ريلي زعلان مني صارله يومين شسوي ؟؟

[dalo0oa121]

يمكن البنت يوم قرت مواضيع البنات انه زوجي مدلعني
ومسويلي حفلة وهدايا تبي الشي نفسه هو يختلف من رجال
لي رجال

 

[Mjnont '3lay]

وي وي وي ماخليتي شي ماقلتيه كل هذا عشان هديه ميته عالهديه
بس مو ميته على زعل زوجج منج
الله يسامحج ويهديج ويغفرلج بس

 

[الخجل الانثوي]

هع والله شي يضحك الله يعطيج العقل
جم عمرج ،؟!
صارلج سنتين متزوجه وللحين ماتعرفين تتعاملين مع زوجج،؟!
فياكثر من طريقه تحسسينه بذنب بس بدون حرف واحد تزعجينه فيه
وبيدش اليوم الثاني بيده هديه لج وهو حاس بتقصيره
وبالحالتين انتي الربحانه مازعلتي زوجج و استمتعتي بعيد ميلادج وبحبج اكثر هذا ويحترمج وفوقهم هديه
بس انتي تبين الهواش ماتفكرين بعقل عبالج للحين ورعه *

 

[دهورتني يازين]

الله يهدي مابينكم

 

[كـويتية]

الصراحة سالفتج مالها داعي

عشان عيد ميلاد !!!!

جان لمحتي له قوليله اليوم مايذكرك بشيء يعني لمحي له موو تنقلب هووااش

الله يهداج ماتسوى تراا !!؟

اذا تبين الصج انت اللي مفروض تراضينه لانج انتي اللي باديه ماخذته بشراع وميداف

وهو مسكين يمكن نساا انا عيد ميلادي شهر 5 واحنا تزوجنا شهر 2 يعني بعد زواجي بثلاث شهور وهو مايدري ولمحت له وذكر وجابلي هدية وطلعني برا

انصحج روحي راضيه واخذي بخاطره

موفقه

 

[مــســك]

تبين تضحكين .. ميلادج مثل يوم ميلادي 22_7 ..

ومثلج هذا ثاني ميلاد آنا عنده .. يعني سنه ونص ..


وانا كنت عند اهلي من يومين لاني تعبانه .. وطرشت له مسج ان اليوم ميلادي ويوم ملجتنا ..

الله وكيلج لا دق ولا طرش شي ..!!


زوجي بارد بلييييييييد مايحس يعني مو من اهتماماته هالشكليات ..


الله وكيلج لا عاتبته ولا كلمته عطيت الموضوووع طااااااااااااااااف ...


وانتي الله يهديج حييل شطيتي وعصبتي عشان هديه ..


بــ آمكانج تلبسين لبس حلو وتسووين جو رومانسي .. وتقولين له حبيبي اليوم ميلادي ومن هالكلام الحلوو ..


وانتي بنفس تذكرينه بالهديه ..

 

[om-3azo-83z]

تبين الصراحه؟
صج اللي سواه قوي و يعور القلب خاصه انكم توكم متزوجين بس تصرفج غلللللللللللللللللللط
جنج ادورين الزله ما صدقتي اطلعين اللي بقلبج المفروض تعاتبينه على عيدميلادج و بسسسسسسسس و بدون نجره بدلع بغشمره اطفرينه مثلا تقوليله بخيييييييل جعص مايبتلي لا لا ما توقعتك جذي على غشمره و ضحك فشليه مو اطبين فيه و باهله
مادري شقولج والله بس ما انصحج تروحين بيت اهلج اممممممم بعطيج حل يمكن يمكن ينفع مره سويته و ضبط معاي خخخخخخخ
مره صارت سالفه ما اذكر على شنو الاثنين غلطانين و مابي اتنازل ولا ابي يتم الوضع ككئيب جذي
جان اقوم اسوي جو رومانسي حق روحي الحمدالله و الشكر سكرت الليتات بس شموع و كشخت و لبست اقصر شي عندي خخخخخ و رايحه راده لما تاكدت ان شافني يالله رديت داري جابلت مجله و و جنه مو صاير شي بروحه بروحه دش الدار يعتذر و يسولف و انا صايره ثقيله
طبقيها و على الله تنفع

 

[فجر النصر]

ترا هذا شغل ابليس لاتخلينه يعفس حياتك
طيب يمكن الجال
كان ناسي عادي الكمال لوجه الله
وبعدين لو كنتي عاتبتيه باسلوب هادي ودلع كان عوضك وحس واعتذر
استفيدي من اخطاؤك واعرفي مفاتيح زوجك تعيشي احلى حياة

 

[ضحكتي ماركة ]

ان الله عفو كريم يحب العفوو

واذا اهله مضايقنج دايم خلج احسن وسامحيهم اعفي عنهم وريلج شكووو

والله ماتسوى عشان هديه لو جايته باسلوب وعتب خفيف جان ثاني يوم جابلج وان ماجابلج

الحمدالله والله ماله داعي تزعلين عشان شئ تافهه ولا حرام عيد ميلاد بعد

يعني اخذتي ذنب زعل زوجج وذنب احتفال بعيد ميلاد

 

[طيبة83]

وي حلوه ودلوعه اهني

تو ما نور القسم

انتي وينج ما تطلعين الا في رمضان؟؟؟؟

والله مواضيعج احلا من مسلسلات رمضان بالف مره

 

[(حكاية قلب )]

انتي وياه مو كفوو زواج

​

 

[Um Tuki]

تعدلي و تصقلي و روحي لزوجج حبيبتي قوليله اسف بالغت وايد بردت فعلي بس كنت متوقعة شي و صار شي ثاني

كنت ناطرة كل سنة و انتي كيبة و انا كنت مضغوطة و فرغت فيك اسفة وايد

و طيبي خاطره ماتدرين شكان وضعه و بشنو يفكر

و بعدين ليش كل يوم شايله قشج و طايرة بيت اهلج هذي سوالف يهال يا حبيبتي

الريال لا تعود على الفرقا ينساج و ينسى كل شي و يتعود عالوضع

ابدااااا لا تهدين بيتج الا اذا السالفة جايدة

خيانة او مد يده عليج. او مخدرات لا سمح الله او يشرب


عشان عيد ميلاد

ادري احنا الحريم تحز بخواطرنا هالاشياء اللي الرياييل يعتبرونها تافهه
بس انتي لا تضيقين خلقج توكم سنتين علميه على طبايعج

 

[خالتي قموش]

ان قبل جم يوم عيد زواجي و ريلي ناسي مع انه ثاني عيد زواج
جهزت كل شي و كشخت و نطرته يرجع من الشغل
ويوم شاف المفاجاه اللي محضرتها استانس و اعتذر
وقضينا يوم حلو
عادي
سهالات
وانتي دايم مشتطه
الله يعينج على نفسج
لو عندج ريل مثل الناس
جان عرف يسنعج عدل
مو يكسر التلفزيون
الا يقص لسانج الزفر ويعيد تربيتج
هذا اذا ما قطج بيت اهلج
شكله لاعت جبده الريال
يبيلج اعادة تاهيل

ناس قاعده تموت
وانتي تبجين على هديه
اللي يسمعج يقول عيد ميلاد اليزابيث

 

[ريماR]

امبييه من صجه رفس التي في امبيه لا
وين قاعدين
من صجه نسي عيد ميلادج امبيه لا مستحيل
يااااي يمامي لو انا مكانج جان اجرت 2 كمال اجسام معضلين خليتهم يطقونه طق
شوفي مو الحين يطقونه لا حرام رمضان خليه وقت العيد احلي مو ولا
شرايكم

 

[لآلئ وردية]

حبوبة

السمـوحة منج

بس استغربت من اسلوب كلامج عن ريلج

سبحان الله الاسلام حط للزوج قدر كبيـر عند المرأة

و انتـي هنيه جدام الله و خلقه تقولين يذلف و مادري شنو و هالألفـاظ!!!!!؟؟؟؟

معقولة لهالدرجة مافي احتـرام

كلهها شوية زعـل على هديه

باجـر يراضييج و تتحسفين على هالكـلام جدام الناس

استغفري ربج حبوبة

و صالحـي ريلج و صلحي علاقتج معاه

و احترمييه جدام النـاس و بينج و بينه

عشان تعرفـون تكملـون صح

،،،

الله يصلح ما بينكـم يا رب و كل الأزواج

 

[نونه المنكوشه]

انا من راي تعبدي واقري قران هذا شهر فضيل لاطوفينه ع امور تافهه وادعي الله يالف مابينكم وسخركم لبعض

 

[صمت المرافئ]

ولهنا عليج ...
من زمان ما شفنا لج موضوع ... :bbbiu:
متابعين ... متابعين ...
نبي نشوف آخرتها
خخخخخخخخخ
​

 

[Mjnont '3lay]

امبييه من صجه رفس التي في امبيه لا
وين قاعدين
من صجه نسي عيد ميلادج امبيه لا مستحيل
يااااي يمامي لو انا مكانج جان اجرت 2 كمال اجسام معضلين خليتهم يطقونه طق
شوفي مو الحين يطقونه لا حرام رمضان خليه وقت العيد احلي مو ولا
شرايكم

ههههههههههههههههههههههههههههههههههههههههههههههههههههههههههههههههههههههههههههههههههههههههه
حسسسسسسسسسسسسبي الله على ابلييييييييسج خليتيني اشرق من الضحك
ايه هالاسلوب يمشي معاها :dddds::dddds::dddds:

 

[عاشقة الاسلام]

صراحه كبرتي الموضوع وايد
حرام عليج اللي سويتي بريلج وصدقيني اكثرهم ما يحتفلون بعيد الميلاد لانه حرام
وكفايه ان تكون معاملته زينه معاج

 

[كويتية بروما]

اوووووووووووووف قويه منه