ريلي ووجهة النظر !!!

[mira]

انا ماأدري شلون ترضين تأخذين واحد متزوج وشلون هو بعد تجراء وخطبك وانتي مابعد تزوجتي وهو متزوج !!
يعني لو انتي مطلقه او ارمله او فيك عيب ممكن تسوين كذا بس يمكن فيه شي مانعرفه !!
وبعدين اتوقع هو اذا مااحترم زوجته الاولى وام عياله بعد هالعشره بيجي لك يوم انتي بعد وتذوقين ماذاقت من اسلوبه الوقح معاها

 

[ام كوثر2007]

حبيبتي هذى مشكله الحريم ... يمشون بكل شي بالشرع ويقولووون قال الله وقال الرسول

لكن لمن اتيي السالفه عند الشرع حلل اربع يحرمونها .. ويبغضونها ..


مشكله مثل ما قلنا لانهم حريم .. ناقصين عقل ..

محد يقدر يلوومج علي شي حلله الشرع .. انتي مو قايله لنا قصه واحد متعرفه عليه عن طريج الحرام عشان نقعد نفتي علي راسج ونقولج ليش وشحقه وخافي ربج ..


هذا شرع رب العالمين .. واللى تقول اخذتيه من زوجته وليش رضيتي بمتزوج اقولها صدقيني مافي ريال صاحي .. يفكر يتزوج ويفتح بيت ثاني ومسؤوليه وعيال ومصاريف ودوخه راس الا اذا كان عايف الدنيا ولايعه جبده من بيته الاول ..


وهذى المساله تتحملها وتتحمل جزء كبير منها الزوجه الاولي .. لانها عطت فرصه انه وحده ثانيه تشاركها حياتها..


بغبائها وعلي بالها انها ملكت الريال وتصرفاتها الغلط اهي اللى يابته حق نفسها..



وعشان جذى اقولج يا صاحبه الموضووع .. هذا اقرار انتي اخذتيه الحين وزواجج قريب يا قلبي . بس حطي براسج شي واحد انج ماخذه نص ريال ..

يعني لا يوم من الايام اتيين تشتكين انه ما ينام عندج وايد . لا تشتتكين انج مو حاسه نفسج متزوجه .. ما اشوفه ما اطلع معاه وايد , وما وما وما ...


حطي في بالج انج مو بروحج بحياته عنده حياه ثانيه وواجبات عليه يسويها .. وعنده عيال بحاجته .


اذا انتي شايفه انه قلبج قوي وتقدرين اتحملين وضع الزوجه الثانيه توكلي علي الله وعسى الله يوفقج ..

 

[تفاحه فصفوريه]

بنات اشفيكم على البنت
ما عليج من احد
في ناس يقولون ما لا يفعلون
شوفي اللي مناسب لج سويه و دام امج و أبوج مقتنعين فيه
ترى امج و أبوج ما يقطونج بالنار و يعرفون مصلحتج اكثر منج
و الله يوفقج *

 

[انثى عاشقة]

حياتي نصيحة مني لاتتزوجينه
شوفي بغض النظر عن كونه متزوج بس صدمة كلامه
امبييييه يقول المرة جدر !!
حسااافة ع الرجولة الي جذي
هذا انسان مو ناضج وتراه يموت في زوجته الاولى ويبي يحرها وبس
باجر لاجد الجد وتزوجتيه ممكن من اول موقف يطلقك وقتها تعضين اصابع الندم
بعدين اسلوبه مو محترم بالمرة يوم يحر مرته بمسجاتك
هذا مو كفو يفتح بيتين
في ناس تعدد لكن تعدل من قلب
الله يعينك
استخيري لكن من رايي تشوفين نصيبك مع غيره
اهم شي تعيشين براحة قلب مو من اولها مشاكل وانتي توك عروس !!
​

 

[انثى عاشقة]

حطيت روحي مكانج
تخيلته بعد الزواج زعلان مني
يقوم يقرا مسجاتها جدامي ويمدح رومنسيتها :eh_s(2)::eh_s(2):
ترى الرياييل انانيين وهذا طبع فيهم
مو كلامي انا
تخيلي ريال هذا اسلوبه يقعد يحر كل وحدة بالثانية
واذا ما جيتو ع موده يدور الثالثة
على ابو ان جدوره توسخت ولا صدت !!
وربي انصحك من قلب
بس استخيري حييييييييييييييييييييييل
وألحي ع الله من كل قلبك هو الي يختار لك الخير والصالح
بس ما ابيك تعيشين بمشاكل
والله يسهل امورك ياقلبي :yaaaaaarb: ​

 

[انثى عاشقة]

بنات خفو شوي بالردود عليها
والله هي ما سوت حرام
وكل وحدة لها ظروفها توافق ع متزوج او غيره ..

انا متزوجة وطبعا بموت قهر اذا زوجي خطب علي
اساسا شارطة عليه اذا بغى يتزوج يطلقني:eh_s(2):
لاني ما اتحمل ضرة ومشاكل
لكن يبقى الموضوع حلال له ولها ..

حبك من الله
اختي استخيري اعيد واكرر استخيري
حييييييييييييييييييييييييييييييل
انا خايفة عليج منه :eh_s(2):​

 

[-فلانة-]

والله يا حبيبتي شوفي،،
عقليته المصدية بتظل مصدية سواء كنتي الزوجة الثانية أو الأولى أو العاشرة،، يعني وضعج إنتي كزوجة ثانية شي و عقليته المتخلفة شي ثاني..ممكن تكونين مرته الأولى والوحيدة و مع ذلك يقولج إنتي جدر مصدي،، فهذا مبين واحد مأخوذ خيره..
العيب واضح إنه فيه مو بمرته،، لأن ماكو "رجل" يتكلم عن مرته مهما كانت الأسباب،، سواء يحبها و لا يكرهها كره العمى, معصب أو مرتاح، ما يتكلم ويطب بأهله إلا جليل الأصل و عديم الرجولة..
بالنسبة حق وضعج كزوجة ثانية،، إنتي المفروض إنج وافقتي على هالزواج و إنتي عندج صورة مسبقة عن حياتج معاه،، و بالعكس انا أشوف مرته إنسانة وايد محترمة اللي صبرت عليج سنتين و ما قربت صوبج،،وحدة ثانية تنكد عليج عيشتج من قبل لا حتى ترتبطين بزوجها،، فبالعكس انا أشوف إنج محظوظة إنه هذي مرته لأن الوضع المفروض يكون أسوأ من جذي بوايد..
يعني العلة في النهاية بالزوج،، اللي ما أدري شنو وضعه في هالدنيا ولا شنو عقليته صراحة اللي يقول عن أم عياله جدر مصدي،،
واضح إنه إنسان عديم رجولة و مافيه ذرة شهامة،، وتوقعي غير المتوقع منه،،
الخيار بإيدج،، إما تستمرين و تشوفين وين بتوصلين، أو إنج تشترين راحتج وتوخرين..
موفقة خير بكل الأحوال..
​

 

[دنيتي تهواك]

احس حرام تاخذين واحد متزوج ومافكرتي ليش بياخذ وحده على مرته

ومن حقها تسوي الحرمه جذي من القهرررر صرااحه

 

[شوبارد قطر]

انا معاج بالنصيب
محد يرضى ان ريلها يتزوج عليها بس اكيد للقواعد شواذ
ماتعرفين الريال اشفيه
استخيري والله يكتب اللي فيه الخير

 

[DeSeRt RoZe]

الحين زوجته جدر خربان مادري شنو
باجر انتي بتصيرين هذا الجدر

صدقيني مو عشان زوجه ثانيه لا
هذا نصيب
بس عشان نوعيه هالريال يحب التغيير وخاين العشرة\اللي يذم انسانه عاشت هالعمر وياه يقول عنها كلام مو زين
صدقيني بيقول عنج انتي بعد

اعرف هالنوعيه عدل وايد صادفتها بحياتي منهم خالي الله يستر عليه

 

[قمر كويتي]

اول شي انا ماراح اقولج ليش خذيتيه واهو متزوج لان الشي خلاص صار
بس تري الملجة سنتين ؟؟ مو زينه يعني كل انسان له عيوبه وانتي مثلا مفكره خلال هالسنتين مثلا انج تنفصلين اذا ماعجبج شي
انتي لاتطولين الفتره ترى موحلوة حقج انتي علشان مايمل
شوفي حبيبتي دامه مو مطلق زوجته ويقعد يحرها اهو مبين ان يحبها لاتزعلين لان الريال الي يسوي هالحركات يبي يحرها والي يحر احد يعني يحبه ويبيه يتعدل او يتغير او يحس
المهم شوفي حبيبتي انتي الحين لازم تقررين يا انج تقعدين معاه وخلاص ياخذج وطبعا شوفي من البداية علشان تعيشين حياة سعيده لا يسولف عنها نهائيا كلش كلش ولا يسولف عنج عندها اذا يبي العدل
لان شي طبيعي طبيعي ان زوجته تسوي فيج جذي ولو وحده ثانيه جان يت لى بيتكم هذي غيره والمره تغار وتموت لي زوجها خذا عليها
المهم لازم تكلمين ريلج دامه معاج سنتين ما اعتقد انج للحين ماتسولفين معاه واتوقع خلاص تعودتوا على بعض وطاحت الميانه
كلميه قوليله انا مااحب الي انتي قاعد تسويه انج تقول عنها جذي لانج اذا رضيتي راح اييلج يوم ويوقلج هالحجي

لاتخلينه يسولف عنها علشان ما تحترين ولا اهو لايسولف عنج جدامها كلش
واليوم الى حقج حقج واليوم الى حقها حقها لاتدقين عليها ولا تدزين لها لان اهو يبي الحركات علشان يحركها

 

[قمر كويتي]

قصدي بيومها لاتدزين له مسجات ولا تدقين عليه الا اذا شي ضروري لان يومها

 

[DeSeRt RoZe]

بنات عذروها يمكن عمرها كبير وبتلحق نفسها على الزواج
او يمكن في مانع يمنعها انها تاخذ واحد مو متزوج
يعني ما ندري شنو ظروفها
انا الحمدلله متزوجه بس قبل لا اتزوج مستحيل اتزوج انسان متزوج او مطلق او جرب حياة مع غيري لو اظل عانس طول عمري
احب الريال اللي ماجرب احد قبلي لان مهما كان بيقارن بيني وبينها لو في قلبه بدون لا يقول
اسمحيلي اختي اسفة

 

[*الناعمة*]

أنتي الغلطانة الي خذيتيه من مرته وعياله

ولا تشتغربين اذا كلمتج بهذي الطريقة بصراحة من حرة قلبها

ريلها ابو عيالها مع وحدها ثانية حتى لو بالحلال الغيره موجوده

تخيلي عقب جم سنة انتي ياخذ عليج وحدها و يدلعها جدامج بتقبلين اكيييد لالالا

انا اقول خليه حق مرته وعياله وانسحبي معنج ضيعتي وايد من عمرج

 

[سعودية!!!]

حبيبتي مبروكــــــــــــــــ ألف مبروكــــــــــــــــــــ ـ ـ ـ الله يتمم لك...

 

[nooorrrsss]

صراحة احس لو مرته صارت زينه معاه بيرجع علها وبطقعلج ترضين الحين ياخذ وحده عليج او ابوج ياخذ وحده على امج

 

[غربه الروح]

اختي صح كلامج انه هذا نصيب
بس اهلج ليش عاجبهم لهدرجه شنو مميزاته
واول سؤال المفروض ينسأل ليش تبي تتزوج هل مرتك معاقه فيها مرض ما تييب اعيال
لانه هالاسباب اللي ممكن الريال يتزوج ع مرته
اما سالفه اني مليت منها او انها اكبرت او بيحرها فحرام عليه يتزوج عشان جذي

 

[أم بدير]

أول شي احب اوضح نقطه للجميع
بنات الي تحط موضوع بالمنتدى.. معناه حاطته للجميع وترضى بردود الجميع
الزين والشين مالها حق تقول الي عندها كلام زين تقوله والي ماعندها تسكت
اذا ماتبين ردود ماتعجبج.. لاتحطين الموضوع بمنتدى.. كلمي ناس تعرفينهم اوسكتي لاتقولين حق احد. بس انج تكتبين موضوع تخلين البنات يقرونه وبعدين سدوا حلوجكم, اسمحيلي بس مالج حق
المنطق يقول انتي حطيتي موضوع. بمنتدى مفتوح للكل يقراه.. تتقبلين الردود والانتقادات كلهااااااااا

وبنفس المنطق ...انتي تزوجتي انسان متزوج.. تتقبلين كل الي اييج من هالزواج

ومنطقيا نحلل موضوعج

ونظرا ان الريال المتقدم ماينرد وموافقة هلي عليه وافقت .. وهذا النصيب مايخيب ..

شلون يوافقون اهلج يزوجونج ريال متزوج ويبلونج فيه!! ماكو رياييل مواصفاتهم زينه ومو متزوجين؟ بتقولين النصيب! لو كل وحده يتقدملها واحد يتقول هذا النصيب جان الكل تزوج
صحيح ان في شي اسمه نصيب.. بس الله عطانا عقول نفكر فيها ونختار.. انا صغيره واهو متزوج وعنده عيال.. ارفض طبيعي.. اذا انغصبت عليه هني نقدر نقول هذا نصيبج ماقدرتي تسوين شي.. بس انتي ماسويتي شي اصلا وراضيه بالهم

خو هذا زواج مو لعب .. وبعد شريجه .. يعني بقووووه يبي لها تأني ..

الحين بتتأنين؟؟
انتي تزوجتي خلاص
التأني قبل الزواج.. والا توج تستوعبين انج الثانيه؟؟

واللي عاجبني فيه انه ماييب طاري مرته الاولى لا بخير ولا بشر

قال ليش ماصكيتيه بويها اول ماعرفتي انه اهيه

قال المره لما يهجرها ريها تطق فيوزاتهااااا وانا هاجرها من شهر واهيه انقهرررت وحطت الحرررره فييييج ...

ومره دزيت له مسج .. جان يتصل ويقووول ينننننننن المسج اللي دزيتيه ويضضضضضحك
واهيه يمه بالسياره يقول خللللليها تستاهل اي مره ماتعرف قيمة ريلها تستاهل ..

اهوه خوش ريال .. ماادري ليش يتعامل وياها جذيه >> حاسه اني مصدومه منه

ما اييب طاري زوجته الاولى شي عجبج وايد فيه!!
لو يايب طاريها احسن من الحجي الي يقططه عنها
وترجعين تقولين خوش ريال عقل كل الحجي الي قاله

ويقل المره مثل الجدر .. اذا وسخ ماتطبخ فيه .. واذا مصدي أو قديم تقطه واتخذ بداله >>

قاعد يكلمج.. وانتي مره.. واخته مره.. وامه مره..يقولج انتوا مثل الجدوور لما تتوسخون وتصدون و..و..
شنو هالحجي؟؟
شلون معروف ولؤطه على قولتهم وماينرد!!
هذا كلام شخص جاهل مو متعلم ومو فاهم وفكرته عن الحريم متدنيه ومايحترم بالمره

والله والله مو جذييييه امنيتي .. ابي اعيش حياة هاديه .. حدي مااحب المشاكل
صج اخذ حقي بيدي .. لكن والله مو شي اعيش بنكد

اخر تعليق لي
موقادره استوعب اخر جمله صراحه
انسانه تتمنين حياة هاديه... ماتحبين المشاكل..وماتبين تعيشين ينكد
تاخذين ريال متزوج!!!!
ياحبيبتي هذي ماتدش المخ نهائيااا
الوحده تاخذ عزابي وماتسلم من المشاكل
هالدور تاخذين متزوج وعنده عيال.. وماكنتي مفكره ان حياتج بيكون فيها مشاكل

لا عيل ابشرج حبيبتي
حياتج بتكون كلهاااااااا مشاكل
ونكد
وهم
وان تكلمتي وشكيتي بيقولونلج محد قالج اخذي متزوج
واهي ان راحت والا ردت زوجته الأولى
يعني لو بتصير بينكم أي مشكله بتقولج حبيبتي ماتاخذ متزوج الا الي طايح حظها
وياما بتسمعين من هالحجي

بس على قولتهم الفاس طاح بالراس.. والي تاخذ متزوج لازم تكون حاطه ببالها كل هذا وفاهمته وحاسبه حسابه

 

[مكنتوشه]

لا تحرمون على كيفكم

التعدد حلاااااااااااااال وفي حكمة من رب العالمين . لا تناقشون بالموضوع انتهى
وكل وحده حره تتزوج واحد متزوج . او ريلها يتزوج عليها اتم على ذمته او تطلب الطلاق الخيار لها


وانا قاعده اشوف الاستخاره بالموضوع
زوجته الاولى ماعندها مانع بزواج ريلها لو مو عاجبها الموضوع جان ما اسكتت سنتين !! او ما تتحمل وتطلب الطلاق على طول . وانتي نفس الشي راضيه فيه واهوا متزوج وعنده بيت ومسؤاليه ثانيه .
والغيره ضروري تكون موجوده لانها بالفطره موجوده فينا


انتي توكلي على الله والله يهنيج بحياتج اليديده :eh_s(7):

 

[متواضعة]

حبيبتي قلبي معاج


يابنات حسو بمشاعر الغير اتقول لكم البنيه نصيبها مب عيب ولا حرام تاخذ واحد متزوج نصيبها جذي .... الحمدالله على كل حال

وخلكم واقعين شوووي يعني ريال متزوج وتكلم عن مرته الاوليه جدام مرته الثانيه يبي يفضفض اشفيها ماراح تكلم جدام ربعه عنها اذا مافضفض عن مرته الثانيه يفضفض عند من انا ما اقول انه اللي سواه صح انا اقوول خلكم واقعيين لانه هالشي يصير بعض الريايل يذمون المره جدام ربعهم بعد
ومافيها شي ملجه سنتين .... وايد مكبرين الاموور


الله يسر لج يا خويتي ويمسح على قلبج استخيري حبيبتي بدل المره الف وانج تحاورينه بهدوء وذوق وبوقت مناسب بعد شي زين

الله يعيينج ويسعدج