زوجي جيكر

[الغلاية]

السلام عليكم

والله مادري شلون اقول لكم هالكلام
بس صج مو متقبله زوجي صج شكله عادي بس ما ادري حدي مو متقبلته :eh_s(2):

اهلي يقولون مزيون :|

المشكله انا اشوفه حيل (سحت)

مادري المشكلة فيني ولا فيهم

انا اقول يمكن يطلع حليو و امشي بس ما اقدر والله مرات اتحطم و اقول مالت على حظي

الحمد لله اهو من عايله محترمه و محترم بس مادري ليش هالاحساس اصلا ما كنت ابيه

واحنا الحين مملجين بس ما اكلمه ولا يكلمني

حتى خواتي لما شافوه قالو هالكلام مادري ليش خالاتي يشوفونه مزيون على قولتهم وانا اشوفه سحت

يعني احاول اتقبله بس ما اقدر

شالحل؟ غير الدعاء طبعا؟

في وحده نفس حالتي؟:eh_s(16):

 

[ماني من الناس]

اهو اول انطباع مو شرط يكون الانطباع الصح يعني مع الوقت راح تتعودين عليه وتنسين سالفه شكله ,,,,,,,,,,,,

انتي لا تدققين وايد خخخخخخخ

اهم شي يكون مقبول ,,,,,,,,,,مو انه يخررررررع ولاانه اوفر مزيون


اهم شي تحسي بالراحه لمظهره الخارجي

 

[ضي الدنيا]

اذكري الله والجمال مو كل شي ياما في ناس مزاين بس الاخلاق صفر **
وانتي مع الايام ومع التعود راح تحبينه وتشوفينه احلى وااحد ((
واحسن انج تصييرين انتي احلى منه **

والله يوفقج يااا غناااتي ويسعدج ويسخره لج **
^^ تكفين ادعيلي ان يتحقق اللي في بااالي ^^

 

[ام دليار]

راح تتعودي على شكله وأذا أي وحدا بتحكي عليه بس تزوجي غير تذبحيها

 

[iLLuMinaTion]

تعوذي من الشيطان

 

[ورد وردي]

شعور طبيعي يمكن لان غير عن ماكنتي متخيلتة قبل الزواج ساعات الوحدة ترسم في بالها صفاة معينة ماتكون بزوجها فتحس هالاحساس مو معناه ان جيكر بس توج ماتعودتي على شكلة

مادري انا احس ان هذا من مداخل الشيطان يبي يفرق بين الزوجة وزوجها ....... لان حلال ...... لو ياي من باب الحرام والمغازل وهالخرابيط جان الوحدة حست انها تحبة حتى لو مدمن والا متزوج ومعيل وجيكر وايد نسمع قصص جذي لان الشيطان يزينة لها


تعوذي من ابليس والصراحة الريال اهم شي يهتم بلبسة وريحتة ونظافتة المرة يكفيها هالاشياء وان شاء الله اهو جذي وحتى الوحدة تعود زوجها عالسنع اذا ماكان جذي

والله يوفقج

 

[ĎєνiL.ĞιRL]

ليش لما خطبج ما شفتيه ?!

يعني بالخطبه تصير الرؤيه الشرعيه علشان هالسالفه ..

ان تتقبلينه ولا لا :\ ..

الحين يوم ملجتي توج تحسين انج مو متقبلته ..

عالعموم الشكل مو كل شي والخالات والامهات دايما لما ايي واحد يخطب بناتهم ..

يقولون عنه مزيون ويرفعونه ليما السما واحنا البنات نشوفه ويطلع عادي ..

واذا كان الولد محترم واخلاقه عاليه واطباعه حلوه ..

فجوهره بيحلي مظهره حتى لو كان اجكر من الجكر ..

=]​

 

[al-musk]

حلاته يكون عادي وانتي الحلوة المزيونة ونصكين عليه..وبعدين الرجال مخابر مو مناظر ياما ناس جياكر بكل ماتحتويه الكلمه من معنى بس من حلات اطباعهم ونخوتهم تشوفينهم احلى الناس

 

[جولينار]

هذا يسمونه الدلع الزايد


احمدي ربك زين والا شين اهم شي اخلاقه


يالله تخيلي معي انه مزيوووووووووووووووووون

والبنات حوالينه مثل النحل وكل طلعتو مووول يقزوووونه وانتي تشوفين

وهو مو معطيك وجه بسبب وسامته وغروره ,,





هاه تبين الجيكر والا المزيون



<< كأنها دخلت جو

 

[الغلاية]

ام دليار

ما فهمت قصدج

 

[قــل مـا تـشـاء]

ألحين أنتي مو متقبلة شكله بس ,,
بعدين إذا عشتي وياه عيشه هنية وسعيدة ماراح تشوفين عيوبه
بالعكس راح تشوفينه ملك جمااال ,,

 

[خشف العذارى]

حياتي الجمال مو كل شي
الجمال جمال الروح والاخلاق
وكاج قلتيها يكفي انه محترم ومن عايلة محترمة
استغفري ربج وتعوذي من ابليس
الله يوفقج

 

[الينبوعة]

امممممممممممممم صعبة شلون انتي ما متقبلة الموضوع وبعدكم على البر؟؟؟؟؟؟؟؟؟؟
السالفة صعبة حيل ما اعرف شقولج لان لو كنت في مكانج اتزوج واحد مقتنعة بي ولا اعيش معاة وبعدين اطلق على اساس انا ما مقتنعة بي وهو مو حلو لو تحاولين تحبينة وتخلين سالفة الجمال وتقتنعين انو هو حلو باخلاقة لو من البداية تقولين ما اريدة محد جابرج علية​

 

[أم توتو]

استخيري احسن والبنات ماقصرو ا كفوا ووفوا ولا تحطين الجمال مقياس لرجل المستقبل اهم شي الاخلاق والاطباع ومافي انسان كامل

 

[الـــغـــلآ]

ديري بآلج ترآ هذآ الشيطآن يوسوس لج

 

[الغلاية]

أنا مادري شاللي مو مريحني شكله ولا خوف طبيعي

بس المشكله صرت كل ما اجي عند بنات عمي يقولون انتي زوجة الجيكر :"(

صج ما هموني بس ما ارضى احد يكلمني جذي انا لي الحين ساكته عنهم

ومرات اكابر اقول لهم خالاتي و امي و اللي شافوه يقولون انه مزيون

موتي حره

وانا من داخلي انا اللي ميته حره

ترا على فكره الكل شايفه من اهلي

و الحين رفيجاتي عبالهم صج زوجي مزيون اخاف ينصدمون بالعرس

 

[صمــت_ALsHfaaH]

شوفي بصراحه الجمال شي مو دايييم

اهم شي معاملته واخلاقه وحبه لج والله ان هالششي هو الي بيدووم

تعوذي من ابليس واحمدي ربج على كل حال

 

[Miss Chanel]

الجمال مو كل شي
اهم شي اخلاقه ومعامتله بعدين معاج

 

[عاشقة-الكفيل]

انزين طلعي معاه يمكن تتغير نظرتج..

عادي انا عقب الملجه اول مازرت زوجي بالبيت شكيت بعمري قلت انا ماكنت مطالعته عدل ولا شنو ؟؟

لاني قعدت معاه 3 مرات قبل الملجه ويوم ملجنا قمت اشوف شكله غير .. لووووووووووول ..

قلت جني اتوهقت :/ بس الحين فديته اموت فيه وبشكله باسوأ حالاته حلوو ..

وحمدي ربج انتي تقولين شكله عادي .. في بنات خذو رياييل ويووهم ماتنشاف وعقب الزواج صارو يموتون فيهم ..

ارفيجتي على سبيل المثال اول ماتزوجت كانت كارهه زوجها اتسميه بو خشم .. ولما يدق عليهاا اتقول افففف السحت دق ..

تعالي شوفي شحاطتله بالواتساب الحين (( الورد يغار من شفايفك والشمس تغار من عيونك ومادري شنو :/ )) قلت الله يرحم لوول


حبيبتي سوي استخاره اذا حسيت خلاص مخنوقه ماتبين فليهااا بعد شتسوين ولاتظلمين الريال معاج وعقب ماتيبين كوكش اتقولين مابي جيكر مثل وايد بنات غيرج واذا دلع بنات وتحسين مع العشره بتتغير مشاعرج صلي عالنبي وشيلي هالسوالف من راسج

 

[Queen of love]

انتي ماكلمتيه ولا طلعتي معاه ماتقدرين تحطين عنه انطباع من الشكل ترى في وايد مزاييين ويهبلون ويقطون الطير من السما بس تحسينه مثل الطبل من داخل فاااضي وماكو لامنطق ولا اسلوب في الحوار
وبعدييين ياقلبي انتي الرجال مخابر مو مناظررر شوفيه عالطبيعه كلميه يمكن تغيرين فكرتج عنه