ريلي ووجهة النظر !!!

[بيلسسان]

ملجه سنتين ,, انزين ليش طويله مدتها .!!
وغير جذي ..
انتي اخذتي متزوج يعني المفرووووض تحطين احتمالات للمشاكل اللي بتصير
يعني تحلمين تعيشين حياة هاديه
بس مو مع واحد متزوج

 

[بولندية]

البنات كفو وفوو

شصار عليج تزوجتي ولا بعد ؟؟

 

[PuPa^^SWeeT]

وترا افتكر انه اهوو اللي طفرها بالاول


علشان جذي دقت علييج منقهرة

اتلاقيينه حرها فيييج و قهرها ولما طلع ماكانت بوعيها

 

[Confused Girl]

غلطااااانه لما رضيتي بمتزووج

حطي نفسج مكانها!

 

[amami al-kuwai]

اولاً انتي شلون رضيتي تاخذين واحد من مرته يعني مو مطلقها وملج عليج وبعدها ردها هذي تهون

ثانياً لاحظي الكلام اللي قلتيه اذا كان الجدر قديم ومصدي يا انا نقطه بالزباله والا نبدله

يعني انتي وهي بنظره مثل الجدر

والله ياختج غلطتي غلطه كبيره يوم خذيتي رجال من مرته وغلطتي بعد لما انتبهتي على كلامج انه يضايقها فيج وهم لما ما قلتي لامج عن كلمته الاخيره

 

[ألوفا]

السموحه انتي خذتيه من زوجته بدون ماتعرفين حتى سبب زواجه منج

 

[7oor kuwait]

انتي ما غلطتي لما تزوجتي واحد متزوج لكن هذا النصيب و الله حلله ف لا تيي وحدة من البنات تلومج ماعليج منهم

والمسؤولية تبقى عليج هل تتحملين مشاركتج لوحدة ثانية بحياتج بسلبياتها وايجابياتها,فكري عدل وبعقلج مو بعواطفج

بالنسبة لزوجج ما ودي اظلمه لكن عندي رايين حقه,يمكن تحملها بالبداية واحترمها واحترمج لكن بالفترة الاخيرة زادت سوالفها وقام يتكلم عنها جدامج خصوصا انها بطت الجربة باتصالها..

اما كلمة جدر؟ فهذي لها معاني وايد من ظمنها ان بيوم من الايام ممكن يسويها فيج وهذا نقص بالتفكير

وفي شغلة ببالي انا حاسة انه شبعان وياها عيل سنتين مالج وما طلب منج شي؟؟ (فاهمة قصدي),,شي خاص فيج ويستدعي التفكير


والله يوفقج ويكتبلج الي فيه الخير

 

[مناير ...!]

نظرياته تخوف وماتطن
صدقيني الي يعاملها جذي باجر بيجيج الدور

 

[مـعـجـبـة]

اشيااااء وايد تخطر على البال للي يقرا موضوعج أو سالفتج ..

1- تزوجتيه لأنه لقطة وما ينعاف .. شاللي ما ينعاف ؟
هل هو ولد شيوخ أو من العايلة الحاكمة / ثري راعي منصب / وإلا شيخ دين ؟؟
كونه متزوج ينسف كل شي فوق (عالأقل من وجهة نظري)

انزين خلينا من هالنقطة ، نصيب والخيرة فيما اختار الله

2- انتي واهلج موافقين وشكلكم مستانسين.. انزين عاد شدعوة ما تسألون
ليش بياخذ وحدة ثانية على زوجته ؟؟ أول مرة بحياتي اسمع ناس ما يسألون
وفي حالتج انتي بالذات تستحين تسألين ؟؟ شدعوووة هذي حياتج لازم لازم تعرفين !

لنفرض إنهم مب متوالمين وحياتهم مشاكل، اهو يروح يتزوج ويستانس
ويخليها اهيه اتتم بهمومها وفوق هذا يزيد حرة قلبها بشريجة على راسها !
عمري ما آمنت إن المشاكل بين الزوجين تنحل بالزواج من ثانية > هذي مصيبة بحد ذاتها

3- ما شالله عليج من أسلوبج مبين عليج وحدة هادية وما تحبين الشر لأحد
بس حبوبة اشلون حسبتيها تاخذين واحد متزوج وعنده عيال وتتوقعين راحة البال ؟؟
انتي مو بس شريجة، انتي كأنج ماخذة نص ريّال .. اهو عزابي ويالله تحصلينه
هالدور متزوج ومعيّل ؟ امممممم ... على راحتج
كل اللي اقدر اقولج إياه إنج تعيدين تفكير .. والله يوفقج ،،،

 

[غراوي]

واضح ملج عليج عشان يادب مرته
الدليل منقعج سنتين وراضي بشرطج
وانه يتغزل فيج جدام ام عياله
باجر يا انه بيطلقج بعد ما طلع بمبتغاه انه ادب مرته
او اذا شاف منج تصرف بيقولج يالجدر الوصخ ويتزو ج الثالثه

 

[رجفة وهم]

الله يعينك لو انا مكانك ماأخذها

صدقيييييييييييييييني بتقطين عمرك بمشاكل لا له أول ولا تالي

كل شوي بتصير مشكله بينك وبينها

وبيصير أهوا الضحية بينكم مايدري يرضيك ولا يرضيها

الله يوفقك