ريلي ووجهة النظر !!!

[متواضعة]

ابيكم اتفهمون شي بنات الريال لما طقت في راسه انه يبي يتزوج خلاص بيتزوج مو شرط المره مقصره في حقه هالكلام اللي يقولونه كله اعذار وتبريرات مالها معنا وياما نسوان انظلمووو بسبب هالتبريرات المو صحيحه

 

[om-3azo-83z]

امممممم اصابعج مو سوى و لو اهوا مو مرتاحلج و حاسج غيييير عنها ما طلعلج اللي بقلبه يبا طنششششششششششي فيها هذي وحده مو محترمه و عقلها صغير و الدليل مكالمتها معاج شكو تحط الحره فيج !!
كسبي ريلج ولا تزعلينه لا يكش منج انتي بعد
الله يخليه لج و يخليج له آمــــــــــيــــــــن

 

[اميره1980]

كل هالكلام اللي تقولينه عنه و بعد خوش ريال؟؟
ليش محسستنا ان ما صدقتي اييج ريال و تتزوجينه ؟
ليش قبلتي بواحد متزوج و زوجته ما فيها شي ؟
لالالالالالالالالالالالالالالالالا تعليق

 

[ابـيـض واسـود]

لاازم تعذرينها لو قاالت اي كلمه قالتها

لان الشريكه تحرر وموب هينه حتى لوووووو ماتحب رجلها

بس الشريكه تووجع

 

[الدرة الغالية]

حبيبتي،،

بقولج على كم شغلة،،

الاولى/ أنا تقدم لي واحد نفس المواصفات اللي اتمناها بزوج المستقبل.. كل شي فيه حلوو..مااتكلم عن الشكل والظاهر لا عن داخله..لكن رفضته لأنه متزوج..وقلت له بوجهه انا مااتزوج واحد متزوج..لأن عمري ماارضى ان تيي وحده وتاخذ ريلي مني..وانا احط مكاني بمكانها..وسألته قلت له يهون عليك تتزوج على مرتك ام عيالك؟..رد علي قالي انت ماتعرفين البيوت اسرار..سكت عنه وسكرت الموضوع وانتهى بالنسبة لي.

هذا مايعني ان ابيج تتحسفين على قرار اتخذتيه بحياتج لا..

شوفي حبيبتي..انت خلاص ارتبطتي بشخص والندم والكلام وليش وماليش مايغير شي..احنا الحين لازم نفكر شنسوي..

في البداية..انت عرفتي نوع المشكلة علشان جي تكلمتي عنها..وهذا أحسن خطوة سويتيها..

ألحين لازم تفكرين وتتعميق بالاسباب اللي خلتج تقولين هالمشكلة..ليش؟ شنو اللي صار؟

وعقب تفكرين بعمق بحل هالمشكلة..حطي بدائل،، حطي حلول،، حطي افكار،، حطي استشارات الناس اللي استشرتيهم..

وعقب،،

مدي يدينج لرب العالمين واستخيريه عقب الاستشارة والتفكير وطلبي منه يريح بالج ويطمن قلبج ..

وفي النهاية ،، اتخذي قرارج..

وأي قرار تتخذينه لازم يكون عن قناعة وتتحملين النتايج بنفسج انت مو غيرج..

أهم شي الاستخارة..ثم الاستخارة ثم الاستخارة..

وبقولج على نقطة ثانية..لاتلومين البنات اللي ردوا عليج..ترى هم متزوجات وحاطين مكانهم بمكان زوجته الاولى ومن حر قلبهم قالوا اللي قالوه لأن الطبيعي ان المرة ماتحب حد يشاركها بزوجها..

طبقي كلامي وربي يريح بالج ويسعدج..

طمنينا عليج..

 

[boliana_q8]

سكوتي بذوقي كنت اتمنى تكونين اسم على مسمى

شنو خذتي ريلها منها

انا داقة باب بيتهم ؟؟؟؟؟؟؟؟؟؟؟؟؟؟

صج ماعندج سالفه وان شالله تشوفين حوبتي فيج

غلط حبيبتي غلط

مو معناته اذا رايها ماعجبج تقعدين تدعين عليها
انتي كاتبة الموضوع لازم تتقبلين اي نقد واي كلمة تنقال سواء معاج او ضدج

وانا شفت رد البنت ماسبتج
ولا قالتلج عقبالج الثاثة الي ياخذها عليج
ولا شككت بأخلاقج

كانت تقدر تقولج انشالله حوبت مرته فيج انتي

اهي قالت انج اخذتي الريال من بيته وعياله

وهذا باين من كلامج
انه هاجرها ومو مهتم فيها

انا ماقول انج متعمدة

بس انتي كنتي السبب الرئيسي انه اهو هاجرها ومجابلج

وبدليل انه يحرها فيج ويقهرها فيج




ولايكو انا بتدعين عليي وتقولين حوبتي فيج

 

[ام فواازي]

بنات الحمدالله والشكر شفيكم عالبنت هي ماتعرفت عليه وخطفته من مرته هو بنفسه خطبها وخذاها واشرع حلل اربع اذا الرسول عليه الصلاة وسلام كان عنده اكثرمن زوجه وكانو يغارون من بعض بعد سنة الحياه هذا نصيبها ماسوت شي حرام ولا غلط
حبيبتي اذا انتي مرتاحه له طوفي له و حاولي يتم العرس يعني ماله داعي اطولون اكثر من جذي ترى ماراح تعرفينه عدل لين تعاشرينه وتعيشين معاه في بيت واحد والله يوفقج معاه

 

[أم وليد الشمري]

أبي أعررررف انت كل الي حارج وجهة نظره بالمره
ومرته يعني مالها حق تعصب وتتضايق ... لا عاد اهني ماعندها سالفه
لازم تحبه وتموت فيه لأنه تزوج عليهااا.....!!!!! وتتصل فيج وتبارك لج بعددد.... !!!
يا أختي ما أقول الله يكون بعون مرته الأولى تحملته وتاليها قطها مثل جدر خربان .....
صرررراحه شحلات المثل الي شبهه فيه
ماقصر بإم عياله ... فوق حرتها ... يغيضها فيج ويهجرها وتاليتها جدر خربان
لاحول ولا قوة الا بالله

 

[حلاوتي بشقاووتي]

محد طقج على ايدج وقالج اخذي ريال متزوج


ياكثر المطلقين اللي يدورون بنت الحلال ويا كثر العزاب اللي فاهمين امور الحياة وعيشتهم حلوه


رحتي خذيتي متزوج ؟!!!




بصراحه


ماعندج سالفه

:eh_s(15)::eh_s(15)::eh_s(15):

 

[بنت_ابوها]

دام على قولتج انج وحده ماتحب المشاكل شلون اخذتي واحد متزوج

وواضح انه ماخذج عشان يحرها ولا في احد يغازل مرته جدام مرته الثانيه شهالعقل الي عليه

والشريجة تحر لو هي بالقبر خلي هالكلام فبالج

 

[malak12325]

بما انو بعدك عم تدرسي ليش مستعجلة على الزواج كنتي نطرتي لتنهي دراستك وبعدها خذي شب من عمرك وعيشي حياتك معاه وانتي مبسوطة احسن ماتاخذي متزوج يبقى مشغول بمرته وولاده وبعدين ليسال عنك

 

[Lemon Juice]

حبيبتي لا تكدرين عمرج ، استخيري رب العالمين

الريال بعده ما سكنج عنده بالبيت يعني في مجال للتفكير ..

فكري عدل بكل جانب ، وتناقشي معاه وقوليله عن مخاوفج لا تسكتين ولا تقولين مالي شغل بمرته الأولى ،

قوليله كل اللي تبين حطي النقاط عالحروف وفهميه انج مو متهيأة للزواج منه دام هذي الظروف ،

أهم شي الإستخارة والدعاء ، و ربج عليم

 

[حبيبه هيثم]

اشكر الي ردوا

بالنسبه للملجه هذا شرطي اكون مخلص دراسه ولو عليه اهوه جان من زمان متزوجين

وبالاول والاخير ابي اعرفه عددددل لانه متزوج ومو بالساهل اقط روحي بدون ماعرفه عدل

وبالنسبه للي يقولون ليش وافقتي على واحد متزوج اقول هذا النصيب وبعمري ماحلمت اخذ ريال متزوج

لكن بنات عفيه لاتردين عشانج زوجه اولى وبس هم فكروا فيني .. حطي نفسج بمكاني

بالنسبه للي تقول شلون سنتين ومرته ماتعرف الا مرته تعرف واهله كلهم لكن ماعمرها كلمتني ولاكلمتها

وانا عاذرتها والله ولا عمري فكرت اخذ ريال من مرته .. لكن فهموووني والله النصيب يلف يلف اليما يي

والله اللي رفضتهم وايد خطاب الين مايا هالريال وسبحان الله ارد واقول النصيب

بنات مرات والله والله والله اعذره

انا والله ماادري ليه اتزوج ثانية البيوت اسرار

وانا استحي اسئله

وقلت لكم ماكان يحجي عنها وسالفه مكالماتها لي قريبه وااااايد من بعدها صار يقط مرات حجي عنها




لا اله الا الله والحمد لله

اسمحيل اقولج انتى غلطانه شنو ماتسالينا ليش بتتزوج عليها شكلج قاطه نفسج ومومصدقا ياج ريل شكو ماخذا واحد متزوج وعندا عيال مافى رياييل والا انتى فيج عيب :bbbiu:

 

[د. فاطمة]

بقول لج شي
حبيبتي انتي حكمتي انها قوية من المكالمة
بس أي أنثى زوجها يتزوج عليها ويهجرها شهر .!!!
بتسوي جذيه وأعظم

الله يعينها صراحة

مادري شقول لج
بس استخيرررررري قبل كل شي

والله يوفقج ويكتب لج كل خير يارب

 

[قــل مـا تـشـاء]

حبيبتي لاااازم تجلسين معاه وتحطين النقاط عالحروف
وقولي له عن احساسج وخوفج , ومافيهآ شي بعد لو قلتي له عن كلامه عن الزوجه لأن كلمته واايد قوية ,,
واذا صار انج ماارتحتي معاه مالج الا انج تكلمين أمج وأبوج عن مخاوفج قبل ماتتزوجينه
الله يوفقج

 

[ايمانو حلوة]

الله يهنيج بهالزواج الناجح جدا

لا تعليق البنات مااااااقصروا

 

[classicyah]

مآ عليه ، كوني أحسـن عنهـآ

هي معصبه و غيرآنه و زوجهآ هآجرنهآ بعد

و إنتي مآشآءالله عليج وآضح انج عآقله و اتخآفيـن الله . .

،

قوليله إنج مآ اتحبين يستخدمج ضدهـآ أبداً

صآرحيه بكل مشآعرج

و قوليله إن المرأه لهآ مشآعر و تتنجرح بسهوله

إكسبهآ بآلكلمه الحلوه و الأعصآب الهآديه . .

مآ يمنع تنصحينه و اتذكريـنه

،

الله يوفقج و يهنيج

و نعم الزوجه الصـآلحه و آلله

و الله يكثر من أمثـآلج

 

[حبك من الله]

الله يعطيكم العافيه لكل اللي ردوا

الحمد لله انا نفسيتي وايد متحسنه عن امس

وحاسه نفسي كنت متلخبطه الحين وايد وايد

فيه ردود ريحتني وردود وضحت لي تفكير الزوجه الاولى شلون

ارد واقول انا عاذرتها

بس هم قلت لكم اكيد امبينهم شي انا مااعرفه

ع العموم اشكر اللي ردوا

واذا بخاطركم شي حابين تقولونه قولوه

واحب اقول الله يباااااااااااااااااارك للخوات اللي باركوا لي

والله يرزقكم بخير مما تتمنوون

وان شاء الله راح اكون متواصله وياكم عن اخباري شنو استجد فيها

 

[متى بتعود]

تقولين عن مرته الاولى قويه؟؟؟
صدقيني مو اقوى منج يالي قبلتي تخربين حياااتها لا ومنصدمه حظرتج بس مثل ماخذيتيه منها بتجي انشالله الي تاخذه منج

 

[حبك من الله]

متى بتعود

شكلج ماقرأتي كل ردودي

عموما ماييت بيتهم وبقت ريلها

ديري على بالج لو ماعرفتي قيمة ريلج بيروح يدور غيرررررج وحده تدير بالها عليه