زوجي خذا مني كل فلوسي!!!

[بخـــارى]

تقولين عنه محترم شي طبيعي بيحترم نفسه لانه يبي منج فلوس

حبيبتي هذا طلاقج عنده ابيزه لانه اخذ منج اكثر من انتي ماخذيتي

الله يهديه مسكي ايدج عنه وشوفي ذيك الساعه راح اوريج الويهه الغير محترم
واي شهالريال انا يطيح من عيني هالنوعيه

 

[كـ غلا ــلي]

اسمحيلييييييي انتي خربتي ريلج عليج عددددل وانا حدي انقهرت عليج شنو هاذا من صجج انتي من كل عقلج

تصرفتي جذي عيل بالله اهوا شنو دوره بحياتج حبيبتي خل اقولج الريال اذا مرته ما صرف عليها يدور غيرها يصرف عليها

انتي من يوم تزوجتي المفروض تنسين سالفه انه ابوج يصرف عليج الحين شوفي اشصار تعود الاخ يطر منج اشكره

وصراحه ابوج غلطان بعد المفروض يعودج قبل لا يعود ريلج انه مصرف ولا سفره ولا غيره كل من جيب الحلو اللي ينقال عنه ريل

واذا ما عنده مو لزوم السفر والفشخره خل يقعد بديرته شسفره وانتي بعد تحملي وقعدي معاه اهلج الله مكرمهم وعنهم

يسافرون يروحون مالج شغل فيهم انتي عليج بظروف وزجج حتا لو قلبج تفرر تبين السفر علميه يوفر من جيبه مو كل

ساع يطلب وانتي تعطينه وانتي نفسج مستغربه وين يودي فلوسه وعلى قولتج ماله خرابيط معناته يا اما يوفر راتبه

ولا يقطه على بنات ابليس وانتي نايمه بالعسل نوم والله لو انا ريال واحصل مره مثلج حدي اللي راح اقزرها ولا اتقاعد بعد ليش

اشتغل مرتي تطلع لي ازيد من راتبي الشهري وانا مدلل ومرتاح من الحين اقولج بس كافي مسكي ايدج ولا تعطينه ولا ترضين

على عمرج تاخذين من ابوج وحتا لو ابوج عطاج خليهم لج شكو تعطين ريلج

 

[مشتاقة الى الله]

ديري بالج تسايرينه اكثر عن جذي

خشي فلوسج يا حلوة ترى رياييل هالزمن ما منهم امان

وبعدين من الريال انتي ولا اهو

اهو الي مجبور يصرف عليج علامج ساكتة ومعطيته طوله

لا تسكتين كثير وتندمين بعدين

يالله قومي الحين وتصححي من الطيبة الزايدة وفري فلوسج لنفسك وللمستقبل

اليوم عندج وبكرة ما عندج

 

[مولاي الفرج]

حاولي ماتعطينه الا اذا وضعه صعب وتساعدينه

اعتبريهم دفعه بلا

انا صارلي هالشي بزواجي السابق

شفايده الفلوس اذا مافي بقلبه محبه لي

هنياله فلوسي اللي خذاها وقلبي اللي مات بين ايدينه

 

[ثريا الكون]

الريال الي ياخذ من المره مو ريال مع احترامي لريلج شكله طمعان فيج سوري على صراحتي بس واضح ومليون بالميه الي محتاج بالغصب يطلب وما سألتي نفسج ليش ما يرد لفلوس بس ياخذ وبالمقابل ما يعطيج اناني واضحه السالفه

 

[وردة الحياة]

هذا واضح انه داش على طمع


الله يستر عليج

 

[فاقده ابوهاااا]

انا فاكه عمري معطيه الكرت حق ريلي ومعاشي بايده بس بشرط ان ما يقصر علي اسافر واروح وايي عادي وفلوسي وفلوسه وحده مافي ذيج الحزازيات .. ودامه يا اختي العزيزه يطلعج ويسفرج ومو امقصر معاج واهم شي تكون اخلاقه ممتازه عليكم انتوا الاثنين بالعافيه استانسي بحياتج معاج من غير ما تشوفين بنظره ان هذي فلوسي ولازم بروحي استاس فيها استانسوا انتوا الاثنين مع بعض دامه زين معاج وخوش ريال بس اذا كان العكس لا والله حطي بالج وفتحي حساب ثاني باسمج ما يدري عنه ولا تطلعين كرت له او كرتج حطيه عند اهلج

 

[FeShinGoOo]

خشي هالفلوس عند امج ولاتقولين حق زوجج ان ابوج يعطيج شي وخلي الي تحتاجينه فبوكج وبس

 

[FeShinGoOo]

انا فاكه عمري معطيه الكرت حق ريلي ومعاشي بايده بس بشرط ان ما يقصر علي اسافر واروح وايي عادي وفلوسي وفلوسه وحده مافي ذيج الحزازيات .. ودامه يا اختي العزيزه يطلعج ويسفرج ومو امقصر معاج واهم شي تكون اخلاقه ممتازه عليكم انتوا الاثنين بالعافيه استانسي بحياتج معاج من غير ما تشوفين بنظره ان هذي فلوسي ولازم بروحي استاس فيها استانسوا انتوا الاثنين مع بعض دامه زين معاج وخوش ريال بس اذا كان العكس لا والله حطي بالج وفتحي حساب ثاني باسمج ما يدري عنه ولا تطلعين كرت له او كرتج حطيه عند اهلج

كلامج حلو بس لما ياخذ فلوس البنت ويروح يشتري فيهم ذهب حق امه اتوقع تصرف ماله داعي امه ماراح تموت اذا مالبست ذهب ..!!

لو نقول عليهم جيكات ولا ديانه هااا تنبلع مع انها هم مو شغلها تعطي امه وابوه من جيب ابوها
وانا اقول مثل رايج خل تفتح حساب ثاني وماتعلمه

 

[بنت الاحلام]

ياقلبي هذا يبي يعيش وبعد يعيش اهله علي ظهرج

وهذا راي حبيبتي
ومو معني ان انتي عندج فلوس وخير تخلين ياخذهم ع المرتاح
والالف بعد والله راهي

ديري بالج
وابي منج طلب

ابي انتي تطلبين منه فلوس
وشوفي شنو رده فعله
ولو قال لج ماعندي
وبعد فتره جا طلبج ردي عليه نفس رده عليج
ولا تصيرين جذي
تمشين وتبخين فلوس فاهمه

هذا نصيحه اخت

 

[اسواريه]

انتي غلطانه قاعده تصرفين عليه المفروض هو اللي يصرف علييييج وبعدين انتي قاعده تصرفين على اهله بعد حرااااااااااااام والله تعطينه وماتدرين وووين يودي الفلوس انا اقول سوووي استقطاع بالبنك حساب التوفير وخشي فلوسج لا يلعب براس وانتي تصدقينه على طووووول ترى الرياجيل ما ينعرفلهم وانتي عوديه من الحين خلي غداااج بالبيتج لا تاخذين من اهلج ترى الرياجيل مايشبعوون من الفلووووس انا علمتج
الله يهديه ويعينج عليه

 

[أم حمـد]

تبين نصيحه اخت لاتعطينه
وفتحي حساب مايعرفه وقوليله ابوي مسك ايده الدوب يقطع وانا استنزفته
ترى عيب الريال ياخذعشان يشتري ذهب لامه ولا دين عن ابوه انتي مومكلوفه فيهم العكس صحيح

 

[برنسس كاتي]

مافيها شي لو الوحده تساعد زوجها لكن انتي غلطتج انه عودتيه تعطينة وبالألاف على قولتج وهو يدري انه انتي مو محتاجه
وانا ابوج الله يخليه لج اياه يعطيج معاش فهو تعود على هل سالفة وهل شي مو حلوه انه ابو الزوجه يصرف عليكم
انتي المفروض تعودينه هو يصرف على البيت وان يمشي لج مصروف وما تاخذين من ابوج او خلي لج حساب الي ابوج يعطيج فيه فلوس
وخشي كرتج يعني اذا احتجتي شي مني مناك او لليوم الأسود بس لا تعودينه يصرف عليج حتى لو على سفرات
تحملي حتى لو ما بتسافرون بس جد مو حلوه بعدين يتعود يبخل وما يعطيج باجر بيصير عندكم عيال ومصرف
بعد ابوج بيصرف عليهم ؟ طبعا ما يصير
والله يساعدج

 

[جوانا2011]

قوليله فلوسي اجمعهم حق الزمن عند ابوي ومو عندي ولا بحسابي شي اعرف وحده سوت مع زوجها نفس الحركه ويأس منها معاد يطلب منها شي وما شاء الله بنت بفلوسها فله يم اهلها

 

[غـرامـي أنـت]

معطييته وجه بزيااااااااااااااااااااااده

 

[Adorable]

بنات و انا امس عند اهله ابوه شاري نظاره ب ١٣٠ دينار والله انقهررررررت و اهو الاسبوع الي طاف ماخذ مني ١٩٠٠ يقول ابوي عليه ديون والله مادري شلون اكلمه احس مفتشله و الدين ابوه صج عليه كان ٤٠٠٠ و ريلي دافع ١٩٠٠ منهم

 

[G!RLooNa]

حلوه هذي خوش مديون يشتري نظاره بهالسعر !!

الاسبوع الياي فاتحله سياره يديده بعد

 

[يآسمينه]

طب قوليله مايبي يفرش بيت اهله وايوزع افلوسج ع ربعه بعد.....
والله انتي معطيته وجه بزياده عن الازم ي ذكيه فلوسج لج واهو ملزوم يصرف عليج مو انتي اللي ملزومه ..
انا بقولج شغله انا اذا ابوي عطاني او عطا بناتي وزوجي عرف والله ايعصب ويتهاوش معاي ع الهديه وايقولي ليش يعطيج ودايما اينبهني اذا ابوي عطاني لازم ارفضهم وهالشكل لازم الرجال ايكون وزوجج مستهين بالسالفه ابصراحه المفروض مايرضى ان ابوج ايمدلج شيء تدرين ليش لان الرجال المهتم ايخاف ان اهل زوجته ايقولون عنه امقصر او مسكين عاجز عن بنتنا ...
انتي حسسيه ان عطايا ابوج عيبه ابحقه اهو مو جاهل عشان ينصرف عليه لا اهو رجال لازم يصرف وايحس ابوجوده وابحاجة زوجته له...
وانتي سوي نفسج محتاجه واطلبي منه وشوفي بيوقف معاج نفس وقفاتج والا لا؟؟؟؟
وساعتها اتعرفين ان كل اللي سويتيه صح والا خطاء...
ولا تعودينه ابد ترى صج زوجك على ماتعوديه...
بالتوفيق خيتي..

و هذا رايي ​

 

[رحيل المرافيء]

زين انتي شحقة متزوجة
جان قعدتي عند ابووج يصرف عليج
ولاهو برستيج وبس
المرة تتزوج تبي تحس انها مسئولة من ريال
دام ابووج مسئول عنج شحقة متزوجة
تخربون الرياييل وتالي اتيون تتشكون

 

[بنت_أخت_خالتي]

ليش متزوجته!!!

جان عطيتيه انتي المهر بعد