زوجي يبي ..... !!

[حكاية ورد]

السلام عليكم ورحمه الله

شلونكم بنوتات

انا زوجي بيوم ميلادي ماذكرني بهدية بس جاب كيكه و كنت تحت عند خالتي وجابها وحطها عند اهله يعني ماكو خصوصية لي ولا تحضير ولا شي على فكره هذا اول عيد ميلادي لي بعد زواجنا

وهالأسبوع عيد ميلاده ويقط علي وايد نقزات ابي هديه وجذيه :eh_s(2): ولما اقوله انت ماذكرتني بشي يعصب ويقول ماعندي فلوس:eh_s(2): وانا ماقدر اييب له شي لاني طالبه وهم احس انه اللي مايقدرني مو لازم اقدره

بس بسوي حفله خاصه لي انا وياه واتوقع كافي

وعلى فكره سافر عمره ودبي وهم بعد ماكو ماذكرني بشي كلش ملش :eh_s(1): انا ماعلي قاصر لكن ليش احس انه مايبي يقدرني كلللللش

شسالفه بحاول افهم عقليته :eh_s(11):

 

[مارشميلو..]

لاتشطين عمرك عشانه
ماشالله مايجيب شي ويبيك تجيبين له بعد
قولي ماعندي فلوس مثل مايقول

 

[حياتي عذاب عذاب]

لو انا ماجيب

 

[محتارة وبصيح]

على الاقل جاب لج كيكة المفروض تفرحين على الاقل احسن من ولا شي

 

[ام شمس وقمر]

احمدي ربج انه ذاكر يوم ميلادج

ونااااااااااااااااااااسه انه جابلج الكيكه جدام اهله يعني يبين لهم انه يحبج وانه من فرحته بيوم ميلادج يبي الكل يحتفل معاه

وحلو انج تحتفلين فيه مع اهله وجيبي الهديه حق امه وقولي لها محد تعب غيرج في اليوم <تاريخ ميلاده> يا خاله هههههههه ا و اشكريها انها اهدتج اجم هديه الا اهو زوجج وصدقيني بتغنيه عن الهديه الملموسه


فكره شريره مو

 

[! بــدويه وآآيــد !]

،


حبيبتي بقولج فكره سوي كيكه انتي مسويتها او اطلبيها من مره وقولي وصيت اختي تسويها واشتري عطر شانيل بولو الجديد الصغير ب23 وخلي دبنهامز يلفه لج تغليف عادي جدا وقولي له اقتصدت بفلوسي انت ادرى بالحال سويت كيكه بالبيت واشتريت لك هديه ماخلي شي بخاطرك افا عليك وهذا احتفال بيني وبينك ووبس وقوليله لوعندي سويت لك اكثر تستاهل مع ان شكلي تستخسر هديه فيني وضحكي وسولفي وخليه يراجع حساباته

 

[فوفو22]

العلاقه اذا صارت بين الزوجيه

هات وخذ

تصير مو حلوه

الزوج بطبيعته ما يحب ولا يعرف تفاصيل وتنسيق المناسبات

جاب الهدية وانتي عارفه انها لج

وحب الكل بشارك فيها محبه فيج وفيهم

ولما يصير هو عنده مناسبه تتحججين انج طالبه

طيب بامكانج تحضير طبق بالبيت له

اللي بخاطره يهدي ما يحط حواجز

فوفو

 

[زوجة عزيز]

انا مع مارشميلو

 

[جعلي فدوه لبوي]

لا حبيبتي سوي ليله خاصه وافرحيه. ولبسي لبس يديد ولبسي قناع وكبوس ولبسيه وحطي بالونات وشغلي اغاني عيد ميلاد مالات راشد وقدميله هديه ترا مافي مثل الزوج لانه حلال وياااحلو الحلال وشوفي بيقعد يذكرج مثل ماذكرتيه*

 

[انصاريه قمره]

واعلياااا زين منه ياب كيكه غيره ما يذكر مرته بقشر بصله

 

[ايشوريا]

مرحبا يا قلبي نصيحتي لج في عطور حلوة حيل ورخيصة مو شرط الغالية واهم شي انج لبستي وكشختي وغيرتي ع شانة والكلمة الحلوة هي احلي هدية ولاتبتدين حياتج بنظام عط وخذ كثر ماتهدينة وتعطينة كثر ما يتذكرج ويجيب لج من نفسة مثال في بوك وفية ميدالية خلي هديتج شي يكون معاه اذا طلع يستخدمة ويكون ضرورى

 

[منو انت]

خليج اطيب منه وصدقيني اذا سويتي لج يوم حلو بعيد ميلاده فرصه علشان تحتفلين معاه وبالمره تكونين ذكرتيه واكيد راح يحتفل معاج بالمناسبات الباقيه وترى من عمر الدنيا احنا الحريم نسوي كل شي واهم ابسط شي منهم يعتبرونه انجاز لان اكثرهم مايهتم وتحصلينه مايذكر اليوم

استانسي معاه وبالمره تكونين احسن منه

 

[ام ساره 4]

هههههههههههههههه يحليلج الكيكه ومو عاجبتج واشرايج باللي ما يذكر تاريخ يوم ميلادج وانتي تذكرينه وبعد ما تذكرينه زين تطلع منه جملة كل عام وانتي بخير قولي الحمدلله وتعوذي من ابليس اقل شي اشتريله عطر وغلفيه وعطيهياه وقوليله كل عام وانت بخير

 

[_مزون_]

اشتري كيكة او سوي كيكة بالبيت
وانتي اكشخي
واشتريلة ست عطر

هذا اللي تقدرين علية بعد شتسوين

وبالعكس حلوو يابلج الكيكة جدامهم
في ناس ازواجهم مايذكرونهم احمدي ربج

​

 

[Zaina-al-zaina]

انا شخصيا ما احب اللي يقط نغزات !!!

انه يبي هديه !!؟

احب اسوي اللي ابيه من نفسي ،،،من دون لا احد
يقولي او يضغط علي ،،،!!!!

اللي تسوينه بس ردي له الكيكه بكيكه مثلهاااا
وبوستين وكلمه حلوه وكان الله غفورا رحيمااا

لا تضغطين ع نفسج وارتاحي ، ونصيحتي
لاتحتفلين بهالمناسبات ،،، سوي احتفالاتج من لكيفج
دون ماتقيدين بمناسبه ،،،

والله يعينج حاسه فيج عدل ،،،

 

[غدووور الكويت]

سوي لو شي بسيط كيكه كسبي ريلج وان شاء الله ما راح يقصر معاج المره اليايه

 

[tt2tt]

اشتري كيكه وبس مثله

 

[حروف من ذهب*]

انا مع بدويه واايد
ويحمد ربه بعد

 

[** باربي **]

مرحبا يا قلبي نصيحتي لج في عطور حلوة حيل ورخيصة مو شرط الغالية واهم شي انج لبستي وكشختي وغيرتي ع شانة والكلمة الحلوة هي احلي هدية ولاتبتدين حياتج بنظام عط وخذ كثر ماتهدينة وتعطينة كثر ما يتذكرج ويجيب لج من نفسة مثال في بوك وفية ميدالية خلي هديتج شي يكون معاه اذا طلع يستخدمة ويكون ضرورى

معاها
روحي صيدلية بوتس

في عطورات بخاخات تينن وشور جل ولوشن

ما يكلفج اكثر من 5

جربي هالمرة واذا ما فاد وضل بمجعصيته عودية
احسن ما يتعود مع غيرج
علميه اهمية هالمناسبات واهو دام ياب كيكه بادره حلوة
وعالصوايغ علمية بالويهه هاذي مو مناسبه تنطرين يتذكر
هادج ومسافر ولا هدية
لا طلبي من اول ما يوصل لي المطار قولي له ابي هالعطر
خل يتعود تصير ايده خفيفه معاج ..

 

[خـــوخـــه]

بالعكس احتفلي معاه وقدميله هديه