زوجي جيكر

[الغلاية]

الحمد لله على كل حال

والله اني متأأأأأكد 100٪ انها خيره

والله يا بنات انا من صليت الاستخارة وانا مخليه كل شي على ربي

بس سبحان الله مرات يجيج الشيطان و يقول لج انتي ما كنتي مرتاحه مادري شنو

بس تذكرين اخر شي انج توكلتي على الله من البداية

صراحة يعطيكم العافية اللي ردو

والله يوفق اللي بيردون بعد

ابي تشجيع ترا والله فيني خوف ابي اسمع كلام خواتي اللي هو انتو

 

[منجامور]

بالتوفييييق

 

[αησмα]

إلسلام عليكم //


حبوبه الزيــن [ غسسل ] إيـديــن

لآ توسوسيين حييييل !!

تـرآ الرجال مو بحلاته << بصفآته >>

لا حول ولا قوة بعد شتسوين // بسس أتوقع من كلامج متوسط الجمال

أحمدي ربـج غير عوآنس قاعدين أعمارهم صكت 40 للحين ربج ما رزقهم [ الله يرزقهم يارب ولا تحرم ولا وحده ]

موفقه

 

[marimor]

لي حبيتي شخصيته راح تحبين شكله

بس سؤال

شنو بالخطبه ماشفتيه ؟؟

ولا شفتيه وتوه تستوعبين انه مو حلوو ؟؟؟

 

[ماني من الناس]

أنا مادري شاللي مو مريحني شكله ولا خوف طبيعي

بس المشكله صرت كل ما اجي عند بنات عمي يقولون انتي زوجة الجيكر :"(

صج ما هموني بس ما ارضى احد يكلمني جذي انا لي الحين ساكته عنهم

ومرات اكابر اقول لهم خالاتي و امي و اللي شافوه يقولون انه مزيون

موتي حره

وانا من داخلي انا اللي ميته حره

ترا على فكره الكل شايفه من اهلي

و الحين رفيجاتي عبالهم صج زوجي مزيون اخاف ينصدمون بالعرس

تلاقينهم محترين بنات عمج

تدرين ليش لان ما عندهم اسلوب ولا قيم ,,,,,,,

واللي يتكلمون بهالطريقه تأكدي انهم من داخل ناس حقودات مريضات نفسيا

 

[مخدوشة الوريد]

الجمال مو كل شي !!
وبعدين لو حبتيه راح تشوفينه ملك جمال العالم
بس عطي روحج فرصه ..

 

[" ام حمود "]

حبوبه انتي تدورين الجمال .. والله في ناس جمال يصكون ع توم كروز بعد بس اخلاقهم زفت بزفت ..
لو زين اهوه مو قاعد يسوي شي لج و ممقصر معاج خلاص المفروض بنظرج عين السيح خخخخخخخخخخ
مو كل شي الجمال حبووبه المهم طيبته وقلبه ابيض .. ومو مقصر معاج وحبوب وطيوب وصفاته عاجبته والله تمسكي فيه احسسن
لاتمشين ورا الجمال
عسى الله يوفقج يالغاليه

 

[حجيه هيونه]

استخيري مره و2 و3


واذا الولد زين ترا الجمال شي مو مهم وباجر تتعودين عليه

 

[وطن عمري]

الله يخليج شماخذين من الحلو الا عوار الراس والغيره الزايده
خلج مع الجيكر احسن
بس مو اللي ما تقدرين تشوفينه كلش بعد هم الواحد يبي شي يفتح النفس لوول


شوفي حبيبيتي مع الوقت راح تتعودين على وييه والعشر بتشوفين انه احلا واحد بالعالم

الاهم انه مو جيكر ما ينشاف كلش والناس اذواق
اللي مايعجبج يعجب غيرج

 

[اشتياق]

وي عيل انا شفيني؟؟لووووووووول
ريلي الاولي مو حلو
وكنت اشوفه ملك جمال لووووووووووول
اذكر اول مره شفته قالتلي عمتي هاه شفتيه وجها لوجه؟قلت اي
قالت يامال العمى قصدج وجها لخشم هههههههههههههههههه
كنت اقول والله حلو عيونه جنها صقر
ويضحكون علي يقولون صج الحب اعمى لوووووووووووول

والحين عقب الطلاق وعقب ماتزوجت غيره تميت اقول انا شلون كنت اشوفه حلووو؟؟؟
خخخخخخخخخخخخخ عاد تعالي فسريلي

الزبده مع العشره ان شاء الله راح تشوفينه اجمل واحد بالدنيا ....
وبالتوفيق يارب

 

[ايمان_مشرف]

:3lm1:

انتي تشوفينه سحت "حيييل "
وموو مرتاحــــــــــــــه لشكله !
تبيييين فارس احلامج ..
على حصان ابيض
..وامير ..وذرابه.. ومزيووون !
* انتي ادرى بحالج : اذا عمرج صغير , وممكن تحصلين فرصة ثانية .." نطري فارس احلامج "
شلج بالشيفه ؟
تقولين: سحت حيييييل ؟ خليه يولي ؟

وانشاءالله ربي يرزقج ..
بواحد عيونه مكحله خلقه
تذوووبج تذوووويب ؟

 

[استغفر الله%]

شعور طبيعي يمكن لان غير عن ماكنتي متخيلتة قبل الزواج ساعات الوحدة ترسم في بالها صفاة معينة ماتكون بزوجها فتحس هالاحساس مو معناه ان جيكر بس توج ماتعودتي على شكلة

مادري انا احس ان هذا من مداخل الشيطان يبي يفرق بين الزوجة وزوجها ....... لان حلال ...... لو ياي من باب الحرام والمغازل وهالخرابيط جان الوحدة حست انها تحبة حتى لو مدمن والا متزوج ومعيل وجيكر وايد نسمع قصص جذي لان الشيطان يزينة لها


تعوذي من ابليس والصراحة الريال اهم شي يهتم بلبسة وريحتة ونظافتة المرة يكفيها هالاشياء وان شاء الله اهو جذي وحتى الوحدة تعود زوجها عالسنع اذا ماكان جذي

والله يوفقج

معاج بكلامج ميه بالميه

 

[نفهمها صح]

قبل زوواج
لازم يكوون حلوو جنتل راقي ذرب
بعد زوووواج
منبي شي من الي حطينا براسنا
غيير واحد يقدر العشره ويحترمنا​

 

[ملح الدنيآ.]

حبيبتي خلي عنج الشكل اعرف وحده تزوج واحد حيييييييييل جيكر واسمر ومتين بعد بس معيشها احلى عيشه واهيا جميله

على قوله وحده الحسناء والوحش ,, وشوي مرتااحه اخر راحه ويمووت فيها وكل مايشتري شي اييبلها وماينساها

اهم شي الاخلاق والريال يكون صالح اما الشكل مو مهم

عسى الله يوفقج حياتي ويتمم عليج ويحبج اكثر من نفسه قولي آآمين ^_^

 

[honey lust]

مع الوقت تشوفينه عادي

انا وايد اعرف بنات اول مره شفتهم ما كانوا عاجبيني كلش بس سبحان الله مع الوقت قمت اشوفهم ايننوون

و ترا الحلات حق البنت مو الريال اهم شي يكون مقبوول

 

[احلى بنت بالدنيا]

اقولج شي .. ماكو رياييل مزايين بهالزمن .. الحلو المزيون الوحيد بالدنيا أهوه "مهند التركي" وبس


فقولي الحمدلله واستانسي وخلااااااااص ..

لاتفكرين بشكله ترى كل البنات نفسج ماخذين جياكر وقاصين على نفسهم ويقولون مزايين

 

[فضيات]

وش لج بشكله دامه اخلاق والكل يشكر فيه ؟؟؟

هالجيكر اللي تقولين عنه بعدين اذا طلعتي معاه وشفتي وحدة تطالعه بالغلط بتسويت علووووووووووم فيه وفيها ...

واذا شفتيه يطالع بنات الفضائيات والكليبات بتجين تنزلين موضوع عن هالمشكلة في هالقسم وتقولين ( أريد حلا )

يا حبيبتي الحب ما يخلي الوحدة تطالع الشكل ...

 

[amoona89]

اهم شي الاخلااق شتبين بواحد مزيوون بس مايحترمج واخلاقه صفر
مااعليج ادعى ربج انج تقدرين تسعدينه ومع الاياام رااح تحبينه
عسى ربي يسعدج ويوفقج ياارب
​

 

[حبي حبيبي]

خيتو عادي هالشعور

بس اذا عشتي معاه راح تحبينه وتحبين شكله

وهالشعور اكييد لانج كنتي راسمه وره عن ريل المستقبل غير

والله يتمم عليج حبيبتي

 

[ssun2]

عادي حبيبتي خذي الأموووووووور ببساطة مع العشرة راح تتعودين عليه وراح تموووووووتين عليه ...... كلنا حاشنا إحباط من أول مرة ..... مع الأيام والحياة الزوجية والأولاد والمسئووووووولية تنسين السالفة ...... لاتخلين الشيطان يوسوس عليج ويصورج أشياء مافي داعي منها .... عيشي حياتج بدووووون عقد .... شكرا ودمتـــوووووووا لنــــــــا .........​