ريلي زعلان مني صارله يومين شسوي ؟؟

[عـابرة]

اهلا باختي الدلوعة و الحلوة
والله من السالفة مبين شكثر انتي دلوعة !! .. والله من صجج الحين هذي مصيبة :/
شتقولين عن باجي المشاكل اذا مشكلة نفس هذي كـبرتيها @@
شوفي حبي انا فاهمة قصدج و انج محترة ليش انه ماتذكرج حتى بشي بسيط
بس لو مسوية حركة احلى و ارق شوي !
مثلاً تكون البادرة منج وتذكرينه و كعقاب تطلبين الي تبين ض1
أو تسوين نفسج زعلانة ليش انه نسى بس ترضين بنفس اليوم بس دلع يعني !
و كانت جدامج امية طريقة و طريقة تذكرينه فيها ..!
بشكل غير مباشر
اما سالفة انج تاكلينه بقشورة و تجيبين طاري اهله بالشينة لسبب تافه نفس هذا
اتوقع قال شهالتافهة الي تتناجر عشان هالسبب
ولا تطالعيني جذي اي اي سبب تافه والله
اولاً انا مابي اكون ناصحة فوق راسج بس جد اعياد الميلاد محرمة عندنا !
في أحد يحتفل بأنه راح من عمره سنة !!!
جيكي مناسبة تافهة اقتبسناها من الغرب سببت مشكلة من لا شيء !
اهوا حلو انج تتذكرين كل التواريخ و المناسبات المهمة بحياتكم بس جل من لا يسهو
انتي ما فكرتي تحطين له عذر و لو واحد !!؟
يمكن نسى لأنه اكو موضوع شاغله .. يمكن ما شاف التاريخ او ما جيك عدل !!
لازم تحطين له امية عذر وما تزعلينه عشان سبب مثل هذا ..
وسالفة انج تكبتين تكبتين و فججأة تنفجرين من صجج !!!
الحين بيقول اوففف كل هذا خاشته بقلبها !!!!!
وشغلة 2 حبوبة اكبر غلط تسبين اهله جدامه او تجيبين طاريهم بالشينة !!!
والله اكككككبر غلط !!!
زين انه ما تهور .. هذيل اهله تعرفين شنو اهله ؟!
الحين من وجهة نظري لازم انتي الي تعتذرين وبطريقة حلوة ...
لأنه اهوا ماغلط .. انتي الي انفجرتي بوجهه و عشان عيد ميلاد » ترى جد قاهرتني السالفة
اذا كل زوجة بتوقف زوجها على كل شي ..و تحاسبه حتى ع النسيان جان الدنيا صارت فوضى
غاليتي ...انتي توج ببداية الطريج ياما راح تتغاضين عن اشياء و اشياء
اقوى من هذي
و اسمحيلي انتي الغلطانة لأنج جبتي طاري اهله
جيبيله هدية حلوة او اعتذري له .. و تسامحي منه !
قولي له ادري اني غلطت .. و خلطت الأمور .. بس كنت متحمسة من الصبح
و توقعت هاليوم مميز بالنسبة لك .. و خلص اليوم وانت ما كلمتني بهالموضوع
فتنرفزت و قلت حجي المفروض ماقوله !!
شرايك نحتفل و جني ما ادري باركلي بهاليوم المميز : )
» وحركات جذي يعني ..
عاد انتي ادرى بطبع زوجج .. ضبطي السيناريو عدل بس ديري بالج تمثلين !
خلي الحجي يطلع من قلبج ..
و نصيحتي الاخيرة لج ... لا تتحجين عن زوجج جذي و تكتبين خله يولي و بالطقاق
انفعلي اوكي بينج و بين نفسج .. اذا ماحترمتي زوجج محد راح يحترمج !
هذا نصفج الثاني المفروض ما ترضين لنفسج تكتبين عنه جذي و جدام الكل
حتى لو كنتي تعتبرينا خواتج و شخصيتج مجهولة بالمنتدى !
و انصدمت ترا يوم قريت انج رايحة بيت اهلج كذا مرة ..
و انا واثقة ان الاسباب تافهة و اسمحيلي اقولها !
المفروض ما تدخلين اهلج واهله بسوالفكم !!!
هذا بيتج و اسرارج شلون تطلعونها للكل ؟!
في نهاية ردي اتمنى اني ماكون ضايقتج ...
بس لأني معتبرتج اخت واتمنى تتقبلين مني
ياما بتواجهكم مشاكل .. لا تخلين التافه منها يهدم بيتج ..
والله يوفقج و يسعدج يا اخيتي ،

 

[دلووعه وحلووه]

امبي مو من صجج كلش ترا الموضوع عيد ميلاد ليش قلبتيها اهلك واهلك؟ شكو يعني ماخذتها حجه عشان تبطين الجربه؟ الحين مايفيد الومج بس ردة فعله ممكن تكون مبالغ فيها بس يبين لي شكثر حكرتيه بالحجي لدرجة انه رفس التلفزيون حمدي ربج ماكنتي مكان التلفزيون. ماكو احد يرضى انج تتهجمين على اهله لو شنو كانوا.

والله اني صارتلي سوالف كنت مانام الليل من الحره وافضفض حق اعز رفيجاتي حتى اختي ماقولها عشان ماتشيل بقلبها.

خليه لين يهدا ولما يطلب شي سئليه استعبطي اي واحد تقصد وين مكانه خليه يسولف شوي وبينيله صج ماتدرين وينه او شكل الشي اللي يبيه وشوي شوي بيطخ وبتمشي الامور. تالي بعد فتره اثبتيله انج نسيتي كلشي وانج شي يديد وتغيري من ناحية اهله ترا ماكو ريال بيهد اهله عشان عيونج وان هد اهله مافيه خير.

واذا انتي كلش تعبانه وايد منهم (ابعد عن الشر وغنيله) اتبعي المثل اللي يقول (يابخت من زار وخفف) الزواره بالمناسبات وبين فتره والثانيه. واذا مات ابليس اللي يوزج زوريهم ولاتطولين وقومي بالواجب وبدون تكلف لانج ماتحبينهم ولو انج شريتي شي بتكلف ولقيتي ردة فعل ماتعجبج راح تعصبين زود فليش كل هالخبصه؟

والله يوفقج ويصلح مابينكم

انا ساكنه فبيت اهله مو بروحنا
اهوا مو راضي يطلعنا

حبيبتي إنتي كل مشاكلج اللي طافتج طايحتله تسفل بالريال ولاعنه خير خيره..

ولاحظت إنج وايد تتشكين وتتذمرين من بيت حمولتج كونج ساكنة عندهم..
الريال له طاقة حبيبتي..
يمكن قبل الزواج كان مستحمل دلعج عليه كونج مو عنده و متشفق عليج..
بس بعد الزواج خلاص..
الريال ما يبي البنت الدلوعة كثر ما يبي البنت اللي تشيل معاه المسؤولية و تخفف عنه..
حاولي تغيرين من شخصيتج حبيبتي..
حاولي تكونين أكثر جدية و أكثر تفهم..
حاولي تكونين سند له مو كسرة ظهر له..
الله يهدي سركم و يصلح فيما بينكم.​

ايه صح انا حااسه متغير قام واايد يهيت مع ربعه

تبين الصراحه؟
صج اللي سواه قوي و يعور القلب خاصه انكم توكم متزوجين بس تصرفج غلللللللللللللللللللط
جنج ادورين الزله ما صدقتي اطلعين اللي بقلبج المفروض تعاتبينه على عيدميلادج و بسسسسسسسس و بدون نجره بدلع بغشمره اطفرينه مثلا تقوليله بخيييييييل جعص مايبتلي لا لا ما توقعتك جذي على غشمره و ضحك فشليه مو اطبين فيه و باهله
مادري شقولج والله بس ما انصحج تروحين بيت اهلج اممممممم بعطيج حل يمكن يمكن ينفع مره سويته و ضبط معاي خخخخخخخ
مره صارت سالفه ما اذكر على شنو الاثنين غلطانين و مابي اتنازل ولا ابي يتم الوضع ككئيب جذي
جان اقوم اسوي جو رومانسي حق روحي الحمدالله و الشكر سكرت الليتات بس شموع و كشخت و لبست اقصر شي عندي خخخخخ و رايحه راده لما تاكدت ان شافني يالله رديت داري جابلت مجله و و جنه مو صاير شي بروحه بروحه دش الدار يعتذر و يسولف و انا صايره ثقيله
طبقيها و على الله تنفع

لوول اييه صح خوش خطه

وي حلوه ودلوعه اهني

تو ما نور القسم

انتي وينج ما تطلعين الا في رمضان؟؟؟؟

والله مواضيعج احلا من مسلسلات رمضان بالف مره

:eh_s(4): هذا شوق ولا ذم؟

 

[دلووعه وحلووه]

انتي وياه مو كفوو زواج ​

اقول ادلين الباب ؟!
عطينا مقفاج بس

ان قبل جم يوم عيد زواجي و ريلي ناسي مع انه ثاني عيد زواج
جهزت كل شي و كشخت و نطرته يرجع من الشغل
ويوم شاف المفاجاه اللي محضرتها استانس و اعتذر
وقضينا يوم حلو
عادي
سهالات
وانتي دايم مشتطه
الله يعينج على نفسج
لو عندج ريل مثل الناس
جان عرف يسنعج عدل
مو يكسر التلفزيون
الا يقص لسانج الزفر ويعيد تربيتج
هذا اذا ما قطج بيت اهلج
شكله لاعت جبده الريال
يبيلج اعادة تاهيل

ناس قاعده تموت
وانتي تبجين على هديه
اللي يسمعج يقول عيد ميلاد اليزابيث

طبعا انتي سلوبج اكس مثل ويهج
وهذا يدل على بيئتج الوصخه
فماراح ارد عليج

امبييه من صجه رفس التي في امبيه لا
وين قاعدين
من صجه نسي عيد ميلادج امبيه لا مستحيل
يااااي يمامي لو انا مكانج جان اجرت 2 كمال اجسام معضلين خليتهم يطقونه طق
شوفي مو الحين يطقونه لا حرام رمضان خليه وقت العيد احلي مو ولا
شرايكم

شنو يعني؟ !!!!!!!!!!!!!!!
يعني انا النكته؟؟

يعني انا الضغييطه؟؟

يعني انا الfunny??

يلعن ام الملاقه

اهلا باختي الدلوعة و الحلوة
والله من السالفة مبين شكثر انتي دلوعة !! .. والله من صجج الحين هذي مصيبة :/
شتقولين عن باجي المشاكل اذا مشكلة نفس هذي كـبرتيها @@
شوفي حبي انا فاهمة قصدج و انج محترة ليش انه ماتذكرج حتى بشي بسيط
بس لو مسوية حركة احلى و ارق شوي !
مثلاً تكون البادرة منج وتذكرينه و كعقاب تطلبين الي تبين ض1
أو تسوين نفسج زعلانة ليش انه نسى بس ترضين بنفس اليوم بس دلع يعني !
و كانت جدامج امية طريقة و طريقة تذكرينه فيها ..!
بشكل غير مباشر
اما سالفة انج تاكلينه بقشورة و تجيبين طاري اهله بالشينة لسبب تافه نفس هذا
اتوقع قال شهالتافهة الي تتناجر عشان هالسبب
ولا تطالعيني جذي اي اي سبب تافه والله
اولاً انا مابي اكون ناصحة فوق راسج بس جد اعياد الميلاد محرمة عندنا !
في أحد يحتفل بأنه راح من عمره سنة !!!
جيكي مناسبة تافهة اقتبسناها من الغرب سببت مشكلة من لا شيء !
اهوا حلو انج تتذكرين كل التواريخ و المناسبات المهمة بحياتكم بس جل من لا يسهو
انتي ما فكرتي تحطين له عذر و لو واحد !!؟
يمكن نسى لأنه اكو موضوع شاغله .. يمكن ما شاف التاريخ او ما جيك عدل !!
لازم تحطين له امية عذر وما تزعلينه عشان سبب مثل هذا ..
وسالفة انج تكبتين تكبتين و فججأة تنفجرين من صجج !!!
الحين بيقول اوففف كل هذا خاشته بقلبها !!!!!
وشغلة 2 حبوبة اكبر غلط تسبين اهله جدامه او تجيبين طاريهم بالشينة !!!
والله اكككككبر غلط !!!
زين انه ما تهور .. هذيل اهله تعرفين شنو اهله ؟!
الحين من وجهة نظري لازم انتي الي تعتذرين وبطريقة حلوة ...
لأنه اهوا ماغلط .. انتي الي انفجرتي بوجهه و عشان عيد ميلاد » ترى جد قاهرتني السالفة
اذا كل زوجة بتوقف زوجها على كل شي ..و تحاسبه حتى ع النسيان جان الدنيا صارت فوضى
غاليتي ...انتي توج ببداية الطريج ياما راح تتغاضين عن اشياء و اشياء
اقوى من هذي
و اسمحيلي انتي الغلطانة لأنج جبتي طاري اهله
جيبيله هدية حلوة او اعتذري له .. و تسامحي منه !
قولي له ادري اني غلطت .. و خلطت الأمور .. بس كنت متحمسة من الصبح
و توقعت هاليوم مميز بالنسبة لك .. و خلص اليوم وانت ما كلمتني بهالموضوع
فتنرفزت و قلت حجي المفروض ماقوله !!
شرايك نحتفل و جني ما ادري باركلي بهاليوم المميز : )
» وحركات جذي يعني ..
عاد انتي ادرى بطبع زوجج .. ضبطي السيناريو عدل بس ديري بالج تمثلين !
خلي الحجي يطلع من قلبج ..
و نصيحتي الاخيرة لج ... لا تتحجين عن زوجج جذي و تكتبين خله يولي و بالطقاق
انفعلي اوكي بينج و بين نفسج .. اذا ماحترمتي زوجج محد راح يحترمج !
هذا نصفج الثاني المفروض ما ترضين لنفسج تكتبين عنه جذي و جدام الكل
حتى لو كنتي تعتبرينا خواتج و شخصيتج مجهولة بالمنتدى !
و انصدمت ترا يوم قريت انج رايحة بيت اهلج كذا مرة ..
و انا واثقة ان الاسباب تافهة و اسمحيلي اقولها !
المفروض ما تدخلين اهلج واهله بسوالفكم !!!
هذا بيتج و اسرارج شلون تطلعونها للكل ؟!
في نهاية ردي اتمنى اني ماكون ضايقتج ...
بس لأني معتبرتج اخت واتمنى تتقبلين مني
ياما بتواجهكم مشاكل .. لا تخلين التافه منها يهدم بيتج ..
والله يوفقج و يسعدج يا اخيتي ،

مشكووووره حبيبتي على كلامج الحلو :eh_s(22):

 

[عـابرة]

العفو و و و .. بس شصار ان شاء الله تراضيتوا ؟!

 

[درة الصباح]

دشيت ملفج وخذيت نبذه عن مشاكلج

اتوقع عمرج صغير وايد ع الزواج

لان گل مشاكلج مافيها سبب يستاهل

الا مشكله او ثنتين مايصير جذي ترا حياتج معاه ماتدوم

اذا ظليتي جذي اسم الله عليج واحس من اسلوبج عنه مايهمج كلش

 

[بنت الكويت 25]

اسمحليلي اختي انتي غلطانة الله يهديك التفاهم ما يكون بين الصراخ واذا زوجك نسي عيد ميلادك مو معناتة ان ما يحبك يمكن عندة سالفة او مشكلة شاغلة بالة بالتفاهم والهدوء كل شي ينحل والاهم من هذا كلة ما كان في داعي تذكرين اهلة بسوء تري هالشي ينفر الريال من مرتة ما يسوي تخربين بينك وبين زوجك علي شي تافة

 

[فلآنـه=))]

يعني صج !

معقوله في ناس تزعل عشان هديه عيد ميلاد ؟

المفروض انج تعذرينه اكيد كانت له التزامته واشياء وايد اشغلته !

و مو معقوله بيتذكر كل شيء يمكن نسى. وجل من لم ينسى !

وطبعا. إذا تبين ريلج. وما ودج تخسرينه روحي انتي وراضيه لأنج انتي الغلطانه !

شكو اهله بموضوع عيد ميلادج. والريال ترا مهما كان ما يرضى ع اهله !

اتمنى انج تصلحين الوضع لأن انتي الغلطانه ولا اكو احد يزعل عشان شيء محرم من الاساس !

و الله يهدي الاوضاع بينكم

 

[mannawy]

حتى لو ساكنه في بيتهم. قعدي بشقتج ولزمي مكانج وموكل شوي مرتزه ترا مو مطلوب منج هالشي. دشي السلام عليكم شلونكم وابتسامه وقولي عن اذنكم تعبانه من بعد الدواام وبباي. ولايشوفونج الا باجر. صعبه؟ ساعات الوحده تكون مكبوته وناطره الشاره شتسوي؟ تنفجر نفس سواتج وبدال ماتعدل تزيد الطين بله. انعزلي عن اي شي يعصبج وتالي لهي نفسج بشقتج وخلااااص.

واذا عليهم يوم تعبانه يوم راسي يعورني يوم يايتلي الدوره. في البدايه بيتحلطمون وتالي بيتعودون بس هااا!!! لاتشينين النفس كلش ولا تقطعين بالمره ترا هم عيب انتي ساكنه عندهم.

سالما تحسين انج مقموته تحاشي الناس عشان ماتطلعين بالشينه. ولازم تبينين حق ريلج انج تحبينهم وتعزينهم وان نفسيتج تعبانه والحل الامثل انج تفجين عنهم جود الطناقر اللي براسج طلعت وصرتي خوش وحده.

وارد واقول انتي ساكنه عندهم وعيب انج تحرضين زوجج عالطلعه يمكن خاش فلوسه حق عيالكم او يمكن مايبي يفارق امه او يمكن عنده اسبابه الخاصه ومايبي يجرحج ماتدرين. والله ان في رياييل مايبون يطلعون من البيت عشان يريحون حريمهم من مشاكل الطباخ يوم ماصخ يوم زفر يوم يابس ... ترا القعده في بيت الحموله ساعات لها ايجابيات بس اذا وصلت انها تكون سلبيه عرفي انه 100% منج انتي لانج فتحتي على نفسج بيبان مسكره وماحطيتي حد حق تعاملج وتعاملهم معاج. دشي باحترامج وطلعي باحترامج بتلاقين كل الناس محترمتج اما انج قاعده في بيتهم وتتعنفقين هذي بلوة

والله يهديج

 

[ماكواسم2]

واي تخرعين صج الحظ ما يقوم الا لـــــ..........

 

[راح حبيبي]

حاولي تقرين اكثر عن الزواج ومشاكله واستفيدي من التجارب اخذي من البنات الي يفيدج وقطي الذم وراج

الله يسخركم لبعض ويهديكم روحي راضيه ترى الموضوع بسيط.

 

[** غلا روحي **]

امبي مو من صجج كلش ترا الموضوع عيد ميلاد ليش قلبتيها اهلك واهلك؟ شكو يعني ماخذتها حجه عشان تبطين الجربه؟ الحين مايفيد الومج بس ردة فعله ممكن تكون مبالغ فيها بس يبين لي شكثر حكرتيه بالحجي لدرجة انه رفس التلفزيون حمدي ربج ماكنتي مكان التلفزيون. ماكو احد يرضى انج تتهجمين على اهله لو شنو كانوا.

والله اني صارتلي سوالف كنت مانام الليل من الحره وافضفض حق اعز رفيجاتي حتى اختي ماقولها عشان ماتشيل بقلبها.

خليه لين يهدا ولما يطلب شي سئليه استعبطي اي واحد تقصد وين مكانه خليه يسولف شوي وبينيله صج ماتدرين وينه او شكل الشي اللي يبيه وشوي شوي بيطخ وبتمشي الامور. تالي بعد فتره اثبتيله انج نسيتي كلشي وانج شي يديد وتغيري من ناحية اهله ترا ماكو ريال بيهد اهله عشان عيونج وان هد اهله مافيه خير.

واذا انتي كلش تعبانه وايد منهم (ابعد عن الشر وغنيله) اتبعي المثل اللي يقول (يابخت من زار وخفف) الزواره بالمناسبات وبين فتره والثانيه. واذا مات ابليس اللي يوزج زوريهم ولاتطولين وقومي بالواجب وبدون تكلف لانج ماتحبينهم ولو انج شريتي شي بتكلف ولقيتي ردة فعل ماتعجبج راح تعصبين زود فليش كل هالخبصه؟

والله يوفقج ويصلح مابينكم

انا من رأي الاخت mannawy

 

[ريماR]

لا والله لاملاقه ولا أنكت ولا شي
بس جاء على بالي قلت اعطيج الي في بالي
واذا الحجي ضايقج أنا اسفه

 

[منووله مشعل]

مع كلام بزه المرتزه

 

[فجروف]

صررررراحه انتي الليلي سويني من الحبه قببببببه
تقبلي مرررروووري

 

[آشوآآآق]

كبري عقلج حبيبتي مفروض ماتعاملين الرجال جذي بعدين يصير يتهرب منج الله يهديج بس

 

[ضايعة بالطوشة]

ديري بالج علا ريلج يالخبله !!! بنات بليس وايد وايد مطفقوات بس يبيون يتزوجون. حتن لو متزوج ! جذي ويصدمج تزوج عليج ؟ انتي تعرفين شلون تراضيه بطريقتج لا يطول زعل نصيحت اخت


ودمتم بود :*

 

[Le chat]

كل وحده تتكلم على حسب بيئتها وطريقه ريلها معاها يعني لاتتوقعين وحده طايحه على ريلها يخونها ولا وحده ريلها يحذفها بنعل ليل نهار بتهمها مشكلتج اكيد بتكونين تافهها بالنسبه لها انا حاسه فيج اول سنه لي مع ريلي ويوم ميلاده سويت الي مايتسوا وخذيتله هديه كانت بخاطره وانا حامل بالثامن وثقيله وييت على نفسي وسويت شي اينن مايحلم فيه ويوم يه يوم ميلادي كنت توني طالعه من النفاس ويوم ملجتنا يعني وايد مناسبات بيوم واحد تخيلي طلع من الصبح لي الساعه الف بالليل عبالي مسويلي مفاجاه اخر شي دقرني يايني بكيكه من مادري اي مخبز وصمون شبنت وجبن وماكل منه بعد بالطريج وبدون شمعه وببيت اهلي لا عشا ولا هديه ولا شي امبي انقهرت يومها لانه متعوده ريلي رومانسي ويحب هالسوالف ماتوقعت هذا قدري عنده عالاقل يطلعني نتمشى بالسياره اي شي الي مايفتهم بيقول كل هذا عشان هديه طز بالهديه بس الهديه والحركات هذي تدل على الاهتمام المهم حزتها كليت من الكيكه شوي وتميت معصبه جم يوم وماادري تهاوشت على شنو المهم وصلت لي اني قلتله طلقني امبي طبعا انا هبله وتصرفي غلط وهم تصرفج غلط بس ابي ابينلج اني حاسه فيج ومقدره العصبيه الي كنتي فيها و لا تتضايقين من ردود بعض البنات ماتدرين عن ظروفها مع ريلها وانتي الله يهدي سركم حاولي تردين المياه لي مجاريها لي كلمج لاتنفسين لايطول الزعل وعاتبيه بدلع وان شاء الله المره اليايه يفاجئج احلى مفاجاه

 

[Cαήαđiαή ģiяĻ]

بييييييييه انتي لي الحين تفلمين؟
انا رحت فوق السنه ورديت ولي الحين افلامج شكثرر

بنات انا ما احط بذمتي
بس من زمان سوالفها كلها جذب بجذب
ومن الفراقه تدش اتحطلها جم جذبه وتروح
واللي يجذب خلاص مايقدر يقول انا جذبت
بس خلاص مايتحجى ويرد يعيد ويزيد بالجذب والسوالف الماصخه
ولا ردها اللي بتحط انتي لانج جيكره محتره مني
انتي اللي شكلج فيج عقده نقص
ولا الناس شعرفهم فيج وشحقه ينقهرون ويحترون

ماقول الا الله يعينج ع نفسج
وغيري من طبعججج اللي مايخلص

 

[Cαήαđiαή ģiяĻ]

و اي اتكلم عن سالفتج العيد ميلاد هذي
انتي الغلطانه مو ريلج
الرياييل ماعندهم هالسوالف و ان يتذكر
اهمه مواعيدهم ينسونها اللي بعد جم اسبوع
ومايهتمون بهالسوالف وهالخرابيط
وترا مهما يكون ماتغلطين ع اهله وتقولين اهلك واهلك
لان مهما يكون هذيلا اهله
واللي مافيه خير لاهله مافيه خير للناس
وانتي اكو غيرج ١٠٠٠ وحدده
بس اهله ماكو غيرهم
ولاتقولين اهلك سوو جذي
لان مهما سووا انتي الغلط واهمه الصح
ماراح يقولج اي والله حبيبتي ادري اهلي غلطانين
هذيلا اهله تعرفين شنو اهله؟
يعني اهمه بالاول وبعدين انتي
والريال له احترامه
ماتغلطين عليه
والزعل اللي ٢٤ ساعه مطيحه بيت اهلج
ترا الريال بعدين يتعود وخلاص وجودج وعدمج واحد
بتكرهينه فيج بأسلوبج واطباعج هذي

وبسس هذا اللي عندي

(انا قلت من وجهة نظري ولو انا عارفه ان هذي من الصواريخ اللي عندج)

 

[Cute Bride]

الله يهديج !