زوجي جيكر

[خليفة العظماء]

بنسبه لي جيكر بشكل ولا ماكو اخلاق
اكيد شخصيته بتغطي علي شكله

 

[بدووورة]

ممممم والله اعرف وحده اول زواجها تقول اشوف ريلي جيكر جنه حيوان

بس مع الوقت كاهي يابت عيال وتموت عليه وتقول اخلاقه تشفعله

واشوفه يسوى احلى واحد بالدنيا

الله يهديه لج

 

[ام شووووق]

تعوذي من ابليس

 

[جــــاذبية]

الإنسان موبمظهرة بجوهرة
وليس بخلقتة بخلقة ..
ورفيج زوجي كان يقول مرتي أول ماشافتني بجت أول يوم من جكرة
وقالتلة أهلي ظلموني وقطوني عليك جيكر سحت موحلو أشكرة
قطتها بوجه من جكرة بس بعدين ماقامت تحلف إلا براسه من غلاه وطيبة قلبه
سبحان الله ..

 

[نادره في وجودها]

ههههههههههههههه

جيكر بكرا عيالكم يطلعون ميكر

تقبلي يا حجيه الزوج مو بالجمال الزوج بالستر عليج مو نافعج بعد الله وبعد الاهل غير زوجج

 

[إيمي1987]

وعليكم السلام والرحمة

حبوبة صـلي على النبي
واهم شيء

كل ما تصلين ادعي (( اللهم جَمـل زوجـي فـي عيـوني .. وجمـلنـي فـي عيونه .. وارزقنا الذريه الصـالحة ))

وعسى الله يووفقج يا رب

 

[FiOnKa]

إنتي مو حابته وله مو حابه شكله ؟!

 

[المــايقـهـ]

شوفي ياقلبي لا اتحطين فبالج ان هو جيكر وماينبلع وترا حتى لو جيكر عادي انتي لا اخذتيه راح اتغيرينه انا زوج اختي كان جيكر جيكر جيكر ماينبلع والله بعد الزواج تغير وصار ينبلع مو نفس قبل يعني لا اتحاتين هالشي لان الرجال يتغير بعد الزواج صدقيني

 

[westlife2219]

ههههههههههههههه لا يا عيوني هاي بس بل بداية بعدين بتعرفية زين ويعرفج زين وكلشي يمشي تمام ان شاء الله والله دعيتلج بصلاتي الله يوفقج مادري طريتي على بالي وانا اصلي الله يتمم عليج بل خير والعافية ويتمم على كل بنات المسلمين يارب ادعيلي الله يستر علي واتزوج

 

[امل يائس]

الريال ما يعيبه شكله ثاني شي احسن لج جذي

انا مثلا حلوة و زوجي مو ذاك الزود عاد اول ما تزوجنا كل الي يشوفني يقول شنو جاب الطين للصين هههههههه

بس الحين تعودت على شكله لان طلع صاحب قلب كبير كبير كبير كبيييييييييييييييييييييييييييييييير فديته

 

[ذكرى الايام]

"ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة إن في ذلك لأيات لقوم يتفكرون"الروم 21

 

[لينا لانجري]

قولي دعاء اللهم جملني في عين زوجي وجمله في عيني
آمين ويجعلكم قرة عين لبعضكم

 

[Om_Ksha]

لاااااا عااادي صدقيني الحين مو بالعته بس لي انعجبتي بشخصيته واخلاقه وتعامله بصير ملك جمال اصلا سبحان الله بعدين الله سبحانه يرمي القبول بينكم وتشوفين فيه اشيااء غير عن قبل تختلف نظرتج له

 

[تـــاج الـــعز]

الشكل مو كل شي
اعرف وحده مزيووووووووووونه وزوجها مزيووووووووووووووووووون
وكانت حيل حيل مغروره بهالشي
لدرجة انها تحر حتى خواتها
لان زوجها مزيون حيل
حتى يوم العرس اهو مستحي واهي مستاااانسه وبس تطالع فيه
ولفتت نظر الكل وكثير كلمناها انتبهي لا تكلمين عن زوجج لا توررين صوره للبنات
ديري بالج بس مافي ما تمسك لسانها والله
وسبحان الله بيوم من الايام عقب سنه من زواجها فصلت الكهربا بالبيت فجأه وكان حزتها بالليييل وراح يبطلها من المحول الرئيسي بالدور الارضي
وتكهرب الرجال لين احترق وجهه وصدره وادينه
تشوه مسكين
مات الا شوي
والحين يتعالج برا واضطروا يقطعون اصابعه و ياخذون من فخوذه جلد ترقيع
يعني مأسااااااااة الله يرحم حاله وحال مرضى المسلمين

اسمله عليج و الله يكافيج الشر ويجعله قرة عين لج
اللي بوصله لج يا اختي مو كل شي الشكل والله
لان ما تدرين بأي لحظه يزول
المهم القلب والدين والتربيه
والله مومهم الشكل
فكري بينج وبين نفسج
ولا تسمعين كلام اي احد
اللي يقول لج مزيون قولي ما شاء الله
واللي تقول لج جيكر قولي الحمدالله
وشوفي ربي راح يزينه بعينج

 

[قلبي سلومي]

بعد العشرة والله ماتشوفين غيره

الله يوفقج

 

[malte]

توج ماعرفتي اخلاقه يعني ماعرفتيه
لاتحكمين على الريال من شكله حتى لو جيكر
والله لو مهند ومغازلجي وعينه زايغه وشايف روحه ماحبيته وعفته
اهم شي الاخلاق يابعد جبدي كبري عقلج فديتج

 

[شقرديـه عالطل]

باجر بتشوفين اطباعه وطيبته معاااج تنسين شكله
والله يوفقج

 

[شـيـخــهـ الزيـنـاتــــ }..]

الله يجمله بعينج إن ساء الله
أهم شي الأخلاق لا تفكرين بالشكل ترا أكثر الجياكر طيبين ههههه

 

[شـيـخــهـ الزيـنـاتــــ }..]

شاء*

 

[الغلاية]

مشكوورييييييييييييييييييييييييييييين بنات

والله كلامكم على الجرح

تهبلون

سبحان الله صرت قنوعة واخيرا

هههههه

كلامكم يريح

بس شسوي بخواتي كله يعايروني فيه

اهو مو جيكر ما ينبلع بالعكس عادي

بس شسوي بالمعقدين اللي عندي

عبالهم بتزوج توم كروز مثلا!