه وجذيه هذا قاعد ياكل بعقلج حلاوه
وانشاء الله مايكون صج وتكونين مسويه فينا حركه صادوه

 

[Miss ksh5h]

رد : ريلي ديوث استغفرالله ياربي شهالمصيبة

يممممممممه من صجج؟؟

وتشاوريننا !!

انتي المفروض من زمان تاركته من يوم قالج طلعي بقميصج !

شنو باقي بعد !!

استغفر الله شنو هالزمن الوصخ

 

[نبض السعاده]

رد : ريلي ديوث استغفرالله ياربي شهالمصيبة

الله يعينج

ويصبرج

 

[ضايعة بدنيتي]

رد : ريلي ديوث استغفرالله ياربي شهالمصيبة

الحمدلله والشكر ياربي لا تبلانا .

وانتي شمقعدك عنده ما تخافين على نفسك ؟؟ ما تخافين بيوم وانتي بعز نومك الا وهو جايب لك رجال غريب ويدخله عليك ؟ حزتها شبتسوين ؟؟ و من لك حزتها ؟؟ قومي روحي بيت هلك خل يشوفون لك حل رجلك الحمدلله والشكر ما فيه رجوله ولا قربت منه . كيف تأمنين على نفسك معاه ؟؟؟ انا اقول جرجريه في الكلام وسجليه بالتلفون بدون ما يحس هو شقاعد يقول . واذا قلتي لأهلك واهله وكذبوك سمعيهم خل يشوفون ولدهم الحمدلله والشكر .

بس حبيبتي تلاحقي عمرك مادري كيف ما خفتي على ولدك وعلى نفسك

الله يعينك بصراحة

 

[يعني أني]

رد : ريلي ديوث استغفرالله ياربي شهالمصيبة

زمن الرجال عيال الرجال راح

وجانا زمان اشباه الرجال والله حتى اشباه الرجال حرام فيهم

 

[@نداوي@]

رد : ريلي ديوث استغفرالله ياربي شهالمصيبة

لاحول ولا قوووة الا بالله ..
الله يكوون بعوونج يارب ..
وعليج بدعاااء ..
والله كريم

 

[*peace*]

الله يهديه يارب صج مصيبه

لاحول ولاقوة الا بالله

 

[حلقوم]

انتي متأكده ولا يتراوالج اخاف حلمانه؟

قولوآ آميين
عسآكم مآتجربونها ولا تحسون باللي آحس فيه يارب
البآرح مانمنت كله افكر بكلامكم وقررت اقول حق امي
انا عندي ولد منه
والبارح يوريني صوره لولدي كآن مآخذه معاه لديوانية رفيجه
وبفم الولد اللي حق الشيشة مالته
وربي تخانقت وياه وبجييييييت وطلعت اللي بقلبي عليه
ورآح ينام وخلاني ولا جنه صاير شي
مشكلة اهلي واهله انه اهو ثقه عندهم يعني ماراح يصدقوني لو احلف لهم بالقران
احنا عائلة معروفة قبيلتنا عندهم عيب البنت تتطلق اكيد العيب فيها
يعني مايجوفون ان الريال ممكن اهو الغلطان
ياااربي والله ضاقت فيني الوسيعه وين اروح لو بتطلق منو بياخذني عقبه انا وولدي
يارب ارحمني ياارب
بنات يزاكم الله خير ويفرج عنكم يارب

 

[SILVER ROSE]

لا حول ولا قوة إلا بالله

هذا مريض ومحتاج علاج نفسي

 

[اسوووره]

واااااااااااااااااي الله يعييييييييييين قلبج ويفج عوقج يارب العالمييييييييييييين ...

حبيبتي انتي سمعيني هالشي ما ينسكت عنه ابد يبيلج وقفه جاده مانبي نحط الطلاق اول الحلول لازم نفكر بمنطق وخاصه انه عندج ياهل منه الله يهديه يارب ...

شوفي قلبي انتي عندج اخوو قريب منج و متفهم وبنفس الوقت قريب من ريلج ؟؟؟ ومو لازم اخوج ممكن ابوج الله يحفظه اذا هم قريب منج و من ريلج يعني شوفيلج شخص تقدرين انج تعتمدين عليه بهالسالفه و يكون عاقل و متفهم يا حبيبتي ...

تروحين تقوليله السالفه من البدايه و بتفاصيلها و قوليله ابي شورك و رايك بالموضوع و شوفي شنو يشور عليج يا الغاليه ...

و اذا ما توفر هالشي يعني ماعندج اخوو متفهم و ابوج الله يحفظه مو من النوع اللي يتقبل هالشي فمالج الا انج تروحين لاستشاريه بالامور الاسريه و تفهمينها الموضوع و تشوفين رايها بالموضوع ...

مهما كانت تجاربنا بالحياة نظل جاهلين بالامور اللي ما مرت علينا وربي يمسح على قلبج و يريح بالج عاجلا لا اجلا يارب العالمين ...

كلمة راس للبنات اللي قاعدين يضحكون على السالفه و اللي مجذبين الموضوع و اتمنى انكم تتقبلونها برحابة صدر :-

حبيباتي ترى البيوت اسراااااااااااار و البلاوي اللي الموجوده بالديره والله ثم والله لو انكشفت جان شاب شعر راسكم من فضاعتها و اذا انتو عايشين في بيئه طبيعيه مايله الى المثاليه فحمدو ربكم على النعمه و ادعو رب العالمين انه يتمم عليكم ولا يزيل عليكم هالنعمه ولا تنسون شغله (( لا تظهر الشماته لاخيك فيعافيه الله و يبتليك )) ...

و اخيرا ... حبيبتي صاحبة الموضوع طمنينا عليج و اللي يسلمج و لا تنسين الله سبحانه ولا تقولين يارب عندي هم كبير و قولي يا هم عندي رب كبيييييييييييييييير ...

و رب العالمين قريييييييييب وما ينسى عبيده يا قلبي بس انتي لا تنسينه و تقربي منه بالصلاة و قيام الليل و الاستغفااااااااااااااااااااار القرآن شغليه على طول في بيتج علمي وليدج حزة الاذان يروح يقول حق ابوه اذان صلاة حتى لو صغير ترى كلام الطفل يأثر صدقيني خاصه اذا كانت كلماته غير مفهومه و غصب يقولها صدقيني راح تهز قلب ابوه مهما كان قاسي ...

ربي يكون بعونج و يفتح عليج ابواب الفرج من اوسعها و ينولج اللي في بالج يارب العالمين ...

 

[يمة يادلبي]

الله لا يبلينا
اكثرت هالنمونة هالايام

 

[sparkles]

استغفر الله العظيم

 

[غلاتي ديرتي]

لا حول ولا قوة إلا بالله

حبيبتي هذا مريض ومحتاج علاج نفسي

وبصراحة صعب تسكيت له

واحتمال يبي يختبرج وبيصيد عليج شغلة

والله أعلم

ريلج وانتي أبخص فيه ​

انا معااهااااااا

 

[rehamq8]

يا حلقوم
الكل قالج قصص ناس اعرفهم مروا بنفس مشكلتج وآنا قلتلج مشكلة رفيجتي
الريال يتسنع إذا الموضوع يخص طبعه وإسلوبه مو دياثته والعياذ بالله
الله شرع الطلاق روحي بيت أهلج وقولي السالفه لأحد يفهم وصممي على قرارج بس استخيري الأول وتوكلي على الله

 

[meen_ana]

لا حول ولا قوة الا بالله

 

[~وريثة الملوكـ~]

???الوضع مو طبيعي؟؟؟

حده مو طبيعي
انصحج تستغفرين ربج بنية صلاح زوجج
وحاولي تهدينه
هذا ضعف بالوزع الديني
واقري البقره
وخليه يشووفج وانتي تصلين
وقولي لازم تصلي
حااولي تفهين اعياالج بامور الدين عنده عشاان يقتنع
يعني مو تجينه وتقولين ياافلان قرب من ربك
خليه يشوفج وانتي تعلمين عيالج بالصلاة والصياام
وغيره

وربي ان شااء الله يهديه​

 

[جمالي ايطالي]

لا حول ولا قوة الا بالله

 

[@فطفوووطه@]

لاحول ولاقوة الا بالله

الله يهديه يارب

 

[نذرت الحب]

ريلج اهو اليي ينطلق عليه كلمة ديوووووووث

وشكله اكيد عنده امراض نفسية . لان انا مره سامعه ان فيه ريااييل جذي يكون شاااذ

مثلا يحب يشووف مرته مع رجل اخر وعفوفا على الكلمه يحب يشووفها في علاقة جنسية مع رجلا اخر يستمتع بالهشي.

والي جذي يكوون فيه رغبااات شاذه . يعني الله يكون بعونك ريلج مريض مو صاحي

 

[حلقوم]

ااخ يابنات انا حبيسه شقته 24 ساعة صرت استغرب على نفسي لو اطلع وارجع متضايقة
اهلي اروح لهم كل اسبوعين تقريبا
تعبت انا معااه هديت دراستي والنت كرهته من الضيقة اللي فيني

بنات ريلي كل يوم طلباته غريبه حتى وقت الجماع بس مستحمله وساكته
والله العظيم يابنات وراس ولدي
ان اللي يشوفني مايقول عربية جمالي شرقي وغربي سبحان الله غير حتى عن اخواني
لو تشووفوني الحييين ذبلاااااااااانه ونحفانه من ضيقة الصدر

طيب اتطلق على طول ماراح يصدقوني
ريلي من النوع اللي مع الناس الله الله والكل يمدح فيه
بس مع ربعه وخرابيطه غيييييييييييير
البارح يقولي شرايج نروح قطر
قلت لا ابي دبي
قال لا دبي تصلح للعزوبي
عشان الواحد ياخذ راحته
انا سكت وماقلت شي احس مات الاحساس والغيرة عندي

يآرب تفرجها علي وتهونها
لاتشوفونها يااااااارب
ويزاج الله الف خير حبيبتي اسورة يعلج ماتجربينها وصدقتي اغلب البنات مو مصدقين عاااادي اهم عايشين براحه يحسبون كل الناس مثلهم
احس كل شي مسكر بوجهي
انفجرت مره وحده ويييين اروووووح
يااااااارب كون بعوني
جزاكم الله خير يارب