زوجي خذا مني كل فلوسي!!!

[ام _خلودي]

فتحت علي روحج باب انت بغني عنه خلاص لااهني واستوب عودي ريلج يتحمل مسولية بيته ويصرف عليج لباجر تتحسفين

 

[جوري 2007]

امبيه من صجج !! شنو تعطينه بالالوفات واهوة ماعنده اي ذرة احساس !

اصلا اشلون تاخذين من ابوج فلوس ليلحين !

اذا تحبين ابوج لا تاخذين منه خل يحس انه سلمج لريال يصرف عليج ويعزج ،، صدقيني بطريقتج هذي قاعدة تكدرين ابوج بدون ماتحسين

 

[جوري 2007]

ترى راح ايي اليوم اللي تيي فيه بنت حرام يصرف عليها فلوسه لان الريال يحب يقوم بدور سي السيد اللي يصرف

بتقولين ليش يطلب عيل ؟؟ لانهم مادري اشلون صايرين الحمدلله والشكر

 

[Tom ♥ Jerry]

.


صراحه الغلط منج و من آهلج ! و اسمحيلي على هالـ كلآم
حبيبتي حتى لو الله سبحآنه منعم عليكم
الريال لازم يصرف عليج و يسوي كل شي من حسابه و محد يساعده
آهله يسآعدونه أوكي بس مو آهلكمـ .،
خليتوآ الريال الحين يعتمد عليكم بكل شي
و صار آتكآلي درجه أولى و غير مسؤول :| !

الله يعينج (=

 

[الشموخ~~]

باب تجيك منة الريح سدة واستريح:eh_s(8): شدراج انتي شنو يسوي بالفلوس ديري بالج لا تخلين

الفلوس تركضض بايد زوجج ترا مو زين لج تتحسفين وربي جربي تطلبين منة فلوس قولي ابي

الف الفين محتاجتهم ضروري وطلعي لج اي عذر مراجعة طبية عملية بعيد الشر عنج اي شي

واذا ردج خليها عذر عشان توقفين عنة هالسيولة :eh_s(15): واتمني تسمعين النصيحة

 

[الفدعى]

الله يعينج هذا مايستحي شنو انتي مكلوفه بدين ابو مكلوفه انه يشتريي ذهب حق امه من فلوسج

هذا بصراحه لايستحي ولا ينتخي انا اقول سوي لج حساب في بنك ثاني ولا يدري عنه وقوليله ابوي مايعطيني مثل اول

 

[كادى الحب]

اهو المراة وانتى الريال خوش سفر

 

[قلبي عبدالله]

للأسف اختي زوجج من النوع الاستغلالي وياشين هالطبع

وانتي عودتيه على العطا من غير حساب وعودتيه يشيل ايده من كل شي


وبسيطه اذا طلب ثاني مره قولي حبيبي ماعندي كنت ابي اطلب منك لاني طفرانه بس مستحيه

فلوسج خلاص لايدري عنها

 

[خـورآفيــه]

شالمسخره ؟؟!! انا شكوو بأمك تشتريلهآ ذهب :| لآ بعد يآ ليت شي ضروري !! ذهب ؟!
امبيه اسمحيلي انتي يا أما خبله يا أما طيبه زيااااده عن اللزوم لدرجة السذآجه ! طيب ابوك عليه دين أنا شكو ؟ اذا ابوج انتي عليه دين تتوقعين بيدفع لو ربع ربع الدين ؟؟

انتي غلطآنه من الأول غلطآآااآآآنه يوم طلب من أول مره وعطيتيه وطوفتيهآ , ثآني مره ليش رضيتي ؟! من صجج حبيبتي ويآليت أسبآب تستآهل إني اعطيه !! هذ لآاااااقيج

‏ << آسفه بس جد مسخره وأبيج توعين يا الغلآ لآ تزعلين من كلآمي وربي منصدمه

 

[Adorable]

والله يا بنات مادري شلون انسحب من هالدوامه الي انا فيها المشكله انا كل شي اقوله والله ابوي و امي سافرو ويك اند عطوني 400 مصروف يقولون نخاف ينقصج شي و احنا مسافرين
و ابوي عباله ان اهو قاعد ايمع علشان جذي قاعد يسوي كل هذا شلون لو يدري انه ما يمع ولا دينار اين والله

 

[دلوعة حمني]

حبيبتي البنات كفوا و وفوا ... الغلط منج انت مو ملزومة فيه و بأهله العس هو الصحيح!

قوليله ماعندي ... و اللي باقي عندج او اي مبلغ الوالد يعطيج اياه حطيه بحساب توفير مايعرف عنه
الله يخليلج امج و ابوج بس ترى حبيبتي هم مو دايمين لج و المفروض زوجج يكون سند لج مو انت اللي تصرفين!

و دام معاشه قوي خليه يعطيج مصروف يكفيج و يزيد بعد

سوري طولت بس الصراحة ماحب الرياييل الاستغلاليين

 

[المحبه للاستغفا]

سلامات زوجك وش يحس فيه بالضبط

وين الرجوله وعزة النفس

ماادري اختي الغلط عليك والا على ابوك الي عود زوجك

لسه في وقت مدامك مارتبطتي بعيال منه حاولي تغيرين هالعاده الشينه

وربي يوفقك

 

[alhnan]

حبيبتي دام ابوج يعطيج فلوس من باب ان الخير زايد عمده ومن باب ممكن تحتاجين هاللوس ما تكلمين احد فيها تخشينها وبس مع ان الاولى انج ترفضين وتقولين مو محتاجه وتاخذين اذا احتجتي بسسس
لكن ممكن تاخذين بكيفج وتخشينها بدون لا يدري زوجج

ومعاشج لج اذا كنتي متوظفه وزوجج يصرف عالبيت
اذا كان معاشه قليل وبتسافرون يا منج ومنه مصاريلف السفر يا منج انتي بس بدون ما تقولين من اهلي
اما يطلب يصلح سيارته ممكن سلف او ممكن تساعدينه بجزء من المبلغ وتبينين انه من معاشج
اما ذهب لامه ولابوه لاااااااااااا و الف لااااااااااااااااااااااااا

ومبين انه طماع
قوليله اهلي ما قاموا يعطوني وانهي الموضوع

 

[معلمه متميزه]

غلطانه يا قلبي شكو تعطينه لاا وماهو راد لج الي خذاه ؟!!

قوليله حبيبي متى بتردلي الفلوس الي خذيتهم ؟؟ انا محتاجه فلوس بشتريلي اشياء وصراحه ماني طالبه من ابوي بيقولون ريلج وينه ؟؟ وعيب اطلب من ابوي وانت موجود مو حلوه بحقك .. خليه يرجعهم لج ولا تعطينه ابد لان واضح ان قاعد ياخذهم على خرابيط حبكت يشتري لامه ذهب من فلوسج ؟؟!!! غير هديه هذي .. وين شهامة الرياييل وينها يا ربي ذكور بهالزمن ماكو ريال سنع لا حول ولا قوة الا بالله ..

حبيبتي فتحي عيونج الريال بيطمع فيج اكثر وما راح يوقف طلبات وبعد فترة قوليله انا طلبت من ابوي ما يعطيني مصروف بعد خلاص تزوجت والله يخليلي ريلي ليمتى ابوي بيصرف علي هو عنده التزامات ..

بعدين اذا ابوج ساعدج بشي لا تبلغينه خليه سر بينج وبين ابوج مو كلشي يدري عنه الريال ..

والله يعينج ..

 

[G!RLooNa]

غلطانه شنو انتي البنك المركزي ولا بنك التسليف !!

شنو هاتي الف الفين و سفراتكم على ابوج و غداكم من بيت اهلج !! ليش متزوجه عيل شنو وظيفته اهوا !!

و حلوه هذي عشان سيارته و دين ابوه و قرض مادري منو كله على افاج !!!

انتي ريال البيت مو اهوا!!!

و اهوا شلون يرضى ان اهل مرته يصرفون عليه بماجله و سفر و مصروف !!! شنو يحس روحه و اهوا ريال البيت بالاسم بس و مصروف مرته من الالف لي الياء على اهلها !! مو بس مصروف مرته مصروفه اهوا بعد

لا تتوقعين باجر لي ياكم عيال بحط ايده بشي حبيبتي كله عاليد و اليده حتى ولادتج و المستشفى مهوا دافعلهم !!!

واي شي يقهر اذا اهوا راضي شلون انتي راضيه !

باجر يقولج اخذيلي قرض و يبني بيت و يحط على راسج مره و يدلعها بفلوسه اللي مادري وين يوديها استانسي بعدين

 

[سكرة هانم]

امبييييه @@والله اتكلمين عني بالضببببببببط

ابوي يدفع للسفر ومن يدري صار بيدي فلوس يطلب وهم خالتي تقول انتو تلعبون بالفلوس

قههههر الله يعييين :/

 

[G!RLooNa]

سمعي صح كلام وحده من البنات

انتي طلبي منه مبلغ و قدره

قوليله محتاجه الف الفين صكيه بمبلغ محترم و شوفي شنو يقولج

ابوي قولي صرف علينا بما فيه الكفايه و مالي ويه اطلب

فلوسي صرفتها عليك و على ذهب امك و دين ابوك

بس صج شوفيلج شغله فيها صرف شغل الاسنان ينفع ترا غالي ولا اي شي ثاني بس لازم تشوفين اهوا شنو رده فعله لي طلبتي منه

و من يوم و رايح لي رحتو سوق اهوا يدفع

مصروف تاخذين منه كل شهر لو انتي موظفه

معاشج ماله شغل فيه

قالج عطيني قولي ماعندي خلصت فلوسي و سوري بس اذا كان ما يستحي و قالج طلبي من ابوج قوليله ابوييسلم راسه ماقصر و عطانا و اهوا مو ملزوم فينا و انا الحين بذمتك انت مو ذمه اهلي انت المسؤول عني

 

[noo7a]

شوفي تعطين حق ريلج مو مشكله
بس تعطينه عشان يشتري ذهب حق امه و يسدد ديون ابوه انتي مو مكلفه بهالشغله
بصراحه شي يحر

 

[Adorable]

والله ضايق خلقي وايد الحين يقولي رح اعطيج ٥٠٠ حق السفره و انا كنت حاطه ابالي اصرف الي ميمعتهم ٣٥٠٠

 

[أنهار الورد]

للاسف انتي عودتيه حبيبتي
الحين لو طلب منج من جديد لو اقتنعتي انه فعلا محتاج ساعديه اما مجرد اتكاله على الغير هالامور مو محبذ بالمرة
الله يعينج