زوجي طقني مو قادره اكمل معاه افـكر بالطلاق تعباانه نفسيـاا :'(

[modern]

يا ربي ذكرتيني بنفسي من ثلاث سنوات لمن زوجي قطني و أنا كنت حامل و ورمت عيني و نزل الدم من خشمي وفشلني قدام أهلي

 

[! بــدويه وآآيــد !]

،


فوشيا وليدي نعومه حبايبي مشكورين والله للحين عايشه معاه وادعي عليه وكارهته
وادش الموضوع استجمع قوتي واضغط على روحي واروح اسولف معاه او اكلمه او شي يكلمني بنفسيه مومثل اول لايضحك ولايقول شي بس يسمع ويطلع
اقل كلام بالعافيه او يرحمك الله مايرد علي فيه يسكت
اقوله ماتبيني قول يقول لو مابيج جان طلقتج !!
ضايعه ومنغثه ومتضايقه
ما ادري انا ليش للحين عنده!!
احس ماقدر اكمل ماقدر استمر
القنفه مالت الصاله الي ياما سهرنا وضحكنا وسلفنا عليها ماتذكر الحين متى اخر مره قعد عليها وسولفنا او شفنا فلم يا انا بروحي اقعد وهو بروحه داخل او انا بالمطبخ وهو قاعد بالصاله ومن اطلع من المطبخ اقعد يمه يقوم يروح داااخل بروحه
اقوله صارحني خل نفتح قلوبنا لبعض انا تعبت يقول انا مومرتاح اكره اقعد بالبيت انتي مقصره وانتي وانتي وانتي اقوله وانت بعد يقول شوفي نفسج اول اخذي بايدي وانا المكسوره الي انكسرت فرحتي بولدي وبطلاعتي وبعرسي وبكل شي منو ياخذ بايدي ويطلعني من الي انا فيه

اتمنى الطلاق بس خايفه ومتردده حييييل مادري شنو النصيب الي بيجيني من بعده ! وما ابي ولدي يتشتت خايفه من حياتي اذا بدت اخاف ابدل حياتي الهم بهم اكبر واتحسف واقول كنت اقدر اعدل واعدل واعدي هالفتره !!

 

[<<الأميره>>]

الله يسهل امرج ويصلح مابينكم ويألف قلوبكم لبعض

 

[طـير7]

بدويه حبيبتي الله يعينج

وانا اقرا ردج عورتي قلبي اكثر

لااااااااااااازم تقعدين معاه وتتفاهمون
الوضع هذا غلط
موعدله كل واحد ماشي بطريج وماكو شي مشترك


الله يهدي النفوس

 

[am-abood]

لا صحيح كلام BubbLe87
شكو يضربها ضرب سنه بساعه ؟؟؟ حتى لو استفزته
شنو الي قدامه عدوه ؟؟
ومافي بنت ترضى تنضرب اصلا !! ترا هي بنت وهو رجال كيف يحط كل قوته عليها ابي افهم بس ..
خلكم واقعيين شنو عادي يضربها !! عاد لو ما استفزنه لو سوت شنو ماتوصل للضرب والهمجيه و التخلف

 

[شــــــــــــــوقــــه]

بنات الحين الطق شي صار و خلص و راحت بيت اهلها و ردت تقولكم صارلهم 4 شهور

بدوية حبيبتي خلي ولدج النتفه مصلح بينكم قطيه عليه خليه يشيله بس كوني يمه مو تقطينه و تمشين

ساحليه لا تثقلين عليه و قالها لج لو مايبيج طلقج

الله يهديه بس

 

[امـ خــزامـى]

يااحياااتي انت ربي يسخرلكم ويغسل قلوووبكم ويرجعكم مثل اول واحسن

بدووويه ليييييييييييييش مارحتي للعمره ؟؟؟؟؟؟؟؟؟؟؟؟؟؟

رووووووحواااا واجلسوا مع بعض بالحررررم واخشعي وادعي صيحي
وفضفضي لربك

وخلي زوجك معك ويسمعك

وضعكم ماينسكت عليه ابد

الله يسهل عليك

 

[Canon~]

بدويه

اذا انتي تبينه وتبين حياتك تستمر!!


لازم تتناسين اللي راح ماقولك تنسين لان ادري صعب


وهو يقولك اخذي بيدي خلاص لاعاد تفتحين هالسالفه حاااولي قد ماتقدرين




وحاولي تغيرين من نفسيتك تطلعين تستانسين


كشخي قدام زوجك وخلك واثقه من نفسك وحاولي بالكلمه الحلوه وبالدعاء والصدقه والتقرب من الله تعدلين حياتكم


انتي كذا خذتي موقف من السالفه وتاثرتي


الحين حاولي تعدلين اللي بينكم باللي تقدرين عليه ولع تصيرين كئيبه وحزينه في المقام الاول عشان روحك


وحتى زوجك بيمل من هالوضع


خلاص دامك رجعتي له لازم تصلحين الوضع اللي بينكم مايصير حياتكم كذا


وتذكروا ولدكم هذا قاعد يكبر لازم تعدلون الوضع!!


اسال الله الكريم رب العرش العظيم ان يلدل حالكم الى احسن حال عاجلا غير اجل ...اللهم امين

 

[توته وتوت]

حلمات نجمات هوليوود احلام , بلقيس , بوند , حليمة , الرقصه , احدث , يامرسى , يابو , ساخر , صباع , كليب , الكويتية , فستان , فضيحة شمس الكويتية , صور كيم كارداشيان , صور كيم كارداشيان اغراء , كيم كارداشيان , كيم كارداشيان 2013 , كيم كارداشيان 2014 , كيم كارداشيان بالبكيني , كيم كارداشيان عارية , فضيحة كيم كارداشيان , فضييحه كيم كارداشيان , arab , attractive , واغراء , الاكثر , العرب , اثارة , حصريا , photos , فنانات , ملابس محجبات , جيبات طويلة , لبس كاجوال للمحجبات , جيبات جينز للمحجبات 2013 , ازياء محجبات كلاسيك , فساتين خطوبة 2013 , احدث فساتين سهره 2013 , اجمل كولكشن , اجمل الازياء 2013 , فساتين مع اكسسوارات 2013 , اروع ازياء المحجبات 2013 , احلى العبايات للبنات , ملابس للشتاء رائعه ,
كفرات فيس بوك كوميدية , اغلفة فيس بوك كوميدية , صنية البطاطس مع اللحمه , جلاش بالمكسرات جميل , ستيك مكسيكى حار , الشيش طاوق بالصور , شاورما الدجاج بالصور , كيك الفراولة , انواع الكيك بالصور , الطماطم المحشية بالبيض , طريقة عمل صلصة الكاتشب , شوكولاتة محشية كراميل , كيكه الكريم كراميل , التمر بالكريم كراميل , كرات جوز الهند , ازياء بيتي 2013 , اجمل ازياء بيتي 2013 , ازياء مميزة 2013 , اشيك بجيامات , ارقي بيجامات , بيجامات كيوت , ملابس بيت للبنات ملابس للبنات , صور رومنسية , صور حزينة ورمنسية 2013 , ,صور وغرام 2013 , صور رومنسية روعة 2013 , صور عشق وغرام 2013 , صور رومنسية متحركة 2013 , صور رومنسية روعة 2013 , صور حزينة مؤثرة , صور بنات حزينة 2013 , صور حزن والم 2013 , صور دموع وحزن 2013 , ليلي علوي 2013 , احلى صور امال ماهر , احلى صور رامز جلال , الممثله ليلي علوي 2013 , الممثله زينة , زينب المعبر , يسرا اللوزي 2013 , Hanan Turk 2013 , احمد السقا 2013 ، Ahmed Saka 2013 , صور انجين اكيورك , Najwa Karam 2013 , صور الفنانه غادة عبد الرازق , صور المطرب محمد عبده 2013 , احلى صور هيفا وهبي 2013 , صور النجم توم كروز , بالصور آيتن عامر صور رضا الكرداوى طليقة توفيق عكاشة , شبيهة كيم كارداشيان , صور الفنانه مروة محمد , سيما على بابا 2013 , مكياج خليجي 2013 , مكياج دخانى رائع 2013 , مكياج رائع 2013 , مكياج روعة 2013 , حلوى مغربية بالسمسم , العاب فلاش , العاب بنات , العاب بنات 2013 , العاب طبخ , العاب تلبيس , العاب حب , العاب فلاشيه , العاب بناتي , العاب بنوتات , لعب بنات , العاببنات , العاب طبخ 2013 , شات , شات سعودي , شات خليجي , شات كويتي , شات تعب قلبي , شات الود , شات جلع

 

[Koko7taty]

الله يمسح على قلبج ويكتبلج اللي فيه الخير ويعطيج على قد نيتج

 

[نور المدينة.]

اللي فهمته من ردج انه متمسك فيج والدليل







لو ما أبيج جان طلقتج ؟؟؟؟؟


بس الكبرياء اللي عنده مانعه انه يبادر تحملي وانتي بادري بالكلام حتى لو لقيتي صد منه مع الأيام بيحن قلبه
بدال ماتدعين عليه ادعي له ان الله يسخره لج ولولدج

المشاكل اللي بين الزوجين هي اللي تقوى
العلاقة بينهم حتى لو كانت واصله للطلاق ماتدرين مع الأيام شنو يصير
الله يهدي بالج يارب ويريح قلبج وان شاء الله مع الأيام نشوف ردودج كلها فرح وتفائل

 

[كليـ دلعـ]

انا مادري ليش البنات الحين يحطون اللوم. عليج

حتى عقب ردج الاخير!

انا ع بالي انتي صاده عنه وانتي اللي توخرين عنه ليقعد يمج

وانتي اللي شايله نفسج عليه!!!

صدمتيني'!!!!!

بدويه!

شفيج!؟

انتي تقولين كلام وتسوين عكسه!

انتي تقولين موقادره انسى كارهته حاقده عليه!

وبنفس الحزه تلزقين فيه وبالعافيه ووو !؟

شتتتيييني!!

اللي حاقده وموقادره تنسى تثقل وتصد عنه !

وتتثيقل عليه وتصير رسسسميه!!

لكن انتي اللي صاير العكس!

اهو اللي يوخر ويتنحش!!

لاااتقعدين يمه لاتقططين نفسج عليه لاا تكلمينه غصب!

بدويه هذا خطااااا خطااا غلططط

اهو يشيش اكثر كاهو كل ماله يصد!!

الله وكبر يعني يبيج انتي تنسين الطققق وهو ماينسا الحركه!


ليش بالله اهو عنده احساس وانتي لا!؟

خوش!

سمعي لاتتقققطططين نفسج عليه لاتلزقين وتقعدين يمه شكو!

خ يولي

انتي اللي تحاشيه ليقعد بلصاله روحي دارج رتبي ملابسج

وان دش الدار طلعي المطبخ

خليه اهوو اللي يحاول ويتلزق مو انتي

بدوييييه

افهميني

انتي جدامه كنتي مثل ناااطحه السحاااب المررتفعه الصصصعبه

اللي بلحظظظه اندكت بالارضضض وتساوت بالقااع

فاهو خلااااااااااااااااااااااااص

ماراح يرد فلان اللي قبل لان حاجز الرهبه طاح

فانتي مو حلووه من انسانه صعععبه ولج هيبه

لانسااانه تركضضض وراه ووتترجاااه وتقعد يمه بالغصب!!

مافي توازن يابدويه!

غلللط غلللط وهذا بيزيده بيزيده وبيشيش وبيتشيحط

اصلا اهو بينه وبين نفسه مستانس ويقول شلون صارت

جذي وانا اللي قبل كنت اركض بيدها بس عشان

ماتزعل طلعت اسهل من السهل!

يابدويه انتي تبينه مافي نقاش

والبنات تكلمينهم بشي يردون عليج بشي ثاني

تقولين الوضع صعب يعني العللله فيه اهو

واهو اللي مايبي يقعد ومايبي العيششه ومايبي

يعدل الوضع!

ويقولولج ميخالف انسي يابدويه!!!

ش تنساااا!؟

المره رضت وردت ونست وكا اهي تركض بيده وتطبخ له

وتتلزق فيه!

شتبونها تسوي اكثر؟!


دام مانتي رايحه لاهلج قعدي فبيتج وعيشي

واغراضه جهزيها قبل لايسال عنها عشان ماايصير له مجال


يكلمج

ردي عليه بنفس ثقيله ورسميييييه

ووخري عنه وثثثثثثققققققلي عليه

لاتجابلينه خليه يحسسس

يفكر يقول شسالفتها

مو انتي تركضيين وهو عايش الدور

لاتغطينه اكبر من حجمه خ يولي انا بالبدايه كنت معاه

لكن عقب هالحركات انا صرت عليه لان الامر مايستدعي كل هالحقد

لي متى بيمط السالفه شهر شهرين سنه!؟ لي متى!؟

ازعله هذا متئ بيخلص!؟

عطيه طاااااف وهمشيييه بس خلج هاديه ومتزنه

جربي اسبوعين راح يبين المفعول!

معاج ام الدواهي للخططط الزوجيه الجهنميه>>>>>> ههههههههههه

ضحكي يالله هههههههههه

ضحكو بنات هههههههههههه

وي ياحسرتي شكلي بييين من مشاكلكم

 

[شادن33]

حبيبتي حاولي وحاولي وحاولي معاه لا تياسين >>>> بطقني كلي دلع ههههه
بس صدقيني بلين ويتعدل بس يبيلها وقت نفسيته انكسرت وانتي بعد ويبيلها فتره لين تنجبر !!!
تدرين المره اللي تحبب نفسها لزوجها وتدلع عليه لين يرضي تحصل اجر !!
حبيبتي أكيد الفضيحه اللي آنتي فشلتيه فيها بعدها ماثره فيه !!
فلاتلومينه اللي عليج الحين انج تلملمين نفسج وتشحنينها ككككل القوه اللي فيج عشان تردون نفس قبل
وانتي تقدرين لإنج قوووووووويه

 

[كليـ دلعـ]

^^^^^^^^^^^^^^^^^

شدووون تعالي عند جمعيه قطعه ٤ ابيج بسالفه

ولاتيبين معاج احد!!!


هههههههههههههههههههههههه

 

[مدّهره !]

عسسسى الله يريح قلبك ويسسسعدك ^^



حااولي تنشغللين 24 ساعة لاتتركين ووقت لنفسك تتذكرين وتتألمين ^^

 

[Pippa]

كلي دلع .. كلامج عييييين العقل
بدويه عطيه سكب طاف خليه يولي عشان يلحقج ويتمنى يسمع صوتج
انت الحين جربتي التلزق والكلام والطبخ مانفع خلااااااص جربي شي ثاني وصدقيني الريال مثل الكره شوتيها تردلج وحتى تفكير مجرد تفكير لاااااا تفكرين فيه لا تعطينه أهميه بحياتج كلهاااا

 

[كليـ دلعـ]

^^^^^^^^^^

مشكوره حبيبتي

 

[كويتيه شماليه]

انا اشوف اللي شايفه نفسها على زوجها ومغتره بحالها هي المعززه الغاليه

واكيد معاج كلي دلع عقب رد بدويه الاخير يبيله طاف من قلب لا تركته ابرك

 

[سمو ذاااتي]

مادري شسالفته ريلج لي متي زعلان مصخها كا انتي نسيتي مع انه مد ايده عليج وجرحج وكا رديتي وتحاولين فيه ليش الاخ مو راضي يطوف

انا مع كلي دلع شكله شاف نفسه وعاش الدور عطيه طااف غير سالفه هاذي يا اما يعدل معاملته ولا يروح بحال سبيله احس بكلامج جرح وقهر وحره حبيبتي بدويه طنشيه وعيشي حياتج وتري كلهم جذي لا تحطين بالج في وحده متزوجه ومرتاحه العموم يعاني ونادر اللي مايعانون فستانسي طلعي وكشخي وطقيه بالطوفه اللي عليج سويتيه ناقشتي سامحتي وتحاولين تردي الامور لوضعها الطبيعي مديتي ايدج والاخ صااد عنج صدي عنه

 

[t.o.o.ot]

بدوية حبيبتي شكلياً اثنينكم تحبون بعض ولا تقدرون تستغنون عن بعض بس فوق هذا كله تكابرووووووون علئ اعماركم لأنكم مجر وحين انا لأي سبب من الأسباب ماني مع الرجل اللي يضرب حرمة لانها مهما كان مخلوق ضعيف لكن باين علئ زوجك مقولة احذروا الحليم إذا غضب بس اللي صار صار
وأنا أنصحك في انك تداوين كسرة نفسگ بالأول
وتردين اقوئ من قبل وتقولين لنفسك هذا لكلام
وخلي دمعتك غاااااااليه لاتهدرينها،،،، هذا علاج والله عن تجربه !!
وعيشي يومك لروحك وولدك لانه ماله ذنب وهو ان شارككم شي طيب وان ما شاركك مصيره يحن
لاتسبقين الأحداث لان اللامبالاة هذي بينكم مجرد غيمة وراح تمطر صدقيني وقلوبنا معاك حبيبتي