ريلي يين وقعد خلاااص مامنه رجااا

[دلوعة أبوهآ]

ررراضيه وغيري اسلوبج معاه وبتشوفين التغيير فيه ..

 

[رنيم الروح]

حبيبتي تحمليه وترا ماتلومينه من القصص والسوالف الي يسمعها كل شوي تلاقين ربعه كلهم كلامهم عن الخيانه ومن هالسوالف
والله يهديه

 

[حدى عنيده]

الله يهديه لج هذا اللي اقدر اقوله

 

[مألوفة]

انتي هاذي مواضيعج تدعين المثابية ويا ريلج ذبحتينا وانتي الله اعلم شنو فيها حياتج معاه

 

[جوري 2007]

ترى اغلب الرياييل مايحبون طلعة الرفيجات

اول كان سامحلج بس ماقدر يتحمل

لا تخسرين زوجج عشان طلعة رفيجات والاهم من هذا انه اهوة مامنعج كلش بس فيه ضوابط

 

[غلآ نوآف]

هههه عادي اختي
والله مكبرة الموضوع
انتي الحين مراة متزوجة
لاتقولين قبل كنت اروح وادخل محد يقولي شي
الحين الوضع تغير 180
عندج ريل بيت اهل عمام مسؤولة عنهم
وعيون الناس عليج
وطبعا مايصير تواعدين احد
قبل لاتاخذين اذنه
يمكن مايوافق
لاتحرجين نفسج من البداية لاتعطين كلمة لاحد قبل لاتاخذين راييه
الله يهديكم ويسخركم لبعض
اسمعي كلامه
واذا يغار عليج دليل ع حبه
اتمنى انج تفهمين هالشي

 

[G!RLooNa]

سهله ردي شعرج اشقر و تنتهي مشاكلج انشالله ؛)

 

[اميره1980]

لازم تسمعين كلام زوجج و ما تطلعين من غير شوره و رضاه
و اذا طلعتي و ريلج مو راضي تلعنج الملائكة
ما يسوا عليج جذي حبيبتي
و بعدين ريلج و لا رفيجاتج ؟؟
سأليني انا عن الرفيجات
جربي انج ما تطلعين وياهم جم مره بينسونج و لا يسالون فيج
في رفيجات بس همهم وحدة يفرفرون وياها و خلاص
موفففففففقة

 

[رشيدية وافتخر]

شنو يعني يزعلون رفيجاتج وله خواتج ؟؟
هذا ريلج
كلمته تمشي عليج
انا ماشوف تصرفه غط
يحبج الريال ومن حبه يغار عليج
انا اعرف بنات رياييلهم مايخلونهم يروحون بيوت رفيجاتهم مو بس يطلعون معاهم
لو مو حاس بالذنب وله مايبي وناستج جان ماقالج خلنطلع
يبي يونسج
بصراحه مادري شلون تفكرين بوناستج وبس
وبعدييين حلوه انه مو لازم تغيرين حياتج عشانه لا حبيبتي امبلى غيري حياتج عشانه هذا الزواج حياه يديده
يعني اذا كان قبل لايتزوج يكلم بنات ويروح يسهر بره تبينه مايغير هالشي عقب مايتزوج ؟؟
سمعي كلام ريلج ترا محد راح يفيدج من رفيجاتج وله خواتج بعدين

معاها كلامها عين العقل

 

[فوفو22]

اشوف وضعه طبيعي

هو زوج يغار على زوجته

وهذا من حقه

وبعد فتره بتخف الغيره وبخليج على كيفج

بس صبري شوي

فوفو

 

[حجيه هيونه]

الله يهديكم ويسخركم لبعض

 

[لمى الهاجري]

يا حظج عندج ريل يغار عليج مو لازم تطلعين طلعات كفاية زيارات

 

[أم ميميتو]

حبيبتي كلنا عند اهلنا كنا نطلع ونروح بس ما كان عندنا مسؤليه ولا بيت ولا زوج اي وحده بتتزوج قبل ما تتخذ القرار لازم تعرف ان حياتنا عند اهلنا شي و حياتنا عند ازواجنا شي ثاني انا بكمل ثلاث سنين متزوجه ومن تزوجت مرتين بس الي طلعت فيهم مع رفيجتي ومادري شلون زوجي وافق يمكن بالغلط صارت دايما يمعتنا فالبيوت لازم تحترمين زوجج واهم شي بالزواج التفاهم لان التفاهم اساس نجاح اي علاقه

 

[سفيره الكويت]

للاسف انتي نظامج رفيجات وشيشه ولابسه ضيج وشعرج تصبغينه الوان جنج طاووس ونسيتوا الزواج ستر للزوج والزوجه

خافوا الله بازواجكم يجب طاعه الزوج الا بمعصيه الله سبحانه فلا طاعه لمخلوق في معصيه الخالق..!


الرجال قوامون على النساء..!

ولو رفضتي هذي القوامه فانتي ترفضين رجوله زوجج ولا اضن ترضين رجوله زوجج تروح والعكس صحيح مايرضى انوثتج تروح..!

 

[ماني من الناس]

استأذني منه قبل لا تطلعين خل يكون عنده خبر عالاقل خخ

 

[sosowaty]

اااب

 

[اميره بذاتي]

ياحياتي لوتشوفين زوجي شنو مسوي فيني تقولين انتي بنعمه احمدي ربج والله
ع الاقل تطلعين معاهم تشوفينهم تغيرين جو انا ما اطلع نهائيا وما اكلمهم ومانعني من الوتس اب
يعني ازور اهلي الخميس لين السبت وارد بيتي اقعد بروحي بشقتي وهو يطلع وفوق هذا يشك فيني يفش تليفوني
وياخذ ارقام رفيجاتي ويدق عليهم من وراي واكتشفه من رفيجاتي يقولون لي رقمه ساكته وصابره شسوي بعد الحين افكر اتطلق بسبب تصرفاته
الله لايغير عليج واللهم لاحسد حمدي ربج على النعمه فديتج

 

[PuPa^^SWeeT]

هاي بنات شوونكم؟؟ انشاءالله طيبييييييين؟؟​

الصراحه من زمان عنكم واشتقتلكم هل <-------------------> كثر :eh_s(9):​

بقولكم شغله حيل مضايقتني هل ايام ​

"ريليييييييي"​

ييين وعد! :eh_s(4):​

ما كان جذي ومادري اشفيه استخف؟!​

الصراحه صاير شي لايطاق​

اول كان يغار علي بس الحين صار بينون ومن غير سبب​

مادري هل اهوا "لعانه" وبيفرض شخصيته بس​

ولا "تشيش" احد مشيشه علي من اهله​

ولا "فارين مخه" ربعه كل يوم واحد طالع لنا بقصه يطيرون صواريخ عليه وايني مصدق ويحرص علي!
استغفرالله مادري شفيه ​

طبعا انا كنت طلعات مع خواتي ورفيجاتي بنات خالتي قبل وبعد ماتزوجت​

وطبعا قبل كنت انام عند رفيجاتي وبنات خالتي عادي وكنت عوده مو تقولون كنتي ياهل
وحتى سفر مع بنت خالتي كنا نسافر بروحنا​

بس يوم تزوجت طبعا لا بس طلعات معاهم اوك
بهل مطاعم والكافيها ولسوقه والسينما​

بس الحين لا تغير هل شي!
نعم شكوو؟​

انا ماكنت جذي
ولما خذاني في شغلات تغيرت بحياتي​

بس انا مو ملزومه اغير كل شي بحياتي عشانه!​

انا من يوم صبغت شعري طبعا تدرون كان اشقر صبغته بني غامج
واصرت احلا بمليون مره لان العامج احلا علي معروف
بس اهوا ولا مره شافني بالغامج​

انا من صبغته واهوا ستخف؟!
مادري من الصبغه
تغيرت بعينه وحليويت زياده​

طبعا اول كان يغااار علي بس مو مثل الحين
الحين غيرت ميانين الحمدالله والشكر
ولا مادري صار مينون من مشاكل اهله بعد​

المهم ماعلينا
صارت بينا مشكلتين​

قبل سبوعين جذي كنت مواعده رفيجتي وبنطلع​

وخلاص لابسه وبطلع ولا يطنقر بروووحه من غير سبب​

شفيك؟​

ماتطلعين​

ليش؟​

بس كيفي . انا ولي امرج​

شكووووو! بفهم الحين البنت تنطرني وهذا يقولي انا ولي امرج​

مع اني ماكنت كاشخه حدي بس مادري شفيه​

وبعدها بسبوع وشوي يعني قبل جم يوم​

هم جذي بطلع مع خواتي وبنات خالتي وحده منهم عازمتنا توها متوظفه ومستانسه عازمتنا على مطعم​

كنا بنروح المطعم بمجمع اولمبيا​

ولا يقولي في شيشه بالمطعم هذا​

قتله ايه ولا يقولي لا لا كنسلي طلعتج معاهم​

!!!!!!!!!!!!!!!! قتله لا مابي شكو
خلاص اكلمهم نغير المطعم​

ولا يقولي لا لا انا ماحب طلعت بنات جذي يمعه وايد​

يدور اعذار غصب ماعنده سبب​

عاد تهاوشت معاه هوشه سنعه وكالعاده يطنقر ويطلع​

عاد تالي طرشلي مسج امشي اطلع​

قتله اطلع مع ربعك
بعد ماتزعلني وتخرب علي و مو اول مره تخلني اكنسل والبنات ناطريني
وتقولي امشي اطلعج​

عاد طرشلي مسج كبر ويهه​

وطنشته ونمت​

عباله بيأثر فيني
دام اهوا مافيه احساس بعامله بالمثل
وليلحين مايكلمني بس ليي بغا شي ولا ضايعله شي​

حرنيييييييييييييييييييييييييييي
صج صج حرني
والله تفشلت شقول حق البنت
مايستحي​

لول اهوا مايكنسل ربعه
لو شيصير

:eh_s(14):​

لاااا ما اصدق

دلوووووووووووووووووووعة


اشتقت لج ياقلبي



حيااج الله بينااااا



شلووونج



شخبااارج


مشكلتج هينة تراا

واغلب البنات يعانون منها اللي رياييلهم يموتون فيهم




ياقلبي وسعي صدرج و تقبلي غيرته


بتخف بعد 10 سنيين انشالله


ولكم باااك

 

[al-musk]

بقولج شي والله انتي طنشي الحين وخلاص لاتطلعين وقوليله عناد الا بتم قاعده مجابله الطوف وطلعه مابطلع لأنك كرهتني بكل الطلعات ولأنك ماتبي وناستي وتتحسف اذا استانست وتمي فترة هلى هالطريقة شوفي شيسوي وخلج عادي مو بارده ولا متفاعله ومادري يمكن يتعلم ويصير حريص أكثر.. هو ريلج اخر شي ولابد تسايرين بس طبعا مو بهالطريقة المحرجة .. والبنات مافيها شي قوليلهم ريلي مستعسر صارله فترة ومالي خلق وبس هم بيعذرونج ..
خلج ذكيه عشان توصلين معاه لحل مناسب لأن فعلا هذي مو حاله وهو من الأول ماخذج وعارف نظامج.. وهم اخر شي الوحدة لازم تشد وترخي بالوقت المناسب واذا تنازلتي بعض الأحيان فمافي مشكله ومو عيب ولا يقلل من قيمتج

والله يوفقج ويتمم عليج

 

[amami al-kuwai]

عادي انا زوجي ساعات يستخف لما اسولف عن حريم من جماعتنا

اقوله شفيك هذيل من جماعتنا يقولي اغار عليج

يعني عادي عنده واذا زاد حلاتج بالصبغ اكيد بيستخف خايف احد يحط عينه عليج <<< والله معذبه قلب هالمكسين وانتي مو حاسه