يابدويـــه
ياجعل الله يفك عنج كربتج ويشرح لج صدرج وييسر لج كل امورج
جعل ربي يحنن قلوبكم على بعض و لا يفرقكم ويهديكم لبعض
و جعلج تطلعين من هالكربه سالمه ..
اسمحي لي اقولج بعد مطوله لسانج وسابته ومسويه شي مفشلته فيه وهم حزنانه انه طقج
يختج اذا الطلقه بوقت الغضب تعتبر باطله
فمابالج الاشياء الثانيه
والانسان اذا فقد نفسه وماقدر يتمالك اعصابه اقسم بالله ماعليه شرهه
وبعدين والله انتي تذكريني في نفسي
انا مافي اطول من لساني وزوجي ناااار يويلي عصبيييي وان عصب اقسم بالله مايعرف امه من ابوه
بس عمررررررري ما رفعت صوتي عليه لمن يكون معصب
صحيح نفس حالتج لمن اعصب افقد اعصابي ولا اسمح لاحد يغلط علي او يستفزني واقلب عالوجه الثاني وما اعرف نفسي بوقت العصبيه وهو عارف هالشي
بس برمجت عقلي الباطني حتى لو انا بشدة اعصاابي وبيطق لي عرق مااا احط عيني بعينه ولا اطلع نفس واحد وهو معصب بالعكس اخليه يصرخ يصرخ يصررررخ حيييل ويطلع كل اللي بقلبه وانا ولا كلمه وساعات من شدة غضبي ومو قادره ارد عشانه معصب واخاف مثل ماسوى رجلج يمد ايده علي لانه وقتها يكون مو بوعيه فالحل الوحيد الدموع اقعد ابجي بكل هدوووء وشوفي بتصرفي هذا شنو كسبت ؟؟
كسبت اني امتصيت غضبه
وهم مسح دموعي وبدل لا اراضيه هو راضاني
حبيبتي المره لازم تكون ذكيييه وتعرف شلون تتصرف بعقلانيه علامج فقدتي نفسج و مديتي لسانج على الرجال
يوم انج مو قادره تسكتين اطلعي واتركيه مو تمدين لسانج وبدل لا تحلين الموضوع عقدتيييه الله يهديج يااربي
وانا والله مو ضدج بس لمن تقعدين بينج وبين نفسج وتحاسبينه على مدة ايده هم حاسبي نفسج لانج طلعتيه عن طوره لو ساكته اقسم بالله ما مد ايده
ومافي رجال يقبلها على نفسه انه المره تهينه وتغلط عليه مهما يكون انتي مره وهو رجال
اذا انتي مو قادره تنسين انه مد ايده عليج
تلاقينه حتى هو يتهرب ويطلع كل يوم لانه مو قادر يستوعب المره اللي حبها واختارها من بين كل الحريم انها تكون زوجته
تسبه وتغلط عليه وتهينه
ابيج بكلامي هذا تصحين شوي من غفلتج لا تحطين ببالج انه بس هو غلط
بالعكس انتي بعد غلطتي ولو مو غلطتج هذي ماوصلت الامور لي هالدرجه
والطلاق ابد مو حل اقعدي مع نفسج وتعلمي من خطأج عشان تتعلمين ثاني مره بوقت عصبيته تمسكين نفسج ولا تخلين هالمشكله تعدي من غير ما تتعلمين منها
وانتي بينكم ولد ماشاءالله عليه صغير شنو ذنبه يعيش بين ام واب مطلقين عشان مشاكل عاديه
والرجال غلط مره سامحيه واخذي منه وعد ما عاد يرفع ايده عليج وفهميه بكل هدوء انه مو من حقه يمد ايده حتى لو كان زوجج
الطق تكرمين للحمير مو للبشر والله حرم الطق وحتى بالقانون فيها سجن
ونصيحه تقربي من الله بتلاقين حالكم ينصلح بسرعه واموركم تزين
والله مصدووومه يوم قريت العنوان ونكج
وفعلا زعلت عليج والله ما تستاهلين
ونصيحتي بدل ما تفكرين بالطلاق ادعي كل يوم باخر الليل من الله انه يهديه لج و يحنن قلبه عليج
الطلاق شيليه من راسج مو حل والله
والله يهدي سركم يااااارب حبيبتي
